موضوع مميز وصفات من حراير مطبخ وش طيبتي اليوم - الصفحة 23

*عاشقة الجنة* · 2013-11-05, 21:46

أم محمد تاج

ميــــــــــرانغ

حبيباتي في بول خبطو زوج بياض بيض ورشة ملح ورشة فاني خبطو مليح بالباتور حتان يطلع ويثقال وانت تكوني حطيتي طاوة فيها ماء حتان تسخن وطلع لوفار تاعها حطي عليها البول واستمري في الخفق على نار ناقصة خلاص وبسرعة لوحي السكر بالمغرف ست مغارف على دفعات كي تكملي السكر نحي الطاوة وخلي عليها البول واستمري في الخفق حتان يذوب السكر ساعة على ساعة ذوقي بصبعك مممم نموت على هاذ اللقطة ونديرها وحدي لوكان يشوفوني ولادي يلوحو يديهم كامل ههههههه كي يذوب السكر رجعي البول تاعك في المجمد حتان يبرد تماما وخرجيها من لابوش وشعلي الفرن تاعك يسخن ونقصيلو خلالالالالالالالاص وافتحي الباب تخرج الصهدة الأولى ولوحي المورانغ تاعك في الرف الفوقاني نصف ساعة على نار ناقصة على الأخير وكي تجي تنحيه حلي الكويزينيار تاعك بالشوي وخلي المورانغ تاعك داخل الكويزينيار حتان تبرد خلالالاص وخرجيه وهك يكون خلاص ووجد وسر اللمعان تاعو هو ذوبان السكر على حمام مائي

أم إناس · 2013-11-05, 23:44

ام ايناس
دجاج بالبطاطا وشكشوك
لحم بفس ألطريقه

بسم الله نبدو الشكشوك قطعت فلفل حلو احمر اخضر اصفر مربعات صغار وزيد كورجات قطعته مربعات صغار ودرتهم يتكتكو بشوي زيت ومعه بصل نصف وملح فلفل اسود وبعد جبت العدس شمخته شوي ودرتو يتكتك مع الخضر وبعد ضفت ماء شوي به مايتحرقش ونقصت النار عليه وخليتو يطيب بالشوي
البطاطا قطعية كيم تحبي وطيبيه في الماء مع ملح و كي طيب مش ياسر شوي نقص طياب نحيه من الماء وندر له ثوم وفلفل اسود وزعيتر وملح وزيت الزيتون وتخلطيهم مع بعض وبعد دخليهم الفرن حتي يحمر

اللحم طيبتو في الكوكوط مع بصل ثوم فلفل اسود وشوي ماء نسكر ونخليه طيب
الدجاج قليه في شوي زيت بصل وثوم وملح وبعد قبل ما دخليه يطيب في الفرن وزديلو ثوم زعيتر وكمون شوي ملح فلفل اسود دخلت الفرن
وبعد كي يطيب يبقى شوي صوص درتو في الشكشوكه به تجئ بنييين
ان شاء الله تعجبكم

oum ibrahim · 2013-11-06, 08:20

ilbeldelmondo
بيتزا الطاجين
العجين:
كاس و نص فرينة
ملعقة صغيرة ملح
ملعقتين صغيرتين سكر
ملعقتين صغيرتين خميرة خبز
ملعقة صغيرة خميرة كيميائية
ملعقة صغيرة قشطة او هذيك لي تجي فوق الحليب كي نفيضوه
ملعقتين كبيرتين زيت
و ماء دافئ تلمي بيه العجينة و تعجنيها و تقسميها الى كرات صغيرة و تغطيها تتخمر مدة ٤٥ دقيقة
الصلصة:
تبرشي الطماطم و تزيدي ملعقة تاع المصبرة هريسة ملح فلفل اسود و زيت و رند و تحطيها كي تغلي شوي طفي ماطيبيهاش بزاف
الحشو :
جد اقتصادي ههههه بيض مسلوق مبروش و زيتون اخضر و جبن ابيض
ممكن تزيدي واش تحبي
تسخني طاجين الشخشوخة و تفريدي القرص تاع العجين بالفرينة و الحلال يكونو رقاق
تقدري طيبي شحال من وحدة مع بعض تحطيهم يحمارو شوي و قلبيهم حطي الطماطم و الحشو و خليها تحمار مليح من الجهة الاخرى و طبقيها بملعقة خشب مسطحة ان وجدة و ترشقي زيتونة سوداء و شهية طيبة ههههه يا رب يعجبوك

