الجزء 171 من واش طيبتي اليوم�� كوزينة اللمة والمحبة والبساطة �� - الصفحة 25

nanoua7 · 2016-10-21, 22:45

زقزوقتي رزيقة الف الف مبروك الحمل راني عرفت من مشاركة ام هدول ربي يسجي لك ان شاءالله و يثبت لك حملك يا رب بصح راني نسنى في البشارة ليا ههههه راني وحيتلك على الحمل في كوزينة بيبا منين قتلك قريب تبدلي اسمك تاع عضوية بي انا هي مامات .......هههههه والله غي تيتاهلي بالبراكة عليك للمرة التانية و العقوبة لي مزالوا وربي يرزق الجميع الذرية الصالحة

فاتي 05 · 2016-10-21, 22:45

نسيت نحطلكم عشانا اليوم سردين و شربة فريك و سلطة تفضلوا .

nanoua7 · 2016-10-21, 22:57

تصبحوا بخير البنات حتى ونظن راكم كامل في سابع نومة فاتي05 لي مازالت سهرانة تصبحي بخير مالا نردها صباح الخير مقدما ههههههه

ام هدول · 2016-10-21, 23:02

ام طير واش هاد المراجعىة الله يبارك راكي طيرتيهنا خخخخخ راكي منافسة قوية للتوبة ...نشكرك بزاف على كلامك الطيب وتشجيعتك ....وفاتي تاني ..جرنانك رايع ....وبصحتك لعشا الجاري و.السردين والسلاطة اممممممممم....نعنوعة ربي يقدرك على الاشغال .....
حيوتة ااختيارك للتطبقات رايع السلق من نها رشفتو في وصفاتك وانا حابة نجربوننسى راسي مشارجي بزاف ..والسسلق مازال ماشفتوش في المارشي غير يجي نطبق اكيد والعصير انتضدري غدوة بربي انشاالله اتفطري بيه على خاطر وجت عصر وحد اخر ....مع ...؟؟؟؟؟؟؟ خلى غدة ان شالله ..تصبحو بخير

سلالالالالالالالالالالالالالام

زينب 83 · 2016-10-21, 23:50

اقتباس:

المشاركة الأصلية كتبت بواسطة um alaa

مساء الانوار
شفت الخيرات ماشاء الله هادو برابش و هادو حلويات و هدا ديسار كلشش. روووعة ربي يدوم النعم يا رب ما نقدرش نعلق نخاف ننسى كاش وحدة راني نعسان موووت ملي خرجت الصبح من داري و انا ندور بالطونوبيل ديت عجوزتي طلينا على مرت زوجي و رحنا عند بنات عجوزتي و ممبعد لعند جداتي خخخ tour du monde تقول العيد بروفيتيت بالطونوبيل ههه و دخلنا للدار درت للعشا انا و مرت لوسي شوارما اللحم وخلاص النهار ههههه. هدا واش قدرت نصور حشمت خخخخ
تصبحن على خير

ضربت طلة اخيرة لقيت ردك يا ام الاء لفت انتبهي كلمة مرت زوجي هههههه
ان شاء الله يكون خطأ مطبعي برك 😉😉

ام الاء كنت راح نكتبلك الوصفات و اتذكرت بلي حطيتهم من قبل
في هذا الموضوع
https://www.djelfa.info/vb/showthread.php?t=1962241

حياة نور الدين · 2016-10-22, 00:54

امينة حنونة بصحتكم العشاء وربي يوفقك في دراستك حبيبتي ونفرحوا بنجاحك

اموهدول تليتلي يشهي بصحتكم وفي انتظار المفاجاة ههههه بصحتكمم مسبقاا

زينب يعطيك الصحة وضحكت على مرت زوجي انا ثان انخلعت منبعد قلت اكيييييد خطا مطبعي

ام الاء بصحتكم الشوارما تشهي

ريمة اهلاا حبيبتي وشكراا على كلامك والعصير حاولي تصوري الجغمة الي بقات ولا قضيتوا عليه عههههه بصحتكم

نانوا حنونة اهلااا بك اختي وماشي رزيقة اللي تعرفبها راه بالحمل هدي رزيبقة اخرى

ام نسرين يسلملي الصحفي وجرنانه هههههه يعطيك الصحة حنونة وربي يقدرك على اشغالك

فاتي اهلااا بصحتكم العشا يشهي حبيبتي ودوما متالقة

ام اسيبل ربي يعيشك ويشفي وليداتك راكي متهلية في الكوزيمنة يعطيك الصحة كلشي هاايل

omjoujou · 2016-10-22, 06:05

السلام عليكم ورحمة الله وبركاته
صباح الخيرات والمسرات حبيباتي وش صبحتوا ليوم
جبتلكم باه تشربوا قهوة حليب هاذ الصباح لامونة لام وليد تفضلوا معايا

