الجزء 31من واش طيبتي اليوم؟

[sidali 2007]

صباح لخير ولخيرات وش راكم
ام اناس ابعثلي طبسي نهنيك منو ههههههههههههه قبل ماتديه الهام
ليوم شريت حوايج مبعد نحطهم حزر فزر وش شريت لتعرف نبعثلها كادوهههههههه

لمسة بصحتك الف مبرووووووووك تستاهلي ورانا نستناو فلحلويات
مصباح تباركو ليدي وش كاين قرعجولي دوختني شمس

لغدا تليتلي امممممم شكون تجي تتغدا معايا راكم معروضين

[ladymillion]

ماري كووووووولي بصحتك القاطو مممممممم وربي يخليلك أختك ماشاء الله راهي فحلة ربي يعطيك صحتك عاجلا غير آجلا وتررجعي طيبي حتى انت
اللهم آمين

[راجية غفران ربها]

بناويت يعطيكم الصحة واش طيبتو

رجاء رابط مسكوتة البيضة الواحدة ومادلين البيضتين ههههههههههههههههههو الف شكر مسبقا

[nihale89]

غدايا البطاطا المسروقة هايلة ربي يخليلنا الهام

وعصير الجزر المنعش للاخت الصوامية

[راجية غفران ربها]

ام سيد علي شريتي حوايج القاطو

[راجية غفران ربها]

نهال مممممممممممممممممممممممممممم رووووووعة اعطيلي رابط العصير

[touta2010]

المشاركة الأصلية كتبت بواسطة إلهام07

ههههههههههههه خلاص راني نستنى



روحي أطلبي في كارطي آخر هذا راهو محجوز



علاه ما عجبوش هذا راهو يهبل

المشاركة الأصلية كتبت بواسطة mary1987

واشنو هذا توتة راكم توزعو في التطبيقات إذا تحتاجو راني هناااااا

منعرفكش بخيلة اوووو شوفي مزال الدنيا بخير ماري موووووح شكرا على الكرم

[nihale89]

منال حبيبتي تضحكي عليا والله مانعرف نحط الرابط
هاكي الطريقة

المقاديـــــــــر

- كيلة جزر مقطع مكعبات ومفور
- كيلة ماء لفورنا فيه الجزر
- كيلة ماء عادي
-عصير 2 حبات قارص
- 2 علب ياغورت
- 10 مغارف كبار سكر

التحضيــــــــر

أولا نقطعو الجزر مكعبات نعبرو منو كيلة ثم نفوره كي يفور نزيدولو كيلة ماء لفار فيها + كيلة ماء باردة نطحن الكل مع بعض ثم نزيدو عصير القارص ، السكر و الياغورت نخلط الكل مع بعض بالميكسور خلوه يبرد و شربوه بالصحة والهنا
الكيلة لعبرت بيها صحن كبير نتاع شربة

[IMG]إضغط هنا لرؤية الصورة بحجمها الطبيعي.

[إلهام07]

المشاركة الأصلية كتبت بواسطة ladymillion

الهام شعنونة اعطيني رابط الكاستال نتاعك تعيييييييييييييييشي كشرودة راح ندير معمول ام رامي نضاعف الكمية للعيد ويبقالي بياض البيض ياندير بيه مورانغ يا ندير كاستال بليييييييز لهومة

هاكي ارابط يا كسولة :
https://www.djelfa.info/vb/showthread.php?t=1351155
وعععععععععع كي ديريه أعطيني شوية نموت عليه ممممممممممممممم

المشاركة الأصلية كتبت بواسطة melissat

حقى نسيت شريت في طريقي لحظة celia رايحة نجرب انشاءالله نيستلي ام انوووووووووس
يا رب يخرج شباب انا واثقة فيها بزااااف
كاش نصائح تقولوهملي قبل ما نبدا خاصة للي جربوه
سلام

الوصفة راهي مضبوطة أنا جربتو عدة مرات هايل مابقيتش نزيد نشريه هههههههههه
النصائح إذاحابة طيبيه كاراميليزي ،
* ماتعمريش البلارة كامل خلي شوية فراغ
* كي طيبيه وتخلصي ماتحليش البلارة خليها تبرد على الأقل ساعة باش تحليها انا مع جبدتها من الكوكوط حليتها وتحرقت من يدي تشويت حذاري راهو الكاراميل يكون يغلي بصح يبان ماهوش مع تحلي البلارة مع الضغط اللي يكون يفيض الكاراميل ويسيح عليك حذاري
حقة كي تحبي تستخدميه وتكوني مزروبة سواء كان كاراميليزي او لا ، حطيه في المجمد كل 30د حركيه مليح رايح تختصري الوقت بزاف في 2 ساعتين يجمد ويرجع ثقيل بدلا ماتخليه يبات


سيد علي ماسمعتش أنا بالمسكوتة نتاع بيضة بصح كاينة نتاع 2 هايلة نتاع نوكيا واما المادلان هاهو :


