مرحباااا فراشات
يوم الاثنين من كل اسبوع هو لساعةالتنظيف العميق
كنا قسمنا بيتنا الى مناطق وكل اسبوع نركزوا التنظيف في احدى هذه المناطق .
يعني المنطقة المختارة رايحين نديرولها 20 دقيقة لركن من اركانها يوميا ( هاذي داخلة في الروتينات الصباحية) وساعة معمقة تكون يوم الاثنين.
بالنسبة لشهر افريل جانا في بداية الاسبوع يعني مش كيما الاشهر السابقة يبداو مع نهاية الاسبوع.
وفي اطار تحضيراتنا للشهر الكريم رايحين نركزوا ونعمقوا التنظيف في هذا الشهر حتى نتفرغ لأمور اخرى الشهر القادم ونكون بصدد صيانة لما نظفناااااه هذا الشهر.
منطقة التنظيف العميق للاسبوع الاول من شهر أفريل
هي * المدخل .غرفة الطعام. السلالم*
في البداية كل وحدة فينا رايحة ادير قائمة بكل ما تريد تنظيفه في هذه المنطقة لأنو بطبيعة الحال كل وحدة وأولويات بيتها، لأنو الي ساكنة في عمارة مش كيما الي في دار فيها الحوش (كيما انا)، يعني كلما كانت الدار كبيرة تحتاج وقت ومجهود اكبر.
عموما، تفاهمنا انو اذا تقدري اديري ساعة كاملة متواصلة ( نظفي الضوء. قواطع الكهرباء. تمسحي كل ابواب المدخل. وترتبي خزانة الاحذية)، واذا ماقدرتيش قسميها على فترات متقطعة.
وباقي الاسبوع، اختاري اي منطقة ساخنة تحتاج ترتيب واعادة تنظيم قومي بيها خلال 20 دقيقة فقط لا تتجاوزيها.
في انتظار الغالية ام شمسو، ان شاء الله المانع خير ومادارهاش بيها الميكرو مجددا
يومكن موفق جميعاااااا
( تقرير عن مشاركة سيئة )، و الموجودة أسفل كل مشاركة .
2017-04-03, 06:16
العرض العادي
