~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[ام امجد14]

السلام عليكم اسمحولى نشاركم بعض تطبيقاتى كنت نتبع فيكم من بعيد ربى يبارك فيكم
هدا الاسبوع نقيت شويا نعناع و يبستو و خبيتو فى بلارة زجاج https://www8.0zz0.com/2016/05/03/15/378673062.jpg

و فرغت بلاكار الفراش و غسلت الى غسلتو و الى شمستو كل حاجة و هى و حضها
https://www2.0zz0.com/2016/05/03/15/957873139.jpg

و فرغت الصالة و حاولت انى ننزوع ليلوست و ما نجحت فقط حاولت انى نقيهم و هوما راكبين العملية متعبة و صعييبة و دوخ ههههه

https://www6.0zz0.com/2016/05/03/15/887400358.jpg


و نقيت غرفة الاولاد و زينتهالهم شويا و طلبو منى انى ننزع ليهم السدادر مع السخانة يحبو الارض
https://www6.0zz0.com/2016/05/03/15/388022810.jpg

https://www6.0zz0.com/2016/05/03/15/132777988.jpg

https://www6.0zz0.com/2016/05/03/15/595179926.jpg

و هبطت للصالة و فرغتها و نفتها من الغبرة و فرغت البيبيوتاك و فرشت تفريشة خفييييييييييييفة تفاديا لاى حالة طوارئ هههههه

https://www6.0zz0.com/2016/05/03/15/690377745.jpg

https://www2.0zz0.com/2016/05/03/15/934167740.jpg

https://www2.0zz0.com/2016/05/03/15/982839353.jpg


نتمنى انكم تتقبلو مرورى

[سيرين 5]

السلام عليكم لبنات ،
سبحان الله الموضوع هذا وين شفتو بديتو 17 أفريل في نفس اليوم لي بديت فيه أنا التنظيف هههههههه
بالنسبة ليا أنا متزوجة وعندي بنت 9 أشهر و موظفة أغلب وقتي في العمل مخرج من المنزل على 7.30 و ندخل على 6 مساءا، كان نظام بيتي سابقا عندي يوم في الأسبوع لي هو الخميس نظف فيه كل البيت نتعب فيه بزاف لكن تعبي ما نستمتعش بيه طيلة الأسبوع غير يجوز الويك آند نحس داري ما تبقاش نقية و مرتبة دايما الماعن فوق البوطاجي دايما الحوايج في الأرض دايما الفراش مقلب .... والله نتعب بزاف ما نلقاش نتيجة ؟؟؟؟
بعدها قررت نعمل نظام جديد نقسم فيه جميع أعمالي باش تبقى داري مرتبة و نقية، أخذت إجازة 15 يوم و ما كفاتنيش ؟ قلبت الدنيا...
فرغت غرفة النوم كاااامل و نقيتها هي و الصالون و الكوزينة و الآن رجعت للعمل و مازالني كل يوم نرجع الدوزان بالشويا مازال خزانة الملابس راهي فارغة نعاود نطوي كامل الملابس فيها و نجمع الملابس تاع الشتاء في هاذ الأكياس شريتهم 500 دج و نخبيهم في البلاكار باش تفرغلي شويا الخزانة


بالنسبة للخضر كانت عندي سلة حاطتها في البلكون لكن لاحظت أنو البطاطا تزراقلي فيها لذالك جبت سلة صغيرة حطيتها تحت البوطاجي نحط فيها البطاطا و البصل و السلة الأخرى رتبت فيها لي بات (سباغيتي - ماقرون - تليتلي ... و علبة لاليفور - علبة لافاني - أكياس القمامة .....) لأني عندي إليمون ماشي صحيح ما نقدرش نتقلو بالدوزان

