الجزء 136 من واش طيبتي اليوم *فلنغتنم عشر المغفرة* - الصفحة 23

ام ياسو · 2015-06-30, 13:14

ايه نسيت حبيت نسقسي ام الزهراء شحال عندها من عام هههه بنتي مهبلتني حاسبه روحها صغيرة بغيت نديرلها الكوراج ببنتك

الادرارية · 2015-06-30, 13:16

صباح الخيرات والمسرات ان شاء الله تكون كامل ملاح

ام و ابنة · 2015-06-30, 13:33

اقتباس:

المشاركة الأصلية كتبت بواسطة omomnia15

وهيبة اذا تقصدي الي في الصورة راهي ردينة اما الي طيبت هي الهام
ام وابنة صح ياخي كي يلحق رمضان يجيهم اللهف وين تسكني كون راجلك يروح للاسواق تع الذبيحة ثم يكونوا رخاس اما البوشي هذوك سماسرة كلش دوبل

صح فكرة نقول لراجلي يروح للمذبحة بصح يا ربي يقدر راهو شوية مشغوووول مع الخدمة ربي يقدرو و يرزقو

اقتباس:

المشاركة الأصلية كتبت بواسطة jill

غااااااااااااااااالي وقيلة احنا عدنا الزلالف ب 60 الف ضرك كي ينوض ابي نقولو يجيبلي زلوف صغيور شهيتيني فيه

بصح والله اعلم يدير عندنا ب 60 الف اواقل

هذاك اختي قبل رمضان كان بستين دوك ما يحبطش من مية و عشرين حتى يما مسكينة كل يوم كي تخرج تقضي تساومو نفس الشيء لدرجة قالتلي نشريهولك حلفتلها و الله ما يدخل داري

اقتباس:

المشاركة الأصلية كتبت بواسطة الادرارية

صباح الخيرات والمسرات ان شاء الله تكون كامل ملاح

مساءالنور اختي رآنا مع السخانة و الحمد لله

كيفاش السخانة معاكم في ادرار؟

أم محمد تاج · 2015-06-30, 13:38

الله يخليكم يا حلواااااااات والله انتن الاروع
ههههه عسل سل وسووومة ماشفتهاش البارح وضرك نبلغلها واش قلتيلي واصلا الذواقات من عندها ومن عند مرت خويا وحدة هههههههههه
صباحوووو ادرارية حنووووووووونة
ام وابنة الله يعينك على السخفة الحمد لله ماكيش تتوحمي ولا ترضعي
حبيباتي ضرك نحطلكم المقبلة وخاصة لعيون سارة بنت وهيبة ونحطلكم الفيديو تفهمو كيفاش عملت

أم محمد تاج · 2015-06-30, 13:48

مقبلة المحنشة تاع خديجة جكون من توقيع ام تاجووووووووو

حبيباتي الصراحة الصراحة مالحقتش على الوصفة بالتفصيل راني غير اختاصرت واش كانت تهدر ودرتها على طريقتي
حبيباتي اعجنو عجينة البيتزا عادي واقسميها قرصات متوسطين انا رطل فرينة دارلي ست حبا يشبعووو رووووعة خليهم يرتاحو وادهنيهم بالزيت مليح وغطي عليهم ورق فيلم
الحشو خديجة جكون عملت شكشووكة بالكبدة قطعتها طراف صغار انا درت شكشوكة باللحم مرحي فيها بصل مذبل ولحم مرحي وطماطم الحب وطماطم الباط والمعدنوس والهريسة
نجيو للمونتاج
ادهني طاولة العمل بالزيت وحلي القرصة كيما المسمنات لازم تكون رقيقة وحطي على الجانب كامل شوي من الحشو ومشيه على طول المسمنة وزيتي مليح يديك وطاولة العمل ومبعد رولي وخليها ترتاح وكملي الباقي كي تكمل احكمي بالوحدة وزيدي مددي فيها وروليها كيما المحنشة وخليها تطلع وذرذري عليها الجلجلانية وحطيها طيب حتان تحمار
ملاحظة هي قالت ماتدهنيش بالبيض بصح انا كي مادهنتش الجلجلانية كامل طارت وزيدهي تبانلي دهنت على خاطر خرجو حباتها يبرقووووووو
المهم المرة الجاية ندهن كي يبداو يحمارو ونذرذر الجلجلانينة
حبيباتي اسهل منها مافيش والبنة رائعة
رققو المسمنة باش ماتجيكمش معجنة

