دورة " اللَّهُم بلغنـــــا رمضان 1438 لا فاقدين و لا مفقودين

[omelbanin]

اصبحنا واصبح الملك لله الحمد لله ولا اله الا الله وحده لاشريك له له الملك وله وله الحمد وهو على كل شيء قدير.

[حياتي كلها امل]

السلام عليكم وصبحكم الله بكل خير
شكرا اروى على القهوة
يارب يسعد ايامكم ويعطيكم الصحة والعافية وينور كل اوقاتكم

[omelbanin]

صباح الخير على احلى فراشات
اهلا بحبيبتنا جهينة توحشناك .
شكرا حبيبتي اروى على لقهيوة .
انا اليوم في المطبخ راح نسرج تحت البوتاجي ،راهو .
يوم موفق لجميع الفراشات .

[رندة.]

اصبحنا واصبح الملك لله، اللهم اعنا على ذكرك وشكرك وحسن عبادتك.

[رندة.]

صبااااح الخير لكل الفرااااشات
اهلا بالرائدة سمراء الدنيا، نورت الصفحات جهينة اليقين.
صبحكم الله بالخير ام متين، ام البنين، الفجرالقادم، حياتي كلها امل، ليلي غوز، اروى الاء... القهوة حطيتيها بكري يعطيك الصحة.
الاخت رويدة نهنيك على الافكار الرائعة فالحاجة ام الاختراع، ما شاء الله عليك

[رندة.]

ام شمسو الالوان الي حطيتيهم تاع الماعن يحمزززززو، هكذا مش رايحة ندير جرد ونشوف وش ناقصني...هكذا راح نبدل كلش.....
المرا والكوزينة مملكتها الخاصة تلقايها دايما اتبع في الجديد والعملي والا ما تكونش مرا.

[رندة.]

ام تينة بالنسبة للكراس او المذكرة ما فمهتش وش نكتبوا فيهم البرنامج اليومي تاع الصلاة ولا المحفزات الي تعلمناهم على الصلاة والصدقة؟؟؟

[الفجر القادم]

اسعد الله صباحكن اخواتي حياتي كلها امل ام بنين و رنده بالخير و اليمن و البركات.
ام بنين ان شاء الله احوالك بخير؟ نسال الله لك العافيةالتامة و طهورا ان شاء الله، امين.
الفراشات الملتحقات و المحلقات الغائبات يوم مبارك و موفق لكن و سلامي للجميع.

[سمراء الدنيا]

المشاركة الأصلية كتبت بواسطة حياتي كلها امل

اهلا اهلا بالغالية سمراء توحشناك بزاف بزاف وشراكي وشراهم الاولاد ومريومة كبرت شوية يارب تبقاي معانا ونستفادو منك مثل من قبل
رويدا شكرا على الفكرة مليحة وعملية .

اهلا بيك يا غاليا ...نقول الحمد لله راني نحاول قدر المستطاع نتغلب على الخمول و الاكتءاب للي تسببو الغدة الدرقية ان شاء الله معاكم نرجع كيما كنت مريومة راهي تجري يسال عليك الخير و الاولاد راهم بخير بنتي لكبيرة عندا الباك ادعيلها ربي يخليك

المشاركة الأصلية كتبت بواسطة ام شمسو محمد

اهلا بالطلة و الحضووووور فرااااشتنا الرائدة سمراااااء الدنيااااا ياليت تفيدينا بطروحااااتك الجميييييلة .
رويدا فكرة رااااائعة و مختصرة لمشاكلنا المتعددة مع المطبخ و تحديدا غسيل لماعن

ترحب بيك الجنة اختي ام شمسو و انا اعتذر منكم بشدة لاني اهملتكم و اهملت القسم لكن غصبا عني و ربي يجازي كرونو كل خير كانت دايما حاضرة ... رايحة نشارك باذن الله بللي قدرت عليه و بارك الله فيك