اقل من نص كاس زيت تقريبا 5 مغارف كبار

كاس مش معمر حليب تقريبا 8 مغارف كبار حليب حنا نشربو لحظة و ممكن تستعملي تاع الاكياس لكن بلحظة ابن
1 خميرة
ملعقة صغيرة فاني

5 مغارف كبار فرينة نغربلها مع الخميرة المرة الاولى ثم نخلطها بالملعقة مليييييييييييييح و نعاود نغربلها مرة او مرتين حتى تتوزع الخميرة بشكل متساوي و يدخل الهواء فالفرينة
رشة مليح

4 مغارف كبار سكر حرش


نخلط البيضتان مع رشة ملح و فاني و السكر ملييييييييح حتى نحس السكر ذاب و نضيف الزيت و نخلط ثم الحليب و نخلط ثم على السرعة الاولى نضيف الفرينة بالتدريج حتى تمتزج مليح
نوقف الباتور و نكشط الحواشي يعني نحي الفرينة اللاصقة فالحواشي و نرجع نخفق
ثم نوقف الباتور و بالسباتولا نخرلط من فوق لتحت برفق مليح لانو الخميرة تهبط لتحت و يبقى القعر ثقيل و من فوق سائل نخلط مليح حتى نحسها كامل كيف كيف الخليط يكون جاري قليلا سمكو تقريبا مثل نستلي العادي بين الكراب و البغرير
نتركها ترتاح 5 دقايق ثم نضع ملعقة كبيرة من الخليط في كل ورقة
انا نستعمل 20 ورقة من الحجم الكبير و من بعد الخليط لي بقى نزيد نقسمو على كل الاوراق و ممكن تستعملي ملعقة لاكرام حتى تجيك المهمة سهلة تحطي نصف ملعقة في كل ورقة رح تقولي كيفاش نحط الخليط يكون فالقاع و تعطينا حبة مادلان


رح نقولك الاسرار
1 الفرن لازم يكون سخون مليح و نقول الفرن ليس الكويزينيار لاني مش متعودة نطيبها فالكويزينيار على 300°
ندخل الصينية و نطفئ الفرن من فوق نخليه شاعل فقط من تحت بعد 5 دقائق رح تنتفخ الحبة و تكبر بسرعة نقص الفرن 250°درجة نتركها 5 دقائق اخرى و نشعل الفرن من الاعلى و الاسفل و من بعد نطلعها لفوق تتحمر على 300° و لازم تعسوها لانها تتحمر بسرعة
انا نستعمل الاوراق في علب التونة تجيني سهلة للعمل و زيد الحبة لي تتحمر ننزعها من الصينية و نخلي البقية تتحمر

المشاركة الأصلية كتبت بواسطة nihale89

غدايا البطاطا المسروقة هايلة ربي يخليلنا الهام

وعصير الجزر المنعش للاخت الصوامية

ممممممم بصحتكم قوليلي مليح العصير ؟ حابة نجربو مالفة نديرو من راسي نخلط برك عصير ليمون .ياوورت، سكر ...كل مرة كيفاش هههههههههه نخلط ونذوق حتى يرجع بنين ههههههههههه

[islam1aya]

ام ابراهيم بصحتكم الحلوة والحمد للله كعجباتك

[islam1aya]

المشاركة الأصلية كتبت بواسطة manel1977

يعطيك الهنا و الربح يا الغالية ربي ينورلك ايامك راهو زي نتاعي بصح راه يباردي من الجوانب يعني ما يخرجش كلش ماعلاباليش لاه؟؟؟؟؟؟؟




الف مليون ترليون مليار البليار مبرووووووووووووووك و الله هدية و عليها الكلام وربي يخليلك الوالد يااا رب



اضم صوتي لصوتك و ربي يجيبلها الشفا يا رب

امين يا رب

منولة حبيبتي واش راكي لاباس ومع العمل مليحة

[nihale89]

الهام العصير هايل بصح لازم الجزر يطيب مليح
يا يما على البطاطا المسروقة واش بنينة والله بزاف
بنة لا تقاوم زعمة درت بزاف باه يقعد للعشاء
ولينا لحسناها
راجلي يقول روحي يا مولات البطاطا المسروقة ربي
يعطيك ما تتمناي ههههه

[ساندي 28]

اليوم ملحقتش من الخدمه نحطلكم غدايا تع البارح شوربه فارمسال وحميس وفريت وباذنجان مقلي والديسار اجاص ودقله

[إلهام07]

ههههههههههه ماري المكراشة راهي وصلتني رسالتك وسلميلي على أختك بالبزااااااااااااااااااااف


هيا شدي الهمة باش ترتاحي وطيبي ونعلقو على طيابك هههههههههههههههههههه


حقة أنا هذو يومين تقول ركبني النحس أعوذ بالله :

أول أمس طبقت وحد الوصفة للعشاء بصراحة ماعجبتنيش خلاص
البارح حبيت نديرلكم حاجة بسيطة باروك التتويج واش نحكيلم كارثة بأتم معنى الكلمة

دارتلي القرينة ماحبيتش نحط الصور
يومين من وراء بعض كرزت

[ساندي 28]

وغدائي لليوم