جزء ~~~134~~~من واش طيبتي اليوم

[oum islem]

قلت ندير رد ونطل عليكم ما حبش يفوت
مين نكون قاعدة ونحب ندخل للكوزينة يا اما تروح النت او يثقل المنتدى وما يفتحش المواضيع
شكون تحل المعادلة

[ام عبد الرزاق]

هايل الوصفات من فضلكن

[آسيا 27]

مساء الانوار و صحة عشاكم بصح راني نشوف كوزينة خاوية وحدي مع ام اسلام و ام عبد الرزاق وين رحتو

[آسيا 27]

ام ساجد مبروك لاختك و الحلوة ممممممممممممممممممممم
ام اسلام كل شي حطيتيه

[آسيا 27]

اسيل وين ديتيهم الكل وخليتينا انا زعففففففففففففففففففففففففففففففففففت

[أم فاطيمة]

ام اسلام لباس عليك طهورا انشاء الله
ام ساجد مبروك على ختك عقبال لعرسها
ام ياسين بصحتك المشتريات و التزونيق
مساء الخير ام اسيا و ام عبد الرزاق

[wahibaazel]

صح عشاكم حبيباتي.
ام اسلام الغالية ربي يشفيك حنونتي ،
ام ساجد ماشاء الله عليكم القاطوات تححححفة،مبارك على اختك.
ام ياسين بصحتك التحويسة والشرية

[*توبــــة*]

السلام عليكن حبيبات ألبي
وحشتوووووووووني كتير
mais راني زعفانة منكم ديما تذكرو الغايبات و جامي ذكرتوني مي معليش
انا منسيتكمش ديما في بالي

ام زكرياء الف الف مبروك الكوزينة
كوزينة خير علينا وكوزينة نجاحات يا رب
سبحان الله لمستك ف الطياب كيما لمستي هههههه
شوفي ارشيفي تعرفي ههههههههههه

الحمد لله كملت قرايتي بفضل الله تعالى

جبتلكم باروك لاسوتنونس ولكن للأسف من الأرشيف
بانتظار وش اديرلي ماما باروك اناواختي لاننا تخرجنا في زوج
هي انجليزية وانا فرنسية

نبدالكم على الطمينة ولا الرفيس التونسي
حنا ديما نديروه باروك النجاح في الدراسة
عقبال لنجاح اولادتكم كاااااااامل يا رب



thaziri اسمي ف ال ف ي س ب و ك
















وصلى الله وسلم على سيدنا محمد وعلى اله وصحبه أجمعين

[أم محمد تاج]

صح عشاكم حبيباتي يا حلواااات
أم ساجد الف الف مبروووك لاختك لعقوبة للدراسات العليا يارب ولي قاطووو تححححححححححفة
رولاكس حنوووووونة بصحتك المشتريات وكاش حاجة تصلح حطيها نشوفوها
على سلامتك ام اسلام حنووونة
ارزاق ممممممممم يعطيك الصحة

بوووووه عليها مولات الكوزينة خلاتنا نسوجو وحدنا اخخخخخخخخصصصصصصصصصصصصص هههههههههههه
حبيباتي مركز ماحب يحملي واااااع زعمة راح نحط عشايا الصيفي البسيط جدا وهو ماسيدوان وسلاطة رووووز وحميص ورخساس ودلاع ومشمااااااااش والحمد لله حمدا كثيرا طيبا مباركا فيه

[ام سراج وملاك]

صح عشاكم لبنات كامل
راجعت شوي يعطيكم الصحة كامل ومبروك لبنات لي خلصو قرايتهم ولعقوبة لي مزالو ام ساجد يعطيك الصحة ياريت الوصفة نتاع القاطو هذا اذا درتيه نتي طبعا



توبة مبروك عليك اختي تهنيتي لعقوبة للوظيفة ليك ولاختك ومعاهم ولد لحلال توبة تامني والله مكنت نعرفك بلي نتي هيا عاشقة الجنة عرفتك غير في قروب نتاع نينافرت

[فرح العمر]

تصبحو على خير حبوبات احلام لزيزة و اللي كيما انا تسنا في نتيجة السانكيام ماضنيتش راح ترقد باه تحلم ربي يكون في العون

[ام و ابنة]

السلام عليكن
دخلت نسلم و نطلع

ماشاء الله على ابداعاتكن جميعا يالحراير

انا جسمي كامل يوجعني و بداتني لونجين قتلني الميناج تع اليوم بصح الحمد لله النتيجة تفرح و غدوة باذن الله نكمل و اذا قدرت ندير شوية عجينة مورقة و عسل لرمضان و العيد باذن الله
و يقعدلي النسلي ساهل بصح لازم نشري بلارات
و الشابلير وجدت الخبز مازال نحمصو شوييية و نرحيه
الطياب هاذ ليامات راني نليكيدي برك خاطر مشغولة الحمد لله راجلي سااااهل في المالكة و ما يشرطش و ولادي صغار و انا من العيا نحوس غير عالسقايط
نهار الثلاثاء باذن الله نخرج نقضي و نشوف شوية مواعين خفاف نحتاجهم و نشري شانتيي تاع الميزان و و و خخخخخخخ

أستودعكم الله الذي لا تضيع ودايعه

[ام و ابنة]

ايه نسيت
البنات لو سمحتو كي تحطولنا الصور خصوصا تع القاطو سموهولنا يعني اعطونا اسمو تعيشوا

[ام سراج وملاك]

روضة يسقسي عليك الخير حبيبتي الحمد الله
فرح العمر ابنك ماش اء الله عليه يشبه للكحلوشة نتاعي ملاك ربي يحفظهم من كل شر
ام وابنة معليهش اختي عندك الحق خاصة كي تكون الوصفة جديدة
نخليكم تصبحون على خير لبنات متلومونيش راني مراجعتش مليح عليها مسميتكمش كامل

[badr75]

السلام عليكم دخلت نبارك لحبيبة الجماهير ليزا العسولة بنجاح زوجها وهذه هي وراء كل رجل عظيم امراة