~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[حياتي كلها امل]

السلام عليكم جميعا اليوم بنتي سرين قفلت عامين وتقريري لهدا الصباح
استيقضت مع ادان الفجر صليت وايقضت زوجي لالصلاة مع اقراءة الادكار بعد دلك ثم رجعت الى النوم حتى الساعة6:30طيبت القهوة ونوضت ولادي شربو واستعدو لدهاب للمدرسة اليوم يجيهم الصوار
بعدها استيقض زوجي وبنتي سرين شربو حليبهم زوجي دهب للعمل واناغسلت لبنتي وبدلتلها ثم غسلت الاواني والثلاجة انا اضع داءما قرورة لازيس فارغة فيها ماء جافيل وقليل من ازيس وامسح الفيونس والبتاجي بيها .ثم خملت الشنبرة والصالون وطبقت الملابس لي غسلتهم بالامس ثم سيقت كلش وبنتي مورايا راني نعلم فيها المرحاض لازم كل ساعة اندخلها.ثم اتجهت للفطور طيبت شربة وسلاطة طرشي.وعندي شوية فراز درتها معجون ثم جيت نطل عليكم

[آسيا 25]

السلام عليكم ورحمة الله وبركاته
لسوء الحظ لم ألحظ إنطلاق هته الدورة حتى اليوم! قرأت كل الردود و التطبيقات و اطلعت على برنامج الغالية سمراء الدنيا و قد أعجبني كثيرا لكن يفرحني أنه من محاسن الصدف أنني بدأت حملة تنظيفاتي استعدادا للشهر الفضيل الأسبوع الماضي و بما أنني عاملة فقد اغتنمت عطلة نهاية الأسبوع+ عطلة 1 ماي و قمت بتنظيف الغرف و الصالون و المطبخ و ترتيبها;قد تستعجبون لكنني كنت أنهض صباحا و أباشرالتنظيف حتى السادسة مساءا مع العلم أنه ليس لدي أطفال بعد,كما قمت بغسل فراش سرير غرفة نومي و الستار و الكاش ريدو أيضا, و أنوي أن أكمل في نهاية الأسبوع المقبل تنظيف الهول و المرحاض أكرمكم الله و الحمام و أن أغسل زربية الصالون و الأغطية الشتوية مع العلم أن باقي الزرابي غسلتها الشهر الماضي بعد عرس أخ زوجي.
بعدها سأتفرغ لتجهيز لوازم الطبخ لرمضان الفضيل من تصبير الطماطم و تحضير الثوم المطحون و تجميد الفلفل المشوي.
كان الله في عونكم أخواتي الطيبات و يسعدني أن أنظم لدورتكم الرائعة.
تحياتي.

[جهينة اليقين]

اهلا وسهلا اسيا معنا اختي حياتي امل الله يبارك راكي ناشطة فقط اضافة زيدي مع الازيس والجافيل خل ابيض الفايونس يرجع يلمع والي عندها تدابير مجربتها مذا بها تحطها لنا

[ام امجد14]

السلام عليكم اسمحولى نشاركم بعض تطبيقاتى كنت نتبع فيكم من بعيد ربى يبارك فيكم
هدا الاسبوع نقيت شويا نعناع و يبستو و خبيتو فى بلارة زجاج https://www8.0zz0.com/2016/05/03/15/378673062.jpg

و فرغت بلاكار الفراش و غسلت الى غسلتو و الى شمستو كل حاجة و هى و حضها
https://www2.0zz0.com/2016/05/03/15/957873139.jpg

و فرغت الصالة و حاولت انى ننزوع ليلوست و ما نجحت فقط حاولت انى نقيهم و هوما راكبين العملية متعبة و صعييبة و دوخ ههههه

https://www6.0zz0.com/2016/05/03/15/887400358.jpg


و نقيت غرفة الاولاد و زينتهالهم شويا و طلبو منى انى ننزع ليهم السدادر مع السخانة يحبو الارض
https://www6.0zz0.com/2016/05/03/15/388022810.jpg

https://www6.0zz0.com/2016/05/03/15/132777988.jpg

https://www6.0zz0.com/2016/05/03/15/595179926.jpg

و هبطت للصالة و فرغتها و نفتها من الغبرة و فرغت البيبيوتاك و فرشت تفريشة خفييييييييييييفة تفاديا لاى حالة طوارئ هههههه

https://www6.0zz0.com/2016/05/03/15/690377745.jpg

https://www2.0zz0.com/2016/05/03/15/934167740.jpg

https://www2.0zz0.com/2016/05/03/15/982839353.jpg


نتمنى انكم تتقبلو مرورى

[سيرين 5]

