الى ام اسيد1 وكل وحدة حاصلة واش الطيب

[ام الخير 05]

مساء الخير على حبوباتي راني عارفة طولت الغيبة انشاء الله تكونو كامل بخير كانت عندي امي واختي قعدوعندي ايامات وبعدها خدمت شوية جلبانة وقرنون وفراز مالحقتش ندخل المهم راني مشتاقتلكم كثير انشاء الله تكونو بخير وراني فرحانة انهم رجعوني انثى كنت حاسة بالنقص دركا راني مرا كثر خير اختي كرونو ربي يجازيها الخير وانتوما تاني سلامي لكل وحدة تصبحو على خير

[ام سوهيل]

مساء الخير للجميع وصحا عشاكم

[ام حمزة22]

السلام عليكم

صباحكم سعيد ويومكم اسعد حبيباتي

سامحوني غالياتي على عدم الحضور والله حصلت مع المسابقات وعييت والبارح قررت الانسحاب من بعد درت في حالي

ام سوهيل لاباس على سوهيل ما يسوفش شر ان شاء الله

يا حبيبتي حيات الصبر ان الصبر مفتتح الفرج كثري من الدعاء والله تصيبي راحتك

غزالتي يعطيك الصحة راكي كايما بيها على احسن وجه ربي يحفضك ويخليلك صحتك

شكرا روح مراد على السؤال ربي يوفقك في اعمالك وحياتك

شكرا على كل من سال عليا
بعد ما نكمل مشاركتي من تلمسابقان بادن الله نولي لنشاكي في هاد الموضوع

ام هدول ان شاء الله قدرتي تفهمي سطايفية وكرونو راهم شرحولك بالتفصيل ربي يحفضهم ويخليلهم صحتهم

[أم الحبايب 26]

اصباحنا و اصبحا الملك لله صباح لخير عليكم نشالله تكونو كامل ملاح و بخير ام حمزة وين راهم اطباقك نشالله تعاودي توالي كما كونتي من قبل ام سهيل نشالله سهيل يكون رايح شويا انا باراح خلاص عرس وليد خويا عقوبا لوليداتكم كامل لناوي فحجا رابي يكاملو حيات عليك بصبر حانونتي رابي يفارج عليك يهديلك ازوج نتيعاك انا مالول عانيت بازاف ضوركا حمدلله روح مراد ام الخير ام هدول كورنو صادفات وين راكي غازالة راهي موادرا بلابيك ياعطيك اصحا غزالة ضحاكتينا بجاست لدارتيها رابي ياحفظكم كامل سلامي ليكم كل واحدا باسمها ولنسيتها تسماحلي

[hayette82]

السلام عليكم واش راكم كامل روح مراد ام الحبايب ام حمزة منال منير سلمى غزالة الصحراء ام سهيل ام الخير........توحشتكم كامل

[*أم جابر*]

السلام عليكم ورحمة الله و بركاته
اهلا اخواتي و شراكم لاباس اسمحولي مارانيش ندخل بزاف راني نطل و نهرب ههه و الله الوقت ماكاش خلاص

[غزالة الصّحراء]

المشاركة الأصلية كتبت بواسطة ام الخير 05

مساء الخير على حبوباتي راني عارفة طولت الغيبة انشاء الله تكونو كامل بخير كانت عندي امي واختي قعدوعندي ايامات وبعدها خدمت شوية جلبانة وقرنون وفراز مالحقتش ندخل المهم راني مشتاقتلكم كثير انشاء الله تكونو بخير وراني فرحانة انهم رجعوني انثى كنت حاسة بالنقص دركا راني مرا كثر خير اختي كرونو ربي يجازيها الخير وانتوما تاني سلامي لكل وحدة تصبحو على خير

أختي أم الخير أهلا بك على صفحتنا وأهلا بأمك واختك في دارك. ويارب ايكونوا جوزوا أيامات أملاح عندك. واكيد . وربّي ايعاونك في شغلاتك. ومبروك عليك تغير الجنس. فرحتك هي فرحتنا. والكلّ مشتاق للكلّ فقط كلّ واحدة وظروفها . أتمنّى أن يعود الكلّ ونلتم من جديد حول الصفحة بمواضيع جديدة. سلامي لكلّ واحدة بدون أن انسى أيّة عضوة.

