الى ام اسيد1 وكل وحدة حاصلة واش الطيب - الصفحة 254

روح مراد · 2015-05-04, 09:28

صباح الخير حبيباتي شكرا لكن على الكلام الطيب
ربي يفرح كل وحدة فينا و يفرج عليها و يعطيها ما تتممنى إنشاء الله و ينجح أولادكم و يحفظهم من كل شر
أختي غزالة تفكير مراد ما راحش يتغير في يوم أو 2 أو عام أو عامين أنا غير فكرة تزيد تتعوج فكرة أخرى هاهاهاهاهاها خليه للوقت يغيرو

أم الحبايب 26 · 2015-05-04, 09:33

صباح لخير عليكم يا وجوه الخير نشالله تكونو كامل بخير ام حمزة رانا نستناو معا تطبيقات نتاوعك
معا قروب شهر رمظان وا ش تحاظريلو معا تدابير نتيغاك
الله يجعالنا من صيامو

أم الحبايب 26 · 2015-05-04, 09:37

صباح لخير اختي روح مراد لفيه الخير الله يجيبو متقالقيش روحك

صدفات · 2015-05-04, 12:40

مساؤكم سعيد
كيف أحوالكم يا رب تكونوا بخير
أم سوهيل التورتة روعة هايلة ماشاء الله
روح مراد يعطيك الصحة شاطرة و طيبة تعاوني أنا راه عندي الطهارة نتاع ولد خويا و ما عرفتش شتى نصنع قاطو و راني نخمم على الوقت وينتى نديره
أرجوكم يا بنات لي عندها إقتراح تساعدني وأرجوكم مرة ثانية ما رانيش نحوس على قاطو المكياج كرهته و ما عنديش الوقت هههههههههههههههههههههههههههههههههههههه
شكرا مسبقا

روح مراد · 2015-05-04, 13:43

ديري تشاراك أو يديري بقلاوة ساهلة ماهلة و هايلة

أم الحبايب 26 · 2015-05-04, 13:44

صدفات مبروك على وليد خوك اطهار ة عقوبا ل زواج ا نشالله وتشوفوه فاعلى مناصب
ضحاكتني على قاطو ماكياج واعلاه ما دريش قاطو نتع لزاموندين نتع ام اماني هايل

منال ومنير · 2015-05-04, 15:12

مساء الخير وشراكم
اخواتي اعطوني وصفة للقلاصاج

غزالة الصّحراء · 2015-05-04, 20:35

اقتباس:

المشاركة الأصلية كتبت بواسطة روح مراد

صباح الخير حبيباتي شكرا لكن على الكلام الطيب
ربي يفرح كل وحدة فينا و يفرج عليها و يعطيها ما تتممنى إنشاء الله و ينجح أولادكم و يحفظهم من كل شر
أختي غزالة تفكير مراد ما راحش يتغير في يوم أو 2 أو عام أو عامين أنا غير فكرة تزيد تتعوج فكرة أخرى هاهاهاهاهاها خليه للوقت يغيرو

أهلا بك روحي. كاليوم إنشاء اللّه اخبرينا بأخبار أمليحة رايح اتغيّرحيتك من الأساس. ورايح حياتك تستقرّ وتعيشي كيما ايحبّ خاطرك مادمتي متفائلة. وخلي الأمور للوقت يكون أحسن بكثير. تحياتي للجميع.

غزالة الصّحراء · 2015-05-04, 20:38

اقتباس:

المشاركة الأصلية كتبت بواسطة أم الحبايب 26

صباح لخير عليكم يا وجوه الخير نشالله تكونو كامل بخير ام حمزة رانا نستناو معا تطبيقات نتاوعك
معا قروب شهر رمظان وا ش تحاظريلو معا تدابير نتيغاك
الله يجعالنا من صيامو

أهلا بأمّ الحبايب وستّ الحبايب.. أكيد الأخت الحبوبة أم حمزة مارايحاش ترفضلنا أيّ طلب . فقط لابد لها من وقت. ورايح أتمتعنا أكيد بأطباقها المميّزة. راكي قربتيلنا شهر الصيّام الكريم. اللّهم اجعله شهر الخير والبركات.