السلام عليكم لبنات ،
سبحان الله الموضوع هذا وين شفتو بديتو 17 أفريل في نفس اليوم لي بديت فيه أنا التنظيف هههههههه
بالنسبة ليا أنا متزوجة وعندي بنت 9 أشهر و موظفة أغلب وقتي في العمل مخرج من المنزل على 7.30 و ندخل على 6 مساءا، كان نظام بيتي سابقا عندي يوم في الأسبوع لي هو الخميس نظف فيه كل البيت نتعب فيه بزاف لكن تعبي ما نستمتعش بيه طيلة الأسبوع غير يجوز الويك آند نحس داري ما تبقاش نقية و مرتبة دايما الماعن فوق البوطاجي دايما الحوايج في الأرض دايما الفراش مقلب .... والله نتعب بزاف ما نلقاش نتيجة ؟؟؟؟
بعدها قررت نعمل نظام جديد نقسم فيه جميع أعمالي باش تبقى داري مرتبة و نقية، أخذت إجازة 15 يوم و ما كفاتنيش ؟ قلبت الدنيا...
فرغت غرفة النوم كاااامل و نقيتها هي و الصالون و الكوزينة و الآن رجعت للعمل و مازالني كل يوم نرجع الدوزان بالشويا مازال خزانة الملابس راهي فارغة نعاود نطوي كامل الملابس فيها و نجمع الملابس تاع الشتاء في هاذ الأكياس شريتهم 500 دج و نخبيهم في البلاكار باش تفرغلي شويا الخزانة


بالنسبة للخضر كانت عندي سلة حاطتها في البلكون لكن لاحظت أنو البطاطا تزراقلي فيها لذالك جبت سلة صغيرة حطيتها تحت البوطاجي نحط فيها البطاطا و البصل و السلة الأخرى رتبت فيها لي بات (سباغيتي - ماقرون - تليتلي ... و علبة لاليفور - علبة لافاني - أكياس القمامة .....) لأني عندي إليمون ماشي صحيح ما نقدرش نتقلو بالدوزان

أيضا لقيت فكرة في الأنترنت و طبقتها و لقيت نتيجتها هااايلة فقلت ننقلهالكم و لي هي : جيبي قارورة تكون ترش و حطي فيها 2 ك من الماء + ك من الخل + نصف ك جافيل + م ك صابون سائل و خلطي جيدا قبل كل استعمال ، رشي الأسطح (الثلاجة - الكويزينيار- البوطاجي- الفايونس تاع المطبخ و الحمام-لافابو- الروبينيات- الزجاج - النوافذ....) و امسحي بمنشفة نظيفة و سترين النقاء و البريق هااااااايل


أيضا عملت قارورة أخرى حطيتها بالمرحاض حطيت فيها الماء حوالي 2 ك + 1 ك خل + 1 ك جافيل + نصف ك صابون سائل + 1 ك صانيبو و خلطي عند كل استعمال ، رشي حكي بفرشاة المرحاض و ارمي الماء طريقة سهلة و سريعة لتنظيف الحمام كل يوم


ملاحظة: كيلت بكأس تاع لاموتارد

أيضا اشتريت سلات صغيرة و حطيتها في اأدراج حتى يسهل عليا ترتيبها و تبقى مرتبة شريتهم 100 دج للسلة


كما عملت 3 برامج أولية يومي و أسبوعي و شهري قسمت فيه أعمالي المنزيلية سأحسنه مع الوقت ان شاء الله البارح بدأت تطبيقه







راح نعمل جهدي باش نطبق نسبة كبيرة من البرنامج باش و نشوف الأحسن ؟؟؟

[سيرين 5]