المشاركة الأصلية كتبت بواسطة arwa alaa

اهلا بسمراء واش راكي ريحتي شوية
ومريومة واش راهي توحشناك ساعة ساعة طلي علينا

اهلا بيك اروى النشيطة ..يسال عليك الخير الحمد لله احسن من قبل مازالني مع التحاليل و الطبيبة لانو الهرمون مش مستقر مرة طالع مرة هابط هههه
ان شاء الله يقدرني ربي و نبقى معاكم عندي افكار كثيرة و تطبيقات تمنيت نشاركها معاكم

المشاركة الأصلية كتبت بواسطة omelbanin

السلام عليكم ، شكرا حبيبتي ام البراء على السؤال ،واخيرا اطمنت رحت للطبيبة ونحاتلي الاشكال لي كان في راسي ،والله غير الانسان كي في لحظة يشك بلي راهو مريض يسماطلو كلش وتسود الدنيا في وجهو الحمد لله.
اهلا اهلا حبيبتنا سمراء والله توحشناك ،ما تزيديش تغيبي رانا محتاجينك .
حبيبتي رويدة افكارك ماشاء الله.
انا البارح غسلت لي زيليمو مليح ،ورتبتو ،واليوم كان للثلاجة نظفتها .

و عليكم السلام لاباس عليك ام البنين و الحمد لله على السلامة ....يتوحشلك الخير حنونة حتى انا توحشتكم و اول ما سمحت الظروف راني رجعت

المشاركة الأصلية كتبت بواسطة ام متين

عودة ميمونة للغالية سمراء والعزيزة جهينة واهلا بالوافدات والصفحات منورة بكل الفراشات
ربي يدوم اللمة ان شاء الله

ربي يحفظك ام متين و ينور ايامك

المشاركة الأصلية كتبت بواسطة randa2017

صبااااح الخير لكل الفرااااشات
اهلا بالرائدة سمراء الدنيا، نورت الصفحات جهينة اليقين.
صبحكم الله بالخير ام متين، ام البنين، الفجرالقادم، حياتي كلها امل، ليلي غوز، اروى الاء... القهوة حطيتيها بكري يعطيك الصحة.
الاخت رويدة نهنيك على الافكار الرائعة فالحاجة ام الاختراع، ما شاء الله عليك

ربي يخليك اختي رندا ... و شكرا على الترحيب

[سمراء الدنيا]

سلامي لكل الفراشات للي وضعو بصمتهم في الدورة
اعجبت كثيرا بافكار الاخت رويدة جزاك الله كل خير لم تبخلي علينا في انتظار المزيد من افكارك الجميلة

الاخت ام تينة عجزت نعبر لاني مؤخرا حسيت بتقصير من الجانب الديني ....نتمنى تاخدي بايدينا لبر الامان و نرجعو للطريق السوي و ما تتوقفيش على التذكير و النصح رانا امانة عندك و ربي يجعل كل ما تكتبين في ميزان حسناتك

الاخت للي سالت على تجميد الخبز سمعت دكتور قال لاباس بتجميدو لكن يلف اولا في قطعة قماش ثم في البلاستيك حتى نتجنب الملامسة و التفاعل

اختي ام شمسو تمنيت نضيفو نقطة في اجندة رمضان و نتناقشو فيها ....و هي عادات سيئة نتخلى عنها في رمضان و عادات حسنة نكتسبها و لي عودة للحديث في هاذ الموضوع مطولا

اما بالنسبة للتنظيف و الترتيب راح نكون معاكم خطوة بخطوة ان شاء الله .... فقط لازمني نرجع نقرا الدورة من الاول و نسجل النقاط و الاهداف حتى نكون معاكم في نفس الخط

[ام تينة]

صلااااااااااااااااااااااااااااااااااااااااااااة الضحى حبيييييييييييييباتي
صلااااااااااااااااااااة الاوابييييييييييين

اتركي الدنيا واتصلي بالاخرة

[ام تينة]

