همزة وصل بين المعلم والولي : في طبعته الثالثة - الصفحة 243

دلال 30 · 2014-12-24, 23:36

اقتباس:

المشاركة الأصلية كتبت بواسطة عطوفة

آه نسيت إنّهم في عطلة!!!!!!!!!!
الحمد لله وجدت من لبي ندائي حبيبتي خولةشكرا لك

ذاكرتي قد أخطأت الطريق وسلكت طريق العام الماضي ...فمعذرة ...
ما هذا ؟؟!! أصبحت أهذي .

تصبحون على خير..

السلام علي استاذتنا العزيزة
والله اضحكتني... تخيلتك قدامي وتقولي ف هاذ لكلام...لكنك لم تخطئي... صدقيني ابني حاول... لكن جابهم الكل غاااالطين... مع انو مستواه مليح ف اللغة... قالي قولي للاستاذة تحطلنا تمارين ساهلين...

ربي يقدرك ع فعل الخير وموفقة ان شاء الله

دلال 30 · 2014-12-24, 23:42

اقتباس:

المشاركة الأصلية كتبت بواسطة أبو ياسين29

------------------------------------------------------------------------------------------

أختي الفاضلة، لو حرمتي إبنك من اللعب فستحرمينه من التعلم
و من قال أن الطفل لا يتعلم و هو يلعب، نحن ككبار نقول لعب و لكن بالنسبة للطفل تعلم و بقدرات كبيرة جدا و برغبة لا توصف
هل جربتي يوما أن تجلسي وتلاحظي إبنك و هو يلعب بالبيت ، هل تتذكرين كيف إستطاع أن يمشي دون شرح و كيف تعلم ما هو أعقد ـ الكلام ـ سنة أو أكثر و هو يسمع للجميع و عندما ينطق يختار مايريد من حرف فكلمة فجملة ، تدفعه الرغبة في الإكتشاف إلى لمس كل شيء بالبيت مهما كانت خطورته، يريد أن يجرب و أستاذه فطرة داخلية و يديه فقط
حتى من يقول أن التلاميذ في عطلة فلقد جانب الصواب أو فعلا عطلة من المدرسة ، إلى مدرسة الحياة، أين يتعلم الطفل بدون تقويم و لا إختبارات و لا تحضير
باللعب فقط و كم من شارع نجد فيه البنات الصغار و هن يقمن بدور المعلمة و التلاميذ، أليست هذه abstraction
كم سمعنا أطفال ينشدون بأصواتهم العذبة محفوظات القسم
أختي الفاضلة إستغلي وقت اللعب لتثقيف إبنك و تعليمه، فهو يقبل كلى شيء أثناء هذه الفترة و مع المداومة سيتربى إن شاء الله على التعلم و القرايا كما نسميها نحن و لا تنسي أبدا أن إبنك عمره 6 سنوات فقط

ـــــــــــــــــــــــــــــــــ
مشكور اخي الكريم... كلامك درر
لكن انتظر مني المزيد من الاستفسارات

دلال 30 · 2014-12-25, 00:13

اقتباس:

المشاركة الأصلية كتبت بواسطة ام باسط

السلام عليكم واسعد الله يومكم

اختي دلال ربي يحفظلك الفرسان الي راهم في التوقيع ماشاء الله وربي يبارك فيهم
عندنا عمتي لو تلبسي اولادك كيف كيف تقلب عليك الدنيا وتخاف من العين
ا
تحياتي الاخوية لجميع الاعضاء

اقتباس:

المشاركة الأصلية كتبت بواسطة bouchraamine

ما شاء الله تبارك الرحمان على الزين نتاع حذيفة ربي يخليه ويحفظو من كل شر هو و اخوته يارب
قوليلو يعطيك الصحة على التطبيقات راك شاطر

اقتباس:

المشاركة الأصلية كتبت بواسطة miku hatsune

وعليك السلام ورحمة الله وبركاته ]اخت دلال[/][
ماشاء الله تبارك الرحمن على اولادك ربي يحفظهم من كل سوء ويصلحهم....وينجحهم....

