مــــجلس **جوهرة رمضان** هنا ملتقانا اليومي - الصفحة 23

نبض الفؤاد · 2014-07-06, 13:38

ام اية للأسف قرار انسحابك....خسارة لينا كلنا.....والله كنتي كملح الطعام.....المسابقة بلا بيك مافيها حتى روح....

crono · 2014-07-06, 14:16

السلام عليكم و يومكم موفق و سعيد
اتمنى لكن التوفيق في التحدي الثاني .....

أم ضياء عبد الرحيم · 2014-07-06, 15:42

اقتباس:

المشاركة الأصلية كتبت بواسطة om aya

سلام لبنات ان شاء الله تكونوا بخير

ليوم جيت نقوللكم سامحوني لاسحور لا فطووور بعد اليوم
اعلن انسحابي رسميا من المنافسة في انتظار انو يتم تعويضي
واعتذر مجددا لاني خيبتكم وما رانيش حابة نخوض في التفاصيل والاسباب لانو القرار كان صعيب ووجعني قلبي كي خممت فيه

المهم لبنات فريووولة سطوووف علابالي راكم. قدها وقدود وحضوري مثل عدمو انتوما الصح فرحوني تعيشو
عالعموم ما نزيدش نطل حتى بعد مدة و نحكوا

سلاااااام

الئ الملتقى

علاه ام اية تنساحبي و الله غير تقلقت انت الي كنت تشجعي فينا راح تروحي
في اول المسابقة كنت حابا ننسحب لكن كي قريت التشجيع التاعك و الكلمات التي كلها حماس تشجعت و بقيت في المسابقة مع اني و الله عندي قداه من مشكل غير قلت نكمل و انت حبا تنساحبي نتمنى تراجعي نفسك و تتراجعي عن قرارك و الله حبيت فيك روحك الطيبة و روح المنافسة

ام حمزة22 · 2014-07-06, 16:24

ام آية لوكان ماتوليش ندير كيما انت ويصرى انقلاب في المنتدى
والله يا ام آية رانا كامل كيف كيف بصح لازم تكملي على وجوه سطايفية وفريولة
عوووووووووووووووووووديييييييييييييييييييي

جوري لؤلؤة · 2014-07-06, 16:32

ام ايوش علاه تنساحبي كايش شربة بلا فريك وش بيك
ام اية راحعي نفسك وارجعي لينا غيابك راهو مرارة بالنسبة لينا هيا ام ايوش يهون عليك تخلي خياتك وحدهم والله ما كارك

عطرالذهب · 2014-07-06, 17:10

ام اية واش هذا القرار الغريب ارجعي وحللي وناقشي باش نفهمو عليك
واذا لحظة غضب اتعوذي من ابليس الدنيا عواشير

fifiarch · 2014-07-06, 17:51

ان شاء الله يكون غير الخير ام اية

واش صرا البارح خليناك تتناقشي مع البنات والامور تمام

خير ان شاء الله...نتمنى ماتكون عندك اي مشكلة

وكيما اجمعنا كلنا ماذابينا ترجعي ونشوفوك معانا

stayfiya · 2014-07-06, 18:36

مساء الانوار لبنات واشراكم ؟؟ واش ام ايوش رايح تخليلي فريوله ندير فيها رايي مسكينه او موان تحامي عليها باينه ماتفاهمتيش مع لمربح واقيل ماداكش تقضي ياخي البارح في الليل قلتي اليوم تصبحي تقضي
نتي ثاني راكي كثرتي الطلبات بالشويه على الراجل
شوفي معليش ريحي التحدي هذا و الجاي كملي نورمال احنا نتكفلو بالتحدي خلي على عاقبتي نكمل ندير السحور نتي روبوزي هاذ المره و اقليلنا السيد بكاش فطور رومنسي ههههاي

بنت الطيب · 2014-07-06, 19:12

راني ندور في كل الأقسام ونعيط كي المهبول على أم آية الصراحة والفتكم كامل ومانيش حابة أي واحدة تنسحب بدينا مع بعضانا ونكملو مع بعض ولاكان على الرجالة رانا في الهوا سوا المخلوق منين يشوفني هازة نصور الدنيا تتقلب عدت نصوار في الخفاء حتى نهار يسموني المصور المخفي ماشي التاكسي المخفي

souheila dz · 2014-07-06, 19:23

والله ضحكتيني بنت الطيب ماعليش اختي ام اية كيما قالت السطايفية ريحي المرة هادي وان شاء الله ترجعيلنا راكي صح خليتي بلاصتك فارغة

OM AYA · 2014-07-06, 19:23

والله يا لبنات قد ما كنت مقلقة نحيتوا عليا ما لقيت نفرح ما لقيت نبكي راهي الدمعة حاصلة في عينيا
ونفس الوقت والله غير حشمت من روحي رجعتوني صغيرونة قدام سعة قلوبكم
ايا نسحب كلامي والو العودة الي الخلف

اموااااح ربي يفرحكم غلاوتكم عندي بالدنيا

والله مل ننسي هاد الوقفة الدعم المعنوي يعني كامل جيتو من اقسامكم وتحيرتوا عليا اذن مستحيل نردكم خايبين

souheila dz · 2014-07-06, 19:27

على سلامتك الحمد لله كي رجعتي فرحتينا

stayfiya · 2014-07-06, 19:51

هاذي هي الهدره الزينه واش خممتي مسفوف و طاس اللبن و زيديلهم طبسي دلاع و رانا مسحرين ههههه

أم ضياء عبد الرحيم · 2014-07-06, 20:18

اقتباس:

المشاركة الأصلية كتبت بواسطة om aya

والله يا لبنات قد ما كنت مقلقة نحيتوا عليا ما لقيت نفرح ما لقيت نبكي راهي الدمعة حاصلة في عينيا
ونفس الوقت والله غير حشمت من روحي رجعتوني صغيرونة قدام سعة قلوبكم
ايا نسحب كلامي والو العودة الي الخلف

اموااااح ربي يفرحكم غلاوتكم عندي بالدنيا

والله مل ننسي هاد الوقفة الدعم المعنوي يعني كامل جيتو من اقسامكم وتحيرتوا عليا اذن مستحيل نردكم خايبين

منعرفش نزغرد بصح نزغرد
ييويييييييوييييييييييييو
على عودة المحبوبة من الكل ام اية و الله غير فرحة بزاف كي رجعتي
ربي يفرحنا ديما و يجمعنا و ما يفرقنا يا رب
هيا كي تهنيت عليك ذرك نروح نكمل الفطور صح فطوركم
سلام

OM AYA · 2014-07-06, 20:47

شكراااا حبيباتي ربي يخليكم ليا ولحبابكم

سطووووف واش بداو التنازلات ههههه قبلت بالمسفوف خفتي نهرب ونخليكم وحدكم هههه