[غزالة الصّحراء]

المشاركة الأصلية كتبت بواسطة hayette82

السلام عليكم واش راكم كامل روح مراد ام الحبايب ام حمزة منال منير سلمى غزالة الصحراء ام سهيل ام الخير........توحشتكم كامل

أهلا ومرحبا بك اختي حياة. ايسال عليك الخير. رانا الحمد للّه. بالمنسابة معلقتيش على الرّد أنتاعي ألي فيه نساء مسلحات. المهم اعملي بآراء الأخوات. كيما قالت الأخت روح مراد اللّه ايذكرها بالخير. هاذي هي السلعة أدي ولاخلي.
هاذي هي السلعة الجزائريّة ، ماعلى المرأة غير تصبر وتوسّع في خاطرها ، خاصّة إذا كان عندها الأولاد. بصّح المرأة لازم تتحرّك وتكون نشيطة ، لا للخمول ولا للاستسلام. سلامي للجميع بدون استثناء.

[غزالة الصّحراء]

المشاركة الأصلية كتبت بواسطة ام اسيد1

السلام عليكم ورحمة الله و بركاته
اهلا اخواتي و شراكم لاباس اسمحولي مارانيش ندخل بزاف راني نطل و نهرب ههه و الله الوقت ماكاش خلاص

أهلا بك اختي ام اسيد . واللّه غير هاذي غيبة. عاش من شاف ردّك على الصّفحة. نوّرتيها ربي لايحرمنا من زياراتك. حتّى طلاّتك اتخلي الصّفحة منعشة. ياله حببتي لاتغيبي عنّا اكثير مرّة أخرى. نحن دوما في انتظارك. وانتظار جديدك.

[غزالة الصّحراء]

حبوباتي الغاليات وكلّ واحدة باسمها . تصبحوا على الف خير وعافيّة. واتمنّى لكل غائبة العودة السّريعة. صدوفتي وين راكي . ياربّ المانع خير. أظنّ الثلوج أخلاص ذابت . ياله طلي علينا وخبرينا عن أحوالك. رانا اشتقنالك بزاف بزاف. والى لكلّ من ساهمت وتسهام في إثراء الصّفحة. وكالعادة القائمة جدّ طويلة . ومعذرة إن لم أذكر الأسماء بالتّفاصيل وهذا لضيق الوقت. ياربّ الكلّ ايكونوا بخير . سلام منّي أحرّ من الجمر على النّار إلى كلّ الأحبة

[أم الحبايب 26]

صباح لخير عليكم نشالله تكونو كامل بخير ام حمزة واش راكي نشالله تكوني مليحا يعطيك اصحا يا غزالة راكي ترودي على كل واحدا انا راني ناقي فثوم من بعد ناطحنو صاتو خسارلي نوصو نمل راهو داير فيا حلا هذاك صغير لكحل تقولي راهو ياتماشا فحوايجي كراهت منو بزاف حيات نشالله تكوني مليحا انا زوج نتيعي راهو خارج على تاقعد رابي يكون فلعون
لعاودا قريبا معاكم سلامي ليكم كامل

[ام حمزة22]

السلتم عليكم
صباحكم سعيد ويومكم اسعد

اشكر كل من سال عليا ربي يجازيكم كل خير

ام سوهيل ان شاء الله ابنك تحسن

غزالتي يعطيك الصحة وربي ينورك كيما رتكي منور الموضوع ربي يخليك لينا ولزوجك ولوليداتك

ام الحبايب تفضلي رابط السفرة نتاعي
https://www.djelfa.info/vb/showthread.php?t=1781361

وهدا رابط موضوعي الجديد
https://www.djelfa.info/vb/showthread...post3993261841

تحياتي للجميع
في امان الله

[أم الحبايب 26]

يعطيك اصحا ام حمزة رابي يخليلك هذوك اليادين مشالله عليك هاذيك حلوة لدارتها بطبع نتع مقروط واشن هيا عندي كفو مازلت ماخدامتش بيه رابي يقادراك ويخاليك لينا
سفرة ماشالله وا خبز فطير ثاني يوالم فهذا لواقت نتع رييع
سلامي ليكم كامل