غزالة الصّحراء · 2015-05-04, 20:41

اقتباس:

المشاركة الأصلية كتبت بواسطة منال ومنير

مساء الخير وشراكم
اخواتي اعطوني وصفة للقلاصاج

أهلا بأختنا ام منال ومنير وآية. بالمناسبة واش راهي الأمورة الحلوة. يارب كلّ العائلة أتكون بألف خير. أما عن القلاصاج شوفي طريقة أم كوثر. شوفيها في مواضيعا. راني بزاف مشغولة ومزروبة ، قلت نضرب برك طلّة على الصّفحة. وإلاّ كنت حوست لك على الموضوع وعطيتك الرابط.

غزالة الصّحراء · 2015-05-04, 20:47

اقتباس:

المشاركة الأصلية كتبت بواسطة صدفات

مساؤكم سعيد
كيف أحوالكم يا رب تكونوا بخير
أم سوهيل التورتة روعة هايلة ماشاء الله
روح مراد يعطيك الصحة شاطرة و طيبة تعاوني أنا راه عندي الطهارة نتاع ولد خويا و ما عرفتش شتى نصنع قاطو و راني نخمم على الوقت وينتى نديره
أرجوكم يا بنات لي عندها إقتراح تساعدني وأرجوكم مرة ثانية ما رانيش نحوس على قاطو المكياج كرهته و ما عنديش الوقت هههههههههههههههههههههههههههههههههههههه
شكرا مسبقا

ومساؤك أسعد صدوفتي الغالية. وياربّ اتكوني أيضا في اتمّ الصحّة والعافيّة.
ديري الشراك أنتاع أم أماني . رائع شكلا وذوقا خاصّة إذا كثرتي لو الزاست أناع القارس. + البقلاوة+ حلوة الغربال ثاني هايلة ، فيها الكثير من العطور. عطر القارس + القوفريط+ المربى. والشكل مالزمش اتكبري بزاف الجبات باش ايجوك روعة. وألف مبروك مسبقا الطهار أنتاع أوليد خوك. ربّي يحفظو.
أما عن المكياج خليه ليك لما اتكملي صنع الحلويات أتزيني وتبختري وافرحي أنت والعائلة. ربّي ايدوّم أفراحكم.

غزالة الصّحراء · 2015-05-04, 20:52

اقتباس:

المشاركة الأصلية كتبت بواسطة ام حمزة22

صباح الانوار واش راكي سلمى يتوحشك الهير حبيبتي

صباح الخيرات روح مراد
ربي يقدرك ويعاونك والله يدوم الفراح ويفرحك مثل ما راكي تفرحي ناسك وحبابك

مساء النور على حبوبتنا الغاليّة. وماشاء اللّه الوسام ألي تحصلتي عليه بعد تعب وجهد راه زيّن الصّفحة. طول وعرض. أخموس عليك. ومزيدا من التألّق . وصحيح رانا أتوحشنا اطباقك بزاف بزاف لاتحرمينا منها اللّه ايخليك. ويطوّل في عمرك ويحفظلك عائلتك. ويحفظلنا جميعا العائلات أنتاعنا. سلامي الحّار احرّ من الجمر للجميع بدون استثناء.

ام ورود · 2015-05-04, 20:58

مساء الخير اختى غزالة الصحراء....راني نضميت ليكم

ام ورود · 2015-05-04, 20:59

مساء الخير ام حمزة موضوع هايل....راني ننضم .....نكوبيي شوي..ههههه
شكرا على الموضوع

غزالة الصّحراء · 2015-05-04, 22:33

اقتباس:

المشاركة الأصلية كتبت بواسطة ام ورود

مساء الخير اختى غزالة الصحراء....راني نضميت ليكم

يا أهلا وألف مرحبا بك أختي أم ورود، الدّار دارك ، زارتنا البركة إن شاء اللّه، نوّرتينا بوجودك، وياربّ نستفيد من بعضنا البعض، فالصّفحة تعالج الكثير من المواضيع تصفحيها تجدين ماينفعك. بالمناسبة لاتحرمينا من صور البقلاوة إن قمتي بإعدادها مرّة أخرى. وكما أعرف أيضا أنّ ك جدّ شاطرة في مجال الطّبخ ، نحن في انتظار مشاركاتك، فلا تحرمينا منها
فأهلا ومرحبا بك مرّة أخرى. .