ماهو شرطك يا أختاه...؟

[sherifbboy]

بارك الله فيك اخي

[salim8031]

"أقلهن مهرا اكثرهن بركة" صدق رسول الله
المهر في منطقتنا كالاتي:8ملاين نقدا+ذهب لايقل عن 12 مليون+زهاج لايقل عن 04 ملايين+ خاتم الخطوبة+كبشان بمبلغ على الاقل 5 ملايين هما زوج+فطور الفاتحة في حدود 2 مليون

بمعنى المجموع لا يقل عن 30 مليون

بمعنى واحد خدام يليق له سنتين على الاقل باش يدبر مهر المرأة فقط وما زال ما حسبناش واش يدير هو في بيته كأثاث البيت ووليمة العرس

احكي على نفسي عمري 31 سنة وموظف في التعليم مرتبي يتجاوز 3 ملايين سنتيم راني نخمم في الزواج على حساب هذا المصاريف وحسب حساباتي ربما بعد ثلاث سنوات اتزوج ..هذا اذا بقي المهر هاك اما لو زاد سيطول بي الزمن لاكمال نصف الدين

لكن لو كان المهر مساعد وقليل أؤكد لك اني سأتزوج بعد 6 اشهر

[gomane8]

المشاركة الأصلية كتبت بواسطة BLIDIDZ

السلام عليكم ورحمة الله وبركاته
يا جماعة الخير أنا كان الهدف نتاعي من البداية والله شريف ونبيل
وحبيت نعالج معاكم مشكل إجتماعي نُوصِلُ من خلاله رسالة للأمة تكون زبدة حوارنا الطيب وهذا على أساس أننا الحمدلله كبار في السن ومثقفين ونمثل نخبة المجتمع.
وصدقوني لم تكن لي أي خلفيات أخرى معكم لأنكم جميعا بالنسبة لي إخوة وأقولها وأعيدها ثانية بالدارجة " أنتم خاوتي وخواتاتي" لا أكثر ولا أقل.
فأنا لم يجمعني معكم سوى الإحترام والتقدير المتبادل ولم أحس أني أسأت لأحد وإن فعلت ذلك صدقوني فأنا لم أقصد ذلك وليسامحني كل من أسأت فهمه أو أساء فهمي.

وإلى حد الآن الحمدلله لم أفتي ولم أأمر ولم أبح ولم أكفر أي شيء. فأنا قدمت سوى إقتراحات من وجهة نظري الشخصية، أي أنكم لستم ملزمين بها لأني لست ملك ولست نبي مرسل وليس كلامي قرآن منزل ولست معصوم من الخطأ.

من جهة أخرى، لعل وعسى هناك من فهمني أني أفتش عن زوجة مثالية من خلال موضوعي هذا. فأنا أريد أن أريحكم أني لا أريد الزواج لأني لست مؤهلا لذلك ولست قادرا على المسؤولية ولست قادرا على ظلم أي فتاة وتأكدوا أن مشكلتي ليست مادية ولكن قضية نفسية ومعنوية وإرتباطات عملية. وإن أردت الإرتباط فعلا سأقصد باب اللؤلؤة التي تختارها لي والدتي الكريمة إن شاء الله (وهذه فكرتي وأنا حر فيها ولستم ملزمين بمناقشتي فيها لأني مقتنع بها والحمدلله) ولا أكلف نفسي وأقصد المواقع. أنا أردت إيصال معاناة فئة من المجتمع كانت ضحية أعراف وتقليد أعمى لمجتمعات أخرى، نقطة وإلى السطر.

ونصيحة أخيرة، الدنيا ليست شهادات ومناصب وإنجازات ونساء وأموال، بل إن أكرمكم عند الله أتقاكم. فوالله لمَّا أشاهد طفلا صغيرا يحمل كتاب الله أحس نفسي أني لم أدرس في حياتي قط وأن هذا الطفل أعلم مني بكثير، وأني لا أستحق حتى المستوى الجامعي البسيط جدا الذي أنا أزاوله. وليكن قدوتكم النبي الأمي الذي كان أرفع الناس بأخلاقة وصدقه وصفاء نيته وأمانته و تواضعه وطيبته وطيبة لسانه.

والله من وراء القصد والله على ما أقول شهيد.

السلام عليكم
صح فطوركم
على حساب الرد راك زعفان بزاف ، ياسر كيما نقولو
شوف خويا، اذا انا زعفتك اذن اعتذر!

و الله حقك عليَ،
gouli ch ndirlek w nradi khouya!!!
matez3efch et jatten ta réponse
a+

[imi02i]

السلام عليكم

عمري 19 سنة

مزالني نقرا ...

