الجزء 125 من واش طيبتي اليوم.....مرحبا بالغوالي - الصفحة 24

oum islem · 2015-04-09, 16:02

سلام
ليزا ديري البنيون قاطو مايطيبش وسريع واتحفيه مليح يا الشاطرة
قمر ويا سعدي انا بمون ماغي
أم سراج تحية متبادلة
لبنات عندي تابلات4
شكون تقولي كيفاش نحط الوسام في التوقيع
ليزا علاه الصابلي تاعك تان تحفة علاه ما ديريهش وخلاص

ام رشدى · 2015-04-09, 16:18

صح قهيوتكم لحراير اختي ليزا السابلي انتاعك روووووعة زيديلو شوية قلاساج شكولة برك راه بنين ويعمر العين
دركا وقتك ضيق انقولك راني جاية انعاون اختي ماتخميش كااااامل ههههههه

ام سهام 02 · 2015-04-09, 16:19

السلام عليكم يا الحراير

ام رويدة الف مبروك الكوزينة الله يجعلها فال خير للجميع

للاسف ماخرجوليش الصور وتفضلي باروكي

على فكرة ام سراج وملاك رقمي 3

ام سهام 02 · 2015-04-09, 16:23

اقتباس:

المشاركة الأصلية كتبت بواسطة lyzzabel

ام إسلااام شعوور متباادل حبيبتي والله دخلتي قلبي من أول يوم سبحاان الذي ألف بين قلووب لم تعرف بعضهاا و دخلت القلووب بدوون استئذاان

زينوووبة الف حمد لله على رجووع زوجك بخيير و سلاامة و الله لاا يحرم حتى مؤمن من زياارة البيقااع المقدسة

وررردة فعلاا الحريرة بنييينة انا مين قريي الوصفة عرفتهاا لأني من محبي الحرييرة مممممم ههه

حبيبااتي عنديي غدوة بإدن الله تحمماد تااع عمرة مرت جدي الله يرحمه و كنت كموندييت القااتو على واحد يبيع حلوياات هاايلة و في آخر لحظة عيطتلي أختي و قالتلي راه قالي لي تخدملي الحلوياات بطلت وااااااع حكمتني الخلعة و ما بقاااليييش الوقت بزااااف ،، الله يخليييكم اقترحوو علياا أفكااار تااع قااتو شبااب و يحمر الوجه و ما فيييهش الخدمة بزاااف رااكم عاارفيين ما نقدرش نخدم حااجة لي تشد اليد ما بقااش الوقت ،،،، في انتظااار اقتراحااااتكم حبيبااتيي نرووح نفتش فالمنتدى بالااك كااش ما نلقى فكرة

اهلا بالغالية نقترح عليك بنيون وزينيه شباب او الجلجلانية اوحلوة الكبريس انظن هذو يوالمو لتحماد تع عمرةومايشدوش اليد

oum islem · 2015-04-09, 16:24

الله يعطيك ما تتمناي حلوياتك انيقة ولذيذة ومتقونة ربي يبارك في صحتك أم سهام
سلام أم رشدي
صح قهيوتكم

ام سراج وملاك · 2015-04-09, 16:25

ام سهام نقعد نتفرج فيها ونقول يادرا زهرمن مالا هيا نتي لي دبرتيها كامل حنا مخرجاناش 3
ليزا شفتك تسقسي على قاطو ساهل وميديش الوقت شوفي هاذي الوصفة نتاعي ساهلة وسريعة نتي كيلي بحاجة صغيرة برك باش متتعبيش في الخدمة

قاطو بيمو
نكيلي باي حاجة نتي والكمية لحبيتيها اول حاجة كيلة سمن ذائب + كيلة حليب + نصف كيلة سكر ارطب + حبة بيض + فاني + فرينة تلمي بيها العجين
الحشو : نواد كوكو + معجون + عصير حبة قارص او كاوكاو + معجون وعصير حبة قارص
التحضير : تخلطي جميع مقادير العجين حتى تتحصلي على عجين طري تخليها ترتاح ربع ساعة ثم ابداي العمل نتاعك حلي العجين بالحلال شكلي دوائر ديري الحشو في الوسط ثم رولي على شكل هلال مثل طريقة التشاراك كي تخلصي العجين نتاعك دخليه يطيب في الفرن كي يطيب تكوني وجدتي قاطو بيمو مرحي باط من الاحسن كي تشري قاطو بيمو اشري باط لي لونو ازرق لانو الازرق مذاق نتاعو بنين وتكوني موجدة لعسل اغطسي حبة القاطو في لعسل مخلط مع ماء الزهر ومبعد مرمديه في قاطو بيمو مرحي ارطب متتصوروش واش المذاق نتاعو بنين بالنسبة للمكيال لي كيلتي بيه مهما يكون الحجم نتاعو حبة البيض موجودة سواءا كان كاس او طاوة او اي حاجة استعملتيها شوفي وتقدري ديري زيقزاق من فوق بالشيكولا *

ليزا او ديري قاطو بنيون مايطيبش كيما قالو لبنات ديريه دوائر واغطسيه في شيكولا بيضاء وديري نصف حبة جوز من فوق وديري زيقزاق بالشيكولا سوداء وبريو لونو ابض يجي شكلو روووووووعة الجوز اشري غير ب20الف لتزين برك انا مرة درتو جا رووووووووووووعة الشكل نتاعو درتو كيما قتلك التزين

