يوميات عضوة - الصفحة 23

ياسمين1990 · 2014-03-16, 20:53

سلام عليكم
اهلا اختي ام عبودة والله القلوب عند بعضها في الوقت لي كنت نفكر فيك ونلوم نفسي على لعدت منكتبش في هذك الوقت ظهرت رسالتك
يسقسي عليك الخير اختي الامور كيما تعرفي متبدل والو كل يوم نفس الشيء مكانش الجديد الحمد لله على خيره وفضله
على هذا قلت يدخلولك الناشطات خير مني منفسدلكش الموضوع
والله فرحتلك الله يبارك على العرضة ورب يتقبل منكم ما شاء الله رب يباعد عليكم البلاء والعين ويشفيك الله يحفظك اختي ويخليك دائما بصحة وعافية
ويحفظلك زوجك واولادك يارب امين شكرا مرة اخرى وراني متابعة فيك باه نتشجع شوية

ام عبودة · 2014-03-16, 21:02

يااامواطنة جزائرية علاااااااش راكي دزعي فينا
بكري نحبو نصبحو نتغطو ونكملوا رقاد وتعيا ماماك تعيط عليك والله وااالو واليوم نحشمو وباش نخرجو لازم نكملو شغالنا ونروحو عند ماماك غير في غرظك
بصح لازم تتعودي روحي من الان على الطياب والقظيان باش نهار اخر ما تتعبيش اووووكييييي

ام عبودة · 2014-03-16, 21:07

ياسمين مرحبااا بيك والله غير توحشناك
وادخلي رانا هاذو الايامات كامل مرخوفين الربيع منا والغبار منا ووووووو خلينا نشطو بعظنا البعض انا عندي الطياب مش حاااكمة معاه بصح الغسيل والنقاء نورمااال

ياسمين1990 · 2014-03-16, 22:04

السلام عليكم
اهلا اختي ام عبودة يتوحش الخير بارك الله فيك انا وانتي متعاكسين انا نطيب والشقى مكان مكان
رب يكون في العون

ام عبودة · 2014-03-17, 07:32

صباااااااحكم سعيد مليئ بالحب والتفائل يا رب

ام عبودة · 2014-03-17, 07:34

اليوم نظت 7 كسوووولة وراني في العذر
غير اذكاري والاستغفاااار
نوظت الاولاد شربو الحليب وراني رايحة نلبسهم حوايجهم
ميمي مازال راقد
وانا بلاك نروح لطبيب الاسنان سنتي مبيتتني نتقلب واااااااااااع وراني خادمتها من شهرين واااش السبة واااااااااااع
هيا من بعد نتلاقو اليوم نهاااار زووووووين استغلوووه راهو ظيف عندكم اكرموووووه

ام عبودة · 2014-03-17, 11:43

وينكم ما بنتوش خلااااااااص
انا من خليتكم كملت صوالحي ( خفيفة برك)وغسلت شباك حوايح ومن بعد لبست ومباشرة للطبيب ايا لقيتو ما كانش غير العشية يكون
درت شوي وشريت زيت تاع الاثمد يا درى شكون جرباتو منكن راني سمعت عليه من قبل انا شعري من القدام تقطع ماولاش يتشاف وااااااااااع قلت بلاك يزيد
وراني خارجة نسيق في الجنان بااااي

المستغفرة · 2014-03-17, 12:00

صباح الخير انا صباح نظت على ٨
فطرت
ودرت ميناج و خرجنا عندنا واجبة
جينا تغدينا
ودخلت نصبح عليكم
غاليتي شوفي وصفة الخميرة و زيت جوز الهند
يشكرو فيها

ام عبودة · 2014-03-17, 13:25

اقتباس:

المشاركة الأصلية كتبت بواسطة المستغفرة

صباح الخير انا صباح نظت على 8
فطرت
ودرت ميناج و خرجنا عندنا واجبة
جينا تغدينا
ودخلت نصبح عليكم
غاليتي شوفي وصفة الخميرة و زيت جوز الهند
يشكرو فيها

الله يصبح بالربح والخير
بصحتكم الفطور
جربتها ومادارتلي والو
نخولة جارتي ما بنتيش ان شاء الله المانع خير

ام عبودة · 2014-03-17, 13:27

غير كيما كملت التسياق برا
الشمس تحرق تقول رانا في جوان ههههههه
فطرت وراني نتفرج ما قدرتش نرقد من السطر
العشية نولي للطبيب

ياسمين1990 · 2014-03-17, 13:50

السلام عليكم
الله يشافيك اختي ام عبودة
انا مخوافة بزاف من طبيب الاسنان على هذا راني نسنا حتى يطيحوا سناني كاااااااامل ومن بعد نركب طااااااقم الاسنان روعة هههههههههههه
ظاهرة تساقط الشعر اصبحت شائعة والعلاج الله اعلم ؟

ام عبودة · 2014-03-17, 14:08

ههههههههههههههههههه ياسمين لوكان غير طيح السنة راهي تبقى تسطر تكره في عمرك وااااااااااااااااااااااع والمشكل هاني خدمتها ومابطلتش عليا سطر

ام عبودة · 2014-03-17, 14:53

الغااائبااات بزاف يا رب المانع خير
انا حوالت نربد ما قدرتش رجعو الاولاد ومعهم كراريس القسم والكتب ومازال ما دققتش فيه حبس من دفتر راوية كل المواد ما بين 10 9 9.5
كي عادت في الرياضة والرسم 6 6 ايا انتم وافهمو انا بنتي رسمها تقولش تاع واحد كبير والسبور ناشطة بزااااف والله راني حابسة المعدل خرج 8,44
والله غير كنت طامعة تدي 9 وااااااااااع

نخله. · 2014-03-17, 17:08

سلام عليكم

ام عبوده اعلى علامه في السبور والرسم والاناشيد 7 مفروضه عليهم من الاكاديمي بصح كاين للي ما يتبعهمش

انا ثاني راني في احر من الجمر في انتظار الدفتر.................قوليلي ويت تقرا بنتك؟؟؟

انا نضت الصباح بكري ودرت شغالي بالجريه وسكرت على العدس نطيبو بما الميلق ربي يحفظنا الجوبر على العيون اللي دايرهم للأجر

و حليت الميكرو بصح ما دخلتش لخاطر لهيت نخدم اشغال يدويه هذا وين كملت بقالي نصور ونحطهم في المسابقه عندي بزاف حوايج يهبلو انا خادمتهم بصح قدم ما حبيتش نتريشي ههههههههه

ام ياسمين10 · 2014-03-17, 17:55

سلالالالام عليكم .ياااى مساكن سخفتكم على القهوة ربى يخليلكم ميماتكم راكم عييتوهم ههههه.حنا عندنا كاين قراجات كبار يبيعو القهوة وتخيرى القهوة ليتحبيها وهو يقليهالك ويرحيهالك ويتهاناو النسا .ام عبودة ونخلة ربى يفرحكم بوليداتكم وينجحهم رانى غير نستنا ويكتا يكبرو ولادى ويروحو يقراو ونتهنا راهم معيينى ياسر....