دورة فراشات تزهو بالألوان بيوتهن قمة في النظافة و التنظيم و التدبير و الاتقان

[ام امجد14]

الساااااااااااااااااااااااام عليكم دورة رااااااااااااااااائعة نتمنى تقبلونى بيناتكم
فرحت بعودتك حبيبة عاش من شافك قصدى الى قرا كتييبتك اسمحيلى نقولك توحشششششششششششتك و توحشت ياماتك

المهم رانى معاكم

الجانب الجمالى الحمد لله ما نتسلفش هههههههههه يعنى قايمة بيه كل يوم نغير تسريحتى ماكياج لبس الخخخخخخخخخخخخخ

الجانب الدينى حاسة روحى مقصر هدا الايام رجهت نقرا الورد و رانى نحاول نحافظ عليه الحمد لله الاستغفار ما يفارقش لسانى

الجانب التنضيفى الشى الى شاااطرة فيه غسل الملابس و لو على جثتى الثلج يصب و انا نغسل يخلعونى كى يتراكمو هههههههههه

تنضيف الحوض تعلمتها من دورات السابقة لكن ما نغسلش الماعن جااااااااااااااااامى نلمهم فى باسينة و نقى الكوزينة و نحط الباسينة تحت الكونطوار نحس روحى مرهقة
و الصباح نيجونى ساهلين فى الغسيل نحس روحى ناااااااشطة و ما يدليش الوقت
التسياق كل يوم بالنضفات طبعا للطابق الثانى اما الطبق الول نهار بنهار ما نحس انو الوقت يكفينى

امنيت حيانى نلقى حل للغدا و العشا فكرتينى فى صحبتنا تعرف روحا تقولنا يا عيايا واش ندير عشاياااااا ههههههههههه

المهم نتمنى نلقلى ضالتى معكم
شكرااااااااااا ليك حبيبة برنامج هاااااااايل

[زينب 83]

المشاركة الأصلية كتبت بواسطة om wassim

صباح الفرح و السعادة و النشاط لاحلى فراشات
راني نستنى في فقرة اليوم تاع معاملة الزوج بشوق

صباح الخير ام وسيم ربي يفرحك دايما يا غالية

المشاركة الأصلية كتبت بواسطة fofol

السلام عليكم اخت يصعد صباحك
أنا أوال مرة أدخل إلى موضوعك

بصراحة عجبني كتير لازم أن حافضو على سلامات جو البيت

خاصة رحت أزاوج

يعطيك العافية موضوعك في قيمة الروعة

تحياتي لك

اهلين حبوبة منورة

المشاركة الأصلية كتبت بواسطة om hadil

صباح الخير على احلى فرشات بما انكم اضفتو للموضوع تربية الاطفال نفيدكم بهده المعلومات الي تخص

اولادنا الي ولات ادمان ليهم ان شاء الله تفيدكم منها

كلام صحيح مئة بالمئة

المشاركة الأصلية كتبت بواسطة ~ حراير ~

السلام عليكم و رحمة الله تعالى و بركاته

سبحا الله الودود
سبحان الله ذو العرش المجيد
سبحان الله الفعال لما يريد
سبحان الله المبدئ المعيد

سبحان الله العظيم و بحمده

صباحكم طيب و نهاركم سعي

...........................
في الحق جيت ندبر حتى انا على زينب
اكيد انا معجبة بيها و لو من وراء الستار

و قريت تقريبا جل مواضيعها في الديكور او في الطبخ و الريجيم
على هك راح نقولك اختي زينب ديريلنا نصائح اما في الديكور او في الريجيم
انا نقصت بزاف و مشكلتي اني منين نقصت مانقصتش في سع و مش بطريقة مليحة يعني ضغطت على نفسي

مارست الرياضة بشدة في صالة سبور و درك حبستها و مانقدرش نوليلها راني غير ندير رياضات كارديو في الدار او مشي او نط و لكن مش بنظام
من جيهة الاكل نقصت الخبز و الحلويات
درك حاسة روحي باقية ننقص و صرت خايفة على روحي
قبيل برك وزنت لقيت روحي زدت نقصت 300

و في الحقيقة يمكن منا و جاي مانقدرش نكمل في الريجيم لاني حاسة روحي تعبانة
كنت راح نطلب من لبنات يقولولي على خلطات لتلميع الاظافر و للتخلص من "بونتاف و هو الجلد الي يتنحى بجانب الاظافر كي تسموه انتوما" لكن علابالي بلي السبب دخلاني

