الجزء 108 من واش طيبتي اليوم ؟؟ تفاءلو بالخير تجدوه - الصفحة 25

lyzzabel · 2015-01-04, 13:26

صح فطورك مرومة الحنينة و مطرح ما يسري يمري الله يسلمك و يسلم أختك و بلغيها سلامي الحار و قوليلها تنضم لينا
داءمة الحمد تخرجي بخيييير و سلامي للغالية

مرام 1987 · 2015-01-04, 13:27

اقتباس:

المشاركة الأصلية كتبت بواسطة أم يوسف العربي

غيرتوني كي راكو تهدرو على الطمينة ربي يحلي ايامكم بالخير
ماتقدريش تعرفي يا ليزابال واش فرحت كي كتبتي اسمي و زدتي غاليتي ماشاء الله
هاذ الايام راني نكتب ردود بصح واحدة ما تشوفني نحزن و نقول يعني وكتاش نولي صديقتهم
الحمد لله ربي يحفظ جمعتكم
و بصحتكم الكوزينة الجديدة

ربي يحلي أيامك وآيامنا ياااااارب
وعلى الردود كثري برك الردود ضرك نكرهوك في اسمك

والله ديما نشوف الردود وكي نجي نعلق oops ما نلقا والووو الزهايمر المبكر الله غالب

chez biba · 2015-01-04, 13:34

اقتباس:

المشاركة الأصلية كتبت بواسطة lyzzabel

جيت نطل لقيت داءمة الحمد حطت الرابط تاع الأخت رحت نجري هههههه
صح فطوركم حبيباتي و مطرح ما يسري يمري
ام ياسو ممممممممممممم بصحتكم يا الحبيبة و على لاستيس تاع الفرن ما كانش علابالي بلي عندك مشكل لوكان قلت لحبيبتي هههههه و الميكرووند أكيد لوكان راني نستعمله ننصحك و لكن حكم القوي خخخخ
مياسم بصحتكم العدس و القرناع و العصير لي راه يشهيييي ممممم
ام لجين يعطيك الصحة حبيبتي كلشي يشهي و صيامك فالجنة غاليتي
بيبا الحبيبة صح فطورك و انشالله ولدك راه احسن تبعي النصائح تاع البنات انا ما نقدرش نفيدك الحليب يحبسلي تم تم من بعد الولادة و الحمد لله على كل حال

شكرا ليزا ، ان شاء الله راح ندير كيما قالولي لبنات ربي يجازيهم خير، قوليلي القرناع هو القرنون؟؟؟

ome loudjeine · 2015-01-04, 13:35

سلام يا حلوات.
الامنيات ترحب بيك الجنة حبيبتي وربي يخليك ويحفظك.انا راني لقديمة هههههههه.
شي بيبا ربي يشفيلك وليدك ويفرحك بيه ويباركلك في صحتو.
ليزا بصحتكم الغداء وربي خليك حبيبتي.
دائمة الحمد رب يشفيلك الوالدة ويطولك في عمرها ويخليهالك سلمي عليهم كامل.
ام يس يعطيك الصحة على البريوش وعلى النصيحة سخفتيني وانا صايمة ابعثيلي طرف صغير نفطر بيه ههههه.
كاتي يعطيك الصحة والطمينة روعة ربي يشفيلك بنتك ويعيشهالك.
سيماسم ربي يسلكك على خير ويعطيك وقفة ساهلة ويفرحك بالمزيود.

chez biba · 2015-01-04, 13:35

مرام مساء النور وصحا غداك، والله جيتي في بالي قلت مولات الكوزينة اليوم غائبة ساع لقيتك هنا ربي يخليك ديما حاضرة الله لا يغيبك

ome loudjeine · 2015-01-04, 13:38

اصحاب المردودية بصحتكم وان شاء الله تصرفوها بالصحة ولهنا وربي يوسع رزقكم كامل.

