الجزء 178 من كوزينة احلى رفقه كوزينة الاطايب للطيبات

[انا هي رزيقة]

المشاركة الأصلية كتبت بواسطة البحر الصافي

يعطيك الصحة يا فحلة الفحلات شفتهم قبل وعجبوني ودرك زدتي عاودتيهم الله يبارك في هذوك اليدين وثاني عرضة ام حسام ماشاء الله عليها ربي يحفظكم لبعض
عجبني ثاني الطاجين لي طيبتي فيه يبان هايل

نهارك فل و ياسمين و رياحين بحورتي ...يا عمري حشمتيني بكلامك الزين يا فحلتي البسكرية و ربي يخليك على الدعوة الطيبة يا طيوبة ... و هذاك الطاجين اصلو تركي مصنوع من مادة يقولولها لا بييرpierre ...موالفة ثاني نطيب فيه لمبسس و يجيني محمر و زين

[انا هي رزيقة]

مولات الكوزينة نهارك مبارك و زين مثل اسمك ان شاء الله ... و الف شكر على اطرائك الجميل حبيبتي و الله الشكر في الاصل يرجع لكل فحلات الجلفة السابقات و اللاحقات لي تعملت منهم بزاف بزاف حوايج و مازلني نتعلم ان شاء الله ... ربي يحفظكم كامل لعائلتكم يا رب .. و انتي يا ام عبيدة فعلا مضيافة الى ابعد الحدود باينة كريمة و بنت اهل جود و كرم غير من طيبتك و كلامك الطيب مع كل اابنات ...و اكيد سلامك لامي يبلغ حنونة ...

[انا هي رزيقة]

اختي ام عبيدة من فرحتي بكلامك الزين راني وليت نحطلك عشايا الخفوفي كي العادة و العوايد تع نهار الخميس... و الحمد لله حمدا كثيرا مباركا فيها اللهما ادمها علينا نعمة و احفظها من الزوال .... و لي هو الهمبورغر محبوب الكبار و الصغار

[أم يوسف2]

مساء سعيد مليء بالافراح راني هنا حبيباتي عييت شوية برك
غسلت الصالون ومسحت الغبرة وباقي لي شومبر كل مرة نحي حاجة على روحي حكمتني الخلعة تاع الزيادة خخخخ ومع وليدي مقبيل وهو يقولي نرقد نرقد واااالو مازال فاتح عويناتو
شهيتوني بارك الله فيكم مالمحاجب للغراتا لكلشي نسلم عليكم وخدة وحدة من زقزوقة لام عبيدة لام هدولة لبحورة لتوبتي لحيوتة لا ماجد لنوال لكل كل عضوة وحتي لاخت زقزوقة نقوللها يعطيها الصحة لي لمتكم
ونرحب بالعضوة الجديدة لاسمها ايمان فريد ونقوللها مرحبا بيك بيناتنا

[أم يوسف2]

وقتلتوني بالضحك على الصاشيات قلت اي خااااه واقيلا شافوني هههه والله عندي صاشية في صاااااشيات خخخخ بصح نستفاد منهم صافي قااااع رانا كيف كيف هههه
اليوم كان فطوري جليابنة بالقرنون وسلطة وغليت قرنون نحبو بالفينيقرات ههه

[أم يوسف2]

صح قهوتكم اااااا ام عبيدة بقالك شوية خشخاش؟؟؟؟؟؟؟

[طالبة رياضيات]

السلام عليكم ورحمة الله وبركاته
كيف حالكم ؟؟
لقد أنهينا الاختبارات ونحن على مشارف البيام
لم يبق الكثير وسيصادف البيام شهر رمضان المبارك
اللهم بلغنا رمضان
نرجو دعواتكم بالتوفيق
كما لدي سؤال خالاتي متى يكون أول يوم رمضان ؟؟
يقال 28 ماي 2017

[أم يوسف2]

سيليا اختي الا قدرتي غيير طيلنا وصفة بريوش ماماك ربي يحفظها كي قلتي جا خفيف كي القطن انا منين نجربوا يخرج مليح بصح ماشي100"100كيما حبيتو
وام عبيدة بالشفا عليك انا كنت كل مايوجعني راسي مالشقيقة او غيرعا ندهن جبهتي بزيت حبة البركة اوكاين لي يقوللها زيت الحبة السوداء ونشرب مغرف صغيرة سبحان الله يزول الالم جربيها وماتندميش

[أم يوسف2]

ابه امنة بصحتكم ريحوا شوية وان شاء الله ربي يوفقك انت وخواتاتي وكل من تعب وسهر لينجح ويفرح عايلتو يارب

[أمنية غفران]

أهلين و سهلين على الحلوات جميعا و بارك الله فيكم و ربي يهنيكم و يرزقكم الصحة و العافية
............................