وش رايك اختي زينب ؟؟؟؟

شوفي حبوبة انا ضد الريجيم القاسي بتاتا ، شوفي انا كنت نوزن فوق 90 كلغ يعني ماشي حاجة قليلة ، و جربت انواع رجيمات كثيرة و حتى و ان كنت ننقص كنت نمل في الاخير و نحبس ، حتى في يوم من الايام قريت مقال عن السعرات و عرفت انو كل لقمة تدخل فمنا عنها عدد سعرات معين ، فبدأت نقص عدد السعرات تدريجيا و اخيراً عرفت باه نقص وزني لازم ناكل بين 1200 و 1500 سعرة فبدأت بهذا النظام و كنت نمارس الرياضة نصف ساعة في اليوم و كانت المفاجأة انو اول شهر نزلت 13 كلغ و بدون حرمان و بعدها بديت ننزل تدريجيا ساعات بزاف و ساعت شوي و ساعات ماكانش نزول نهائي ، و بغد سنة تقريبا وصلت للوزن المثالي لكن مع هذا الوزن المثالي غيرت بزاف عادات خاطئة بخصوص آكلي انا و عائلتي ، مثلا المشروبات الغازية و المصنعة لا تدخل بيتي نهائيا و أيا كان السبب حتى الضيوف نحطلهم ماء معدني او عصير بيتي ، لا استعمل الطهي بالقلي ابدا الا مرة واحدة في الشهر ،المعلبات لا تدخل بيتي ابدا و المواد الحافظة و الملونات حتى في صنع الحلويات لا استعملها
أولادي لا يتناولون كل انواع الشيبس و الحلوى المصنعة خارج البيت ، كي يسخفو على حاجة نديرها في بيتي ، نحاول نقلل من استعمالا الزيت و الزبدة قدر المستطاع ، النقانق و الكاشير لا يدخلون بيتي ، دخلت القمح الأسمر و الشوفان و الشعير في نظامي الغذائي و زيت الزيتون البهارات لا استعمل الا النافعة منها ، مسليات أطفالي دايما تكون فواكه مقطعة او مكسرات غير مملحة او زبيب ، و كي نكون مشومرة نقطع لهم جزر و بسباس بطريقة جميلة تشهيهم ،

هذا ما تذكرته الان

و الان و الحمد لله وزني 62 كلغ ، و جسمي مشدود امارس الرياضة ساعتين يوميا ماعدا يوم الجمعة و صدقيني و ليت كي مانديرش رياضة نحس روحي ناقصة

على فكرة نسيت نقلك انو انا مدمنة طبخ يعني نموت على الطبخ و ندير حلويات و معجنات لكن لي تكون فيها سعرات بزاف او كمية سكر و زبدة كبيرة ندير منها كمية صغيرة مثلا اذا درت كرواسون مسموح لكل واحد من العيلة حبة في اليوم فقط و الباقي نخبيه في المجمد و هكذا رايحين نستمتعو بالاكل لكون دون إفراط و لا تفريط

خلاصة القول الريجيم ليس فترة و ينتهي ، الريجيم هو أسلوب حياة و تغيير لعادات أكلنا التي تكاد تقضي علينا

المشاركة الأصلية كتبت بواسطة جيادا

اخواتي ام وسيم fofol و ام هديل و حراير صباح السعادة و الفرح و التفاؤل

اهلين جيادا حبوبة

المشاركة الأصلية كتبت بواسطة samira1980

صباح الخير
اختي حراير شكرا على الاهتمام ملي دخلت معاكم لدورة راني تبدلت شوية برك
وبنتي تتفرج لحريم السلطان وفاهماتو و تعرف اسماء الممثلين تقولي السلطان و سلطانة هيام والامير و الباشا ووووو
بصح بنتي من النوع العنيد حتى ونكلخلها بصح تدور عليا تدي الحاجة و ما تديرش واش نقوللها
و نضربها ووالو ما فادش الضرب
والله ماني عارفة واش نديرلها
كي نخرج عند الناس تبان عاقلة ما تصمطش عليا كامل غير في الدار و ناقصة في الاكل يااااااسر
شكرا و عفوا على كثرة الاسئلة

حبيبتي سميرة صراحة انا راح نكون قاسية معاك و نتمنى ماتزعفيش مني لانو نيتي هي الحفاظ على بنتك