سمراء الدنيا بالنسبة للصحة أقترح موضوعي يمكنك الإطلاع عليه من خلال هذا الرابط
https://www.djelfa.info/vb/showthread.php?t=1924879

[سيرين 5]

لي قالت ترقي أولادها صباحا يا ريت تقولنا كيفاش علاجال عجبتني الفكرة ؟ حبيت نطبقها بإذن الله

[ام آدم]

مساء الخير
اولا ارحب بالوافدات الجدد ام امجد وسيرين5 ما شاء الله دخلة قوية ربي يعطيكم صحتكم
سيرين الاخت قالت انها تقرا الفاتحة 7 مرات في الماء لي يشربوه كل صباح

[ام امجد14]

المشاركة الأصلية كتبت بواسطة ام آدم

مساء الخير
اولا ارحب بالوافدات الجدد ام امجد وسيرين5 ما شاء الله دخلة قوية ربي يعطيكم صحتكم
سيرين الاخت قالت انها تقرا الفاتحة 7 مرات في الماء لي يشربوه كل صباح

ترحب بيك الجنة اختى و شكرااااااااااااااااا على هته المعلومة نديرها ان شاء الله لاولادى

[ام آدم]

تقريري لليوم
نهضت على 8 درت غداء تليتلي وغسلت الاواتي ومسحت الارضية مع تنظيف المرحاض الحمام الصلاة عذر شرعي مي راني نحاول نستغفر وننسبح كل ما تذكرت
اخذت قيلولة مع الاولاد لاني ما نخدمش حتى لنهار الخميس وولدي ثاني ما يقراش ومن نضت طبقت جيهة قشي ومازال بعد العشا نغسل الاواني ونلمع الحوض

[hanamohamed]

*صبحكم الله بالإيمان وطاعة الرحمن
*صبحكم الله بالعافيه

[حياتي كلها امل]

السلام عليكم جميعا صباحكما ورد وفل صباح التفاءل والنشاط
اسءل الله العظيم في هدا اليوم الربيعي الجميل ان يفرج كربة كل مكروب ويشفي كل مريض ويجعله يوم خير وبركة ونجاح وامل .

[جهينة اليقين]

ه
ااسلام عليكم كيف اصبحتم يا فراشاتي الجميلات ان شاء الله بخير اليوم نضت صليت الفجر شربت الماء وقريت الورد اليومي ورجعت رقدت حتى السادسة والنصف سمعت بنتي ناضت نهز في روحي والو غلبني النعاس عيطت لها يا بنتي ما قدرتش ما قدرتش ننوض ديري نيسكافي لروحك وروحيلان جامعتها شوي بعيدة وكي نضت على السابعة ما صبتها دارت والو خرجت هكذاك شفتو بنات اليوم ؟؟

[حبيييبة]

صباح النووووووور
الله ينور وجوه هذا الجمعة الطيبة
و يسعد صباحكم و قلوبكم

حبيبتي جهينة بالعقل على بنتك
هو صحيح من المفروض انها في سن لازمها تتعلم تعتمد على نفسها
لان الدنيا ستاتيها بتجارب و خبرات تجعلها تحتاج كل ما تعلمته بين جدران بيتك
لانه المدرسة الاولى و الاهم في بناء شخصية ابنائنا
لكن مثل هاذ التصرفات لاباس ان نتغاضى عنها قليلا
كلنا مرننا بهذه السن و قمنا بمثل ما فعلت
لكن بالعقل و التروي تعلمنا كل ما ينفعنا و يجعلنا احسن كل يوم
ربي يحفظلك بنتك حبيبتي و ينجحها و يفرحك بيها ان شاء الله ياا رب ♥