بريق الامل& · 2013-11-06, 08:58

طريقة أم محمد تاج في الشخشوخة
العجينة: مسمن برنوووس نقولولو حنا يعني طيبي ورقة ومن بعد تقلبيها وتزيدي تحطي عليها ورقة وتقلبيها وتزيدي أخرى وهكذا حتان يثقال البرنووس تنحيه وتزيدي برنوووس آخر وهكذا
المرقة حنونة: في الميكسووور نرحي بصلة كبيرة وزوج طماطمات راهي الشخشوخة تحب لحماضة وراس ثوم ارحيهم وحطي اللحم تاعك في الكوكوط وحطي عليه خليط البصل وديري مغرف كبيرة كسبر ومغرف ونص كبيرة راس الحانوت ونص مغرف فلفل أحمر حار مرحي والملح ومغرف صغيرة فلفل أسود وشوي زيت وزوج كيسان ماء وحطي اللحم يتقلى مليح مليح ومبعد ضيفيلها زوج مغارف كبار طماطم كونسارف ونص مغرف هريسة ومرقي وخلي اللحم يطيب كي يطيب شوفي مقدار المرقة تاعك وضيفيلها الفلفل الحار كثري وخليها تغلي غلية برك وطفي عليها خلي كلش يطلق البنة تاعو الفلفل واللحم
ومن جهة طيبي الحمص تاعك في كوكوط أخرى ملحيه كي يطيب صفيه ورجعيه في قدرة أخرى وضيفي عليه شوي مرقة وغليه وخليه على جنب
ومن جهة أخرى قطعي البطاطا تاعك براج وحمريها في زيت مليح وخليها بجيهة زيني بيها حنونة حنا مانطيبوش البطاطا مع المرقة راهي تطلق الخثارة تاعها وتعجنلك الشخشوخة كي تسقيها
وغلي البيض تاعك وسربي الشخشوخة وزينيها بالبطاطا والبيض والحمص والفلفل واذا حابة أقلي ثاني يمشي مع الشخشوخة واذا عندكم الزبدة حرة قطعي طراف وحطيها على الشخشوخة كي تسقيها تمد بنة رووووعة
ملاحظة: شتي مرقة الحمص خليها بجيهة لوكان تحبي تزيدي الماء للمرقة زيدي مرقة الحمص أحسن من الماء راهي تمد بنة رووووعة وانا كي يطيب الحمص ويطيب اللحم نلوح مقدار كاس مرقة الحمص للمرقة الحمراء
كاش سؤال راني في الخدمة حنونة وبصحتكم مسبقا

بريق الامل& · 2013-11-06, 09:03

*عاشقة الجنة*

صابلي الزيت

هي نفس وصفة قاطو اللمبوط (المحقن) او الكروكي وشنو العجيبنة تيبسيها شوي
5 او 6 بيض (حسب رغبتك) كيليهم ونفس الكيلة زيت وكيلة زايدة شوي سكر
الخميرة ولافاني اذا درتي اكثر من 4 بيض ديري 2 باكي
نخلط البيض ولافاني والسكر ثم نظيف الزيت
نشيحوها بفرينة + قرصة ملح و الخميرة حتى تتحصلي على عجينة الصابلي
شكليها وطيبيها عادي مثل الصابلي تاع الزبدة
وبعد الطهي نلصقو كل زوج بالمعجون ...... فققققققققط
ذوقو هااااااااايل واقتصادي

بريق الامل& · 2013-11-06, 19:21

حلوى وريدات بلا سوغيز لخديجة جكون
125غ غ زبدة
100غ سكر قلاسي
2صفار وبيضة كاملة
نصف باكي خمارة وفاني
50غ مايزينة
فرينة
سوغيز مقطعة للحشو
معجون فراولة للتزيين
الطريقة
حطي الزبدة والسكر و2صفار
فاني
خذي البيضة الكاملة فقط نصف كميتها بعدما تخلطي بافويي
خلطي وظيفي 50المايزينة
والفرينة ونصف كيس خميرة كيمائية