مشكورات اخواتي... الله يجعل اولادكم قرة عين لكن... يا سميع يا مجيب

yacidani · 2014-12-25, 08:51

أخت دلال

المشاركة الأصلية كتبت بواسطة دلال 30 مشاهدة المشاركة
ــــــــــــــــــــــــــــــــــ
yacidani ...... ايه انا لدي مستوى ثقافي وعلمي... واستاذة ثاني ...... ايه.... افتخر بكوني أم.. وافتخر بكوني جاهلة..... " وما اوتيتم من العلم الا قليلا"...... وفوق كل ذي علم عليم".... الحمد لله جاهلة لكن ع الاقل حابة نعرف ونسقصي... نسأل ع كل كبيرة وصغيرة,... المهم نحاول نتعلم ومانديرش اخطاء
ما عساي اقول... حسبي الله ونعم الوكيل
السلام عليكم و رحمة الله و بركاته

حسب متابعتي للتدخلات ، أظن أن أم ياسين كانت تقصد الآباء (نحن الذكور) بجهلهم بأمور التربية و التعلم في ردها على الأخ أبي ياسين ، و قالت أن الأم (الأمهات بصفة عامة ) لا تستطيع بمفردها التكفل بكل شيء ، يد هنا و أخرى هناك ، يعني المشاغل كثيرة ، و خصوصا المرأة العاملة خارج البيت .
هي محقة بخصوصنا نحن الرجال ، باستثناء "أغيلاس و أبي ياسين " و من شابههما و هم قلة ، في البيت لا نعرف إلا الأكل و النوم و الاستراحة ، أما تربية الأبناء و تعليمهم فغائبون كليا ، أنا معلم و لا أساعد أبنائي أبدا .

إخواني ، العنوا الشيطان ، نحن هنا لا يعرف أحدنا أحدا ، غايتنا الاستفادة و الإفادة ، و غير ذلك لا تجعلوا لإبليس عليكم سلطانا .

خسارة عليك أخت دلال ...أنا لم أقصدك أنت بالجهل لا سمح الله أعلم أنك أستاذة الانكليزية الله يبارك

أنا أقصد الأباء (الأب بصفة عامة) أو الأزواج قليل ليساعد في تعليم أولادهم و قلت الأم وحدها ما تقدرش منهم أنا رغم أنا زوجي أكن له كل الاحترامات هو أب و زوج حنون gentil و عندوا مستوى ثقافي و علمي ممتاز لكن ما عندوش الخاطر أو تقنيات اللعب مع الأطفال

و كي عجبني كلام أخونا أبو ياسين تدخل في الموضوع و قلت الأم وحدها ما تقدرش و لم أقصدك أنت بتاتا

سبحان الله و راحتي توكلي عليا ربي بلا ما فهمتي ؟؟!!!!!!!!!!!!!!! ......

المهم ولا شافتي غلط معاك سمحيلي

و بارك الله في أستاذ عبد الناصر لتدخل في الموضوع...الحمد لله مازال الدنيا بخير كي كاين مومنين بحال أستاذ عبد الناصر ربي يهنيك ويفرحك بأولادك

yacidani · 2014-12-25, 09:06

السلام عليكم و رحمة الله و بركاته

لسنة الثالثة ابتدائي

بعض تمارين الفرنسية ( طلبت معلمة ياسين لانجازهم في العطلة)

الرابط :

https://www.gulfup.com/?a1N9Sz

دلال 30 · 2014-12-25, 09:08

[QUOTE=yacidani;3992343618]أ

والله يا اختي الوقت الي قريت مداخلتك... متاكدة انو في راسي ماكانش مخ.... كاين حجر... مافهمتش واش تقصدي وتقلقت.... والله ندمت وليلة كاملة وانا نراسل ف المشرفين نقوللهم احذفو المشاركةالي فيها اقتباس من ردي..... مش عارفة واش نقلك غير... اسمحيلس ع سوء الضن... انا اسألك بالله ان تسامحيني ... ربي يعطيك في ولادك

yacidani · 2014-12-25, 09:27

[QUOTE=دلال 30;3992343690]

اقتباس:

المشاركة الأصلية كتبت بواسطة yacidani

أ

والله يا اختي الوقت الي قريت مداخلتك... متاكدة انو في راسي ماكانش مخ.... كاين حجر... مافهمتش واش تقصدي وتقلقت.... والله ندمت وليلة كاملة وانا نراسل ف المشرفين نقوللهم احذفو المشاركةالي فيها اقتباس من ردي..... مش عارفة واش نقلك غير

... اسمحيلس ع سوء الضن... انا اسألك بالله ان تسامحيني ... ربي يعطيك في ولادك

والله أختي الكريمة غير خلعت مع صباح كي قريت مداخلة أستاذ عبد الناصر ..ما فهمت والوا قلت واش درت

