بيتك جنتك ورضاء ربك مبتغاك - الصفحة 23

أم أمين2007 · 2013-01-30, 08:39

اقتباس:

المشاركة الأصلية كتبت بواسطة ام منيب

صباحكم بالخير خواتاتي وانشاء الله تكونو بالف خير
ارجو منكم جاوبوني على مشكيلتي الصحية والله يكون في عونكم

السلام عليكم ورحمة الله وبركاته
اولا ربي يشافيك اختي ام منيب ونقلك التمرممتاز للانيمي والبيترافbetraveوالفلفل الحلو كلها نافعه بامر الله

سمراء الدنيا · 2013-01-30, 08:44

اللهم صل و سلم على سيدنا محمد عليه افضل الصلاة و ازكى التسليم

صباح الخير وفاء صباح الخير ام منيب....بالنسبة للانيمي انا حكمتني مرة عملت هاذ العقدة و كانت نتائجها مذهلة.... عدس+حمص+قمح تحمصيهم و تطحنيهم مليح و كل مرة خلطي كمية مع العسل و كولي مغرف كبيرة الصباح مع كاس حليب و لعشية تاني و كي تكملك عاودي خلطي كمية اخرى
ربي يشافيك و يعافيك

أم أمين2007 · 2013-01-30, 08:46

برك ما تعيططش عليا معلمتي
بالامس قمت فقط بالشغل اليومي
لم الغرف كامل كنس ونفض الغبره(كان الغبار عامل حاله) طوي طن الملابس تاع لول بارح تنظيم المطبخ(كل مرة نغير الماعن ونخبي لي نحيتهم الفناجين الاطباق)هكا نستعمل الاواني وما تبقاش مخزونه في الباطل

أم أمين2007 · 2013-01-30, 08:49

في المساء رحت لامي شربنا معها قهوه
طيبتلها رشتة ورجعنا الى النوممممممممممممممممممم

أم أمين2007 · 2013-01-30, 08:52

بالنسبة للعياط اختي فاطمة والله حاولت لاكن ما تمكنتش من السيطرة
الصلاة على النبي راني معها و الاستغفار بحق تحسي براحة وطمانينة

ام منيب · 2013-01-30, 08:55

نشكركم كثير ام انس وسمراء الدنيا على الاهتمام بمشكلتي فهذا الفعل من السنة النبوية فرسولنا عليه الف صلاة وسلام يوصينا بالتماسك كالجسد الواحد انشاءالله دايما نعاونو ونوقفو مع الاخت لي تمرض او تتعب ولو نفسيااخل هذه الصحبة الطيبة

سمراء الدنيا · 2013-01-30, 08:58

البارح كان الجو جميل جدا و يحفز على الخدمة
رحت غير بالعقل نظفت الصالة الصغيرة و هياتها و حطيت فيها الكتوب نتاع زوجي

و رحتلو و قلتلو راهي اليوم السميشة و راني حابة نطلع القش نتاع الشومبرة للسطح اذا تنجم تقرا في الصالة و هاكذا طبقت الكلمة الطيبة مع الابتسامة فوافق مباشرة و خوالي الشومبرا ....طلعت كل القش للشمس و نحيت الريدو نتاع التاقة و غلافات لمخاد و درتهم في الغسالة

... وعندي ماشين لخياطة خملهم و مسحتهم و خملت صوالح لخياطة و نظمتهم

و سيقتها و خليتها تنشف و رحت للكوزينة عندي في الكونجيلاتور الثريد جبدتو و طيبتلو مرقة .

...عشية رحت زيارة لواحد لمريضة و لعشا درت دشيشة بالحليب

....قبل لا نرقد كررت سورة الطارق و البروج و اوائل الانشقاق و عطيت لنفسي 10على10 ههههه.....بالنسبة لصلاة النبي ما خطاتش لساني و الحمد لله و لعياط وقيلة عيطت البارح
اليوم باذن الله نروح نهبط الفراش الجديد و ننشرو في الشمس و لعشية نكوي و نطوي الكسوة

ام امجد14 · 2013-01-30, 09:29

السلام عليكم والله غير توحشتكم كااااااااامل
واش راكى نسيمة ان شاء الله ترجعى بالسلامة
واش راكى صليحة ما شاء الله عليك راكى قايمة الله يعطيك الصحة و العافية
واش راكى فطيمة ما شاء الله عليك راكى قايمة بدور النائبة الله الله
اخواتى غبت عليكم كانو اولادى مراض و خاصة بنتى الصغيرة و عمرها عام و وثلاثة اشهر مرضتلى بزاف والان راهى بخير لكن بعد طحت انا فراش قتلتنى لاقريب و الله غير الدواء تقول نشرب فى الماء و الان الحمد لله رانى بخير
و رانى رايح نطبق فى البرنامج

ام امجد14 · 2013-01-30, 09:36

اختى فطيمة رانى قريت الصفحات الى فاتونى و عجبتنى فكرى اتباع السنة و كل اسبوع نقتادو بوحدة ما شاء الله عليك

ام امجد14 · 2013-01-30, 09:37

الف الف مبروك اختى سندس و الله غير فرحتلك و ان شاء الله زواج الهنا

سمراء الدنيا · 2013-01-30, 09:50

على سلامتك خدوج طهورا ان شاء الله انا سمعت بللي لاقريب راهي الدور اهلي كلهم في الفراش الله يعافي امة محمد ....الحمد لله للي ريحتلك بنتك مسكينة صغيرة ما تعرفش حتى تشكي انا تاني راني نكتب و بنتي ملاك في حجري فيها الحمة ....زعمى كنت رايحة نحط لفراش الجديد حتى لقيتها نايضة و تبكي بايتة في حالة .... على فكرة ام ملاك وسمها سليمة

ام منيب · 2013-01-30, 09:58

يا سمراء الدنيا راكي في القمة
وانا شخصيا نحبك بلا ما نشوفك اونعرفك نحسك قريبة لافكاري
انت نور الملتقى بحيث تنسقي بين العبادة و
شغل البيت والخياطة والاولاد والطياب ربي يكملك بالصحة ويكثر من امثالك

sondse1 · 2013-01-30, 10:03

اسعد الله صباحكن

يومكن موفق

fati 17 · 2013-01-30, 10:04

صباح النور انا ملقيتش واش نقضي كلش يبرق خمت شمبرتي ورتبت السرير وغرفة الجلوس عندي الثلاجة اليوم نغسلها بربيادعو لامي بالشفاء راها مريضة

sondse1 · 2013-01-30, 10:04

اللهم صلي وسلم على الحبيب المصطفى