اللي حاكمة مصروف الدار تتفضل معانا

[ام سيرين14]

والله الحمد لله انا نحب الزوج نتاعي يلم للعقايب كيما نقولو علي هذا نحب نحكم المصروف الدنيا ماشي غير لعب و ضحك ما نعرفش واش يخبي المستقبل راني نحاول باه كل شهر ننقص2ملاين للظروف والحمد لله وعندنا سيارة ولك الحمد مي نحب نقتصد في مصروفي باه كاش مانحتاج ملابس واشياء خاصة للعائلة انا المشكل الوحيد هو الضياف يجو يقعدو بالاسبوع ماشي في نفس المنطقة علي هذا كل مانوفر تروح تروووحو الحمد لله نقترح عليكم نفكرو نديرو ميزانية للشهر الكريم من الان باش ما نحصلو ش وراني معاكم

[السيدة كرمين]

المشاركة الأصلية كتبت بواسطة بنت الجزاير الغالية

أختي تقصدي كارية بمليون و 200 ألف ؟
و الولاد اشحال اعمارهم
مجرد سؤال فقط علاه ما تسكنيش مع عائلة زوجك أو عائلتك مؤقتا ووفري هذاك المليون و 200 و زيديهم طول في بنيتك أحسن على الأقل رايحة في البنيان
جاوبيني على أسئلتي و نحاول بعد الظهر نحطلك التقسيم إن شاء الله

الأولاد أعمارهم

8 سنوات

3 سنوات

6 أشهر

أهل زوجي في ولاية أخرى

الكراء نعم مليون و 200 ألف نشريو الغاز و الماء

أما عن عائلتي طبعا منقدرش لأني نحب يكون لقدر بين زوجي و أهلي

وما تكونش أي نوع من الحساسيات خاصة عندي بابا كبير

وما يحب حركة الأطفال


نقدر نتواصل معك فقط ومع الأخوات في الفترة الصباحية فقط


تقبلي و الأخوات تحياتي

[pomaria_aindefla]

أنا صراية من تلمسان عين الدفلى حي بتلمسان و هو مقر العمل بوماريا الإسم الروماني لتلمسان 2500 الثوابت الأكل خارج المنزل و النقل

[ام دعاء ومارية]

شكر اختاه قلت لك اننا نمشي في الحياة عشوائي

السيارة والكهرباء والغاز كل مرة مبلغ مختلف ماعد النت

150 زوجي قالي ماتقد ريش تتبعي البرنامج


ارجو ان تعطيني رايك وبرنامج نتبعه

[خديجة 1010]

السلام عليكم
حبيت ترايو عليا انا نحدم نخلص 32000 دج وزوجي يخلص 30000 حت 40000 كل مرة كيفاش المشكل معندناش سكن الا سكنت مع والديه لازم نحبس الخدمة لانو انامن ولاية وعائلة زوجي من ولاية اخرىيعني يروحو 32000 تاعي او في حالة نكمل خدمتي لازم نكملو نكرو هنا انا وزوجي ولكرية 15000 وطلع وراجلي يخدم هنا في دزاير ودارهم في قالمة يعني الا رحت انا لقالمة يقعد هو وحدو وانا وحدي يعني راني نعرف الا كرينا هنا انا حابة شهرية زوجي نصرفوها وشهريتي نخبوها كاس ما نشرو بيها قطعة ارض زعما نقدرو ولا لالا

[ام ولي]

بارك الله فيك اختي على الموضوع عندي مدة وأنا نتبع فيه استفدت منه بزاف بفضلك عرفت كيفاش ندير ميزانية وصرت نمشي عليها ولله الحمد وحبيت نقول للاخوات مش شرط انتي كل وحدة تديريلها الميزانية تعها انت طرحتي فكرة بارك الله فيك درك كل وحدة تشوف لظروفها وتطبق ولي عودة نحط تطبيقي

[بنت الجزاير الغالية]

المشاركة الأصلية كتبت بواسطة ام ولي

بارك الله فيك اختي على الموضوع عندي مدة وأنا نتبع فيه استفدت منه بزاف بفضلك عرفت كيفاش ندير ميزانية وصرت نمشي عليها ولله الحمد وحبيت نقول للاخوات مش شرط انتي كل وحدة تديريلها الميزانية تعها انت طرحتي فكرة بارك الله فيك درك كل وحدة تشوف لظروفها وتطبق ولي عودة نحط تطبيقي

الوحيدة اللي فهمتني الحمد لله
شكرا أم ولي و الله الموضوع في البداية حطيته على أساس تبادل أفكار و من بعد تحول إني نقسم في الشهريات و تعرفي كي يكتبولي و يقولولي قسمي نحشم ما نردش عليهم
لوكان جات كاينة ميزة ألف شكر نديرلك ألف شكر
ننتظر تجربتك و نورتي فعلا الموضوع

[السيدة كرمين]

صباح الخيرات

[ام ولي]

