الطبعة العاشرة لدورة الرقي بمدبرة منزل مثالية - الصفحة 25

وفاء سعاد · 2013-01-06, 07:47

بنت الخليل كلشى مبروك وربي يكملك وان شاء الله تجيك طفلة رانا فايلنالك عيطنالك لينا راكي رايحة تجيبي لينا وان شاء الله تلقايها عاقلة وحنينةعليك علا خاطر البنات حبابات امهم

وفاء سعاد · 2013-01-06, 07:50

اسمحولي يالبنات ماصبحتش عليكم راني كي لقيت لينا تلوم رحت طول نباركلها وزيد النت كانت ماكانش بلا سبة عايطنالهم وقالولنا ماكاين حتى مشكل وفي اليل جات بصح كنت ميتة بالغلبة علا هاديك مادخلتش

وفاء سعاد · 2013-01-06, 07:51

ليلى الف مبروك للتميز ولعقوبة لي ان شاء الله ومزيد من التالق

وفاء سعاد · 2013-01-06, 07:55

صليحة اتهلاي في ميمتك انا كي تجي عندي نطيبلها واش تحب ونبات الليل كامل واحنا سهرانين في التوانيس ونعطيها متلا قندورة مليحة او نديرلها اكلات ملاح تديهم معاها وهكدا وربي يخليهملنا ويحفطهم امين يارب العالمين

وفاء سعاد · 2013-01-06, 08:01

ام ملاك حبيبتى شاركي معانا بالشئ اللى تقدري عليه زيد البرنامج راهو ساهل خلاص

وفاء سعاد · 2013-01-06, 08:05

منى صحة ليك التحويسة ولعقوبة لشهر العسل في تركيا

Minnnaaa · 2013-01-06, 08:23

صباح الخير على وجوه الخير
مزينو نهار اليوم صح عيدكم

Minnnaaa · 2013-01-06, 08:25

اختي صليحة ربي يخليك ويعطيك ما تتمني راني في شعال والكونيكسيون مقطوعة ومين شعلت الميكرو اليوم لقيت الرسالة نتاعك والله يلا عينيا تعمرو بالدمعة
ربي يلمنا على حوض النبي صلى الله عليه وسلم

وفاء سعاد · 2013-01-06, 08:33

مينة صباح الخير واش راكي واش راهم الاولاد ارب يكونو بخير حابة نسقسيك قصيتي شعرك ولا مازال

وفاء سعاد · 2013-01-06, 08:43

بانسبة للتطبيقات البارح سيقت الدار كامل ومسحت الغبرة وغسلت الطاقة تاع بيتي وبدلت الريدو تاعها والغداء درت شخشوخة وفي المساء درت كروكي مع الحليب والعشاء درت شوربة تاع الدويدة او فارميسال وخبزت الكسرة وسلاطة متنوعة وغسلت القش تاع اليدين وراجعت للاولاد وراقبنا الادوات وفي الليل حكينا شوية عل الاحاديت وقصص الانبياء وراهم يشكرو في طاطاهم ليلى اللي خلات ماماهم تحكي معاهم قالولي ياماما يارب مايخلصش البرنامج تعجبينا كي نحكيو قبل مانرقدو وزاد جا باباهم وولا هو اللي يحكي قلتلو ليلى قالتي انا اللي نحكيلهم ناض يضحك وولا كل واحد يمد معلومة ديسرنا ورحنا كل واحد لبلاصتو واليوم راني رايحة ندير المحجوبة الجو راهو بارد وزيد سخفتني عليها ليلى

وفاء سعاد · 2013-01-06, 08:44

ام امجد خلص الماصو ولا مازال يارب تتهناي وتفرحي بالخدمة الجديدة ويطلعلك المورال

وفاء سعاد · 2013-01-06, 08:45

اشورة واينك واين غبتي ادخلي لاشتة سلمي علينا برك وعندك الحق الدار الكبيرة مايخطيوهاش الضياف

Minnnaaa · 2013-01-06, 08:57

ام لينا كلشي بالربح اللع يتيت وينبت
لعقوبة لنهار اللي تسلكي انتي والمزيود(ة) امين يا رب العالمين

Minnnaaa · 2013-01-06, 09:01

يسال عليك الخير اختي وفاء
رانا الحمد لله هاد الساعة وانتي كيراكي وكيراه مول الدار؟
ما مقصتش شعري مازال طويل بصح راه غابني مين يبقى مشمخ كامل النهار والله يلا راسي مع هاد البرد راه قاتلني

Minnnaaa · 2013-01-06, 09:03

اختي ليلى بصحتك التميز رغم انك متميزة هادي شعال
بصح مادابيك تفليكسيلي الزائد عن الالف مشاركة باش نلحقك