[منال ومنير]

المشاركة الأصلية كتبت بواسطة غزالة الصّحراء

أهلا بك أختي منال ومنير. غير متقلقيش روحك اسألي على راحتك. وياربّ تلقاي الأجوبة ألي اتريحك. أجوبتنا تكون حسب خبراتنا. إن شاء اللّه تستفيدي منها. وربّي ايخليلك كلّ أولادك.
بالنسبة لسؤالك. واللّه يختلف حتّى الأطفال الرضع في كيفيّة مواجهتم للأمر. هناك من يستمر في حليب الثّدين رغم أخذه لحليب الرضاعة الاصطناعيّة. وهناك من يرفض الثدين ربّما لأن حليب الأم لايشبعه كما تشبعه الرّضاعة. أنا شخصيا أولادي بسلامتهم مارضعوش من عندي مدّة طويلة ماعنديش الحليب بكثرة. بصّح نعطيك ملاحظة مهمّة. ليس حليب الثّدين وحده الكافي. بل على الأمهات أن يعتنين بأطفالهنّ عناية كاملة. مثلا استحمي لها كلّ يوم. وخاصّة نحن في الرّبيع والصّيف على الأبواب. هكذا كنت أفعل مع أولادي واللّه حتّى في الشّتاء. وواضبي على نظافتها. أنا حين أشعر بأن طفلي مبلّل أغسل له. حتّى وإن كان الوقت متاخرا او أنهض في أيّ وقت كان. صراحة مانستمعللهمش ليكوش. ، نعمل ليكوش أنتاع القماش . كيما بكري. كنت غير نغسل ونزيد. المهم انشوفهم مرتاحين، لما أنحي عليهم مايقلقهم. + مراقبة الحليب، يكون في الوقت المناسب. الماء المغلي والدّافئ في قارورة القهوة التّي تحافظ على حرارة الماء. + قارورة من الماء المعدني. . مجرّد مايحين الوقت التحضير يكون في رمشة عين. نظفي مكان نومها، بالاضافة إلى زيارة طبيبها الخاصّ . المهم اسألي ونحن نجيب.
أما فيما يخصّ رجوعك للعمل أريد أن أخبرك بأنّه هناك قانون شرعيّ يمنح للمرأة العاملة فترات استراحة لإرضاع رضيعها. اسألي عنه هذا من حقّك. شوفي واش جبتلك:أتمنى تستفيدي من الموضوع.
المهم أنت حاولي أتمديلها ترضع من عنك. وإذا هي نكرت . غير ماتتقلقيش. رايح ايجي السّن ألي رايح اتعوضيها ماضاع منها. ربّي ايخليهالك.

لها الحق في عطلة الأمومة إذا باشرت عملها قبل 09 أشهر من الشهر الأول للحمل.
أما ساعات الرضاعة (02 ساعاتان من 1-6 أشهر) و 1 ساعة من 06 أشهر حتى عامين
للعاملة 40 ساعة أسبوعيا...
موظفي التدريس ليس لهم الحق في ساعات الرضاعة لأنهن يعملن 22-18-30 ساعة أسبوعيا.
لاتقلقي ، اسألي على راحتك. ونحن جميعا نقول لك: شُبِيك لبيك كلّنا تحت ايديك.

سلام اخواتي وشراكم
نشكر كن جميع على الاجبات يعطيكم الصحة والله الى فرحتوني
فيما يخص ساعات الرضاعة انا نخرج على 14:30 ولكن كون بعيد لازم نروح نجيب وليدي من الحضانة مانلحق بكري في بنت الكبيرة نكرتلي صدري بسح في وليدي تلحمد الله ارضع مدة عام
فبما يخص الغسل والله ماعستلها قع نغسلاها غير بالقو خوفت يضربها الريح

[منال ومنير]

المشاركة الأصلية كتبت بواسطة hayette82

السلام عليكم واش راكم كامل روح مراد ام الحبايب ام حمزة منال منير سلمى غزالة الصحراء ام سهيل ام الخير........توحشتكم كامل

يتوحشك الخير وشراك