هذه تجربتي ان شاء الله الأخوات يستفادو كما انا استفدت
اول حاجة انا الشهرية تاع زوجي الحمد لله ممتازة لكن كنت نصرف بعشوائية ماكانش عاجبني الحال كي شفت الموضوع قررت باش نظم روحي وكي طرحت الفكرة على زوجي عجبتو بزاف
وثاني قرار هو أني نقص في عدد المرات لنروح فيهم لسوبرمارشي لان على قد ما تروحي عل قد ما تصرفي وليت نروح مرتين في الشهر
تروحو درك كيفاش قسمت كما قلت سابقا شهرية زوجي ممتازة أخدت منها مبلغ اربع ملاين وقلت هذا واش نصرف استعملت طريقة الاظرفة
الظرف الاول كتبت فيه الاسبوع 1و2 وحطيت فيه 700 الف (400الف لحوم ومشتاقاتها,300خضار وفواكه)
الظرف الثاني الاسبوع 3و4وحطيت فيه 700الف
الظرف الثالث مقصية الشهر وحطيت فيه مليون واحيانا ما نصرفوش كامل
الظرف الرابع الخبز وحطيت فيه 100الف
الظرف الخامس حطيت فيه 500الف للهاتف والكهرباء والإنترنت علما ان الإنترنت نخلص بست شهور
الظرف السادس سميته ظرف الطوارئ يعني ويلا جاتني تباريكة أو مرض لقدر الله أو أي حاجة مش في الحساب نجبد منه وحطيت فيه مليون
واش بقى من الشهرية نوفرها ومنساش الصدقة
مرة أخرى بارك الله فيك اختي الغالية لأني بفضل موضوعك عرفت نظم روحي لكي جزيل الشكر

[ام امجد14]

بنت الجزاير من فضلك جاوبينى انا عندى 3 ملاين اكل و بنزين سيارة و ادوات استحمام و كوش و السوق لازم 200 راجل شارط ما يروحش لسوق غير ب200
وفيها لحم و خضر كااامل الشهر و الانترنات والباروك و صدقات والطوارئ
حنا 5 اولاد و وحنا الكبار 4 ومرة على مرة ضياف
هل تكفينى ولا رانى نحلم و ما نتحملش هذى المسؤولية
عاونينى الله يعيشك

وهل تبقى الميزانية هى هى فى رمضان ولا تتغير ساعدينىخاصة فى رمضان اذا كتب ربى نكون متحمل المسؤولية وحدى لان زوجى رايح للعمرة و منيش حابة نبقى حابسة

[بنت الجزاير الغالية]

المشاركة الأصلية كتبت بواسطة ام سيرين14

والله الحمد لله انا نحب الزوج نتاعي يلم للعقايب كيما نقولو علي هذا نحب نحكم المصروف الدنيا ماشي غير لعب و ضحك ما نعرفش واش يخبي المستقبل راني نحاول باه كل شهر ننقص2ملاين للظروف والحمد لله وعندنا سيارة ولك الحمد مي نحب نقتصد في مصروفي باه كاش مانحتاج ملابس واشياء خاصة للعائلة انا المشكل الوحيد هو الضياف يجو يقعدو بالاسبوع ماشي في نفس المنطقة علي هذا كل مانوفر تروح تروووحو الحمد لله نقترح عليكم نفكرو نديرو ميزانية للشهر الكريم من الان باش ما نحصلو ش وراني معاكم

كلامك موزون يا أم سيرين عاجبتني شخصيتك و تعجبني المرأة اللي تبني دارها و تساعد زوجها و كيما يقولو الدرهم الأبيض ينفع في اليوم الأسود
بالنسبة لرمضان أنا فعلا بديت نوجدلو الحوايج من ناحية البهارات شريت كل شيء حب نقيه و نرحيه و الجلبانة كملتها و الثوم شريت يكفيني ل6 أشهر لقدام راه ثمنه رخيص النوعية المليحة ب16 ألف و الأخرى ب 13 ألف لأنه كان عندنا ب 40 ألف
زيد الدجاج و اسكالوب كملتهم و البرتقال خبيت 3 كيلو لأنه كل كيلو يديرلي 10 لترات عصير فراش يعني كل يوم 1 لتر عصير لمدة شهر ب3 كيلو برتقال فقط
و راني مازلت نوجد
و إنت يا ريت تحطيلي كانش أفكار عندك
وشوفي هذا الرابط أيضا راح يعجبك
https://www.djelfa.info/vb/showthread.php?t=1262064

[سمراء الدنيا]

