الجزء 121 من كوزينة واش طيبتي اليوم

[زينب 83]

المشاركة الأصلية كتبت بواسطة almazalina22

زينب حبيبتي راكي غبتي علينا كاش اخبار
حقاااا شفتك في وحد الكوزينة حطيتي كيش عجبني ونسيت ما رفدتش الصورة ياريت الوصفة

راني كنت نراجع لقيت وليدك مريض ان شاء يكون تحسن حبوبة ، اما الأخبار انتظري من الحديد عن قريب حبوبة غداً او بعد غد نراسلك اذا كتب ربي

اما الكيش ماعرفتوش هههههه تاع البوراك و لا تاع العجينة المورقة

[*وردة الشرق*]

المشاركة الأصلية كتبت بواسطة almazalina22

ام ياسين شكرا كي نشري نجرب ياك هدا تاني وليدك ولا تاكلي الطمينة باطل ههههههههه
ام تااااااااااج الف الف مبروووووووك راكي علابالك على واش
ام ثازيري اعطينا الرابط نتاع كعكة ام اماني اللي درتيها بالبرتقال معرفتهاش
ام مااااجد بصحتك الدوارة خليلي شوية نمووووت عليها بكبوكة
زينب راني من الايباد راه هية عيد المراة رغم كان وليي مريض وتفكرني ربي يخليه ليا
كي ندخل من البيسي نحمل الصور
رت للقهوة قاطو الفلان ممممم بالفراز والفاني
حنااان شكرا على الوصفة خخخخخخخ راني كنت نجرب في عسل العشر دقائق ونسيتو تحرق ايا رجعتو كرامال والوصفة جات في وقتها ههههههههه ودرت الفلان نزيد نحطلهم من فوق شوية هههههه حتى تخلاص راني صورتها



ام سهااااام وين راكي
ام اسمهان قولي لدعاء القطط حلو عينيهم وزادو كبروا هههههه باه نزيد نصورهملك هههههه

ربي يخليهولك حنونة ويعيشهولك و يحفظلك الطفيل ويشافيهولك

[*وردة الشرق*]

لبنات هدا عشايا في الغدا درت شربت عدس وبيض مشرشم وسلاطة





والبطاطا ما زالها تتقلا والحمد لله رب العالمين

[oum islem]

مساء النور بنات كيف احوالكم هبلتنا النت غدانا [/SIZE]

[*وردة الشرق*]

المشاركة الأصلية كتبت بواسطة oum islem

مساء النور بنات كيف احوالكم هبلتنا النت غدانا [/size]

بصحتكم امممممممممممممممممممم كله روعة

[زينب 83]

زينوبة واقيلا ماعجبكش باروكي ههههههه واقيلا كي عاد قديم

[om assem et loudjain]

شكرا عازفة روضة زينب على التصحيح قبل ما يحضروا النحويين و يعتقلوني ههههه
اما عن الطبيبة فهي بيناتنا ومعنا . واش هاذ التواضع يا وهيبة ازال يا بنت عمي ؟ ما تقوليليش بلي واحد ماعلابالو بلي كنتي تقراي ميدسين ؟
راني درت ربع مغارف زيت وربي يجيب الخير

[*وردة الشرق*]

المشاركة الأصلية كتبت بواسطة زينب 83

زينوبة واقيلا ماعجبكش باروكي ههههههه واقيلا كي عاد قديم

لله لله ودي تيجي علاه حبوبة وجوه لحباب خير من الف باروك واكيد غدوا رايحة تفاجئينا باحلى باروك لكن ان كنت نحمل في الصور ونت شوية عيانة لقيت رد ام اسلام واني راجعة للصفحة للي قبلهها

لا تقطعي الزيارة ولو بالكلام بدون اكل

[*وردة الشرق*]

المشاركة الأصلية كتبت بواسطة om assem et loudjain

شكرا عازفة روضة زينب على التصحيح قبل ما يحضروا النحويين و يعتقلوني ههههه
اما عن الطبيبة فهي بيناتنا ومعنا . واش هاذ التواضع يا وهيبة ازال يا بنت عمي ؟ ما تقوليليش بلي واحد ماعلابالو بلي كنتي تقراي ميدسين ؟
راني درت ربع مغارف زيت وربي يجيب الخير

شفتي الدنيا واش صغيرة والحمد لله عندنا طبيبة وحنا ما علاباناش ربي يخليها درك نهتروها بالاسئلة هههههههههههههههه

[oum islem]

سجا هذا وين شفت سؤالك راني طبقت وصفة نينا بالعجينة بالحشو التحريف الوحيد اني درتها في لي كورني والحشوة بعدما طابو درت حبة مرقاز مشوية وشوية صلصةومن فوق دهنتهابخليط موتارد ومايوناز وبيض مسلوق ومرابي من فوق اسمهان كي عجبوك المرة الجاية نبعثلك [IMG][/IMG]

[*رفيقة الدرب*]

أهلا بالغالية أم ماجد وش راكي و وش راهم البنات
أحنا رانا لباس الحمد لله يسال عليك الخير
إيييه على الزمباية ههههه تعلمتها من هنا من إلهام و سطوفة و دارت بيها بسملة حالة في حفلة السيزيام تاع بنتها الكل عجبتهم الفكرة و كي نقولولهم إسمها زمباية يتخلعو هههه حنا نسموه صنوبر
بسملة مسكينة صنعت ديك التارت بسبب زعفة هه طلبت مني نخرجو لدار الثقافة و الصناعة التقليدية كانو دايرين حفلات و أستعراضات و أزياء و معرض للحلويات و أنا خالفت بوعدي قاتلي نحتفل بعيد المرأة روحي ربي يخليلي اليدين لي رني تاكلة عليهم
على فكرة بصحتك البدعية و الدوارة

روضة مبارك ما زاد عندك ريحتي شوية

[wahibaazel]

زينب 83 افتقدناك ،زينب 66تسلم الايادي ،ام اسلام امممممم بصحتكم ،اسمهان تسلمي من فضلك الرفيس عملتو مرة وجاني يابس وعجبتني طريقتك ،يخرج طري حنونة حابة نعاودو وراني متخوفة .
ام عاصم لقد اخجلت تواضعي ،علاه عليك حصلتيني ياك تعرفي بلي عندي مدة طويلة منلي حبست ربي يعوضنا خير ،يعني قعدولي معلومات عامة .العشا عملت مسفوف سخفت عليه اناولبنات .صح عشاكم كامل

[*وردة الشرق*]

ام ماجد واين غرقتي مع الدوارة يا ربي برك تكوني صورتينا طريف منها ولو شط الصحن هههه
النروسة ايضا راحت الدير دجاج في الفرن وراحت وما رجعتش

[*وردة الشرق*]

وهيبة بصحتك المسفوف . خلاص لصقتي وطفرت ما عندكش كيفاه تهربي راكي وقعتي في يدينا هههههه

[*رفيقة الدرب*]

المشاركة الأصلية كتبت بواسطة زينب66

ام ماجد واين غرقتي مع الدوارة يا ربي برك تكوني صورتينا طريف منها ولو شط الصحن هههه
النروسة ايضا راحت الدير دجاج في الفرن وراحت وما رجعتش

إيه رني غي نستنى فيها أنا نموت على الدوارة نبغيها عصبان مع البركوكس أأأأمممممم
فالدار مناكلوهاش بزاف كيما يقولو كل ممنوع مرغوب