اختي ايمان دادو انا نقترح عليك تبدي غير بالشوي مع زوجك واهلو لان العمر ان شاءالله مازال قدامك تبينيلهم الشطارة وعن تجربة اتعلمي التقليدي باش لوكان يقولولك طيبيلنا هاذي او هاذي تكوني تعرفيلها اهم حتى من العصري لان عندو ضوابط محددة واتعلمي ثاني مقادير الطياب بكميات كبيرة اون كا جمعهم زوجك على وليمة لازم انت اللي تقوميها وراني عارفة التباسة مليح يموتو على الزرد
بالنسبة للجديد كثري من لي قراتان راهم ساهلين وتقدري من الموجود تحضريهم وخلي عندك في الكونجيلاتوغ شوي لحم مرحي ولحم غنمي او بقري ودجاجة او ثنين لزوم ضيوف الغفلة
اعتمدي على الدجاج او لحم محمر في اكياس الشواء مع الخضر والبيتزا وليكيش وديري الشيش طاووق طاجين الزيتون قرنون محشي
والشوربة نوعي من شربة فريك وشوربة بيضاء وسوب الليقيم وحساء الجبن وفي المدة الاولى خلي تحت يدك شوي شباح الصفراء وحتى طاجين لحلو طايب في الثلاجة تزيدي في جمال السفرة
دايما خادمة موديل والا 2 نتاع قاطو للقهوة ضرووووووري
واذا تزربتي اخدمي بسبوسة او مسكوتة او بان كايك واذا تقدري طيبي كمية من الطاغطولات حطيهم في المجمد كي تعرفي جايينك ضيافاجبديهم وطيبي كريم باتيسيير احشيهم وزينيهم باي شيء حتى بصوص الشوكولا
هاذا واش تفكرت وكانش ما نتفكر نزيد نكتبلك
( تقرير عن مشاركة سيئة )، و الموجودة أسفل كل مشاركة .
2014-04-06, 14:05
العرض العادي