أيضا لقيت فكرة في الأنترنت و طبقتها و لقيت نتيجتها هااايلة فقلت ننقلهالكم و لي هي : جيبي قارورة تكون ترش و حطي فيها 2 ك من الماء + ك من الخل + نصف ك جافيل + م ك صابون سائل و خلطي جيدا قبل كل استعمال ، رشي الأسطح (الثلاجة - الكويزينيار- البوطاجي- الفايونس تاع المطبخ و الحمام-لافابو- الروبينيات- الزجاج - النوافذ....) و امسحي بمنشفة نظيفة و سترين النقاء و البريق هااااااايل


أيضا عملت قارورة أخرى حطيتها بالمرحاض حطيت فيها الماء حوالي 2 ك + 1 ك خل + 1 ك جافيل + نصف ك صابون سائل + 1 ك صانيبو و خلطي عند كل استعمال ، رشي حكي بفرشاة المرحاض و ارمي الماء طريقة سهلة و سريعة لتنظيف الحمام كل يوم


ملاحظة: كيلت بكأس تاع لاموتارد

أيضا اشتريت سلات صغيرة و حطيتها في اأدراج حتى يسهل عليا ترتيبها و تبقى مرتبة شريتهم 100 دج للسلة


كما عملت 3 برامج أولية يومي و أسبوعي و شهري قسمت فيه أعمالي المنزيلية سأحسنه مع الوقت ان شاء الله البارح بدأت تطبيقه







راح نعمل جهدي باش نطبق نسبة كبيرة من البرنامج باش و نشوف الأحسن ؟؟؟

[سيرين 5]

سمراء الدنيا بالنسبة للصحة أقترح موضوعي يمكنك الإطلاع عليه من خلال هذا الرابط
https://www.djelfa.info/vb/showthread.php?t=1924879

[سيرين 5]

لي قالت ترقي أولادها صباحا يا ريت تقولنا كيفاش علاجال عجبتني الفكرة ؟ حبيت نطبقها بإذن الله

[ام آدم]

مساء الخير
اولا ارحب بالوافدات الجدد ام امجد وسيرين5 ما شاء الله دخلة قوية ربي يعطيكم صحتكم
سيرين الاخت قالت انها تقرا الفاتحة 7 مرات في الماء لي يشربوه كل صباح

[ام آدم]

تقريري لليوم
نهضت على 8 درت غداء تليتلي وغسلت الاواتي ومسحت الارضية مع تنظيف المرحاض الحمام الصلاة عذر شرعي مي راني نحاول نستغفر وننسبح كل ما تذكرت
اخذت قيلولة مع الاولاد لاني ما نخدمش حتى لنهار الخميس وولدي ثاني ما يقراش ومن نضت طبقت جيهة قشي ومازال بعد العشا نغسل الاواني ونلمع الحوض

[ام امجد14]

المشاركة الأصلية كتبت بواسطة ام آدم

مساء الخير
اولا ارحب بالوافدات الجدد ام امجد وسيرين5 ما شاء الله دخلة قوية ربي يعطيكم صحتكم
سيرين الاخت قالت انها تقرا الفاتحة 7 مرات في الماء لي يشربوه كل صباح

ترحب بيك الجنة اختى و شكرااااااااااااااااا على هته المعلومة نديرها ان شاء الله لاولادى

[حبيييبة]

مساؤكم حلو بحلاوة هاذ اللمة الجميلة اللي تفرح القلب و تشرح النفس
اييوا ريحة ايزيس و جافيل و صانيبو راهي تمد لهنا !!
الله الله على الحراير
والله الواحد يفتاخر بيكم و بلمتكم
و بالتزامكم باهدافكم
ماشاء الله عليكم حباباتي

