الى ام اسيد1 وكل وحدة حاصلة واش الطيب

[منال ومنير]

المشاركة الأصلية كتبت بواسطة غزالة الصّحراء

أهلا بأختنا ام منال ومنير وآية. بالمناسبة واش راهي الأمورة الحلوة. يارب كلّ العائلة أتكون بألف خير. أما عن القلاصاج شوفي طريقة أم كوثر. شوفيها في مواضيعا. راني بزاف مشغولة ومزروبة ، قلت نضرب برك طلّة على الصّفحة. وإلاّ كنت حوست لك على الموضوع وعطيتك الرابط.

راهي لاباس بسح راهي تكفس تعلى اي حس واش اندلها
فيما يخص القﻻصاج مانيش مقلق فيه كي تفرغ اعطيني الرابط

[صدفات]

صباحكم سعيد
كل البنات لي إلتحقوا مؤخرا مرحبا بكم
غزالتي حطي لي قاطو الغربال لي قلت عليه و شكرا حبيبتي
لازم نتافقو على الوقت لي ندخلو فيه المنتدى وليت تسماطلي كي مانلقاكمش لا أم حمزة لا روح مراد لا أم سوهيل لا غزالتي صاحبة الردود الحنونة واش رايكم في الفكرة و طبعا في حدود المتاح لنا من النت و الكهرباء ووووووووو

[أم الحبايب 26]

صباح نور صدفات انا نات كانت مقطوعا صبح غير جات ظربت ضلا عليكم تخالصي عليها متستغاليهاش كامل
صباح لخير عليكم يا بنات جزائر نشالله تكونو كامل بخير ام حمزة واش راكي معا شغالك ر ابي يوافقك
غزالة ياعطيك صحا على ر دود روح مراد نشالله تكوني مليحا ام سهيل ام هديل حيات ام اسيد وين راكم يا البنات ام منال ومنير واش راهي اية
سلامي ليكم كامل

[صدفات]

مساء الخير للجميع وين راكم

[غزالة الصّحراء]

المشاركة الأصلية كتبت بواسطة صدفات

مساء الخير للجميع وين راكم

أهلا وسهلا ومرحبا بصدوفتي توأم روحي. وياربّ اتكوني بألف خير أنت والعائلة.هاهي الصورة لصاحبة الموضوع وأيضا الطريقة .هايلة غير جربوها يالبنات. ألي ايذوقها مايقولش كامل مصنوعة بالزيت. هايلة هايلة هايلة

هذي الحلوة سمعتها في إذاعة عين الدفلى جربتها و كانت ناجحة بدون إطالة نخليكم مع المقادير و طريقة التحضير



المقـــــــــــادير :


3 حبات بيض .
كاس زيت .
كاس سكر عادي .
مغرف صغيرة فاني ، 1 خمارة كميائية ، مبشور القارص .
كاس و نصف مايزينة أو نشاء .
فرينة .

لتحضيـــــــــــــــر:
في صحن نخلط كل المقادير مع بعض ثم نلم بالمايزينة و الفرينة حتى نتحصل على عجينة طرية نخليها ترتاح شويا ثم نصنعها كورات صغار بنفس الحجم .
نأخذ كورة ونحط فوقها السيار و نضغط عليها شويا باش تأخذ شكل الثقوب كي نكمل نستفهم في سنيوة و ندخلهم للفرن ميدوش وقت بزاف حوالي 10 دقائق .
كي تطيب و تبرد نلسق كل 2 حبات بالمعجون و نرمد الأطراف في قوفريط مفتت .
نتمنى تجربوها راهي جي خفيفة و الذوق بلا مانقوللكم .
.

[غزالة الصّحراء]

المشاركة الأصلية كتبت بواسطة منال ومنير

راهي لاباس بسح راهي تكفس تعلى اي حس واش اندلها
فيما يخص القﻻصاج مانيش مقلق فيه كي تفرغ اعطيني الرابط

أهلا ومرحبا بك أختي منال ومنير. لم أفهم ماتردين قوله. زيدي وضحي أمليح باش نقدر انساعدك أو الأخوات ايساعدوك.
هاكي طريقة أم كوثر في إعداد القلاصاج
القلاصاصاج
بياض بيضتين ومغرف عصير ليمون ومغرف مازهر ونضيف السكر ارطب حتى نتحصل على القوام المطلوب ونلون حسب الرغبو ونضيف مغرف كبيرة زيت
هدا القلاصاج يعجبني لانو ينشف تمتم


أتمنّى ان اكون قد ساعدتك وأفدتك. تحياتي لعائلتك عامة والأمورة آية خاصّة.