لي عودة للمراجعة ان شاء الله اكيد عمرتو الكوزينة بالخير ولخمير

فاتي 05 · 2016-10-22, 06:07

omjoujou · 2016-10-22, 07:06

الله يبارك ما شاء الله عليكم كلش حطيتوه توووووووووب
غاليتي زنوبة تفرح بيك الجنة ربي يشفي اختك امانة طمنينا عليها ويعطيك الصحة على الخيرات والوصفات لي حطيتيهم
ام وابنة الكوزينة منورة بيك و باطايبك فرحت بزااااف بدخولك ان شاء الله ماتكونش اخر مرة
ام ياسو اممممم شهيتيني في تارت الليمون والروطي يمي يمي ربي يوفق الدكتورة
حيوتة بصحتك نتي وام هدول البربوشة بالرايب اممممم شهيتوني
ام الاء ههههههه انا تاني ضحكت على رحتي طليتي على مرت زوجك خخخخ سور قصدك مرت خال زوجك ولا مرت عم زوجك هههه ربي يشفيها وبصحتكم الشوارما امممممم وقاطو الاسبانيول خرجلك رووووووعة اذا ممكن الوصفة
ام نسرين اطايبك رائعة كروعتك ماتحرميناش منها وماتحرميناش من تواجدك معانا في الكوزينة حبيبتي
توبة لعزيزة يا يما على هذاك الزيراوي يقتتتتتل تسلمي على الوصفة انا تاني نقترح عليك ديريه موضوع مستقل خير باه الكل يستفاد منو وشكرا على وصفة البيتزا تاع الوالدة راني حفظتها عندي باه نجربها
ريمة حنونتي ياطيبة بصحتك التليتلي وشكرا على الدعاء قوليلي عندك لولاد ولا لا اذا عندك ربي يحفظهوملك وتشوفيهم في اعلى المراتب واذا معندكش ربي يعمرلك حجرك بالذرية الصالحة في القريب العاجل نتي وزقزوقتي و ام نسرين تاني ربي يرزقها باخوة لنسرين
بيبا الله يبارك على هذيك العرضة يعطيك الصحة كلش تووووووووب
ام يسرى حنونة كالعادة اطباقك تاع مطاعم خمسة وخموس عليك وربي يبعد عليك العين
ام ابراهيم ياغالية ليك وحشة كبييييييرة اسمحيلي هذوين راح نباركلك على حملك ربي يتمملك على خير ويعطيك الصحة على الخيرات لي راكي تحطي فيهم الله يبارك كلش 4444444 عجبتني البسبوسة المحشية على طريقتك ان شاء الله نجربها ونحطلك تطبيقي
ام اسيل يعطيك الصحة حبيبتي راكي مزهية كوزينة حيوتة
امينة بصحتك العيش بالحليب امممممم نموت على العيش
ام نور الهدى يا درا وش ديري مع لوحم جوزتيه ولا مزااال ومشكورة على وصفة تارت الليمون
روضة حنونة وش اخبارك وش اخبار وائل وش يدير جدك سلميلي على الغالية ام ماجد
الجمان ارشيفك هاااايل حتى انا بقات في بالي بقلاوتك رووووووعة
رزيقة16 الف الف الف مبروك عروستنا الحلوة ومبروك عليك الحمل ربي يتمملك على خير نتي ووردة الرمال
فاتي 05 يعطيك الصحة على الخيرات لي حطيتيها وبصحتكم الشربة والسردين امممممممم
حياتي كلها امل وام البنين نعنوعة ام احمدي ام سارة جهينة يقين ام كاميليا منورات الكوزينة حبيباتي

نور الإسلام26 · 2016-10-22, 07:09

سلام عليكم

صباح النور
الله يبارك بنات ماشاء الله بصحتكم
ان شاء الله تكون بخير والحمد الله
حياة النور الدين ماشاء الله على اطبقك
يعطيك الصحة ونهاركم مبراك

omjoujou · 2016-10-22, 07:09

غدايا ليوم سباقيتي بالمرقة الحمراء لي تحب تعاندني
يوم موفق للجميع
سلاااااااااااام

omjoujou · 2016-10-22, 07:11

جيت خارجة لقيت حبيبتي نور الاسلام دخلت اهلين والفين مراحب وشراكي حنونتي نتمنى تكوني بخير سلميلي على اخواتك الغاليات ام حمزة وام فدوى و ام اسرار امانة

um alaa · 2016-10-22, 07:26

صباح الخيرات
ام جوجو شحال فرحت كي شفت ردك تسلم ايديك أن شاء الله و ربي يشفيك
فاتي صباح النور
زينوبة ييييي خطأ فادح خال نسيتها والله شبعت ضحك على روحي مزية قلتيلي
حيوتةة من بالفرحة كي شفت فالتطبيقات الوصفة ديالي تسلمي انا اليوم خارجة نقضي و فالليل أن شاء الله نطلع لداري و غدوة بادن الله نبدا التطبيقات
نعنوعة بصحتك الكفتة حبيبتي فرحت كي خرجتلك مليحة
ام هدول اللي زرتهم البارح كل واحد مسكين بمرض الله يشيهم و يشافي مرضى المسلمين كامل
ام نسرين ماشاء الله ديتيها للكاتب العمومي هههه قصدي لتوبة يعطيك الصحة
ام جوجو سفتي التبهديلة اللي درتها خخخخ و الوصفة تع قاتو اسبانيول تع فلة تفضلي
https://www.djelfa.info/vb/showthread.php?t=1123985

أم اسيل · 2016-10-22, 07:28

أسعد الله صباحكم

حياتي كلها امل · 2016-10-22, 07:58

صبحكم الله بكل خير جبتلكم فطير سخون تسقهواو بيه ولاكيما يقولولو رخساس