توحشت نحكيلكم على التخطيط
لكن مازال راهم جايين اليامات و نزيدوا نتعلموا كل شيء عن التخطيط لانه امر مهم
لكن الاهم منه الآن ان نتعلم ان نطبق ما خططناه مسبقا
و ان نتمسك به و نلتزم و ننضبط بخططنا
ارجو ان نكون كلنا على المسار و لم ننحرف
و حتى و ان انحرفنا ارجو ان نعتدل بسرعة
لان سرعة الاعتدال بعد الانحراف و سرعة الوقوف بعد السقوط
هي النجاح الحقيقي
و المسار اهم من الوصول
عاجلا ام آجلا اذا ما ثابرنا و صبرنا سنصل
لكن المسار امتع و اجمل و هو ما يجعلنا نصبح اكثر حكمة و حنكة
بما يكسبنا من تجارب و خبرة و رشاد

اذا دعوة عاجلة مني الى اغلى الحبيبات
فلتستمتعوا بالرحلة
على مسار مخططاتكم
متجهين نحو تحقيق اهدافكم و احلامكم الجميلة ♥

[حبيييبة]

تقرير الامس:
بفضل الله و اعانته اخذت امتعتي و ما تبقى من اواني
و رحت للدار الجديدة حوالي الساعة 17.00 بعدما كمل زوجي عمله
و اختكم دارت الماراتون على الادراج
الدار في الطابق الرابع
و زوجي المصون موجوع من رجله ما نقدرش نغزر فيه مسكين و نخليه يطلع كلش وحده
اذا طلعت انا الحوايح و بقيت نهبط للطابق الثاني نحمل عنه الاغراض اللي حاملهم
و نرجع نطلع
و بقيت هاكدا طالعة هابطة حتى ما رجعتش نحس رجليا خلااااااااااااااااااااص
المهم شمرت على يدياتي و بديت التنظيف
زوجي و حماي الاسبوعين اللي فاتوا لما كان هنا
قاموا باعادة طلاء البيت
لكن كلشي نظفوه ماخلاوا ولا نقطة طلاء
و رغم ذلك البيت كانت تبان مغبرة و مش نظيفة
قمت بتنظيف الزجاج و النوافذ و تنظيف الارضيات بالمنظفات
و اعدت فرش الصالون و جمعت كل ما تبقى من اواني و فراش و امتعة خاصة بحماي
ونقلته لغرفة اخرى و قفلتها
(فرشت غرفتين فقط حسب ما احتاج غرفة النوم و الصالون و قفلت الغرفتين اللي تبقاوا )
و اعدت ترتيب غرفة النوم و مسحت الخشب و رتيب السرير
و زينت الغرفة بالديكورات
زوجي ساعدني شويا في ترتيب الصالون و مبعد قالي حطيلي القهوة
و راح يلعب بالبورتابل
و بعدها بدات الحرب مع المطبخ
كان خراااب بالغبار و الاسمنت و الجبس
حكيته و نقيت تحت البوتاجي و مسحت الفايونس تاع الحيطان و البوتاجي
مسحت الغاز (ماشي كويزينييغ و انما غاز صغير فيه 3 عيون)
و مسحت زجاج باب البلكون
و غسلت الارضية و نظفتها
و دخلت طاولة الاكل و فرشت عليها ناب
و رتبت كل الاواني اللي خذيت على البوتاجي و داخل البلاكارات تحت البوتاجي
ما عنديش الغونجمو بزااف وين نرتب حوايجي
اضطريت نخلي بعضهم على البوتاجي حتى ندبر عليهم مع الوقت
عندها حطيت شويا قهوة شربتها و ارتحت
بقالي الستائر نعلقهم
و الحمامات انظفهم تنظيف عميق لاني نظفتهم تنظيف عادي فقط
ما قدرتش عليهم كلهم البارح
و اليوم كان من المفروض نرجع نكمل لكن ما كفاناش الوقت كان عندنا اعمال مستعجلة
ربما غدا نكمل ما تبقى من تنظيفات و ترتيب

تقرير اليوم:
قمت بتنظيفات يومية كالعادة
و طيبت الرفيس بالنابطة و اللبن للغذاء
(الصور من النت)