المشاركة الأصلية كتبت بواسطة ام ولي

هذه تجربتي ان شاء الله الأخوات يستفادو كما انا استفدت
اول حاجة انا الشهرية تاع زوجي الحمد لله ممتازة لكن كنت نصرف بعشوائية ماكانش عاجبني الحال كي شفت الموضوع قررت باش نظم روحي وكي طرحت الفكرة على زوجي عجبتو بزاف
وثاني قرار هو أني نقص في عدد المرات لنروح فيهم لسوبرمارشي لان على قد ما تروحي عل قد ما تصرفي وليت نروح مرتين في الشهر
تروحو درك كيفاش قسمت كما قلت سابقا شهرية زوجي ممتازة أخدت منها مبلغ اربع ملاين وقلت هذا واش نصرف استعملت طريقة الاظرفة
الظرف الاول كتبت فيه الاسبوع 1و2 وحطيت فيه 700 الف (400الف لحوم ومشتاقاتها,300خضار وفواكه)
الظرف الثاني الاسبوع 3و4وحطيت فيه 700الف
الظرف الثالث مقصية الشهر وحطيت فيه مليون واحيانا ما نصرفوش كامل
الظرف الرابع الخبز وحطيت فيه 100الف
الظرف الخامس حطيت فيه 500الف للهاتف والكهرباء والإنترنت علما ان الإنترنت نخلص بست شهور
الظرف السادس سميته ظرف الطوارئ يعني ويلا جاتني تباريكة أو مرض لقدر الله أو أي حاجة مش في الحساب نجبد منه وحطيت فيه مليون
واش بقى من الشهرية نوفرها ومنساش الصدقة
مرة أخرى بارك الله فيك اختي الغالية لأني بفضل موضوعك عرفت نظم روحي لكي جزيل الشكر

بارك الله فيك ام ولي ....سبحان الله نفس اللي كنت رايحة نكتبو كتبتيه
انا تاني كنت انا وراجلي نصرفو بعشوائية و مللي قريت موضوع الغالية بنت الجزائر الغالية جبت ورقة و قلم و بدين نظم روحي و لقيت قائمتي نفس قائمتك
ان شاء الله الخطة تنجح معانا هاذ المرة لاني غير كيما بديتها
ربي يجازيك كل خير اختي و صديقتي بنت الجزائر و يجعلو في ميزان حسناتك

[بنت الجزاير الغالية]

المشاركة الأصلية كتبت بواسطة السيدة كرمين

الأولاد أعمارهم

8 سنوات

3 سنوات

6 أشهر

أهل زوجي في ولاية أخرى

الكراء نعم مليون و 200 ألف نشريو الغاز و الماء

أما عن عائلتي طبعا منقدرش لأني نحب يكون لقدر بين زوجي و أهلي

وما تكونش أي نوع من الحساسيات خاصة عندي بابا كبير

وما يحب حركة الأطفال


نقدر نتواصل معك فقط ومع الأخوات في الفترة الصباحية فقط


تقبلي و الأخوات تحياتي

أم كرمين أهلا بيك معانا
بالنسبة للشهرية 3 ملاين و للأسف الكراء مليون و 200 راه راح نص الشهرية
واش راح نقولك بداية وليدك تاع 3 سنين حبسيله لا كوش أنا بنتي حبستهملها في عام و نص
نروحو لباقي الشهرية مليون و 800
تنحي منها مصروف لاكوش و الحليب تاع البيبي 300 ألف و حاولي راهي جاية السخانة نقصيلو لا كوش على قد ما تقدري على الأقل توفريه لروحك
يتبقى مليون و نص
700 ألف تشري بيها القضيان تاع الدار من زيت و سكر و قهوة و طماطم و ....... المهم الحوايج الأساسية اللي تستعمليها فقط تجيبي ورقة و ستيلو و تكتبي قداه موالفة تستهلكي زيت و كذلك طماطم و هكذا
أما 800 ألف اللي تبقى تنحي منها 400 ألف خضرة كل أسبوع 100 ألف خضرة و 100 ألف للخبز و 300 ألف للددجاج و اللحم

[بنت الجزاير الغالية]

المشاركة الأصلية كتبت بواسطة سمراء الدنيا

بارك الله فيك ام ولي ....سبحان الله نفس اللي كنت رايحة نكتبو كتبتيه
انا تاني كنت انا وراجلي نصرفو بعشوائية و مللي قريت موضوع الغالية بنت الجزائر الغالية جبت ورقة و قلم و بدين نظم روحي و لقيت قائمتي نفس قائمتك
ان شاء الله الخطة تنجح معانا هاذ المرة لاني غير كيما بديتها
ربي يجازيك كل خير اختي و صديقتي بنت الجزائر و يجعلو في ميزان حسناتك

حبوبتي راكي هنا تعرفي راني متوحشااااااااااتك حتى
نرد على المشاركات و ندخلك للمة

[ام سيرين14]

سلام لكل البنات انا صراحة ما وجدت والو ماعدا الجلبان وما ناكلهش حتي في رمضان لا انا لازوجي نحبو حوايج خفاف انا نفكر نشري ملابس العيد هذا الشهر ونتهني منهم ومن بعد كاش ما نزيد نشري لوليدي يدخل تحضيري هذا العام ان شاء الله ونقسم تحضيرات واللوازم نصف هذا الشهر و النصف الاخر بعده كيما الديول والبرقوقولوازم السلطات......... والي اخرهلانو ما عنديش فريقو هذا الليام نشري واحدبربيان شاء الله ونعمره هههههههه بكل العصائر والمبردات هههههههه