الجزء 169 من واش طيبتي اليوم - الصفحة 25

انا هي رزيقة · 2016-09-20, 12:41

لبنات اليوم جبتلكم لعشا من دارنا بطاطا في الكوشة مع فخذ الخروف و البونوس اغروم نتمورث قبايلي ..... خخخخ و الحمد لله حمدا كثيرا مباركا فيه

حقا دوك قريت بلي ام جوجو راهي بخير شكرا حياة ربي يفرحك اختي كيما فرحتينا و ربي يتمم لام جوجو على الف خير

ليلى الجزائرية1 · 2016-09-20, 12:42

اقتباس:

المشاركة الأصلية كتبت بواسطة اريج 07

اهلين حبيبتي ليلى لباس مرحبا بيك حنونتي ولو تشرفينا

أيا بواش تضيفيني يا الزينة

omelbanin · 2016-09-20, 12:42

السلام عليكم، مريووومة وتوبة ورزيقة الثلاثي المرح، علابيها الكوزينة راهي زاهية بصحتك رزيقة الطعام والبركوكس هههه.
ام هاجر انا نجي ناكل مع سيرين هههه. خرجولك
هاهو فطورنا

omelbanin · 2016-09-20, 12:45

زيكا هاذيك البطاطا تشهي وخاصة مع نننتتتموورث قبايلي هههه، ما عرفتش ننطقها ههه.
آسيا بصحتكم لمحاجب، يشهو يعطيك الصحة.

انا هي رزيقة · 2016-09-20, 12:48

اختي ام هاجر راكي اول وحدة دير تطبيق الكوزينة بصحتكم السوفلي الخفوفي و البنين اكيد
اسيا اسوس يا عيني على المحاجب جميلة جميلة جميلة كيما يحب الخاطر يسلمو الايدي لي دارتهم
اختي ليلي الجزائرية الفين هلا بيك بيناتنا
مريومة الزينة شكرا على الشكولا يا حبة سكر يا ريت تقولي لبشرى تمدلي حبة دراجي البيلا هذا ماكان ...... خخخخخ

ليلى الجزائرية1 · 2016-09-20, 12:52

اقتباس:

المشاركة الأصلية كتبت بواسطة *توبــــة*

ههههههه مريم رانا حسينا بعضانا حبوووبتي
شوفي تعديل المشاركات ماعادش يصلح عندي خلي بربوكس ولا بركوكس يااك رايحين يفهمو خخخخخخخخخ وتاني الاقتباس وااااااااااع مافهمتش المشكل غير عندي ولا انتو تاني
اسمعي ابعثيلي بربوشة ونبعثلك العيش pas de problème هيهيهيهيهيهيهي
السباقيتي انا تاني نموت عليها ناكل مع زقزوقتي معليش؟؟؟؟؟؟؟

ليلى حبيبتي البيت بيتك والكوزينة كوزينتك هيا حلى الفريجيدار وادي وش تحبي :d

بيك يعيشك أختي توبة،،،ميرسي على الترحيب ،مي أنا راني جوعانة ياسر ومتشهية حاجة سخونة،وياريت لو تكون حارة هههههه قاعدة نتشرط

انا هي رزيقة · 2016-09-20, 12:56

حبيبتي ام البنين بصحتكم العدس و ضحكتيني على اغروم نتمورث هي معناتها خبز لبلاد . اغروم معناتها خبز و تامورث هي لبلاد شفتي كوزينتنا الشابة مفيهاش غير طياب فيها مام ثقافة عامة و زيد باطل ....... خخخخخخ

omelbanin · 2016-09-20, 13:01

حبيبتي رزيقة شكراً على المعلومة، هاذوين فقت بلي نسيت كلمة اغروم هههه.

اريج 07 · 2016-09-20, 13:04

ام البنين بصحتك العدس كول و دس هههههه

اسووس الجميلة ياعيني على المحاجب بالهوي سخفتيني فيهم هاذ ليام نديرهم امممم و زيد حارين ياخلايا هذا مانحب هههه

زقزوقتي الحلوه ولو ادي الدراجي كامل و نزيد زوج بونيس هههههه و يالهوي على اغروم نتمورث ههههه ياسعدي يافرحي تعلمت كلمة جديدة هههه انا نعرف غي ازول افلاون و ازول امقران و حملاغك اتاس اتاس ههههه هذا ماكان و ركزيلي على الأخيرة خخخخخ

ليلى حبيبتي دوك نشوفك حاجة كيما يحب خاطرك هههههه

أم لجين هيثم · 2016-09-20, 13:07

مساء النور صح غداكم من العدس لسوفلي المحاجب سخفتوني لي تتوحم مكان لاه تدخل رايحة تحصل هههه
جازيا نشكرك على الثقة كي حطيتي كروكي تاعي والله فرحتيني نتمنا يطبقوه لبنات راهو يجي بنين
حبيت نضيف حاجة لي تحب تضيفو 2 يايورت قارس يعطيلو بنة روووووعة ورائحة فور

غدايا بيتزا لبنات حطولي صور الجبن لي يجي سايح في البيتزا وأسمائهم راني ندير غير الفرماج رابي تاع الساشيات

أم لجين هيثم · 2016-09-20, 13:10

أريج توبة رزيقة أم البنين صح غداكم
أريج انا اعطيني الشيكولا مع بنت جازيا يالهوي سخفتوني
آسيا أهلا محاجبك رووووعة

