السلام عليكن
سامحوني و الله ما نقدر نسمي بالوحدة و لكن الله يبارك على ابداعاتكم و شطارتكم و اخلاقكم يا احسن مثال مشرف للمراة الجزائرية سواء اللي راهي قاعدة تربي ولادها او اللي تخدم الداخل او برة او المغتربة كذلك سواء اللي ميسورة و لا اللي ظروفها قيس قيس ربي يرزق و يوفق الجميع
نخص بالرد الغالية سماسم بالنسبة للزيت سبقوني البنات
بالنسبة للغربة و الله كلامك عزيزتي قاسني لانو فعلا صواااااب و تذكرت لما كنت نفكر نفس تفكيرك بالضبط
عزيزتي انا حابة نرجع للغربة ماشي علاجال الماكلة و لا اللبسة الحمد لله رانا ناكلو و نشربو ونلبسو و لكن اوضاع البلاد تعيي راهي في تدهور كلش صعيييييب البيروقراطية الحقرة المعرفة الرشوة ادنى حقوقك ما تقدريش تتكلمي عليها و حتى لو اخذت حقوقك اخرين حقوقهم تهضم قدامك
شوفي نعطيك مثال بسيط منذ سنوات مرضت يما السرطان ربي يعافي الجميع بالسيييييف و بالمعرفة بش قدرنا نداويوها في مستشفى البليدة تصوري مريضة و نخرجو الصباح عالربعة تع الصباح من العاصمة حتى البليدة و كي يحلو تشوفي المعرفة و التشناف و نضربو النهار كامل بش تجوز و كي تطيح لاماشين تع الراديوتيرابي en panne ما كانش اهتمام انا نقولها بكل صراحة و ربي يغفرلي اهتمو بينا شويا خاطر يما كانت توزع الشيكولا للمرضين و احيانا مصيرفة بش يشربو قهوة او ياكلو حاجة و لكن شفت ناس قتلهم الفقر و الذل و الحقرة يجو من اقاصي البلاد و هوما عشاهم ما عندهمش و كي يشوفوهم ما فيهمش فايدة يرجعوهم و يبعدولهم المواعيد و خلي التشناف و و و الله فترة عمري ما راح ننساها طول حياتي رغم انو يما و لله الحمد حالتها مستقرة و حبست العلاج من فترة طويلة
طبعا ما نجمعش و ما نقدرش نقول الكل و لكن الا من رحم ربي و هم قليل و هذا مجرد مثال يعني كلش صعيب من المرض لتشخيصو للعلاج للدواء اللي مش متوفر
للازدحام العجييييب تصوري راجل يخدم عالتسعة يخرج من دارو عالستة تع الصباح بش يلحق بكري و يقعد يدور لانو لو كان تلحق عليه السبعة اكيد تحكمو السيركيلاسيون و يروح روطار و نفس الحكاية العشية
تروحي تشري في السوبر مارشي او la poste يدولك الصرف تقولك ماعنديش la petite monnaie و يزيدو يشنفو عليك
تحتاجي حبة تفاح مثلا البائع يلصق لك كيلو نصو فاسد و يزيد يشنف عليك
تديري لاشان على كاش كارط او مصلحة تشوفي التشناف و يعقبو اللي يجي موراك بشحال
تشري حاجة ما تناسبكش راكي مليحة اذا بدلوهالك اما انهم يرجعولك دراهمك ههذا من سابع المستحيلات
و خلي و خلي و خلي
و الله ماشي نتنكر لبلادي و ما ننكرش فضلها و خيرها عليا و لكن اللي عاش في الغربة و تعود عالاحترام و النظام و القانون و ياخذ حقوقو صعيييييييب نهار يجي و يصيب ابسط حااااجة تكساااااار راس
هذا غيض من فيض و مجرد امثلة بسيطة لانو مستحيل نحكيلك كل وش راهو يصرا هنا في بضعة اسطر بصح حبيت نبين لك انو حبيت نروح من هاذ البلاد ماشي طمعا في المادة و لكن بحثا عن الحرية و الاحترام و الهدوء و نحبس هنا خاطر ضرك يحاوزوني ماشي من الكوزينة برك و لكن من المنتدى كلو بصح هذا رايي يكل صراحة و موضوعية و نتحمل مسؤوليتو قدام ربي
بصح في نفس الوقت خوفك على اولادك و اخلاقهم و تربيتهم مبرر جدا و له وزنه
ربي يقدملنا جميعا اللي فيه الخير و الراحة لينا و وليداتنا
( تقرير عن مشاركة سيئة )، و الموجودة أسفل كل مشاركة .
2015-09-29, 14:21
[/quote]
العرض العادي
