الجزء 170من واش طيبتي اليوم 💝 كوزينة المفاجآت والصحبة الطيبة 💝 - الصفحة 25

ارزاق · 2016-10-06, 13:51

ام نسرين اهلا وسهلا هاذي غيبة نتمنا تكوني بخير وعندك الحق لي تتوحم ممنوع الدخول

اختي بيبا حبيت نضاعف المقادير لانو مالفة نخدم الرواي ب6 بيضات يجيني مبطبط وتعرفي مع الاولاد لازم الكمية والصراحة 3بيضات جاوني قليل وزيد البيض لي عندي حجم صغير

حياة نور الدين · 2016-10-06, 13:53

اهلااا ام نسرين انا والله دخلت بالرغم الوحم والي تعجبني نشمر يديا ونديرها نبرد قلبي ومنبعد نتقياها حاشاك خخخخ المهم متبقاش في خاطري وضحكت على الالة الحاسبة
حقا انا وانت جيران في الباهية ههههه

ارزاق ترحب بك الجنة حبيبتي وربي يفرحك

وردة اهلاا نظن الوصفة اللي راكي دايرة صورتها موضوع نتمنى تعدلي الموضوع وتحطي الوصفة مع الصورة

lyzzabel · 2016-10-06, 13:54

وليييييت من قبيلا راني نحاول فالمنتدى يخليني نكتب رد خاطرش تفكرت بلي شفت حبيبتي و اختي و صديقتي ام نسرييييين ياااااي شحال فرحت ،، على سلااااامتك يا العزييييزة نتمن تكوني لااباس و حبيبة قلبي نسرين تاني نتمنى تكون غايا والله ليك وحححشة كبييييرة كبييييرة موااااااااااح منا و منا

نانوة ربي يفرج عليك و هلى كل مهموم و يزيح الكرب في القرييب العااجل اللهم آميييين حنووونة

تووبتي الحبووبة علااش راكم تغيبو على الكوزينة و مريوومتي كي راهي طمنيني عليها الله يطمن قلبك و بصحتكم الكسرة و لا بيري مممممم شهيتيني فيهم و في انتظاار نتيجة السفنج حبوووبي

نزيد نراجع و نولي المنتدى هبلني نجي ندير تعديل ما يخلينييييش وعععع

ام طيري الجنة · 2016-10-06, 13:58

شكرا حبيباتي ارزاق انا تاني توحشتك و توحشت اطباقك الذيذة و حيوتة ههههه كلامكم زي العسل يا عسولات
جارتي ربي يجيبلك سويعة ساهلة
ارجوكم اللي تعرف كاش مركز تحميل مليح تقولي ماقدرتش نحمل الصور

أم سدرة · 2016-10-06, 14:00

مساء الخير عليكم وصح غداكم كامل اليوم راني جبت غدايا في نهارو هههههههه

ام طيري الجنة · 2016-10-06, 14:00

يا العميرة ليزا كلامك داااايما ما ينشبعش و ينزل كي العسل او العصير المنعش على القلب و انا تاني امووووااااحااات بزاف ليك توحشتك

lyzzabel · 2016-10-06, 14:04

اقتباس:

المشاركة الأصلية كتبت بواسطة ام طيري الجنة

السلام عليكن
الله يبارك كلكن راااائعات و اطباقكن اممممم و امممممممم يسخفو من البيتزات للرولي للفطير للخبز للطمينة ..............كلش كلش بدون استثناء فكلكن فنانات الله يبارك
اللي رحبو بعودتي ترحب بيكم الجنة يا رب و تكون برفقة الحبيب المصطفى يا احلى لمة
و اللي تتوحم ربي معاها و يجيبلها سويعة ساهلة بصح نصيحة غي ماادوريش في الكوزينة حتى يفوت الوحم ههههههههههه
انا غي الريجيم و بلاك غادي يخسر هههه سيرتو دخلت مع تطبيق السفنج يا يما وشحال فيه من كالوري و انا راني ناكل بالحساب نتمشى بالالة الحاسبة كخخخخخ
ليزا العزيزة الف مبروك يتربى في عزكم و ربي يشافيك و ارسلي لاختك شوي تقنتة ياك ما راناش بعاد هههه

يا عمريييي و أخييراا تلاقينا شفتي انا كتبتلك رد و نتي دخلتيي نورتي الكوزينة حبيبتي ام نسريين و اخطيك مالآلة الحااسبة هههه اعرفي شحال تاكلي و صايي والله توحشنا توااجدك فالكوزينة و طيابااتك المشهية ،، و التقنتة والله و نعرف لي يجيبهالك نرسلهىلك حتى للدار نتي و حيووتة راكم غي حدايا مامبا نص ساعة طريق

اقتباس:

المشاركة الأصلية كتبت بواسطة ارزاق

ليزا الف مبروك وربي يشفيك والله كل مرة نقول نباركلك لكني مندخلش بزاف للكوزينة ويعطيك الصحة علي الطمينة خرجت علامة

اختي حياة مساء الخيرات والله تعجبيني دايما ناشطة في الكوزينة الله يبارك

الله يبارك فيك حبيبتي ارزااق ماعليش ما بيناتناش العقوبا ليك حنووونة و شكراا على الإطرااء عيوونك الحلوة

و الأخت لي دخلت بعضوية ام وليد ربي يهديها و نظن راهي دخلت مرة وحدة برك و مرحبا بيها في اي وقت فقط بدوون التباااس

lyzzabel · 2016-10-06, 14:09

اقتباس:

