الدرك الوطني 2013 - الصفحة 23

samou dadou · 2013-03-06, 09:39

كاين ولايات تقدر تدفع فيهم نورمال وكاين ولايات تدفع غير بالمعريفة وإذا كنت معندكش المعريفة غير من تروح إقلولك مزال مناش نحكمو

hami1 · 2013-03-06, 09:45

ياخويا فيما يخص المعرفة كيتحط الدوسيي مانضنش
لاخاطر العام اللي فات حتى اواخر مارس باه بداو يدفعو فالدوسيات

samou dadou · 2013-03-06, 09:49

اقتباس:

المشاركة الأصلية كتبت بواسطة hami1

ياخويا فيما يخص المعرفة كيتحط الدوسيي مانضنش
لاخاطر العام اللي فات حتى اواخر مارس باه بداو يدفعو فالدوسيات

نعرف بزاف ناس من لعام لفات وهما حابين إحطو دواص مي مين يروحو لعندهم إقللهم مناش نقبلو وهما يقبلو غير بامعريفة هذي في بسكرة أما في الولايات الأخرى منيش عارف كفاش

kadi 23 · 2013-03-06, 14:34

السلام عليكم مساء الخير
ماتتقلوش ياجماعة علينا على الصبر وخلاه مهم هم ادا بداو يقبلو الدوسى رهم يبقاو يقبلو حتى لبعد الباك باه الناس لدو الباك جدد يدفعو
هم رهم مالفين يعلقو اعلان في جرائد كيف العام لفات بدو 15ماي هدى ليعقبو لافيزيت في جوان الدفعة لولة والدفعة تانية بعد نتائج تاع الباك واللافيزيت 1 تكون في الناحية العسكرية (البليدة-وهران-بشار-ورقلة-قسنطية تمرنغست) ولافزيت التانية تكون في ليكول (طبيب عام طبيب نفسي رياضة ) تكون في اوخر شهر اوت وستاج رهو تدريب قاعدي عسكري للناس الكل من جندي حتى لضباط يدربو نفس التدريب 45يوم وسقسو الناس لفي العسكر ولا ليعقبو الخدمة الوطنية مهم الناس الكل تسفري في 3 اشهر لولة ومن بعد تتحسن الامور

samou dadou · 2013-03-06, 17:59

اقتباس:

المشاركة الأصلية كتبت بواسطة kadi 23

السلام عليكم مساء الخير
ماتتقلوش ياجماعة علينا على الصبر وخلاه مهم هم ادا بداو يقبلو الدوسى رهم يبقاو يقبلو حتى لبعد الباك باه الناس لدو الباك جدد يدفعو
هم رهم مالفين يعلقو اعلان في جرائد كيف العام لفات بدو 15ماي هدى ليعقبو لافيزيت في جوان الدفعة لولة والدفعة تانية بعد نتائج تاع الباك واللافيزيت 1 تكون في الناحية العسكرية (البليدة-وهران-بشار-ورقلة-قسنطية تمرنغست) ولافزيت التانية تكون في ليكول (طبيب عام طبيب نفسي رياضة ) تكون في اوخر شهر اوت وستاج رهو تدريب قاعدي عسكري للناس الكل من جندي حتى لضباط يدربو نفس التدريب 45يوم وسقسو الناس لفي العسكر ولا ليعقبو الخدمة الوطنية مهم الناس الكل تسفري في 3 اشهر لولة ومن بعد تتحسن الامور

إحكيلنا كيفاش تكون هذي التدريبات

kadi 23 · 2013-03-06, 14:38

ياجماعة لعندو خبر صحيح على ولايتو مايبخلش خاوتو
ركم كلكم جامعين وشافين الحالة عونو بعضكم خوتي يعجلها ربي في ميزان حسانتكم
نتمنى التوفيق للجميع ان شاء الله

*الحواس* · 2013-03-06, 22:30

التدريبات مثلها مثل العسكر

تنوض على 4 تاع صباح تدير الرياضة , من بعد تحبس مع 7 يعطوك قهوة و تراسومبلي ومن بعد تكمل التدريب حتى ل 12 تفطر من بعد تزيد تكمل حتى ل 4 تاع المساء .............. هذا لي نعرف و شوف مع كاش واحد يزيد يشرحلك أكثر .

و الشيئ لي راني متاكد منه هو أنه يجب أن يكون لديك قدرة تحمل لأن الأمر ليس بالهين أو السهل , لهذا أكثروا من ممارسة الرياضة قبل الدخول .

*الحواس* · 2013-03-06, 22:34

السلام عليكم

حسب أخر الأخبار من صديق صديقي إلتحق برتبة عون دركي في شهر فبراير بمركز التدريب ورقلة و قد تم رفضه للأسف , حيث قال له أن أول شيئ عند الدخول للمدرسة يتم فحصك من طرف طبيب , معدل الرؤية يجب أن يكون 10/10 , الطول 1.69 م مرفوض , الرياضة القيام ب 7 دورات لمدة 12 دقيقة أو أقل .

هو رفض بسبب قصر النظر .