اخر اخبار ضباط الشرطة للنظام العمومي

[yacinedroit]

السلام عليكم أنا يا أخي ليسانس حقوق وراهو باين من اسمي و شكرا

[algerien002]

شكرا الاخ ياسين

[mohamed.gh25]

أنا حقوق ومابعتوليش وعندي كابا
لكن نهار دفعت الرولفي دفعت تاع 4 سنوات لأنه يخرج في جامعة قسنطينة لأربع سنوات وليس كل سنة وحدو

[chrif]

أنا تخصص مناجمنت علوم التسيير بصح ما بعتوليش الحكاية هدي تاع الرولفي........ما فهمنا والو فالموصيبة اللي حصلنا فيها
أنا نقولهم حاجة وحدة وكيلهم ربي.......و كون جات عندي تفيتقة ندير فيها حجة spéciale للحنوشة اللي يعطلوا ندعيهم من عرفة دعوة تطلع sur ....حــــــــــــــــرام عليــــــــــــهم

[algerien002]

هل كاينين ناس تخصص غير الحقوق اللي استدعاوهم ؟؟؟

[algerien002]

ولا رد ولكن ليس بالامر الغريب انه لا توجد ردود

[boubkre.gm3]

انا لم يتم استدعائي لكن نهار عيطولنا قدمت كشف النقاط لاربع سنوات وشهادتي اليسانس علم الاجتماع اختصاص اعلام واتصال يظهرلي انو الامر قضي فيه الناس لي رسلولهم باش يتقدمو لحيدرة مبروك عليهم.

[kamikassat]

المشاركة الأصلية كتبت بواسطة algerien002

استدعاء بعض المترشحين دون غيرهم هدا يدل على انه كاين شيء وهدا الشئ هو انو الناس اللس استدعاوهم راهم ناجحين ونقوللهم بالبراكة عليكم من الان واما نحن مازال الدود ينهش فينا وحنا حيين راني خايف حاجة برك الا ما نصيبش بلاصة عند القاعدة في المغرب الاسلامي هما ثاني الله يستر الخدمة راهي عزيزة les offres اهم قلال ثاني ماراهيش تبشر بالخير .

أخي ....algerien002 واشراك لاباس ....ننصحك أنك تثق في ربك فسبحانه كل شيء جعله بمقدار أنا خرجت كونجي نوجد لكونكور الديوانة نتاع ضباط الفرق لي نجوزوه غدوة ومي درت تاست ليه صافي 2 موا شهرين هذي السمانة و انا راقد يجيني تيليفون يقولولي جيب دوسيك وين ديرت التاست وسنييت الكونطرة ودوك عندي 4 أيام خدمة وبراتب 36 ألف دينار والحمد لله ونزيد نخبرك زوجة المستقبل عندها 4 سنين مدوها لولد عمها زعما خوه ميقري والحمدلله دوكة عندي مكتوب ربي خطيبة الله يبارك وخدمة في الأدارة وربك مايسكر باب حتى يفتح 1000 باب وراك عارف نجحت العام هذا في الديوانة وداروني إحتياط و غدوة نروح نشارك في المسابقة ونورمال عمرها الدنيا ما وقفت عند واحد ولى خدمة ثيق في ربي عمرو ما ينسى واحد كل واحد يعي ويجيه مكتوبو ....أدعيلي غدوة نجوز مليح الكونكور. وبالتوفيق.

[malakrouhi82]

بالتوفيق ان شاء الله

[algerien002]

المشاركة الأصلية كتبت بواسطة kamikassat

أخي ....algerien002 واشراك لاباس ....ننصحك أنك تثق في ربك فسبحانه كل شيء جعله بمقدار أنا خرجت كونجي نوجد لكونكور الديوانة نتاع ضباط الفرق لي نجوزوه غدوة ومي درت تاست ليه صافي 2 موا شهرين هذي السمانة و انا راقد يجيني تيليفون يقولولي جيب دوسيك وين ديرت التاست وسنييت الكونطرة ودوك عندي 4 أيام خدمة وبراتب 36 ألف دينار والحمد لله ونزيد نخبرك زوجة المستقبل عندها 4 سنين مدوها لولد عمها زعما خوه ميقري والحمدلله دوكة عندي مكتوب ربي خطيبة الله يبارك وخدمة في الأدارة وربك مايسكر باب حتى يفتح 1000 باب وراك عارف نجحت العام هذا في الديوانة وداروني إحتياط و غدوة نروح نشارك في المسابقة ونورمال عمرها الدنيا ما وقفت عند واحد ولى خدمة ثيق في ربي عمرو ما ينسى واحد كل واحد يعي ويجيه مكتوبو ....أدعيلي غدوة نجوز مليح الكونكور. وبالتوفيق.

بالتوفيق الاخ و ربي يعطيك على حساب قلبك ان شاء الله.

[algerien002]

شحدت سيفي لاواجه من يريد بي سوءا لمستقبلي فكان من ورائي 2500 مقاتل من مقاتلي النظام العمومي ولما استليته من غمده واستبسلت لاقاتل فوجدت من ورائي 10 مقاتلين فاين دهبوا ولمادا ؟؟؟ سالني مقاتل هل لنا ان نواجههم قلت نعم لان قدرنا هو القتال من اجلنا ومن اجل الغير فندعوا من المتفرجين ان يدعوا لنا نحن من تبقينا ان يفرج غمنا ويدهب همنا واخلصوا الدعاء في هاته الجمعة المباركة.

[karimdannaba]

حسب علمي راهو مازال مابان والووو .................

والناس لي عيطولهم يلحقوا ليسانس ولا كشف النقاط للسنوات الأربعة راه كان الملفات تاعهم ناقصة ولا فيها مشكل....


الحاجة لي بقيت فيها حاير العام هذا هي ... ماخرجت حتى معلومة على نتائج المسابقة قبل الوقت... مالف نشارك وناس تجيب الخبر قبل ... بصح العام هذا واحد ماجاب هدرة صحيحة 100 في 100

إن شاء الله خير


عنابة مابعتو لحتى واحد

[algerien002]

السلام عليكم استفسرت الان من صديق يخدم في السونترال قالي نعم جاء تيليغرام ولكن خاص بجلب الكشوف لسنوات الدراسة والمعنيين بالامر الناس اللي قرات حقوق ماكانش منها استدعاءات الدخلة وشكرا. صلاة جمعة مقبولة ان شاء الله.

[Bourouba22]

وصول تلغرام التربص البارحة والدخول يوم16/10/2011 رسمي 100%

[algerien002]

اخي بوروبة واش من ولاية لحق التليغرام واين يتم التربص