ام رشدى · 2015-04-09, 16:26

اهلين عزيزتي ام اسلام انشاء تكون اختي باللف خير
ام سهام اهلين بالاخت العزيزة وشراكي
اختي ام سراج ملاك يعطيك الصحة علة الوصفة فكرتيني فيها وراه يجي بنين وزاكي

natacabell · 2015-04-09, 16:27

مساءكم سعيد يعطيكم الصحة على واش حطيتو كلشي يشهي راجعت كامل الصفحات حبتو ديرولي استجواب ياالله
عطر يعطيك الصحة الحق يعجبوني الحلويات ديالك و يعجبني داك الفنيجل تع القهوة اللي ميخطيكش ههه
يعطيكم الصحة على الوصفات السريعة
فطوري اليوم بطاطا في الفور و درت قاطو هادا اللي في الصورة و الحمد لله

ام سهام مممم يعطيك الصحة
ليزا بويسك عندك النواد كوكو ديري ليزاموندين تع ام اسلام و اية هايلين و يخرجو

[/CENTER]

*وردة الشرق* · 2015-04-09, 16:29

مسسسسسسسسسسسسسسسسسساء النور حبوبات كيف الاحوال
ام اسلام امممم طيابك يشهي حبيبتي
ام سهام اخ على الصابلي روعة ما شاء الله
ام سراج مساء الانوار
لييييييييييييزا لعزيزة كيفاه حوالك ربي يعينك حبيبتي كون منك ندير قاطو بلاط واحد كما قالت قمر وفرات ولا ديري حلوى الملفوفة تاني مليحة
قمورة الحلوة ما تلاقيناش امممم على الرفيس ما عندي ما نقول
وردة شمس.فضيلة .ام رشدي .زينوبة .tamimkougi.زهروان مسسسسسسسسسسسساء النور والله ماني قاعدة بالاك يسهل ربي منهنا لليل ونقعد شوية
وهيبة حبيبتي ما تلاقيتش بيك اليوم كيف احوالك حنونة
ام ياسين ربي يتقبل ويعينك حبيبتي لعزيزة
دائمة الحمد البطاطا امممممممممممم رايحة نجربها اكيد
هدا واش تفكرت اللي نسيتها يا خوتي تسامحني بليييييييييييييييز

*وردة الشرق* · 2015-04-09, 16:30

اقتباس:

المشاركة الأصلية كتبت بواسطة natacabell

مساءكم سعيد يعطيكم الصحة على واش حطيتو كلشي يشهي راجعت كامل الصفحات حبتو ديرولي استجواب ياالله
عطر يعطيك الصحة الحق يعجبوني الحلويات ديالك و يعجبني داك الفنيجل تع القهوة اللي ميخطيكش ههه
يعطيكم الصحة على الوصفات السريعة
فطوري اليوم بطاطا في الفور و درت قاطو هادا اللي في الصورة و الحمد لله

ام سهام مممم يعطيك الصحة
ليزا بويسك عندك النواد كوكو ديري ليزاموندين تع ام اسلام و اية هايلين و يخرجو

[/center]

نتكبل امممممممممممم والقاطو تعرفي راهو في بالي زعمة رايحة غدوة بادن الله نديرو خلصلهم الصابلي بصحتكم حبيبتي

fadila34 · 2015-04-09, 16:35

شوفي هذا اختي ليزا يوجد فى ساعة لعد مليح ويساعدك دريه
قاطو الكربونات
250غ مقارين+3بيضات+1كاس سكر+2مغارف صغار كربونات+نصف كاس عسل+فرينة
تلميها كامل مع بعض وتقرسيها فى البلاطو وتحطيها فى الفرن كي طيب تولي عجينة بنية من العسل والكربونات كى تبرد زينها وش حبيتي
شكولة او كنفتور ورشي الكاوكاو او نوت كوكو وليكي الاختيار لمكنش نجي نعونك نموت على صنع القاطو

ام سهام 02 · 2015-04-09, 16:36

شكرااااا حبيباتي ام اسلام وام زينب وام سراج وام رشدي عويناتكم شابين فرحتوني بتعليقاتكن الطيبة

نتاشا امممممم يعجبني طيابك الخفيف بعطيك الصحة

ام سراج وملاك · 2015-04-09, 16:36

ليزا ضك ندوخك كاين وصفة قاطو بالفلان طول نديرها هايلة
250 غ زبدة اي نوع + باط فلان فراز + تقريبا نص كاس سكر ارطب خطراه لفلان حلو + وفرينة تلمي بيها لعجين ذوقو كيما لغروبية هاذا مافيه مكونات العجينة تجي وردي شكلي دوائر بالكاس ولصقي كل زوج حبات مع بعض واغطسي الحبة من فوق بالشيكولا بيضاء وديري زيقزاق بالشيكولا السوداء الزيقزاق كيما حبيتي كيما نتاع الملفاي ولا عادي يجي لونو وردي مع الابيض روووووووووعة

natacabell · 2015-04-09, 16:38

شفتي زينوبة هاذا اللي يسلك كنت راح ندير تارت او سيترو خدمتلها البارح لافاغس التاعها بصح ماشي تع قهوة حليب ايا درت في حالي تحبي نعطيك الوصفة هههههه جابلي ربي ماكاش اللي ميعرفلوش ايه وصفة قديمة و كيما يقولو جديد حبو و لقديم متفرطش فيه

ام نور الهدى 2014 · 2015-04-09, 16:38

السﻻم عليكم
يعطيكم الصحة واش حطيتو يسلموو الايادي
حبيت نسقسي على عجينة بيتزا لزينب83 راهي اوف ﻻين لي مجربتها تعني المقادير
^_^