دورة خطواتي الواثقة لأصبح ربّة بيت متألّقة - الصفحة 24

جهينة اليقين · 2016-10-16, 07:11

شكرا كرونو على التثبيت انا لي هذا ثالث يوم راني غير نفرز فالزيادة الي نرميها ولي نخبيها لوقت الحاجة احنا النسا وين ما نروحو نشرو هذي عجبتني هاذي خرجت لامود وفالنظافة نغرقو

~اسيل ريحانتي~ · 2016-10-16, 07:29

ليوم نضت بكري طيبت مبسس توحشوه ولادي ههههه
غسلت وجهي واسناني .......الخ
لبارح في الليل خملت البيوت كنستهم ورتبتهم وغسلت الاواني لمعت الحوض رتبت لوازم الثلاجة حتى لبارح صرفنا ونظفت الحمام مع الدوش ليوم كلش راه يبرق الحمد لله يارب
مرانيش نعجز كيما بكري كنت نعجز نغسل ماعين نخليهم حتى الصباح نلقى الكوزينة تعيف ههههههه

حياتي كلها امل · 2016-10-16, 07:52

الحمد لله البارح غسلت الاواني مع تلميع الحوض ووجدت اغراض اليوم واليوم الصلاة والاذكار قراءة الورد تجميل وخملت البيوت وراني معولة على الثلاجة

حياتي كلها امل · 2016-10-16, 07:54

انا هوايتي المطالعة نحاول نرجع ليها وراني حابة نتعلم لغة انجليزية
واليوم نعمل الجدول الاسبوعي ان شاء الله

~اسيل ريحانتي~ · 2016-10-16, 07:55

اقتباس:

المشاركة الأصلية كتبت بواسطة حياتي كلها امل

الحمد لله البارح غسلت الاواني مع تلميع الحوض ووجدت اغراض اليوم واليوم الصلاة والاذكار قراءة الورد تجميل وخملت البيوت وراني معولة على الثلاجة

ربي يعاونك ماتنسيش تصوريلنا الثلاجة بعد التنظيف ههههه طبعا ان امكن موافقة//?

أم فاطيمة · 2016-10-16, 08:24

اسبحنا و اصبح الملك لله وحده لا شريك له
صباحكم منور بذكر الرحمان
بالامس نضت على 7غسلت ومشطت وحطيت غوج خفيف الصلاة راني بالعذر
وجدت لفطور فطرت انا و الزوج خليت هم فوق الطابلة حتى ينوضو لولاد خملت شمبرتي و الهول
لانك مكان للجلوس خرجت لفراش يتنفس ومسحت الغبرة
درت للفطور سفة بالبن و الرمان وخدمت انا وبنتي صغيرة مسكوتشو
ناضت لكبيرة خملت غرفتهم و قلبنا الماء نظفنا الحالة رديناها تبرق ناضت بنتي الصغيرة رضعتها و ن
وغسلتلها فطرنا غسلت بنتي لماعين و انا غسلت قش بنتي صغير و حفظت وليدي المحفوظات
حتى راسي نقلب لبنات دخلو يدوشو حضرت لتاي و المسكوتشو دخلت الفراش شربنا غسلت
الصغيرة لماعين و انا حضرت لعشا وراجعت مع بنتي اللغة عربية عندها سانكيام
حضرتلهم قشهم نتاع اليوم تعشينا غسلت لماعين ولمعت الحوض ذبان راه داير حالة يموت على نقا
مش كما نتاع بكري كان يتبع غير لوسخ ههههن غسلت يديا ورجليا واسناني سرحت شعراتي و درت ترطيب
ورقدت مع الاستغفار و دعاء المساء. اية الكرسي صباح اليوم نظت على ستة ونصف رضعت بنتي باش
ما تنوضش معايا غسلت ومشطت و حطيت غوج راني معولة غير نخرج نشري خزانة صغير نتاع دوش نحط فيها مستلزماتي
الشخصية باش ما نعجش و حضرت لفطور كان باقي مسكوتشو نوضت ولادي و الزوج فطرو وخرجو درت القش في
الماشينة راهي دور و قلت نطل عليكم راني معولة نخمل جهة نتاع بلاكارات البوتاجي راني غير كي سلحفاةظهري داير في حالة
من الزيادة راني نخلص وان شاء الله نكتب برنامجي الاسبوعي خصوصا الاكل يقلقني بزاف و يشد الوقت كي تكوني مخمة فيه
ما ضيعيش الوقت
يومكم موفق فراشات