اريج 07 · 2016-09-20, 13:10

ليلى حبيبتي تفضلي دوبارة بسكرية من تحت يدين ماماتي

*توبــــة* · 2016-09-20, 13:16

اول مرة نراجع وننسى كلشي خخخخخخخخخ المرة هذي صح صح ماقدرتش للجرنان
اسوووووس المحاجب يهوسو يمي يمي وحارين كمااااااااان ... اسمعي لازملك مراجعة بالعصا
كل يوم قبل ماترقدي... مانجمش نعاودلك العام ولازم نعاود نشريلك الادوات اووووو بزاااف عليا
(مش ادوات مدرسية.... ادوات مطبخية خخخخخخخخخخ)
زقزوقتي البطاطا اممممممممممم تشهي ومع اغروم نثمورث.. ياك هو الرخساس؟؟؟ لونو يهبل ماشاء الله
وشكون فاتي؟؟؟؟؟
ام البنين النور نورك حبوووبتي الزينة ... اممممممم شهيتيني ف العدس كون نلقى كل يوم نديرو بصحتكم حبيبتي
ليلى شروووك متوفرين في محاجب اسيا اسوس هههههههه هيا غير اهجمي عليهم
مريم هههههه مصيبة قتلتيني بالضحك والله صح انا سريري هك ومعدتي لازم ترجع كي معدة زيكا
ماراهيش اجتماعية خلاااااااص
ياااعمري تفكرتيني بالشيكولا ربي يخليك وبابلي كمااان هذي اللي نحبها
شوفي وش جبتي لبشرى ضرك يهجمو عليه .. سارة وصفوان ودعاء وريحان وهارون ومريووومة وعماد وابراهيم وسراج وملاك
حذيفة و وائل وسيرين...... القائمة طويلة خخخخخ وانا معاهم كمااان
تسلملي الماما على احلى دوبارة امممم تشهي تشهي .. انتظري تطبيقي ان شاء الله
ام هاجر اول تطبيق برافو علييييييييك حبوبتي شفتي وش بنان انا نجي نتقاسم مع سيرين هههههههه يعطيك الصحة حنونة
حيووووتة تسلميلنا على القهوة يا حبيبتي يا بابيشة خخخخخخخ مزالكي على ديدانك انتي وام البنين وام سراج ههههههههه
مرسي كي طمنتينا على ام جوجو والله ديما في بالي ربي يدوم عليها صحتها
ريمة لي سوفلي يهبلوووووو ولونهم هاااايل يعطيك الصحة حبيبتي
ام هدووول كل ماتحطي كاريكاتور تقتليني بالضحك...
شفت خيرات ام ابراهيم روووووووعة ماشاء الله وتاني صغنونتنا امينة ربي ينجحك حبووبتي الزينة
ام نور الهدى ارواحي ارواحي كاين الخير والخمير قدمي برك ماتحشميش خخخخخخخ
جاازيا الحبيبة مرسي على التطبيقات الرائعة ... زيدي زيدي كبري القائمة كل حاجة اقترحي فيها وصفتين
نمخمخ ونمدلك اقتراحاتي هك باه تكون نسبة التطبيقات كبيرة
وعشاك البارح اممممممم هاااااايل يشهي بصحتكم سيرتو مع هذوك السلطات
كاااااوكا وينك راكي غايبة حبيبتي....... راكي ف البلاد؟؟؟؟
ام سراج مهرجان الطماطم وش درتي فيه كامل؟؟ رحيتيهم وخبيتيهم ف الكونجيلاتور؟؟ ولا خدمتي صلصة؟؟؟
ام انس صاااااااااار كنتي ف الكواليس مااعليش راني نخرجلك وتشوفي وش ندير فيك هيا ادخلي
ام ساجد اطباااقك راااائعة حبيبتي... يعطيك الصحة وحتى طريقة تقديمك تفتح الشهية
ام تاجووو الف مبروك لبنت خالتك ربي يكمل على خير ياااارب... كلشي هااايل راني هزيت افكار بلاك نحتاجهم خخخخخخخخخ لعقوبة لكل عازبة ياااارب
يا فرحتي ليزاتي دخلت والله نورتينا يا الغالية ربي يشفيك ويحفظلك صفوان وترجعي تنورينا في القريب العاجل يااارب
ام لجين حنووونة قاطواتك روووووووعة رووووووعة ماشاء الله
شوفي انا الفرامج خاطيني عائلتي عييت ندخلهم في ريسانهم ثقافة الاجبان خخخخخخخخ

اريج 07 · 2016-09-20, 13:18

اقتباس:

المشاركة الأصلية كتبت بواسطة أم لجين هيثم

أريج توبة رزيقة أم البنين صح غداكم
أريج انا اعطيني الشيكولا مع بنت جازيا يالهوي سخفتوني
آسيا أهلا محاجبك رووووعة

اهلين حبيبتي بصحتك البيتزا امممم روووعة عندي مدة مدرتهاش هههه

الشيكولا ولو ادي منها اكيد صغنونتي الحلوة بشرى راح تقسمها عليكم راها بنت الجود

*توبــــة* · 2016-09-20, 13:24

جبتلكم القاطو تشربو بيه قهوة مي القهيييوة تجيبها مريووومة زينة الحومة

حقا ماباركتوليش على نيو لوك خخخخخخ كيما يقولو نيو لوك الجديد
توقيعي صورتي الرمزية اسمي على الصور