يعني زعفت شوية مع أنو كان مفهوم قصدي لردي لأبو ياسين....المهم دورك فهمتي واش قصدي

و سماح ما كاين والو كيما تقول بنتي دانية passe ماشي fache

*هذا نداء لي و لك و لكل من يقصد هذا البيت المحترم أن نحاول نفهموا فيما بعضنا و لا نسوء الضن بالأخر ..رانا لقينا كنز " همزة وصل" نحاولوا نحتفظوا به لأن تعلمنا و رانا نتعلموا و سوف نتعلم الكثير باءذن الله في هذا المنبر و نتعلم كل صغيرة و كبيرة لمصلحتنا و مصلحة أولادنا خاصة

الأمنيات · 2014-12-25, 09:28

السلام عليكمو
الاخت دلال مارعليش سوء تفاهم وراح لحاله المهم انتي تقدري تحذفي المشاركه تاعك تحت مشاركه تاعك تلقي تعديل ضغطي فيه وحذفيها
ام ياسين شكرا على الرابط
الاخ عبد الناصر ربي يعينك ونتمنى يكون محصول ومردود الزيت الزيتون مليح ويكفينا حنا تاع همزة وصل هههههه

محمد مصطفى الحبيب · 2014-12-25, 10:00

أيها الإخوة هذه الصفحات من أروع ما هو موجود في منتدنا الحبيب فمن رأى من نفسه العجز عن مقاومة الغضب فليستعذ بالله من الشيطان الرجيم ...

~ حراير ~ · 2014-12-25, 10:14

اقتباس:

*هذا نداء لي و لك و لكل من يقصد هذا البيت المحترم أن نحاول نفهموا فيما بعضنا و لا نسوء الضن بالأخر ..رانا لقينا كنز " همزة وصل" نحاولوا نحتفظوا به لأن تعلمنا و رانا نتعلموا و سوف نتعلم الكثير باءذن الله في هذا المنبر و نتعلم كل صغيرة و كبيرة لمصلحتنا و مصلحة أولادنا خاصة

الحاجة المليحة و الي عجبتني اليوم بزاف
هي الاخت دلال بارك الله فيك على الاعتذار و الاعتراف ياريت كل الناس مثلك و عندهم شجاعتك
شكرا ليكم في زوج ام ياسين و ام حذيفة

دُرة بيتي · 2014-12-25, 10:17

السلام عليكم ويومكم سعيد

جيت نصبح على الاحباب لقيت سوء الفهم ....فكرتوني بنفسي
اخت دلال ماشاء الله وربي يبارك في عقلك راكي وكفيت ووفيت وراني حاسة بيك من ضغوط الحياة السريعة ومع وليداتك صغار على بعضهم يعني تعبك بالزيادة ومع الخدمة ...ربي يعينك ويفرحك بهدوك الفرسان

ام ياسين عندك الحق معظم الرجال عندنا مايهمهم شئ من تربية الاولاد ....ممكن المراة تدي غسلة مليحة ادا الاولاد ما قراو مليح او تصرفوا تصرف ماهو مليح....ةالاصح ان يتعاون الابوين في التربية

ربي يهدي النفوس والهمزة اكبر مكسب لينا في المنتدى والانترنت كاملة ربي يحفظ الجميع

اهلا شيخنا ودمت بصحة وعافية

عطوفة · 2014-12-25, 10:38

yacidani · 2014-12-25, 11:08

شكرا أخت عطوفة على الدعاء الطيب
و كذلك أخونا place audin و ام اريج و امنيات و أم باسط على الكلام الطيب ...خلاص ما صرا والوا صافية لبن

yacidani · 2014-12-25, 11:11

حبيت نسأل اخت مانو

على تمارين الرياضيات لوضعتها ( هل هي لمعلمة ابنك؟؟) اذاكان كذلك هل درسوا أو عملوا عمليات الضرب في الفصل الأول؟؟

على فكرة هي تمارين رائعة

yacidani · 2014-12-25, 11:16

أمهات ( السنة الثالثة)

كاش ما راكوا تعملوا مع الوضعية الادماجية للغة العربية؟؟؟؟؟ مع أولادكم
اذا ما لقيتوا كاش كنز في هذا المجال نتقاسموا:d:d:d