ام اكرم31 · 2016-10-16, 08:33

صباح الخير عليكم اخواتي
من فضلكم قولولي على البرنامج كيفاش دخلتو فيه تنضيف المطبخ هل هو روتين شهري او دررتوه على عدة مراحل بطريقة 15د مفهمتش
يا اختي ام تغاريد انا افضل منزيدوش نظيفو برامج حتى نقومو كلنا بالاشياء الي طلبتيها
اي حتى نتعود على الروتينات
انا هوايتي اشغال نحب نخدم كروشي نحب نخيط نصنع اشياء لتنظيم البيت لكن نعجز
تتعرفو حتى صنع الحلويات وراني نعجز عليهم
كنت ندير وظرك صوالح القاطو عندهم يومين محطوطين راني غير ظرك ندير ظرك ندير مكان والو
حتى ولادي غاضوني شربو قهوتهم بالخبز عاونوني اخواتي نرجع كيما كنت

amira19 · 2016-10-16, 08:34

صباح الفل و الياسمين اصبحنا و اصبح الملك لله و الحمد لله
مبروك على التثبيت

حياتي كلها امل · 2016-10-16, 10:22

اقتباس:

المشاركة الأصلية كتبت بواسطة ام اكرم31

صباح الخير عليكم اخواتي
من فضلكم قولولي على البرنامج كيفاش دخلتو فيه تنضيف المطبخ هل هو روتين شهري او دررتوه على عدة مراحل بطريقة 15د مفهمتش
يا اختي ام تغاريد انا افضل منزيدوش نظيفو برامج حتى نقومو كلنا بالاشياء الي طلبتيها
اي حتى نتعود على الروتينات
انا هوايتي اشغال نحب نخدم كروشي نحب نخيط نصنع اشياء لتنظيم البيت لكن نعجز
تتعرفو حتى صنع الحلويات وراني نعجز عليهم
كنت ندير وظرك صوالح القاطو عندهم يومين محطوطين راني غير ظرك ندير ظرك ندير مكان والو
حتى ولادي غاضوني شربو قهوتهم بالخبز عاونوني اخواتي نرجع كيما كنت

اهلا ام اكرام احنا حبينا نبدا تنضيفات استعداد لفصل الشتاء وحبينا نبدا بالمطبخ ونضفوه مليح مام اذا طولنا فيه
ويا اختي مدام عندك لوازم الحلوة علاه متخدميش وتفرحي اولادك بمجرد تشفي ذيك الفرحة في عينيهم راهي شيء كبير وباه ماتكرهيش اعملي كمية كبيرة وخبي منها في المجمد تاع يومين او ثلاثة وزيدي ادخلي لقسم الطبخ تتشجعي كي تشوفي كيفاش يطيبو وينوعو تقولي علاه انا ماشي كيما هوما ربي يوفقك ويخليلك وليداتك

حياتي كلها امل · 2016-10-16, 10:48

راني نضفت الثلاجة بعد مافصلتها على الكهرباء نحيت المواد الي كانو فيها ورميت بعض الادوية المنتهية الصلاحية تاعهم ونزعت الرفوف وغسلتهم بالماء والصابون جيدا وانا عندي صديقتي تعاوني هي فرشات اسنان قديمة نغسل بيها الاماكن الصغيرة من بعد شللتها بالماء الدافيء وشوية خل يعطي لمعان وينحي الرواءح من بعد خليتها تنشف
ثم رجعتلها كل شيء بعد ماكنت غسلتها من الفوق وعلي الجوانب ونفضت موراها وغسلت الحيطالي موراها والارضية من تحتها[IMG