شوفي حبيبتي انا استغرب كيف لام ان تترك ابنتها تشاهد المسلسلات في هذا العمر ، يعني صراحة هذا امر غير مقبول ، انت ام و مسؤولة عنها ، و يجب ان تمنعيها منعا باتا و لتفعل ما تشاء اتركيها تصرخ تبكي يوما بعد يوم ستمل البكاء و سترضخ للأمر الواقع ،
انا مرة شفت حلقة من حلقات حريم السلطان و كنت مضطرة لآني كنت ضيفة و أهل البيت كانو يتفرجو ، انا شفت انو هذا مسلسل تافه من كل النواحي اولا هو تحريف تام لتاريخ الاسلام فالسلطان سليمان القانون لم يكن زير نساء بل هو من اعظم سلاطين الاسلام او تعلمين ان في عهده طبقت الشريعة على أصولها ، يعني لا غناء و لا موسيقى و لا عري و لا ،،،،،،، كما انو المشاهد في المسلسل مشاهده مبتذلة لا تعلم الناس غير الفواحش ، مسلسل يشوه سمعة الاسلام بقصة حب غير حقيقية ، بسليمان القانوني قضى كل حياته في الجهاد و لم يكن عنده وقت للحب ،

ماذا ستتعلم ابنتك من هكذا مسلسل ، الا تعلمين انك ستسألين عنها يوم القيامة انت راعية في منزلك لذا يجب عليك المحافظة على بناتك و تنشاتهم تنشئة صالحة و انت قدوتهم في الحياة اذا فعلت خيرا فعلوه و ان فعلت شرا فعلوه لذا أنصحك حبيبتي إبداءا من اليوم امنعي ابنتك من مشاهدته و لا تضعفي أمامها و حاولي ان تقنني الجلوس امام التلفاز انت و بناتك فنحن ستسأل عن أوقاتنا التي تضيع هباءا لذا لما لا تحاولين تعليمها بعض أمور الدين التي تناسب سنها ، او تحكي لها قصصا هادفة او تلعبيبن معهما لعبة مفيدة او تعلمينها إشغالها يدوية تزيد من قدراتها الفكرية ، ابنتك أمانة عندك حافظي عليها

يا رب ماتزعفيش مني راني حكيت معاك كأني نحكي مع اختي

[أم ضياء عبد الرحيم]

مساء النور اخواتي ان شاء الله تكونوا في احسن حال
شكرا حبيبتنا حبيبة على فقرة اليوم و النصائح الذهبية
تطبيقاتي
البارح بعد ما تعشيت انا و ولدي غسلت الاواني مسحتهم و رتبتهم و مسحت الحوض خليتو يلمع
و اليوم نضت صليت و رجعت رقدت كنت شوية تعبانة
كي نضت اهتميت بنفسي و ولدي
الاماكن الساخنة فرزت شوية الخزانة و نظفت الثلاجة حسب الجدول
و الان رقدت ولدي و راني ندير في وردي اليومي
اختي بتول راني ما ننساكش بالدعاء و باذن المولى نبعثلك رسالة خاصة لكي لا نخرج عن الموضوع
اختي حراير ربي يبارك فيك و ينولك واش في بالك
سبحان الله الودود
في امان الله

[samira1980]

اختي جيادا شكرااااااا على النصائح
راح نتبع نصائحك و نعمل بيها
و لكن بنتي راها عنيدة لدرجة ما تصوريهاش انا نتعب و هي ما تتعبش
و هذ نهارات راها حابتني نشريلها ميكرو بورتابل ولا تابلات
باباها قالي نشرولها ميكرو بورتابل وانا قتلو تابلات
في رايك نشريلها او لا
انا حابة نلهيها على خاطر هي ما تحبش تلعب باللعب تحب تخرج البر تلعب مع البنات برا
وانا نخاف عليها من الخروج
و شكراااا مسبقا

[chez biba]

اختي البتول ربي يشفيك ويعافيك وان شاء الله ربي يعوضلك خير ، طهور ان شاء الله
ربي يبارك فيك ويحفظك ويحفظلك كل عزيز وغالي

كروان الجزائر الحمد لله على كل حال اختي ستفرج ان شاء الله فصبر جميل لأنو عندك أمل يعني هذا وضع مؤقت فقط ربي يعينك ويفرج على الجميع يا ربب

اختي نورة انا بالنسبة ليا هاذي نعمة من عند ربي سبحانه ونحمدو ربي عليها لان تملك النفس عند الغضب من ارقى

[أم ضياء عبد الرحيم]