مرام 1987 · 2015-01-04, 13:39

ملاك فردوس ألف مبروك عليك المزيود يتربى في عزكم وفي طاعة الرحمن يااااارب
بنااااااات صح غداكم إن شاء الله نعمة دااااااااايمة
سيماسيم وينك ؟؟ ماشفتكش اليوم إن شاء الله ربي يعطيك وقفة سااااهلة يااااارب
لا إله إلا الله وحده لا شريك له، له الملك وله الحمد وهو على كل شيئ قدير

كاتي حياة · 2015-01-04, 13:43

يا البنات شكون تعرف زبدة الكاكو

مرام 1987 · 2015-01-04, 13:46

ليزااا ربي يهنيك وصح غداك حنونة وعلى أختي قلتلها اشحال من مرة باه تسجل معانا وهي ماحاباش ساعات تقرعج عليكم هههههههههه
أم سهام اليوم مابانتش إن شاء الله تكون بخير
وعلى الفاني تاع البرتقال لي حطاتو من قبل تقدرو تستعملو منو في طاجين الحلو يجي روووووووووووووعة جربوه واعطوني بالخبر
طبعا هذي جيتها من راسي ههههههه بصح أكيد تجي بنينة

مرام 1987 · 2015-01-04, 13:48

اقتباس:

المشاركة الأصلية كتبت بواسطة كاتي حياة

يا البنات شكون تعرف زبدة الكاكو

زبدة الكاوكاو أو الفول السوداني راهي حطتها مرة إلهام نحوسلك عليها ونجي
شي بيبا قالك اذكر السبع ينبع ههههههه هاني جيت
حقا غدانا جواز بطاطا غير أنا وماما وإختي والحمد لله حمدا كثيرا طيبا مباركا فيه

chez biba · 2015-01-04, 13:48

اقتباس:

المشاركة الأصلية كتبت بواسطة كاتي حياة

يا البنات شكون تعرف زبدة الكاكو

تقصدي زبدة الكاوكاو اللي تخدميها في الدار ولا. اللي تشريها؟؟؟؟؟

lyzzabel · 2015-01-04, 13:50

كاتي قصدك زبدة الكاكاو او زبدة الكاوكاو ؟؟
بيبا ربي يقدرك حنونة و القرناع واه هو القرنون ههههه
طمينتي راهي تتشرب من بعد بإذن الله نحط الصور بصح السميد جابهلي شوية غليظ قالي نبدله و انا عجلت درت بيه ما قدرتش نزيد نستنى تشهييييييتها هههههه

chez biba · 2015-01-04, 13:54

اقتباس:

المشاركة الأصلية كتبت بواسطة كاتي حياة

يا البنات شكون تعرف زبدة الكاكو

هاو ليك الرابط تاع الهام ان شاء الله تكون هاذي اللي تحوسي عليها

https://www.djelfa.info/vb/showthread...652091&page=52

Simassim · 2015-01-04, 13:54

صح غداكم. البنات اليوم فطورنا ستيك وبطاطا مقلية وشوي اسكالوب الداند لولدي
ماصورتش مين حطيت روحي تلفون كان بعيد عليا
مرام راني غي هنا. التابلات والتلفون راهم يعيوني شوي مين نطول فيهم وزيد السي سيد راه هنا اليوم garde malade لول.

touta2010 · 2015-01-04, 13:57

اهلا لبنات بصحتكم واش طيبتو مراجعتش راني عيانة كنت مع الميناج
شكرا لكم على الردود بشان البيبي الحمد الله لى كل شىء
ليزا راني شفت مشترياتك روعة بصحتك
بصح التارمو تاع الشاي ذيك البومبي ردي بالك منها الزجاج تاعها ارهف من الرهف عندي منها سارفيس كامل والله سقطت من المايدة هب راحت ههههههههه
مرام الله غالب صاحب السمو دا معاه الجهاز وتاعي محبيتش نجبده بسباب لولاد بصح نوعدك بالباروك والصور تاع العصير