جهينة اليقين · 2016-10-16, 12:02

الله يبارك ام هاجر انا تهنيت منها ما نعرفش نحط الصور لو كان وريت لكم الثلاجة بعد النظافة حبيت نسقسيك على لا اوت راني غير كيم ركبت واحدة شحال تقعدي باش تنظفي الفلتر نتاعها هي العملية شوي متعبة وراني دايما ننقيها مع البلاك

ام اكرم31 · 2016-10-16, 13:10

ربي يحفظك اختي حياتي كلها امل دك نوض ندير الحلوة ان شاء اله وندير بنصيحتك ربي يخليك ويحفضك لوليداتك انت كدلك

omelbanin · 2016-10-16, 13:20

السلام عليكم، انا اليوم من غير الروتين الصباحي ، نظفت لي زينيمو وغسلت كيما قالت جهينة البرطمانات ب aigle dégraissant ،خرجو يشعلو. خليتو نشف ،وعاودت رتبتو، ورميت الأغراض لي ما يصلحوش. والله ولا واسع وحطيت فيه الماعن بليتساع.
وانا اليوم مخصصاتو في التنظيف الاسبوعي لتغيير غلافات المخايدوles housses وles draps
درتهم يتغسلو ونشرتهم.
كملت سيقت كلش، ودرت لغدا.
رحت سرجت قجر تاع الأولاد واستعملت منظمة الملابس لي شريتها.
وبقالي مكان زدت طويت، تريكوات de peau.
تغدينا وغسلت الاواني. ،صليت الظهر، نروح ندير قيلولة راني عيااانة.

~اسيل ريحانتي~ · 2016-10-16, 13:31

[b][i][center][size="6"]يعطيك الصحة ام فطيمة وحياتي كلها امل وام البنين فرحتوني كي حطيتو الصور
انا مازال ما بديت في الكوزينة نظفت غير الثلاجة بلاك غدوا ولا غير غدا والله ماني عارفا هههههه

ليوم نظفت ورتبت الدوش شريت هدو الادراج والله رووووعة يلمو كلش وطبقت الفوط على شكل رول ههههههه
عطوني رايكم وهديك سلة تاع خبز غلفتها وعلقت فيها الازهار وحاشيا حمرا ههههههه ماتنسوش تعطوني رايكم
زوجي عجبه النظام

أم فاطيمة · 2016-10-16, 14:16

مساء الخير صحة فطوركم فحلات بلادي راكم تبعثو شحنة قوية
انا بعد ما غسلت الكسوة. نشفتها حطيتها بجيه دوشت لبنتي لكبيرة
لي غسلتلي نحيتها من بلاصتها وغسل لحيطان وراها
ونشفتها ورجعتها و غسلت باقي الدوش نحب نقيه من بعد غسيل القش يساعدني هذاك البوخار
في التنظيف بسهولة جربوها غسلت قرورات الشومبوان و المراية ولزيطاجور ونشفتهم
و رجعتهم فت على تواليت اكرمكم الله باش ما يغيضهاش الحالنضفتها رديتها تشعل
و عطرتهم بكافور الخزامىناضت بنتي الصغيرة رضعتها و غسلتلها. بدلتلها قشها غسلتهلها بصابون الحجرة
وحدها و خليتها تلعب لغدا عندي بواقي اكل من الثلاجة نحيتهم عليا
جات بنتي نشرت القش الجوارين كامل راهم يبنوما قدرتش نطلع لتيراس
جاو لولاد فطرو غسلت لماعين و رحت درتةليبرا و رجعت عيانة قلت نطل عليكم
لعشية نظف بلاكار ولا زوج نتاع البوتاجي
وندير لعشا و نراجع للولادو ندخل القش حتى لغدىنطبقه
اسيل يعطيك الصحة افكار روعة ربي يجازيك
الاخت ام البنبن اضن بصتك المشتريات
امل عجبني برنامجك ربي يقويك
باقي الفراشات ربي يعينكم