الجزء الــــ13 من واش طيبتي اليوم

[فايزة44]

بصحتك حبيبتي ام ماجد ، تبردي يا الفحلة الهام اختفت وين نحوسو عليها ؟

[بشرى2008]

المشاركة الأصلية كتبت بواسطة أم ريمة*

سلام مرام يسلمك حنونة وانت واش تغديتى ؟وبشرى واش درتى للغدا بالمناسبة ما تتقلقيش يصراو هذ الحوايج حاولى تلقاى الحل فقط بالمناسبة فرغى جعبتك وديرينا مواضيعك علابالى بلى تفيدينا (عند الكثير) باش تربحى دعاوى الخير فى هذه الايام المباركة

راني كليت برا شوارما وعصير رامي راني فى العاصمة علبالك نحي كامل الزعاف نتاع الخدمة والبلاد اللي نخدم فيها والله اليوم عندنا اجتماع والله محبيت نروح ههههههههههههههههههههههههههههههههه

[أم محمد تاج]

أم رمزي حنونة هاو ليك هاذ الرابط ينعتلك باه تدرجي الصور في المنتدى وكاشمة خصك راني هنا

https://www.djelfa.info:8080/vb/showthread.php?t=1305923

[أم محمد تاج]

بشرااااااااااااااااااااااا ماعليش تنعتيلهم في المطبخ تاعكم على الخاص طيب

[أم ريمة*]

بصحتك ام ماجد السوسات وبصحتك بشرى الاكل والعطلة (ضرك نخصملك نهار)

[أم ريمة*]

وراهى بنتى اميرة الحبوبة وعدتنا باامقرقشات وطولت علينا قريب وقت القهوة

[بشرى2008]

المشاركة الأصلية كتبت بواسطة بشرى2008

منيش مصورة الخطوات على هاديك منحطش الوصفات بالنسبة لمقروط اللوز كاين سر واحد وهو انك تخليه يبات فى الثلاجة ليلة كاملة باش اللوز يشرب مليح هداك السكر
3كيلات لوز مرحي رقيق انا ندير قشور القارص ندير كمية كبيرة راكم تعرفو ريحة البيض ونعاود نرحيهم مع بعض نضيفلهك كيلة سكر نخلط السكر عادي والسكر رطب + 3مك زبدة دايبة كل مرة واش نستعمل مرة مرغرين مرة زبدة التوريق + فاني نتاع الميزان ندير كمية نخاف من ريحة البيض
ونبدا نلم مرة بصفار ومرة ببياض نتحصل على عجينة ماهي طرية ماهي يابسة نشكل حربوش ونحطو فى ساشي والى الثلاجة ليلة كاملة هدا هو سر كل الحلويات اللي فيها العقدة
نوجد عسل بارد فى الليل ندير كيلة ماء الزهر و2 كيلات سكر رطب كلما طول زعمة تخدميه بيومين قبل كلما كان العسل البارد مليح
نجبد الحربوش من الثلاجة وندردر الفرينة فوق الطاولة ونحط الحربوش ونقطع مادابيك متستعمليش الموس استعملي اللي يقطعو بيها قلب اللوز انا هديك اللي نستعملها
وديريها فى سنيوة مرشوشة بالفرينة والى الفرن حتى يطيب من التحت
غير يخرج اغطسيخم فى العسل البارد وتكوني دايرة سكر رطب فى ساشي وحطي الحبات انا ندير حتى 10 حبات فى ساشي ونخلطهم مليح
ونخرجهم من الساشي وندير شوية سكر قلاصي فى صفاية ونرهم من الفوق .والله رووووووووووووووعة

راني كتبتولكم ووحدة ماشافتو

[أم ريمة*]

المشاركة الأصلية كتبت بواسطة بشرى2008

راني كتبتولكم ووحدة ماشافتو

بشرى رانى شفتو يعطيك ما تتمناى ( واش تتمناى؟؟؟؟؟)

[sissou nrdn]

السلام عليكن حبيباتي راني توحشتكم بزاااااااااااف خصوصا القرعاجات ههه عندي مدة ما دخلتش ندردش معاكم , ام محمد تاج مبروك الكوزينة , ام ماجد بصحتك القلاص , ام ريمة منورتنا دائما , تويتة العزيزة ربي يسمعنا عليها خبار الخير , لهومة وين راكي غاطسة , ام اياد راهي معرسة ما فهمتش تدخل للكوزينة و لا تروح للشطيح و كل الغاليات اللي ما ذكرتش اسماؤهن ما تزعفوش راني متفكرتكم بالواحدة شوية هكذا و نحطلكم قاطو تتقهواو بيه
زوروني هنا
https://www.djelfa.info/vb/showthread.php?t=1334944

[staifia]

وش بنااات كاش جديد كاش تقرعيج
كاش اكلات جدييييييييدة

[sissou nrdn]

[CENTER][B] لبنات هاو ليكم قاطو للقهوة راني درت الكروكي نتاع الزبدة تفضلو
[IMG][/IMG]
[IMG][/IMG]

[أم ريمة*]

شكرا سيسو رانى نستنى فالقاطو سطايفية مادرتيناش كاش حلوة نشربو بيها لحليب؟؟

[أم ريمة*]

المشاركة الأصلية كتبت بواسطة sissou nrdn

[center][b] لبنات هاو ليكم قاطو للقهوة راني درت الكروكي نتاع الزبدة تفضلو
[img][/img]
[img][/img]

شكرا بنيتى ماهو الختلاف بينو بي انتع الزيت وما هو طعمو؟؟يشهىىىىىىىىىى يعطيك الصحة

[سعيدة8888]

بشرى راني زعفانة منك بزاف
طلبت منك وصفات الحلويات و اعطيتيهمليش

[sissou nrdn]

المشاركة الأصلية كتبت بواسطة أم ريمة*

شكرا بنيتى ماهو الختلاف بينو بي انتع الزيت وما هو طعمو؟؟يشهىىىىىىىىىى يعطيك الصحة

العفو غاليتي الفرق بيناتهم في الهشاشة و بنة الزبدة و الا حبيبتي هاو ليك المقادير :
250غ زبدة , كاس سكر قلاصي , كاس تاي نتاع زيت, 3 بيض , 1 و نصف خميرة قاطو و شوية فاني و تلمي بالفرينة يكون طري و تخدميه كيما الكروكي العادي