المشاركة الأصلية كتبت بواسطة ام طيري الجنة

شكرا حبيباتي ارزاق انا تاني توحشتك و توحشت اطباقك الذيذة و حيوتة ههههه كلامكم زي العسل يا عسولات
جارتي ربي يجيبلك سويعة ساهلة
ارجوكم اللي تعرف كاش مركز تحميل مليح تقولي ماقدرتش نحمل الصور

شوفي هدا انا نحمل منه و في انتظاار الصور

https://up./index.php

nanoua7 · 2016-10-06, 14:14

سلامووو البنات و صح فطوركم بصحتكم كامل أنا درت مقارون حابة نشارككم وصفاتي مي ماحبش تطبيق يتفتح لي و اللّٰه يدوم للمتكم وفرحتكم نحسكم خواتات غرت منكم هههه مالا قلت ندخل معاكم بنص كارتا و ماعليش ههههه اخت ليزابيل و حياة و بيبا صحيتو و اللّٰه قا دمعت عيني كي شفت دعوتكم والله يحفظلكم العزيز

om kamilia · 2016-10-06, 14:15

بيبا هذا باروكي من الايام جميلة , لقيت هذو صور من الارشيف تقبلهم الى حين نشطار
لبنات كامل و الله ما نسيتكمش برك باه نعلق , النت تخليني معلقة , شكرا لكن و شكر ليك ام نسين على فرحتك, ربي يفرحك ام هدول ا, ام فاتي , توبة , صفحة بيضاء , ام سدرة ,ام رحاب, و كل الملتحقات صح فطوركم
ام ياسو عيد ميلاد سعيد للامورة عقبال تفرحك و توليي طبيبة

ليزا يا عسوة ,بلعقل عليك حنونة , انا طفرتها في روحي , جبتها شاطرة حتى عاود لي وجع وسطر من الاول , وبوسي لي أمير أميرتي ههههه
حقى التفتة روعة نطالبك بالوصفة , نبدل شوية و اطباقك روعة مع بحريات

ام آلاء , ماشاء الله عليك تحف ياي , شكرا على اطباقك الحلوة

ام سدرة شفت اطبق الجميلة تاع سمانة نحيني عليا هم الموني

توبة ياتوبة اطباقك آمممممم و آممم يا ريت جيت جارتك , على فكرة بلغلينا سلامي للغالية ام اماني , وقولي لها رانا نسناو طلتك

مريومة طلي علينا ياك راكي غيرفي الحومة , ربي يسهلك و يحقق لك آمانيك

حويتة يا غالية ربي يكملك بالف خير نتي و نور هدى و كل الحوامل ويعطيك صحة على وقفتك على الكوزينة , راكي كي المجاهد الصنديد
اختي , عزيزتي , بنت دواري زقزوقتي الحلوة ما شاء الله اطباقك خفيفة كخفتك و بنينة بنة يديك ربي يحفظك,ربي يرزقك و يفرحك في القريب العاجل ان شاء الله خيرين

ام تاجو يا لحبيبة , ياتاريك درتي عرضات مورايا, بصحتكهم و صحة ايدين كل شيء رائع

ام برهومي مزالكي مع الحلو ربي يتمم لك بخير , غير نقصيالحلو وبعثيهولي

نزيد نراجع و نولي باذن الله , حابة نفضف معاكم اليوم راني في حالة اكتئاب

حياة نور الدين · 2016-10-06, 14:18

ليزا حنونة ربي يخليك يا كريمة

ام نسرين انا نحمل من نفس الموقع الي حطاتوا ليزا

ام سدرة بصحتك السباغيتي وين راه رزيقة دير هجوووم هههه

ام طيري الجنة · 2016-10-06, 14:24

ام كامي الف الف مبروك تتربى في عزك يا ام البنات شفتي رحمة ربي واسعة الحمد لله و اطباقك امممممممممممممممممممممممممممممم روعة عجبتني اكثر حاجة اللوبيا البيضا هههههه توحشتها بلاك السبت نديرها بالبكبوكة ( العصبان)
ليزا شكرا حبيبتي من قبيل و انا نستنى فيه يحمل تقول راه يولد انت تاني يطول معاك

ارزاق · 2016-10-06, 14:24

هذا من الارشيف

حياة نور الدين · 2016-10-06, 14:26

با عمري على الارشيف الزين تع ام كامي وكلامها العسل ربي يخليك وحشمتيني على المجاهد الصنديد ههههه

om kamilia · 2016-10-06, 14:28

بصحتكم كامل ,اهلين نونة و كل الوافدات الجدد دار درك نورتينا
ليزا, راني خليتلك سؤال حول الخير لي حطيتيه التفتة , ربي يجازيك
ام نسرين فرحت ان تاني كي شفتك دخلت نورتي المنتدى و الله غيبة ان شاء الله راكو في احسن الاحوال, و ربي يعطيك ما تتمناي
للاسف النت مش مليحة , و يا رب يجوز الرد , حتى تتسقم الاحوال , و لي نسيتها تعذرني , , و خاصة راني نجوز واحد ظرف مش في و قتو كامل , رجعني مهبطة كامل , و على بيها حبت نشغل روحي بكاش قاطو تاع العصير او يقدم مع المشروبات و يدير كمية لاباس بيها مثل قاطو غريك او ما شاباه , عاونوني , افكاري متشتتة , في هذي المرحلة , قلت ندير خير قهوة لبنتي هكا نتهنى خطرة , و يسعدني تشرفوني في داري , راكو كامل فحلات الجلفة معروضين , رواحو برك بلاطاي ,