بالنسبة للكراسة الخاصة بالتحضير لرمضان
سميناها تزين الحسان لاستقبال شهر رمضان ستكونين عروس رمضااااان 1438
تكلمنا عن الصدقة اكتبي ملذا قررتي ان تفعليه في رمضان القادم
متلا اطعام الطعام افطار صائمين
توزيع تمر وقت الافطار في المسجد
مشروع 120 وهو جمع مبلغ من المال مع الاحباب والاخوات والزوج لقفة رمضان فتكون قفة عاائلية

اكتبي ايضا الاحاديت والايات التي تشجعك
متلا لتدكري نفسك ان رسول الله اكد المرئ في ظل صدقته

انه ما نقص صدقة من مال ابدا

بالنسبة للصلاة اكتبي الايات احاديت التي ادا قراءتها شجعتك لصلة في وقتها

صلاة الضحى وانها صلاة الاوابين
قيام الليل بركعتين خفيفتين
اكتبي خطتك للصلاوات لرمضان بادن الله الرواتب 12 ركعة ليبني الله لك بيتا في الجنة

[crono]

صبااااح الخير لكل الفرااااشات
اصبحنا واصبح الملك لله، اللهم اعنا على ذكرك وشكرك وحسن عبادتك.
عودة ميمونة للغالية سمراء الصفحات منورة بكل الفراشات
ربي يدوم اللمة ان شاء الله

[omelbanin]

السلام عليكم.
كملت تنظيف تحت البوتاجي طولت فيه شوية لانو خرجتلي شحال من خدمة معاه ،المهم رميت مايجب رميه ،نظفت مايجب تنظيفه ،وعدلت شوية في الترتيب ،كانو عندي عرام طوابع ولي مول تاع سيليكون شادين زوج قجور هاذوك تاع البلاستيك ،لميتهم كامل في بيدون يتغلق وخصصتلهم مكان تحت البوتاجي .
وانتم وين لحقتو في الكوزينة؟؟
سمراء عجبني اقتراحك بالنسبة للصفات لي رانا حابين تخلصو منهم ،ان شاء الله هذا رمضان يكون عتبة تغيير للافضل .
يا ناس راني حابة انحي طبيعة القلق والعصبية ،وليت نتقلق لابسط الامور

[ام تينة]

�� قبل رمضان فيم تفكر ؟ ��
اسأل نفسك فيم يسبح خيالك الآن ؟
أفي الآخرة والطاعات ؟
أم في غرض دنيوي ليعينك على طاعة ؟
أم أنك منغمس في التفكير في أمور الدنيا ؟
.
إن أول ما يجب أن تفكر فيه هذه الأيام ويسبح فيه خيالك هو :
�� بلوغ رمضان .. رغم أنف من لحق رمضان وأنهاه ولم يغفر له
�� الإستعداد والشحن لرمضان قلبيًا، وإيمانيًا، وعمليًا بــ :
✔ï¸ڈ الذكر .. لإفاقة غفلة ولهو القلب
#باللسان : استغفار . تسبيح . صلاة على النبي .. إلخ .
#بالقلب : استشعار وجود الله ومراقبته .. إلخ
✔ï¸ڈ استشعار نقصان الأيام واقتراب الأجل
✔ï¸ڈ استشعار النعم ومطالعة الجناية
✔ï¸ڈ صاحب الأخيار وتشبه بهم
✔ï¸ڈ استنشط بقصص الصحابة والتابعين
✔ï¸ڈ كن بخيلاً بزمانك وعمرك وراقب فيم تنفق وقتك
✔ï¸ڈ استغفر كثيرًا
✔ï¸ڈ خصص وردًا للذكر وادع كثيرًا ب " اللهم أعني على ذكرك وشكرك وحسن عبادتك "
✔ï¸ڈ خصص ورداً قرآنيا تفهمه وتتدبره حتى ولو آية تفهمها فهمًا صحيحًا
✔ï¸ڈ ابدأ بالعبادات الرمضانية من الآن (صيام ، قيام)