رجعت نرحب بحبيبة الكل اختنا الكبرى دائمة الحمد ربي يحفظك و يخليك لينا و كيما قالت بيبا نتمنى تفيدينا بخبرتك
زينب و jamaltahar مساء الخيرات و المسرات
ام امجد14 مرحبا بيك فراشة جديدة في بستاننا
سبحان الله الودود
سلام

[ام امجد14]

المشاركة الأصلية كتبت بواسطة جيادا

رجعت نرحب بحبيبة الكل اختنا الكبرى دائمة الحمد ربي يحفظك و يخليك لينا و كيما قالت بيبا نتمنى تفيدينا بخبرتك
زينب و jamaltahar مساء الخيرات و المسرات
ام امجد14 مرحبا بيك فراشة جديدة في بستاننا
سبحان الله الودود
سلام

ترب بيك الجنة اختلى ربى ينورك شكراااااااااااااااااااا

[زينب 83]

السلام عليكم
قررت نبدأ ليوم معاكم و و ماناجلش حتى لغدوة

لبارح قبل مانرقد غسلت كل الاواني ودمعت الحوض و نكست كامل الدار و رتبتها باه الصباح كي نوض نلقى كلشي مضيف
في الصباح بعد الصلاة و قراء الأذكار عاودت رقت شوي لانو زوجي هو المسؤول عن الإفطار هههههههه ، عندي طفل واحد يقرى متعود يلبس لباسو وحدو و اكيد انا نوجدهولو في الليل ، كي نقول إفطار ما تتخيلوش زوجي يدير حاجة كبيرة حنا إفطارنا دايما شربة عسل ، حتى الساعة العشرة كي يجي ابني من المدرسة نكون حضرتلهم عصير طبيعي حسب الموجود في البيت و معاه مسكوتشو لازم دايما زوجي مدمن عليها
انا ليوم بعد مانضت مارست ساعتين رياضة بعدها تحممت و سشورت شعري و لبست ثيابي الماكياج مانحبوش بعدها رحت للكوزينة حضرت غداء خفيف للأولاد لان حنا صائمين ، البيت كان نظيف يعني غسلت فقط الحمام اعزكم الله

و مباعد حفظت الصفحة تاع القران المخصصة للعرض غدا
صَلَّيْتَ الظهر
و رقدت وليدي و ضربت طلة على مواضيع المنتدى
و الان رايحة نوجد لفطور

هذا تلميعي للحوض




و هذي طريقتي في تقطير الاواني نحطهم في سلة فوق الحوض مباشرة و كي نكون مزروبة نجففهم بمجفف الشعر الكهربائي هههههه




سلامي ليكم حبيباتي وحدة وحدة و شكرًا للاخت حبيبة و لكل وحدة دخلت و افادتنا بأفكارها و تجاربها

[أم ضياء عبد الرحيم]

المشاركة الأصلية كتبت بواسطة samira1980

اختي جيادا شكرااااااا على النصائح
راح نتبع نصائحك و نعمل بيها
و لكن بنتي راها عنيدة لدرجة ما تصوريهاش انا نتعب و هي ما تتعبش
و هذ نهارات راها حابتني نشريلها ميكرو بورتابل ولا تابلات
باباها قالي نشرولها ميكرو بورتابل وانا قتلو تابلات
في رايك نشريلها او لا
انا حابة نلهيها على خاطر هي ما تحبش تلعب باللعب تحب تخرج البر تلعب مع البنات برا
وانا نخاف عليها من الخروج
و شكراااا مسبقا

مساء النور سامية لا لا ما تشريلهاش هذا امر مفروغ منه مهيش خلاص تاع عمرها
و زيد علاه تشريلها انت تقولي راهي عنيدة و ما تسمعش الهدرة يعني راح تكافئيها على العند لا اختي ما تشريلها ما تخرج تلعب برى تقعد في الدار تلعب قدامك و اذا كاين بنت جيران تقبل امها تجي تلعب معها في البيت تجي مرحبا و يلعبوا قدام عينك و انت تقتارحي الالعاب
و بالنسبة للعند مهما واش تكون عنيدة كون اديري ثيقة في نفسك راح تغلبيها
العند هذا تعوداتو من التراخي انتاعك و الاستسلام و ماهوش راح يروح في يوم كيما ما جاش في يوم يعني لازم صبر و بال طويل و الاهم عزيمة تخيلي غلباتك ضرك و هي مولات ربع سنين و كي تكبر شوية واش راح ادير و في هذا العمر تطلب تابلات امالا كي تكبر واش راح تطلب
اختي ربي عرفوه بالعقل ميش باه نرتاحو من مشكل انديرو مشكل اكثر منه
بنتك ما بيها والو ما لقاتش الحزم برك و الي تهاب منو قلت تهاب ميش تخاف يعني لازم تكون عندك شخصية قدام بنتك لازم و والله الامر راه بسيط ما دام مازالت صغيرة راكي تقدري تبدليها و تنحيلها العادات السيئة
لكن اياك اختي تشري التبلات او ميكرو اياك راه خطأ كبير راح توقعي فيه و من بعد تندمي حيث لا ينفع الندم

