الكل يبدع

[max8]

الاستاذ قاول خلينا من التبهليل تاعك
وين رانا حابسين
قالتلو : رميساء ( العلم و العمل )
رانا في في درس النهايات
قالها شكرا
نواصلو في النهايات
( كانو في حالة عدم التعيين عطاهم مثال )
+ مالا نهاية - مالا نهاية
كم يساوي
كاين اللي قال 0 و كاين اللي قام + مالانهاية
و أكرم قال +-مالا نهاية
الاستاذة كتب في السبورة ح.ع.ت
أكرم خرج الموهبة تاعو في الشعر و قال :
حمر ، عمر ، تمر
شوف الموهبة في السجع و الجناس

[max8]

قالهم الأستاذ حالة عدم التعيين و ما نقدروش نصيبو النتيجة في هذي الحالة
و زادلهم مثال آخر و كتب نهاية F (x) و كتب عبارة
قالو أكرم دير السكون فوق F و الكسرة تحت ال x باه ما نغلطوش في قراأتها

[yacine dzz]

وتبدأ موهبة أكرم الأدبية بالظهور

[max8]

شرح الأستاذ المثال و اعطالهم تمرين تطبيقي و خلاهم يجاوبو
في تلك الأثماء قام أكرم بما يبرع به و هو التشويش على كل شخص يركز في حل التمرين
علابالك بلي اللي يحل تمارين بزاف يولي مهبول كي يلحق ل60 سنة
و علابالك بلي كون تبقى تخمم في التمارين و تركز معاهم شعرك يطيح و نتا صغير و تولي فرطاس ( أصلع) في سن ال30 من عمرك
البارح شفت وحد الفيديو على عالم في الرياضيات
اعطاولو معادلة صعيبة عيا يخمم حتى بقا معاها أسبوع و مبعد كي صابها قالولو كنا غالطين في العبارة و خلطولو وحدوخرى و هو جا يحلها ما قدرش شرب لاسيد على الخوى و انتاحر
و المعادلة كتبها جزايري تخيل

[دينا11]

ههههههههههههههههه ابداع بلا حدود مع اكرم

[max8]

و بدا يحكي
قالهم خطرة أينشتاين تلاقا بجزايري و قالو : أنتم شعب غبي و خاطيكم القراية
الجزايري قالو بالعكس
واش رايك نلعبو لعبة
تسقسيني و نسقسيك
و كي أنت تسقسيني و أنا ما نقدرش نجاوب نعطيك 500 دج 50 ألف و إذا أنت ما قدرتش تجاوب تعطيني 5 ملاين
موافق رد عليه موافق
بدا أينشتاين : قالو كم تبلغ سرعة الضوء
قالو : مانعرفش و عطالو 500 دج
صح ، شتاهي الحاجة اللي تطلع بزوج و تهبط بثلاثة
و قعد العبقري يعصر في روحو و يخمم حتى أعلن استسلامه و عطالو 5 ملاين و قالو بصح شتاهي ؟
قالو الجزائري هاك 50 ألف و الله ما علابالي

[max8]

الأستاذ سمعو يضحك و يحكي قالو أكرم حل التمرين
قالو : راني نحل فيه
قالو : لالا في السبورة
و جا طالع و هو يخزر في رميساء و يقوللها بالاكي نحصل و ما تعاونينيش
راكي نقولك من ضرك
لحق للتمرين رفد الستيلو و بقا يخزر في السبورة و هو حابس
الأستاذ قالو راك ترقيلها و لا تستنا في العلم يطيح عليك من السماء
بدا تحل
قالو أكرم : راني نوض في الموتور و راك عارف موتور ديازال يسخن بالعقل

[دينا11]

hhhhhhhhhhhhhhhhhhhhhhh

[max8]

بدا يكتب نهاية F)x( لما x يؤول إلى 0 هي
و حبس
قالو الأستاذ علاه احبست ، كمل
قالو أكرم : كملي المازوت و الله كون تقول قطرة ، الجغمة التالية كملتها في كتابة العبارة ( كلمة الجغمة تعني القطرات الأخيرة و هذي كلمة يقولوها ناس بكري)

[max8]

الاستاذ قالو باركاك من التبهليل و حل التمرين
و إلا عندك ناقص 10 في الفرض
ضحك أكرم و قالو : أنا أصلا عندي 8 و نتا كي تنقص 10
يسمى ندخل في الكريدي و تبقى تسالني 2 نقط و لا كيفاه؟

[max8]

الدعوة بدات تحماض
شاف مع رميساء و هي بدات تمليلو و هو يكتب
الأستاذ سمعها قالها : رميساء خليه يحل وحدو ما تقويلوش
أكرم راح ليها و رفد كراس المحاولة تاعها و رجع للسبورة و كتب الحل

[اسيل منة الله]

اهيه وكان غير اكرم يقرا معايا شحال هايل محلي لكلاصة

[max8]

الأستاذ قالو : كاش ما راك فاهم من الحل اللي كتبوتو ولا مجرد نسخ و لصق
قالو راني فاهم بلي ماراني فاهم والو
قالو شفت النقل واش دار فيك
كون كسرت راسك شوي مع التمرين و تبعت معايا كي كنت نشرح كون ماراكش في هذي الحالة ضرك
قالو أكرم : وحد الحكيم قال وحد المرة : إذا توقف العقل فعليك بالنقل
الأستاذ تكودا
وقال : يا حفيظ شكون ينجمكم

[max8]

راح لبلاصتو و بدا الأستاذ تاع الرياض يات يحكيلهم على الثانويات في وقتو كي كان صغير و يحكي على الأساتذة
أيا أكرم قال : راهو بدا في هذيك الحكاية اللي تبيريمات
هذيك حكاية قديمة على بكري
شوف شوف الغبار راه يخرج من فمو كي راهو يحكي فيها
من قوة اللي قديمة
الأستاذ قالو أخرج عليا
أكرم قالو لالا أنت تخرج راهي 9.55 ضرك الراحة هيهيهيهيهيه
و تصوني الراحة و يقلع أكرم كيما المهبول يجري في وسط الساحة و يعيط

[اسيل منة الله]

كمل واش بيه يعيط ............... اكرم يا كرم شحال هايل .............