[غزالة الصّحراء]

المشاركة الأصلية كتبت بواسطة أم الحبايب 26

صباح نور صدفات انا نات كانت مقطوعا صبح غير جات ظربت ضلا عليكم تخالصي عليها متستغاليهاش كامل
صباح لخير عليكم يا بنات جزائر نشالله تكونو كامل بخير ام حمزة واش راكي معا شغالك ر ابي يوافقك
غزالة ياعطيك صحا على ر دود روح مراد نشالله تكوني مليحا ام سهيل ام هديل حيات ام اسيد وين راكم يا البنات ام منال ومنير واش راهي اية
سلامي ليكم كامل

أهلا ومرحبا بأمّ الحبايب وستّ الحبايب والحبيبة المحبوبة. ايسلمك حنونة. انا مادرت غير الواجب. ربّي ايقوي محبتنا ونستفيد من بعضنا البعض. ويارّب اتكوني بألف خير وعافيّة أنت والعائلة

[غزالة الصّحراء]

المشاركة الأصلية كتبت بواسطة روح مراد

ديري تشاراك أو يديري بقلاوة ساهلة ماهلة و هايلة

أهلا وسهلا بروحي. ياروح مراد واش راكي . واش راه مراد ؟ اللّه ايخيليكم لبعضاكم ياشاطرة. أنا ثاني اعطيتلها نفس الرأيّ وأضفت لها حلوة الغربال أو السيّار. ثاني هايلة. ربّي ايخليك لينا ومايحرمنا من طلّتك على موضوعنا للتطلّع عن اخبارنا

[غزالة الصّحراء]

المشاركة الأصلية كتبت بواسطة ام حمزة22

صباح الانوار واش راكي سلمى يتوحشك الهير حبيبتي


صباح الخيرات روح مراد
ربي يقدرك ويعاونك والله يدوم الفراح ويفرحك مثل ما راكي تفرحي ناسك وحبابك

أهلا بحبوبتنا. وين راكي . ياله غاولي اشويا وارجعلنا كيما السّابق باش ناخذوا عليك النّشاط والهمّة. أنا راني مع الكريات السحريّة . أعملت 5 مفارش الصحون ومازال 1 . وراني أبديت حامل مناديل. هاذا مانعرف اندير حاليا. حبيت أنزيد نعلّم أكثر. لكن للأسف حاليا الوقت لايسمح. كلّ ماتعلمته كان بفضل صفحتك غاليتنا الأخت أم حمزة وتشحيعات كلّ الخوات ونشاطهنّ. ربّي ايخلينا لبعضانا.

[ام حمزة22]

سلامي الحار للجميع
ان شاء الله تكونوا كامل باحسن حال

يا غاليااااااتي اليوم وفي هاد المساء كملت بعض اشغالي وراني حطيتها هداوين في قسم الخياطة ان شاء الله تعجب رواد قسم الخياطة

وما تتقلقوش اخواتي راح ارتاح شوية واعود لنشاطي في القرييييب العاجل

صدفات انا تلقايني ساعات على الساعة الرابعة والنصف صباحا وساعات بعد ما نخلص اشغالي البيتية وساعات بعد الفطور وفي المساء وبعد ما كملت خياطة نتاع الناس تلقايني في كل وقت هههههه

غزالتي ربي يحفضك يعطيك الصحة على الكلام الزين يا لغزالة الزينة ويعطيك الصحة على الاعمال لي راكي تقومي بيها ربي يعاونك

تحياتي للجميييييييع

[غزالة الصّحراء]

المشاركة الأصلية كتبت بواسطة ام حمزة22

سلامي الحار للجميع
ان شاء الله تكونوا كامل باحسن حال

يا غاليااااااتي اليوم وفي هاد المساء كملت بعض اشغالي وراني حطيتها هداوين في قسم الخياطة ان شاء الله تعجب رواد قسم الخياطة

وما تتقلقوش اخواتي راح ارتاح شوية واعود لنشاطي في القرييييب العاجل

صدفات انا تلقايني ساعات على الساعة الرابعة والنصف صباحا وساعات بعد ما نخلص اشغالي البيتية وساعات بعد الفطور وفي المساء وبعد ما كملت خياطة نتاع الناس تلقايني في كل وقت هههههه

غزالتي ربي يحفضك يعطيك الصحة على الكلام الزين يا لغزالة الزينة ويعطيك الصحة على الاعمال لي راكي تقومي بيها ربي يعاونك

