من لديه مثل شعبي جزائري فليتفضل مشكورا

[اميرة المدينة]

الناس لاهية بالناس و القط لاهي بالراس

[هدى نور العين]

ارخس يا لحرير يهزو بيك الطواجن

[بنيامين]

كي ايطيح الثور يكثروا لمواس

اللي ماشبعش من القصعة مايشبع من لحيسها

اللي خانوا رجليه ايقول بيا السحور (تقال خاصة للاعبين في الجزائر)

هم اضحك او هم اِيبكي

الحديث ليك والمعنى لجارك

الهدرة تبان في حواشيها

خصك غير السّيواك يا امعوجة لحناك

المسلوخة تضحك على المذبوحة و المقطعة شبعت عليهم ضحك

رقدة في الحشيش خير من ثلث نجوم في الجيش

الزين و الزينة يجيبو فرخ الطاووس و الشين والشينة يجيبو الخنفوس

اخدم باطل اولا تقعد عاطل

[سهام-48]

اذا حبوك النساء تغلبهم بالمسايسة واذا كرهوك ما يفيدك فالحرب سلاك

[المفتخرة باسلامها]

حي مشتاق تمرة كي مات علقولو عرجون

لا تعيب على مومن لا يعود حالك من حالو

[MOHCRB]

اللي مشا وشاف خير من اللي عاش بزاف

[Monadila23]

لا تسرج حتى تلجم واعقد عقدة صحيحة
لا تتكلم حتى تخمم لا تعود لك بفضيحة

[ايمن جابر أحمد]

-غابت الطيور و عشات الهامة تدور
2- الطمع يخسر الطبع و لي ماهو ليك غير يعييك
3-خيرها في غيرها
4-انا باللقمة لفمو و هو بالعود لعيني
5- لي نعطيه لجارتي نديرو في حنجارتي
6- سبعة عظام ما هم تظيقة
7-من عندي ومن عندك تنطبع و الا غير من عندي تنقطع
8- انا نقولك سيدي و انت اعرف قدري
9-ما خص العمية غير الكحول
10- حمار حماري و ركابي من رول
11- المندبة كبيرة و الميت فار
12-الي متغطي ب تاع الناس عريان
13-النار تجيب الرماد
14-لي في كرشو التبن يخاف من النار
15-رضيت على الهم ما رضى عليا و بيتو عند راسي اصبحلي عند كرعيا
16-انا نعون في قبر امه و هو هاربلي في الفاس
17-في عرس الناس رقاص و في عرسه نعاس
18-يقول لا و يموت بالعلة
19-ضربني و بكى و سبقني و اشتكى
20-تعيا العين تكبر و يجي الحاجب فوقها
21-معرفة الرجال كنوز
22-الكرش شكارة و رباطها العقل
23-النفخة خير من الطعام
24-خفيف الرجل يتمل و لو كان مرايا
25-يعيا المداد و ما يعيا الشداد
26-الحر بالغمزة و البرهوش بالدبزة
27-وجه الخروف معروف
28-عين الشاري تجي حمرة
29-الا مات ولد السلطان عزي و الا مات السلطان ما عندك فتعزي
30- يتعلمو الحسانة في راس اليتامى
31- العقبة في وجهة الحباب حدورة
32- الي يجني بالسباط انجيه بالحفى
33-خوك خوك ولا يغرك صاحبك
34- الحجر الصحيح ما يديه الريح
35- ما يبقى في الواد غي حجارو
36_سطيحة فوق سطيحة فريها ولا نعطيك طريحة

[فراشة الحب]

لي نعرفهم قلتوهم

[لالة مريومة]

فكرة رااائعة والتفاعل فيها راهو يهبل الله يجعلنا ديما ناشطين
هاكم مثل

خصط السواك يا معوجت الحناك
خذ الراي الي بكيك ماشي الي يضحكك
المكشل كي الحبة حكيناها سال الدم خليناها كثر الهم
ديرو عقلكم في راسكم ماشي في حجركم كي تنوضو يطيحلكم

[missa002]

سمحنالو دخل بحمارو

[خليل75]

شد حمارك لا يقيسك في زرداب ....تقال لمن لايحسب العواقب لكلامه
كي تجيب الناس عوادها يدخل هو بحماره

[امونة28]

اللي يشقا على نسيبتو يوردلها طرحة

لي عينو في العشاق يطير لجبل واق واق

قبل مايخلق الجران بلارج با ش كان عايش

[الدلفين اللؤلؤي]

خالط النخالة ينقبك الجاج.

[الدلفين اللؤلؤي]

رضيت بالهم وهو مارضا بيا.
اذا بغيت تروح يا زناتي لا تحط العار ببناتي.
جوع كلبك يتبعك.
خوك خوك لا يغرك صاحبك.
نيفي زجاج ما يطيحش ويدا طاح يتكسر.
2بلوطات في الطاجين وحدا تتطرطق ولوخرا تضحك عليها قالتلها اللولة ماتخافيش الصهد الي وصلني يوصلك.