(عشبة النابطة او اظن تسمى تيمرسات في بعض المناطق)

ما درت ولا تنظيفات ربيعية او رمضانية
لا البارحة ولا اليوم

و رانا مع تحضيرات عرس خالتي موعده يوم الخميس باذن الله
هاذي خالتي فاتها القطار كيما يقولوا و ما تزوجتش بارادتها هي رغم كثرة خطابيها
(و هي فالحقيقة كلشي بالمكتوب و بارادة الله)
لانها كانت رافدة والديها
مرضت جدتي و رفدتها و تهلت فيها حتى توفات
و رفدت جدي لما مرض و قامت بيه على اكمل وجه حتى توفى
و الآن فقط اقتنعت انها تشوف لحياتها و تتزوج
ربي يجازيها خير ان شاء الله
و يسعد قلبها و يفتحها في وجهها و يسخرلها ياا رب آآميييييييين

[حبيييبة]

كاين مشاركات بزااااااااااف حابة نرد عليهم لكن رايحة نخليهم لغدوة باذن الله
الصراحة عينيا نصف مغلوقين حابيين ينعسوا
الا اني حابة نعلق على مشاركة حبيبتنا سيرين
ربي يحميها و يحفظها مالعين و يزرقها الذرية الصالحة الطيبة اللي تسر خاطرها ياا رب
مشاركتها اعجبتني و جعلتني احترم اصرارها على التغيير
و مثابرتها لتحقيق اهدافها
اعجبني برنامجك اليومي الصباحي و المسائي
متوازن و معقول
و عندي فقط ملاحظة و استفسار فيما يخص برنامجك الاسبوعي
لاحظت انك حبيبتي سرين امرأة عاملة
تقضي معظم يومك خارج البيت و هذا شيء متعب جدا ربي يعينك و يقدرك حبيبتي
و رغم ذلك حطيتي في برنامجك الاسبوعي اعمال كثيييرة تقومي بها كل يوم من ايام الاسبوع
عدا طبعا الويكاند اعجبني انك افرغتيه من الاشغال الشاقة
اذا ممكن حبيبتي تشاركينا تجربتك كامرأة عاملة
و تحكيلنا كيف قدرتي توفقي بين العمل و نفسك و بيتك و زوجك؟؟
و اكون شاكرة لك كل الشكر غاليتي ♥
لان تجربتك ستنفع الكثير من العاملات اللي جلهم راهم بمثل ظروفك و اكثر
ربي يكون في العون

[غزالة1]

السلام عليكم ورحمة الله وبركاته
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين
لا اله إلا انت سبحانك اني كنت من الظالمين

[غزالة1]

صباح معطر بذكر الله
صباح الخير و النشاط
صباح التفاؤل. لا تقل ربي عندي هم كبير بل يا هم عندي رب كبير سمعتها من الدكتور النابلسي

[hanamohamed]

*صبحكم الله بالإيمان وطاعة الرحمن
*صبحكم الله بالعافيه

[حياتي كلها امل]

السلام عليكم جميعا صباحكما ورد وفل صباح التفاءل والنشاط
اسءل الله العظيم في هدا اليوم الربيعي الجميل ان يفرج كربة كل مكروب ويشفي كل مريض ويجعله يوم خير وبركة ونجاح وامل .

[جهينة اليقين]

ه
ااسلام عليكم كيف اصبحتم يا فراشاتي الجميلات ان شاء الله بخير اليوم نضت صليت الفجر شربت الماء وقريت الورد اليومي ورجعت رقدت حتى السادسة والنصف سمعت بنتي ناضت نهز في روحي والو غلبني النعاس عيطت لها يا بنتي ما قدرتش ما قدرتش ننوض ديري نيسكافي لروحك وروحيلان جامعتها شوي بعيدة وكي نضت على السابعة ما صبتها دارت والو خرجت هكذاك شفتو بنات اليوم ؟؟