تحياتي للجميييييييع

أهلا ومرحبا بحبوبتي الغاليّة. وياربّ اتكوني بألف خير وايضا كلّ الأخوات وكلّ واحدة باسمها. أمّا عن الخياطة كالعادة دوما مع جديدك المبهر. اللّه يسلم هذوك اليدين. كاليوم اتخيطي جهاز بناتك. وتفصلي ثاني لعروستك وتولي اتزوخ بيك. رانا نستناوا في جديدك . في غرضك لما ترتاحي انطلقي ونحن نكون دوما معك.
بالمناسبة بما أنّ رمضان المبارك على الأبواب حبيت أنخبركم بقلب اللّوز أنتاع ام أنفال . واسمها الجديد الأمل القادم. جربته كم من مرّة ونجح معي ولا أستطيع تغيره بأّي كيفيّة أخرى. مقادير متوفّرة في كل بيت وبنّته هايلةكلّ الي أعطيتلها الوصفة ولات ماتشريش من برا أخلاص. رايح نعطيلكم الطريقة قريبا إن شاء اللّه. وثاني نعطيلكم طريقتي في تحضير طارط الليمون.
أما عن تواجدي على الصّفحة ، تواجدي سيكون متذبذبا ههههههههه اتقولي راني في حصّة الأحوال الجويّة، وهذا لسوء النت هذه الأيام وانقطاع الكهرباء غير المنتظر من حين لآخر. ومتى كانت الظروف سانحة أشارك في الموضوع لأتطلّع على كلّ جديد . وإذا كنت أنا زينة واش انقول أعليك :" أمّ الزينات ". ربّي ايخليك لينا ولكل من تحبينهم.
ياله حبويتي الغالية تبقاي على ألف خير. وإلى الملتقى الآخر بإذن اللّه.

[غزالة الصّحراء]

المشاركة الأصلية كتبت بواسطة ام ورود

مساء الخير ام حمزة موضوع هايل....راني ننضم .....نكوبيي شوي..ههههه
شكرا على الموضوع

أين أنت أختي أم ورود، ياله لاتحرمينا من مواضيعك، اللّه ايخليك لينا، أما عن الكوبياج غير كوبي على روحك. ماتنسايش برك حقوق المؤلّف.ههههههه نقصد لما يعجبك أيّ طبق أو أيّة تدابير من تدابير بنات الصّفحة ادعيلها بالخير في ظهر الغيب.
ياله حبيبتي لاتحرمينا من طلّتك.ومن مشاركاتك. والف شكر لانضمامك إلينا.

[صدفات]

صباح النور حبوباتي
غزالتي لحنينة شكرا على قاطو السيار راح نجربه و نحطلك الصور و بخصوص النات و الله كلنارانا نعانوا منها و المصيبة أننا رانا مدمنين عليها راجلي راه يقولي حرام عليك ترمي في الدراهم بلا فايدة
أمحمزةحبيبتي بصحتك ما صنعتي ناشطة دائما بصح لازم تلتهاي بنا شوية عندك بزاف ما حطيتيش أطباقك و أفكارك ألأقتصادية اللذيذة
لبنات يوم سعيد أستغفر الله لي و لكم و السلام عليكم

[روح مراد]

صباح الخير يا وجوه الخير
و الله اليوم راني ميتة بالعيا الله غالب البارح سلفتي فتلت عاونتها و صراحة صراحة راني مكسرة من كل عضو و غاضتني روحي هوما صبحو راقدين و أنا صبحت في الخدمة

[أم الحبايب 26]

صباح الخير عليكم يا وجوه لخير ر ابي يقادركم على شغالكم لباس عليك روح مراد ياعطيك ا صحا رابي يفارحك ونشالله تصيبيهم في كاش موناسبا عندك يوقفو معاك ام حمزة ياعطيك اصحا على الخياطة ضوركا جات دالتنا
غزالة ياعطيك اصحا على ر دود ما خلتي حتى واحدا الله يفارحك ر انا نستناو فلقلب لوز
عجباتني حلوة سيار عندي طهارا نتع وليد خويا محمد نشالله لكتاب ر ابي نديرهلو
نشالله تكونو كامل بخير يا لبنات النت تقولي راهي فل انعاش راهي تروح بزاف انا راجلي يخالصها مبصح مايقعدش كامل فلميكر و همالي قالي خاطرا انا خاطرا نتي مباصح كما قالك راجلك صدفات تقولي ر انا لوحو فدر اهم مبصح ستفادنا بزاف انا علياستفادت منها من تادابير ولاطباق و معرفة لحباب كما نتوما