بعد ما يوفقني ربي ونحقق واش نتمنى

نطلب زوج يكون متدين

هذي لحد الساعة

حاجة أخرى مازال

[مراد حاج كولة]

السلام عليكم ورحمة الله تعالى وربكاته
لقد اطلعت على جل التدخلات للسيدات اللوتي هن متزوجات والعازبات كلهنا باجماع قلن نشترط ...هل يحق للمراة ان تشترط سكنة وحدي 20مليمون +شهر العسل

بزاف اسمحولي بزاف الدين ماقلش هكدا انا مستعد نصوم ومنجبش وحدة تفريمي بزاف انتم كي القط الشحمة كي تكون بعيد عليه يقول منتنة ...الله يهدينا كامل اجمعين

[نسائم الهدى]

المشاركة الأصلية كتبت بواسطة salim8031

"أقلهن مهرا اكثرهن بركة" صدق رسول الله
المهر في منطقتنا كالاتي:8ملاين نقدا+ذهب لايقل عن 12 مليون+زهاج لايقل عن 04 ملايين+ خاتم الخطوبة+كبشان بمبلغ على الاقل 5 ملايين هما زوج+فطور الفاتحة في حدود 2 مليون

بمعنى المجموع لا يقل عن 30 مليون

بمعنى واحد خدام يليق له سنتين على الاقل باش يدبر مهر المرأة فقط وما زال ما حسبناش واش يدير هو في بيته كأثاث البيت ووليمة العرس

احكي على نفسي عمري 31 سنة وموظف في التعليم مرتبي يتجاوز 3 ملايين سنتيم راني نخمم في الزواج على حساب هذا المصاريف وحسب حساباتي ربما بعد ثلاث سنوات اتزوج ..هذا اذا بقي المهر هاك اما لو زاد سيطول بي الزمن لاكمال نصف الدين

لكن لو كان المهر مساعد وقليل أؤكد لك اني سأتزوج بعد 6 اشهر

33 مليون ؟؟؟
33 مليون؟؟؟يا سيدي ربي مي انتوما مهابل اسمحلي
احنا عندنا 33 مليون مصروف العرس من جيناكم بالحسب والنسب حتى لــ بارك الله لكما وبارك عليكما وجمع بينكما بالخير
وانت تقولنا 33 مليون للعروسة فقط؟؟؟ فقط؟؟؟
لا حول ولا قوة إلا بالله
واش نقولك خويا سي بور سا قالتنا عمتي بلي قاللها زوجها(عمتي تزوجت بشاوي يسكن في باتنة)قاللها احنا في عادتنا نعطوا نقود حوالي 8 ملاين لأم العروسة حق ما رضعتها
تصوّروا يدفع العريس ثمن إرضاع عروسه
الله يكون في عونكم خويا
احنا الزواج عندنا ساهل اكثر
صح سحورك وفطورك
وصح عيدك مقدما

[salim8031]

المشاركة الأصلية كتبت بواسطة كريمة 82

33 مليون ؟؟؟
33 مليون؟؟؟يا سيدي ربي مي انتوما مهابل اسمحلي
احنا عندنا 33 مليون مصروف العرس من جيناكم بالحسب والنسب حتى لــ بارك الله لكما وبارك عليكما وجمع بينكما بالخير
وانت تقولنا 33 مليون للعروسة فقط؟؟؟ فقط؟؟؟
لا حول ولا قوة إلا بالله
واش نقولك خويا سي بور سا قالتنا عمتي بلي قاللها زوجها(عمتي تزوجت بشاوي يسكن في باتنة)قاللها احنا في عادتنا نعطوا نقود حوالي 8 ملاين لأم العروسة حق ما رضعتها
تصوّروا يدفع العريس ثمن إرضاع عروسه
الله يكون في عونكم خويا
احنا الزواج عندنا ساهل اكثر
صح سحورك وفطورك
وصح عيدك مقدما

هذه عادات منطقتنا واش نديرو ...انا بصراحة ابحث عن منطقة اخرى أو بنت شرطها يكون قليل
المهم الهنا والسعادة وما خصها والو معايا

اشكرك اختي كريمة82 على الرد وصح فطورك

[نسائم الهدى]

المشاركة الأصلية كتبت بواسطة salim8031

هذه عادات منطقتنا واش نديرو ...انا بصراحة ابحث عن منطقة اخرى أو بنت شرطها يكون قليل
المهم الهنا والسعادة وما خصها والو معايا

اشكرك اختي كريمة82 على الرد وصح فطورك

شكرا لك أخي
ولكن لو سمحت لي بسؤال
من أي منطقة أنت؟؟؟
صح فطورك

[salim8031]

المشاركة الأصلية كتبت بواسطة كريمة 82

شكرا لك أخي
ولكن لو سمحت لي بسؤال
من أي منطقة أنت؟؟؟
صح فطورك

صح فطورك وتقبل الله منا ومنكم
انا من ولاية معسكر
وهذه عاداتها في الصداق
شكرا على ردودك

[آثار طعنة]

