موضوع مميز واش طيبتي اليوم الجزء الخامس - الصفحة 25

ام رنا · 2013-04-21, 10:11

الموزاريلا اني نشريها مي جي كويرات هاديك نشريها 30 الف ولا تقصدي الا تجي مرابيا لان نتاع الكويرات ماتعجبنيش بزاف مانكدبش عليك مي رابي هاديك مزال ماجربتهاش

بريق الامل& · 2013-04-21, 10:11

الهام انت نحلة المنتدى وبالاخص نحلة الكوزينة النشيطة ربي يحفظك راني رايحة تهلاي في الضيفات و الموائد سلااااام

إلهام07 · 2013-04-21, 10:12

مممممممم بروقة يم يم يم
كل خير راهو مطروح لاريجيم لا عمار ههههههه
والله راني حايرة في العصير نتاع الليمون والنعناع ، في دارنا نهار شريتو واحد ماحب يشربو قالولي هذي جريمة يعاقب عليها القانون هههه قالولي تقول نشربو في المازوت هههههه

oum ibrahim · 2013-04-21, 10:16

اقتباس:

المشاركة الأصلية كتبت بواسطة إلهام07

مانغطس ماوالو ، راني هنا

ام رانا ، الجبن اللي استعملت أم كوثر هو " الموزاريلا " راهي مستوردة تتباع في السوبيرات ، أنا نشري القطعة بـ260دج
راهي يم يم يم وتذوب وجي معلكة وتطلق خيوط روووعة

أم نجم ، أكياس الشواء يتباعو في السوبيرات أو حتى في الحوانت نتاع المواد الغذائية ، اللي نشريهم أنا العلبة فيها 10 بـ:70دج
هاذو بدون توابل واللي فيهم توابل العلبة فيها عدد أكياس أقل والسعر أغلى كاين حتى بـ:250دج واقيلا فيها غير 4 أكياس يعني كل ماركة وكيفاه

الهام واش تقضدي فيها توابل ؟حقى الاكياس الي تشريها يجي معاها خيط للربط؟واش من ماركة مليحة انا اول مرة نشريهم وواش نقدر نطيب فيهم

ام رنا · 2013-04-21, 10:19

كاين كيس شواء نتاع ماجي يجي بالتوابل ويعمل30 الف فيه كيس واحد مي التوابل نتاعه قاويين بزاف كي تحطيهم على دجاجة الا الي تحب التوابل تقدر تتحمله انا شريته مي نقسم التوابل مانقرش نتحمله

أم أنيس تاج · 2013-04-21, 10:22

قوليتي منفضلك كيفاه حمار تك الدجاج انا جربتهم بصح ما حمارليش مليح واتبطاطا جاتني مفتتة لان الصوص جات ففيها ببزاف من تحت واذا ما فهمتش نجيك فهميني وشكرا

أم ياسين الزهراء · 2013-04-21, 10:31

انا شريتهم ب10 الف واول مرة نجربهم وعجبوني زوجي قالي ماتكثريش الطياب بيهم دوق كاشي نهار يقولولنا فيهم وفيهم المهم يطيب الدجاج فيهم روعة ويحمار كلش انا نخليهم يطولو كثر من 3 سوايع وزيد عجبني كيتبقى الماكلى سخونة فيهم

أم أنيس تاج · 2013-04-21, 10:38

قوتيتي ام ياسين تشعلي من فوق والا لا

إلهام07 · 2013-04-21, 10:38

شوفي باش يتحمر الجاج والبطاطا لازم تخليهم يطولو أنا نخليهم حوالي 2سا أو أكثر شوية
أما الأكياس فهي صح مضرة بالصحة راهم كاتبين عليها في الانترنيت
فلهذا أنا لقيت طريقة نعمل بيهم ونربح الوقت + مايضروش بالصحة+ماتتفتتش البطاطا لأنها طيب بسرعة : نحط البطاطا والجاج والتوابل في إناء الفرن ونغطي بكيس شولء نحلو على 2 وكي طيب البطاطا نحي الكيس ونشعل من فوق وخليهم يتحمرو ، ضرك نحطلكم عشايا نتاع البارح تشوفوه

إلهام07 · 2013-04-21, 10:44

أم إبراهيم ، الأكياس اللي نشريهم فيهم خيط نعم ، وزيد الماركة نتاعي أرخس شيء ومع ذلك ملاح
كاين انواع كيما ماركة جومبو يجي لداخل في العلبة مع الكيس ( فيها 1 كيس فقط ) كيس صغير فيه توابل تحطيهم على الجاجة يعني ماتكسريش راسك خلاص .
الأكياس هذو يجي فيهم خضار +سمك + دجاج ، أما اللحم فلا أعتقد أنه يطيب فيهم ، خالتي جربت وقاتلي بقى يابس ماطابش

ام ساجد · 2013-04-21, 10:46

صباح الخيرات عليكم كامل وحدة بوحدة وش راكم لبنات
اوريسيا غظم الله اجركم اختي وربي يصبرها اختك ويعوضها
هدولة ربي يشافيلك الوالدة الكريمة
ام ماجد صح التحواس بصحتكم
ام نجم انا الاكياس نشريهم تاع تركيا العلبة فيها 8 اكياس + علبة التوابل ب 14الف
ومليحة خلاص وعملية وتقدري ديري فيها لي تحبي انا كل مرة نخلط من راسي وتجي مليحة وبنينة

ام ساجد · 2013-04-21, 10:47

الهام صباح الخير حنونتي ما شاء الله راكي منشطة الحالة
وين وصلتي مع الرجيم

إلهام07 · 2013-04-21, 10:51

أم إبراهيم ، الأكياس اللي نشريهم فيهم خيط نعم ، وزيد الماركة نتاعي أرخس شيء ومع ذلك ملاح
كاين انواع كيما ماركة جومبو يجي لداخل في العلبة مع الكيس ( فيها 1 كيس فقط ) كيس صغير فيه توابل تحطيهم على الجاجة يعني ماتكسريش راسك خلاص .
الأكياس هذو يجي فيهم خضار +سمك + دجاج ، أما اللحم فلا أعتقد أنه يطيب فيهم ، خالتي جربت وقاتلي بقى يابس ماطابش ممكن اللحم نتاعها شارف لا أدري

أم أنيس تاج · 2013-04-21, 10:51

الهام راني عندي مجموعة كبيرة انتاع الاجنحة قوليلي علي كاش وصفة ما عرفتش واش ندير بيهم وربي يعطيك واش تتمناي

touta2010 · 2013-04-21, 10:55

صباح الخير كيفكم ؟؟ان شاء الله بخير الهام الريحة وصلت لعندي كيفاش منوضتينيش ؟؟؟؟راني نشوف في الشلة كبرت هههه مرحبا بالجاو ونضمو لقسمنا والله راني في حالة كل ما طبخت في هذا الاسبوع راح سدا جبت ايضا اي فون الصور محبتش تفوت كيفاش نعمل لتعرف كيف تبعث الصور منه تساعدني