ايا مزية كي راكم تستغلو الساشيات هاكة باش ما يحتلناش هاداك المخلوق هههههههههههههههههه

..........................

رزوقة حبيبتي وهادي عايزة كلام حميص بزيت الزيتون مافيهاش نقاش خلاص و الدليل راني حفرت حفرة في وسطه و زدت عمرتها زيت زيتون ياك راهو من شجرة مباركة
ماشاء الله عليك أختي محاجب و عليهم الكلام انا نستعمل طريقة الساشية نتاع اختي الوهرانية ربي يحفظها ما نحتاجش البيترا و لا الدليك ههههههههههههه بصح راهو دالي عقلي الطاجين قولي لي نقدر نصيبه هنا في العاصمة و لا لازم نشقى لتركيا واش رايك حبوبة هههههههههههه

ام هدول ربي يحفظك على طريقة الغراتان خاصة كي ترافقيه بشوية صوص عجبتني الفكرة شكرا

مولات الدار راني جبت لك المردود المعروف بالبركوكس و المعروف تانيك بالعيش درته بالتعمير راهو يعرفوه بنات الغرب أكيد و كاين بنات كيما الوهرانية و ليزابيل ربي يهنيهم و يحفظهم حطو طريقته في الطياب و ادا حبيتي نحط ليكم طريقتي البسيطة في اعداده للاستفادة اكثر امري انت و الأخوات و انا تحت الخدمة ان شاء الله



و التحلية درت تحلية كنت حطيتها من قبل موضوع تحلية بالتين الجاف راهي هايلة و اليوم ما كانش متوفر عندي الحليب درتها بالكرام شونتييه طلعتها بالماء البارد و خرجت روعة و كي كنت نحط فيها في أكواب التقديم قالو لي زيدي عمري مليح هههه تالمو تعجبهم بزاف

حبيباتي ننصحكم بيها خاصة لأطفالكم



وهادا رابط التحلية الي حابة تشوف الطريقة

https://www.djelfa.info/vb/showthread.php?t=2019144

تحياتي

راني رايحة نتكى شوية

[انا هي رزيقة]

المشاركة الأصلية كتبت بواسطة آمنــة

السلام عليكم ورحمة الله وبركاته
كيف حالكم ؟؟
لقد أنهينا الاختبارات ونحن على مشارف البيام
لم يبق الكثير وسيصادف البيام شهر رمضان المبارك
اللهم بلغنا رمضان
نرجو دعواتكم بالتوفيق
كما لدي سؤال خالاتي متى يكون أول يوم رمضان ؟؟
يقال 28 ماي 2017

ربي ينجحك امونة بنتي امين يا رب... بصح بلاكي تنساي متخبريناش بخبر نجاحك ان شاء الله باه نفرح لاني متاكدة انك باذن الله ناجحة

[انا هي رزيقة]

قبل منخرج شفت هذ الزين وليت ......خخخخخ ربي يباركلك في دوك اليدين تع الفحلات اختي امنية سخفتيني سخفة محصلتش ...... خخخخخخ و الله جميل جدا يعطيك الصحة يا الحرة .. و حتى التحلية مخصهاش .... يعني طيابك كلو على بعضو حلو يا حلوتي ربي يبارك فيك يا رب ... تهلاو في ارواحتيكم فحلاتي الجميلات

[انا هي رزيقة]

المشاركة الأصلية كتبت بواسطة أم يوسف2

وقتلتوني بالضحك على الصاشيات قلت اي خااااه واقيلا شافوني هههه والله عندي صاشية في صاااااشيات خخخخ بصح نستفاد منهم صافي قااااع رانا كيف كيف هههه
اليوم كان فطوري جليابنة بالقرنون وسلطة وغليت قرنون نحبو بالفينيقرات ههه

ضحكتيني اختي ام يوسف اكيد رانا قاع كيف كيف حنونة .....خخخخخ و بصحتك الجلبانة بالقرنون هذا هو عشايا اليوم ... امممممم ايه و بصحتك ثاني النقا لو كان يبقا كيما تقول اختنا حياة .... انا مزال مبديتش واعععععععع

[cilia]

المشاركة الأصلية كتبت بواسطة ام هدول

ام عبيدة ماعرفتش الزهرة تاعك ماعنديش خبرة في الميدان ..بصح تهبل ....سيلليا يعيطها الصحة ماماك ..قولينا عندها شكارة تع الشكاير و لا؟؟؟؟
انا نروح لانو رايحة ندوش بنتي الصغيرة ..هبلتني .... سلالالام ...

ههههه عندها شكارة نتاع الشكاير

[أم يوسف2]

بناااااات اين انتم ام عبيدة قلتلك على الخشخاش هربتي واااااع خخخخ والاخريات وين تخبيتوا اظهر وبان عليك الامان راني ندور وحدي