ناهدوران · 2015-06-30, 13:53

يا مساء الخير و الخيرات على احلى الاخوات
سماح 94 مبروك عليك اختي الكوزينة و ربي يجعلها فال خير عليك و علينا يارب
وهاهو الباروك انتاعي خبز تونس وماجيت انصورو لقيت هاجوح و ماجوج دربوه لنصف وجات روووووعة وبنينة وحلوة زيك

عازفة الناي · 2015-06-30, 13:57

اقتباس:

المشاركة الأصلية كتبت بواسطة ليال 22

عزوووفة يادرى النتائج خرجت عندكم ان شاء الله تسمعي خبر يفرح حنا عندنا مازال ما بان والو لكن نظن ما ربحتش لانه عندي زميلي في لاكاديمي لوكان شاف اسمي لوكان خبرني .يا الله خيرها في غيرها .

صباح الانوار
تسلمي حبيبتي على سؤالك
النتائج خرجت بصح مانجحتش للاسف

Simassim · 2015-06-30, 13:58

روضة ذوبها عالنار مع شوي حليب

أم محمد تاج · 2015-06-30, 14:00

حنووونتي عزووووووفة لن يصيبكم الا ما كتب الله لكم يالحبييبة المرة الجاية نشالله
رووووضة حنووووونة ماجربتهاش شوفي الوصفة مليح راهي الحنوونة اسمهان شرحت كيفاش تذوبيها نضرب طلة ونجاوبك

أم محمد تاج · 2015-06-30, 14:03

رووضة حنووونة حطيها ديراكت على النار وتكون خفيفة باش ما تتحرقش
ممممم ناهد دوران ممممم بصحتهم الأكراد هههههههههه

oum islem · 2015-06-30, 14:06

السلام عليكم حراير

لبنات عندي ضياف للسهرة كاش تحليات باهيات وباردات؟.؟؟؟؟؟؟؟؟

عازفة الناي · 2015-06-30, 14:06

الله يعطيكم الصحة على الاطباق و الذواقات لممممممممممممممممممممم يشهيو
روضة مكالاه تجربي راح تنزعجي انا والله كرهت شحال من مرة نعقب والنتيجة 000000000000000 مافهمتش علاه
والله حسيت مورالي 000000000000 ماقدرتش ندير اي شيء بكيت حتى شبعت
خيرها فغيرها
مولات الكوزينة انا جد اسفة عمرت الكوزينة بالاخبار السيئة انا جد اسفة اسمحيلي لكن انتم اخواتي وربي يعلم كي نحس بالقلق او الفرح او الحزن نحب نشارككم لاننا عائلة واحدة

oum islem · 2015-06-30, 14:09

اقتباس:

المشاركة الأصلية كتبت بواسطة عازفة الناي

صباح الانوار
تسلمي حبيبتي على سؤالك
النتائج خرجت بصح مانجحتش للاسف

لا عليك عزوفتي خيرها في غيرها
دعيتلك في صلاة الفجر بالزوج الصالح ليك ولكل عازبات المنتدى
بصح الكونكور نسيت عليه
يا الله ما عليش ربي يهنيك ويوفقك في ميادين اخرى ان شاء الله

*سماح 94* · 2015-06-30, 14:19

اختي عازفة ما تقوليش هك لاه هذا
حنا رانا عايلة وحدة و حزنك من حزنا و فرحتك من فرحتنا
ان شاء الله الجاي احسن ربي ما فيه غير الخير و اكيييييييد راح يجيك شيء احسن باذن الله
الصبر الصبر و ربي يعينك حبيبتي

ام مؤمن · 2015-06-30, 14:20

مساء الخير بصحتكم لبنات ديما عامر بالخيرات ان شاء الله

انا تكسرتلي العين تاع المطبخ و جاني البلومبي معشي فيها هههههه و ماقدرتش ندير لفطور لقيتها سبة ههههه

سلفي يسكن في الطابق السفلي عرضنا فطرنا عندو حشمت نروح بيديا فارغين كي قرب المغرب درت شوية سوفلي و ميني بيتزا ديتهم في يدي

السوفلي بوعوينات هههه قالها سلفي شكون هذا بوعوينات ( سلفي الوحيد اخ زوجي الكبير و في مقام ابوه رحمه الله و انا نعزه كيما بابا )

درت بزاف على جال الاولاد

ميني بيتزا

و هذه اديتها في يديا كي رحت نفطر

و هذا من طياب لبارح

مادلان السلق

مقبلة بالسلق اممممممممم طورطة بالعجينة المورقة محشية بالسلق و اللحم المفروم

و الشربة و الفاكهة و الحلو ماصورتهمش و لله الحمد و المنة