الرفيس وصفته ساهلة
الرفيس هو المبسس تحضريه عادي السميد و الزبدة و ممكن تضيفي الزيت حسب رغبتك
و الملح و تزيدي عشبة النابطة مطحونة (تنقي الاوراق و تغسليهم و تنشفيهم و تطحنيهم بالميكسور)
و تلمي عجينتك عادي
و تقسميها قطع و اطيبيها على الطاجين
و مبعد لما اطيب تفتتيها في اناء و تاخذي اناء آخر تحطيه على النار
تحطي فيه قليل من الماء (حسب الرغبة نتاعك اذا تحبيه ناشف ما تكتريش قيس كاس شاي
و اذا تحبيه شويا معجن ديري زوج كيسان و تاني حسب كمية الرفيس اللي حضرتي)
(ملاحظة: يمكن لما تخدمي المبسس نتاعك تكوني ما كترتيش الملح يمكن اضيفي قبسة ملح للماء قبل ما اضيفي عليه المبسس المفتت)
آه و نسيت نقولك اضيفي قليل من الزبدة للماء و خليه لما يبدى يغلي شويا
اضيفي عليه المبسس المفتت و خلطيه جيدا حتى يتشرب كمية الماء و يتماسك قليلا
ممكن اضيفي عليه شرائح التمر يجي لذييييييييييذ
و تحطيه في صحن التقديم مزين بالتمر و السكر و يشرب معه اللبن
و بالصحا و الهنا ♥

[حبيييبة]

اهلا حبيبتي سرين
الله الله على الهمة و النشاط و الاصرار
ربي يعطيك الصحة و الهنا حبيبتي
شكرا لاجابتك على طلبي
ربي يخليك لكل الفراشات
حبيبتي نوصيك فقط انك تتهلاي في روحك
النظافة امر راائع و هو مفروض علينا كعباد
و التغيير امر مشرق في حياة كل منا
فهو ما يجعلنا نعيش حياة متجددة كلها امل
لكن علينا ان نسير على طريق التغيير بخطى ثابتة خطوة خطوة
في اول الامر لايهم السرعة المهم الاتقان و الجودة و تعلم كل خطوة جيدا قبل اتيانها
و مع تكرارها نصبح اكثر سرعة في القيام بها
و تصبح جزءا منا يمكن ان نقوم به بعقولنا اللاواعية دون ان نعي مثل السياقة او المشي او او
شوفي حبيبتي انت قومي بتطبيق برنامجك بحذافيره
و رايح مع الوقت تحسي انو ثقيل عليك شويا
اعني البرنامج الاسبوعي
لان اليومي برنامج جميل جدا و مريح
اما الاسبوعي بالنسبة لك حبيبتي تعملين في الخارج و الداخل ووقتك مضغوط
رايحة تقضي على روحك في غضون اسابيع
نحن اهم ما يهمنا في دوراتنا هو انت و كل ربة بيت راهي تقوم باعمالها المنزلية
سواء كانت عاملة او ماكثة في البيت
متزوجة او عزباء
ام او ليس لها اطفال
الكل سواااااء في هذا الامر
لانهم كلهم يتعبوا كل واحدة و حسب ظروفها و امكانياتها و آمالها و احلامها اللي حابة تحققها
كيف ستحققها و هي كالآلة 18 ساعة عمل و تنظيف و كرف
لربنا علينا حق
و لانفسنا علينا حق
و لاسرنا علينا حق
و لاحلامنا و اهدافنا علينا حق
و لدورنا في هذه الارض علينا حق

نرجع ليك حبيبتي سرين
ننصحك تكملي التنظيفات الاولى اللي بدأتي بها حملة تنظيفاتك لما اخذت العطلة
و ان كان ما تقومين به من اعمال هاذ الايام هي تتمة لتلك الحملة فانا معك و اشجعك
لكن لما تنتهي من حملة التنظيف هذه ارجو ان تنقصي قليلا من المهام الاسبوعية
خليها مهمة او اثنين على الاكثر
تذكري لا يهم السرعة المهم صحتك اولا و ثانيا خطوة خطوة و كل سم من بيتك رايح يلعلع من النظافة و البريق
و مهم ايضا انك تحافظي على ما نظفتي نظيفا فما اهمية تعبنا و كرفنا اذا ما رجعت الفوضى بمجرد ماكملنا التنظيف
و انك تحافظي ايضا على النظام لانه اهم و اسبق من النظافة
ممكن تقراي هاذ الموضوع حبيبتي و لكل فراشة في مثل وضعيتك يمكن ينفعها باذن الله

https://www.djelfa.info/vb/showthread.php?t=781307

ربي قويك حبيبتي و يعينك و يرزقك الهناء و الراحة في الدارين