[نايليةوافتخر]

بارك الله فيك حبيبة على الفقرة الرائعة
رغم اني مازال ماعرفتش ايلا راني مقبولة معاكم لكن بديت التطبيق
فليل غسلت الماعن ونظفت الحوض مع اني بعد ولادتي وليت نذرح باه نغسل لماعن فاليل
وجهزت واش نحتاج للغد
الصباح نضت على6توضيت غسلت اسناني ومشط ودرت ماكياج خفيف ولبست باهي صليت وجدت فطوري وانا نستغفر فطرت مع زوجي ومن بعد فطرت بنت وبدلتلها وكملت شغلي
الاماكن الساخنة درتلها وقتها فالمساء
عندي بلاكار المطبخ
درج التسريحة
ادراج الخزانة
الغدا والعشا راني انظم فيهم بشوية
شكرا
سبحان الله الودود

[أم مروان]

سلام عليكم والله اللمة حلات بتجمع الاحباب الله يجمعنا في الخير
المهم البارح و اليوم انا خدامة ولكن محافظة ان شاء الله على القواعد
اليوم الاول نضت بكري وجدت الغدا و هذا طبعا بعد اهتمامي بنفسي وبعدها وجدت االاولاد و خرجنا وففي العشية اخترت مكان ساخن و هة فرز الادوية و طيشت منها عراااااااااااااااام هههههههههههو في الليل غسلت الماعن و لمعت الحوووووووووض
واليوم كيفكيف و اخترت اليوم مكان اخر بلاكار الكوزينة صغير شوية فرزتو كي روحت على 11:30 و غديت الاولاد و عودنا خرجن
انا الالولاد مديرتلهم 2 لبسات في الاسبوع الاولى نوجدها ليلية السبت و الثانية يةم الثلاثاء نعلمهم باهيحافظو على نظافتهم و ملابسهم و الاحذية مخصصالهم شيفونات يمسحو وحدهم وانا نعاود من وراهم بلاما يشوفوني الورد انا مدايرة مع البنات االلي معايا حفظ سورة البقرة منين نتلقاو ايام عملي نحفظو على بعضنا و الحمد لله
انا عندي مشكل مع زوجي انا نربي الاولاد على حاجة و هو يعكسني مثلا نكون حازمة في امر معين هو يقول امامهم خليهم برك مزالو صغار ولا ينةض هة يقةم بهذيك الحاجة في بلاصتهم و يقص الهرج تعبت والله تعبت

[om wassim]

مساء الخير فراشات يعطيكم الصحة على النصائح و على الحماس
يا ريييت اختي حبيبة تزيديلنا تطبيق في فقرة معاملة الزوج حتى نتغيرو اذا رانا مقصرين

تطبيقاتي:
_ امس غسلت الاواني و لمعت الحوض
_ اليوم نضت بكري صليت و حضرت نفسي مع مكياج خفيف
_ بديت بجدول تاعك حبيبة اليوم كان خاص بتلميع المرايا و غسل النوافذ لكن بما انو بيتي صغير زدت معاهم مسح الغبار
الحمد لله راني نحس براحة و نحس وقتي بدا يتنظم ربي يجازيكم كل خير
سبحان الله الودود

[samira1980]

اختي زينب83 شكرالك على النصائح القيمة و ان شاء الله مانزعفش راك تقولي في الصح
بصح بنتي راها عنيدة المسلسل في ليل على 10 ليلا و كي ما نديرولهاش تبكي و تصرخ وما تسكتش و ما تتعبش نديرولها المسلسل باش تسكت علينا في ليل

[om wassim]

ربي يبراكلنا في وقتنا

[jamaltahar]

اذا سمحتي حبيبتي حبيبة ممكن منتبهتش او مفهمتش لكن يوم الثلاثاء قلتي الجمال والعناية الشخصية كتبت كلش وطبقت لكن هذا الجانب مالقيتوش ؟؟؟؟؟؟؟