الجزء29 من واش طيبتي اليوم؟ - الصفحة 24

رياحين الجزائر · 2013-09-26, 10:34

ياسلام عليكم الكل ما شاء الله عليكم

sidali 2007 · 2013-09-26, 10:38

صباح لخير ولخيرات ياحلي فحلات
الهام صباح لخير راكي نجمة لمنتدي هههه بصحتك تستهلي
غدايا ليوم شكشوكة وسلاطة ودسار وفيها باركة
راني رايحة ندير قاطو فلوكاند تاع جلجلانية لفلة وشريت لمول تاع سليكون جدد مندرلهم ولو كاول مرا نستعملهم
وحكمتني حمة تاع لغربية وبقلاوة تاع ام كوثر ثاني رايحة نديرهم
ولقيت وحد لقاطو مليح فلانترنات اسم عش لبلبل نديرو هههه راجلي مكانش نبروفيتي هو ميكلش لقاطو ابدا رجعني فنيانة فلقاطو ونخلص لمزانية ونزاها .

ام خالد اسلام · 2013-09-26, 10:39

صباح الخير حبيباتي اليوم غدايا عيييييييييييييييييييييييييييييييش وصلتني الحمى
بصحتكم واش طيبتو

رياحين الجزائر · 2013-09-26, 10:40

راني حايرة لمن انصوت ابالي مانصوتش وخلاص كامل عجبتني اعمالكم روعة روعة

عطرالذهب · 2013-09-26, 10:44

صباح الخير على احلى شلة ويعطيكم الصحة كامل على ابداعاتكم في المعجنات وباش مانخرجش على الموضوع غدايا فريكاسي وجاري فريك من البارح

أم شيماءْ · 2013-09-26, 10:45

يا بنات حابة نجرب الغريبية تاع ام كوثر بصح معنديش السمن ممكن نستعمل لابال

أم محمد تاج · 2013-09-26, 10:51

أوريسيا حنونة هي تصلح بلابال بصح بالسمن خير
وننصحك لابال ذوبيها وحطيها في الفريجيدار تجمد مليح وضرك تلقاي الحليب تاعها خرج من تحت صفيه وخليها تطرا في حرارة الغرفة ونشالله تصلحلك

إلهام07 · 2013-09-26, 10:52

شكرا أم محمد تاج أصبري ياخاه علاه مقلقة ضرك يطرى السمن يطوبل شوية
أنا قلت مفاجئة نونونونو راكي غالطة

مونى بصحتكم اللوبياء

هيه أوغيسيا وصلتني قريتها بصح ماتزعفيش شبعت ضحك ههههههههههههههههههه
عادي بالعكس كي بانت ضرك خير من مرة أخرى صدقيني راهو منع

إلهام07 · 2013-09-26, 11:00

أوغيسيا الوصفة اللي مالفة نديرها فيها لابال + زيت وجي تذوب في الفم بصح ضرك حابة نجرب نتاع أم كوثر
أنا إنسانة تمل من اي حاجة ثم ثم يعني حتى لو الوصفة نتاعي تهبل بصح نكره الروتين نحب التغيير هههههههههه
مثلا البيتزا بالاك درتها ب20-30 وصفة مختلفة وكل نهار وكيفاش وثاني السوفلي وكل أنواع المعجنات
أما التطبيقات اللي تشوفوني نديرهم حتى لو يعجبوني بزاف نكره نعاود نحب ديما ندير الجديد
كي نكون في المطبخ اللي يدخل يسأل واش هو العشاء نجاوب مثلا : بيتزا ، يقولولي البيتزا هذيك اللي نعرفوها ولا كاش حاجة جديد هههههههههههههههههههههه:confuse d: مساكن ولا العشاء عندهم قنبلة موقوتة ههه
حتى في العطور ومواد التجميل كل ماتخلاص القارورة نشري ماركة أخرى مانقدرش نعاود ههههههههه قريب ضرك غسلت بكل أنواع الشامبوان ماخليت والو ههههههههههههههه

إلهام07 · 2013-09-26, 11:06

حقة المفاجئة لقيت "القناوية" تتباع صجفة في المارشي شريت رطل يا بن عمي غالية دير 700دج

المهم ضرك اعطيوني وصفة القناوية باش نديرها شكون مالفة ديرها

حقة المفاجئة هي أنني يا ام محمد تاج القرعاجة صورتلكم الصالون نتاعنا كي عادت الصوارة عندي والله صورت صور عشوائية حتى العديل ماعدلتوش كيما لقيتو صورت وخلاص بصح مانيش ابة نحطو موضوع في قسم الديكور
قلت بالاك من بعد نحط الصور تشوفوه ونحذفهم واش قلتو ؟

أشفاو راني قاعدة نوفي بوعودي واحد واحد :
حطيت وصفة الآيس تي
وحطيت وصفة البطاطا كوشة
وحطيت تطبيقي نتاع التشاراك بالتفصيل
وبحول الله في قيبا حدا نحط وصفة النقاش كيما وعدتكم قبل العيد بأيام باشجربوه في راحتكم

إلهام07 · 2013-09-26, 11:06

رايحة نتغدى الحمص ونرجع وععععععععع............النجدة

فتاة الدعوة · 2013-09-26, 11:12

بصحتكم كامل يا لبنات فطوري راه الحريرة وفريت وسلاطة

mounia nouna · 2013-09-26, 11:17

بصحتك لهومة الحمص ان شاء الله يعجبك يجيك بنين

ام لقمان02 · 2013-09-26, 11:25

صباح الانوار لبنات ومبروكالكوزينة الجديدة

درت للفطور بطاطا في الكوشة وسلطة

omhadil · 2013-09-26, 11:28

صباح الخير عليكم وصح غداكم
الهام واش هاذ الشطارة راكى زادمة بكل قوة نستعرف بيك على هاذ النشاط والحيوية
بصحتك الحمص