جزء***135***من واش طيبتي اليوم - الصفحة 25

أم محمد تاج · 2015-06-23, 11:07

حبيباتي بسم الله
ذواقة بعثوهالي مممممممم

وهاذي بعثتها انا

زلابية للسخفانات تقررررررمش روووووعة

مقرقشات بعوهملي مخدومين في الدار رووووعة خيرمن تاع برا

ديسار ممم شوفو ياعيني مشماش نقاوس خدودو وحلاوتو مانحكيلكمش ممممممممممم

الله يدوم عشرتنا يارب

أم ياسين الزهراء · 2015-06-23, 11:10

امممممممممممممممم روعة ام محمد شهيتيني بصحتكم والله يسخفو

أم ريمة* · 2015-06-23, 11:10

صباح الخير ما شاء الله اطباق كلها فالقمة يعطيكم الصحة
رانى نتبع فيكم من بعيد لاننى ما نيش نصور رانى وحدى ريمة راهى فى دارها هذا وين عيطلى ابنى الصغير قالى ابعثيلى 1ونص لبن والكسرة يموت عليهم قتلو تبعثهملك نسيبتك لعزيزة ام ماجد هههههههه راه مع لكنترول يوم لخميس يخلصو ربى يوفقو وجميع اولادكم امين فطورنا 30شربة فريك لشيخ ههه لبارح درت حريرة ام سراج وملاك جات روعة جربوها و لحم لحلو وكفتة مع الشليطة والسلاطة واليوم باذن الله ناوية على لبيرى وكبدة مشرملة ولفريك وبقاتلى ليا لحريرة المطلوع بقا من لبارح راه فالمجمد ونزيد الكسرة والشليطة والسلاطة طبعا والحمد للله حمدا كثيرا

أم محمد تاج · 2015-06-23, 11:16

الف اهلا وسهلا أم ريمة الغالية ست الكل والله ينجح وليدك يارب وماتخافيش أم الجووووووود ضرك تبعثلوووووو بقرة لعيووووون بونسبة هههههههههه
الله يخليك ام ياسوووووووو
حبيباتي الظاهرة نوض نلحس الارض غير لسييييييييييييييح خفافي ومحمد حبوبي قتلو راح نشف خفافي راني غلبت قالي نهار كامل وانت راقدة وتقولي غلبت ههههههههه قتلو والله نعاقبك انت لي تمسح الغبرة مات بالفرحة هههه يؤبشني

أم ريمة* · 2015-06-23, 11:24

اهلا بالعسل الصافى ام محمد وشكرا للدعاء ولك بالمثل من ملك سايسى روحك الشغل يتقضى بالصح الصحة ما تتعوضش صح فطورك وربى يعطيك ما تتمناى امين

rahma2014 · 2015-06-23, 11:25

صباح الخير عليكم ويعطيكم الصحة واش طيبتو
ام محمد ربي يدوم عشرتكم
ام ياسين واش احوالك ربي يعينك على حفظ كتاب الله
ام ريمة توحشناك حبيبتي
زينب واش راكي و يعطيك الصحة حنونة
فطوري شربة فريك وحميس وبطاطا بلاكرام فراش وبلاك ندير الفوكاشيا نتاغ زينب سخفتني عزوفة فيها

Simassim · 2015-06-23, 11:28

السلام عليكم والرحمة. ونهاركم مبروك ان شاء للله. ربي يتقبل منا ومنكم.
فطوري تاااااالف اليوم. الحريرة بقاتلي شوي برك. وماعنديش باش نطيب اليوم.
البتزا بالاك نديرها رتني وجدت لاصوص ونستنى حت العشية واش يجيبلي السي سيد باش نطيب. ههه اذا بقى في الجهد. راه يمصو سي هيثم مع الرضاعة سينو نقولو بيتزا وحليب وتمر فيهم بركة

البارح فطورنا كان حريرة وبوراك وسلمون والفلن فطرت وحدي ويوسف ونسني راجلي كان قارد دا معاه الفطور

ام تاجو بصحتك الذواقة. هههه تقرعيجة. قمر بعتاتولك البارح قالت راح تطيب سلمون

هاد العام ماكانش لي بعثلهم فطور. مداري نبعت لشباب خدامين ماشي مزوجين. مابقاوش عزاب

اليوم صورتلم طبيسي تاع هيثومة اول مرة طيبتلو خضرة.

صح فطوركم

أم ريمة* · 2015-06-23, 11:29

يتوحشك الخير رحمة المنو انتاعك بصحتكم وربى يقدرك امين السخانة والطياب

أم فاطيمة · 2015-06-23, 12:01

السلا عليكم و رحمة الله و بركاته
دخلت على ذواقات ام تاجوووووو ربي يخليكم لبعض و يرزقك يالسلطانة لي تنحي عليك لغبينة
ام ريمة اهلا اهلا واش راكي ربي ينجح وليدك و تتهلا فيه نسيبته و تشريله بقرة باش ما يدرونجيش بنتها
زينب يسلم ذاك الدماغ كل نقطة فيه فيها فايدة ربي يحفظ و يحققلك واش تتمنى
سيما رحمة دائمة الحمد ام ماجد ام ياسووو كي صبحتو و يومكم موفق
اليوم ناوية على لوبيا ماشطو و كوكا و ما سيدوان و حريرة و مطلوع و سلاد دوفروي و الحمد لله

أم ريمة* · 2015-06-23, 12:08

ترحب بيك الجنة ام فاطمة اعذرينى ما باركتلكش على الكوزينة الف مبروك واش تحبى عجوز هههه نحاول اليوم نصور ونحط لك الباروك وام الجود رايحة تشبعو لبن والكسرة نعرفها كريمة
ام محمد بصحتك الذوقات ممممممممم يشهو وربى يعطيك ما تتمناى امين

عازفة الناي · 2015-06-23, 12:11

صباحكم زين
هذا وين نظت هههههههههههههههههههههه
ام تاج الله الله على الذواقات والزلابية ووووووووووو بصحتكم ربي جعل موائدم دايما عامرة

دائمة الحمد · 2015-06-23, 12:11

صباح الخيرات لكل الملتحقات
ام ريمة على سلامتك يا الغالية وربي يفرحك بوليداتك وتناسبي ام الجود وتحضرونا
ام يس هزي المصحف تاعك وروحي خلي البنات يتعلمو يلقو رواحهم راني كيفك تحملت المسؤولية فيدارنا صغيرة ومازال
للي مازالوا راقدين وما ناضوش راهم يعرفوا رواحهم

دائمة الحمد · 2015-06-23, 12:13

عزوفة صباحك زين جت في وجهك ربي يعطيك عريس يقلشك ويحطك في عينيه
ومن جيهتنا ما ضنيتش يحبو المرى تجري وماتقولش تعبت

ام عصام هناء · 2015-06-23, 12:13

البارح درات خبز الدار والف مبروك الكوزينة ام فاطمة

ام عصام هناء · 2015-06-23, 12:18

هادي المائدة تاع رمضان