المشاركة الأصلية كتبت بواسطة كريمة 82

33 مليون ؟؟؟
33 مليون؟؟؟يا سيدي ربي مي انتوما مهابل اسمحلي
احنا عندنا 33 مليون مصروف العرس من جيناكم بالحسب والنسب حتى لــ بارك الله لكما وبارك عليكما وجمع بينكما بالخير
وانت تقولنا 33 مليون للعروسة فقط؟؟؟ فقط؟؟؟
لا حول ولا قوة إلا بالله
واش نقولك خويا سي بور سا قالتنا عمتي بلي قاللها زوجها(عمتي تزوجت بشاوي يسكن في باتنة)قاللها احنا في عادتنا نعطوا نقود حوالي 8 ملاين لأم العروسة حق ما رضعتها
تصوّروا يدفع العريس ثمن إرضاع عروسه
الله يكون في عونكم خويا
احنا الزواج عندنا ساهل اكثر
صح سحورك وفطورك
وصح عيدك مقدما

كون نعرف كلامك صحيح من غدوة انجي نخطب من عندكم وانخلي البسكريات

يا عجابة ثلاث سنين انحوس على عروسة وما لقيتش ؟؟

[نسائم الهدى]

المشاركة الأصلية كتبت بواسطة آثار طعنة

كون نعرف كلامك صحيح من غدوة انجي نخطب من عندكم وانخلي البسكريات

يا عجابة ثلاث سنين انحوس على عروسة وما لقيتش ؟؟

شوف خويا أنا وين نسكن الشباب الذين هم دون زواج لم يتجاوزوا في أغلبيتهم العشرين سنة
أمّا من هم أكبر من 25 سنة فكلهم تقريبا متزوجون
ذ
سلاااااااااااااااااااااااااااام
ملاحظة: من فضلك ولو سمحت يا أخي علي إحذف الصورة التي في توقيعك فكلما رأيتها أبكي عليها وتزيدني شعورا بأن هناك من كان يستحق العيش أكثر مني
من فضلك لو سمحت
فضلا وليس أمرا

[*احلام بريئة*]

انا جامعية وعندي 20 سنة وشرطي حطو بابا بصح انا شرطت نكمل قرايتي والهنا والحمدالله على كل حال

[narimane1991]

انا خدامة الحمدالله عمري 20 سنة الحمدالله حنا المهور عندناموش بزاف الحمدالله يعني 10 ملايين وصاي وادا حب يزيد هو من عندو حاجة بيناتهم وانا شرطي نلقا واحد فحل يحبسني من الخدمة و حاجة السكنة ماعليش مع داهم حتى يفرج ربي و عندي شرط اخر ومهم جدا انو يديني للعمرة في اقرب وقت خصني نتنقي من الذنوب شوية ونعتبرو فال خير لحياة سعيدة ان شاء الله وحتى ادا حب المهر نتعي نروحو بيه للعمرة ماعليش اكيد يزيد عليه حاجة ونروحو

[عماد المحب]

سلام الله عليكم
يا اخي انا ثانى طالب جامعي
وكدالك طالب الزواج ادا سهل ربي
يا خويا تجربتي الشخصية مازالت في بدايتها اعني مازال ما اتضحتش الامور
لكن تجارب بعض الاصدقاء تدل بانه عند طرق الباب كاول خطوة تقول هدي النسبة لوكان نحوس نفهم مانلقاش مثلهم فيبداو يسهلو ويسهلو لكن من بعد كي تكون وسط الجماعة غير وجد كرومتك للدبيحة
12مليون شرط وعندنا في باتنة زيد فليزة وزيد دبيحة وزيد مصروفها وزيد الخاتم .............................
المعنى بروجي وياربي سلك الاوحال يوم العرس وتكاليف الوليمة
من الاخير ادا عندك من 40 الى60مليون قدم والا ادي معاك العزوبية الى قبرك
يا رب كن عون من يطلب الحلال ويسر اموره
خاصة يا خاوتي الي ما عندوش المعاونة غير ما كلاه يجازف فالعواقب وخيمة ..................................
لكن الي يحسب للطيحات ما يركبش كيما يقولو في المثل الشعبي
سلام

[عوماري]

المشاركة الأصلية كتبت بواسطة narimane1991

انا خدامة الحمدالله عمري 20 سنة الحمدالله حنا المهور عندناموش بزاف الحمدالله يعني 10 ملايين وصاي وادا حب يزيد هو من عندو حاجة بيناتهم وانا شرطي نلقا واحد فحل يحبسني من الخدمة و حاجة السكنة ماعليش مع داهم حتى يفرج ربي و عندي شرط اخر ومهم جدا انو يديني للعمرة في اقرب وقت خصني نتنقي من الذنوب شوية ونعتبرو فال خير لحياة سعيدة ان شاء الله وحتى ادا حب المهر نتعي نروحو بيه للعمرة ماعليش اكيد يزيد عليه حاجة ونروحو

ربي يرزقك زوج صالح ان شاء الله