كويرات احشيها بسوغيز مقطعة مريريها في مايزينة حطيها في مول الدزيريات
انقشيها ساير داير ديري ثقبة في الوسط بعد ما اطيب عمري الثقب بمربى الفراولة طيبيها شوية حمرا
قدميها في كيسات من ورق حبيتو رشوها بشوية سكر ناعم
يعني هذو نصف مقادير استعملتهم
نقلتهالكم على المباشر من قلب الحدث

أم يحي صهيب · 2013-11-07, 13:35

بسبوستي

3بيض كاملين
كاس زيت
كاس حليب
نصف كاس سكر /ما تكثريش على خاطرش معسلة /
عطر الفاني
2خميرة / الا كثرتي راها تجي حاارة / ضيفي العطووور باش تجي بنينة وزيدي قشور القااارص
سمير راهو عينك ميزانك
حتى تحسي العجينة شوية تقالت
ودخليها الفور لدرجة 180 تطيب على غرضهااا

والسيرو
طيبت كاس ماء زهر مع كاس ماء وقشووور قارس/ عود قرفة
لازم تكون البسبوسة باردة ولا العكس

دعوة خير منكم تكفيني

[/COLOR][/CENTER][/SIZE][/B]

أم يحي صهيب · 2013-11-07, 13:52

وصفة حبيبتي ام ساجد
غريبية بالزيت

كيلة زيت
كيلة ناقصة اصبعين سكر ارتب
فاني انا عملت قشور برتقال يابسة ومرحية
3 كيلات فرينة خلطي الزيت
سكر + فاني
فرينة ونعجنها شوي برك ونشكل ونطيب

https://www.djelfa.info/vb/showpost.p...&postcount=793

*عاشقة الجنة* · 2013-11-07, 19:09

قطيطوشة

tarte au citron

النسبة للعجينة تديري بات سابلي

لي اعتمدتها هنا هي التالية
240 غ فرينة
150 غ زبدة
90 غ سكر
صفار بيضة وفني وقرصة ملح

تخدميها وتخليها تروبوزي ساعة في الفرجيدار من بعد تجبديها و تطرحيها في مول التارت وتثقبيها في افرشيطة تحطي ورق الزبدة وفوقو حبوب جافة وتطيبيها

كريمة الليمون طريقتها كالتلي
عصير 3 ليمونات
150 غ سكر
4 بيضات
160 غ زبدة
نذوبو الزبدة مع الليمون في كسرونة
نضربو البيض مع السكر و حدها نصبو مزيج الزبدة فوقهم ونخلطو من بعد نرجعو كلش في الكسرونة ونطيبو على نار هادئة بلا مانحبسو من التحريك حتى تثقال

تصبيها فوق لاتارت وتحطيها في الفرجيدار لمدة ساعتين

من بعد توجدي لامورانق
طرقتي هادي
2 بياض بيض نضربهم كالثلج
100 غ سكر مع 40 ملل ماء نسخنوهم مليح و نصبو خط رفيع فوق البياض مع الخلط في نفس الوقت حتى يبرد المزيج

ممكن تعتمدي طريقة أخرى لأنو هادي بانتلي ماتطلعش مليح

من بعد تديري المورانغ فوق الكريمة و اذا عندك شاليمو المطبخ تحرقيه او تدخليه للفرن وتشعلي الشوااية لدقائق يحمار وتخرجيه

*عاشقة الجنة* · 2013-11-07, 19:24

قطيطوشة

معجون السفرجل

السفرجل نغسلو مليح ونقيه و نمسحو بالقارص
القشور واللب نستحفظ بيهم نحطهم في شاش ونربط عليهم
السفرجل نقصو براج نحطو في الكسكاس يفور والتحت في البرمة نحط الشاش تاع القشور والبذور

كي يفور نحكم كيلة سكر وكيلة الماء لي غلاو فيه القشور بعد ما نمعس مليح الشاش
ونطيبو حتى يعقاد
من بعد نلوح السفرجل ونخليه على نار هادية

*عاشقة الجنة* · 2013-11-07, 21:56

oum ibrahim

طريقة خبزة السلق

تغسلي السلق و تنقيه و تقطعيه مع الاغصان نتاعو و ديريه يتقلى في شوية زيت و ملح و فلفل اكحل و كمون و ثوم و قوي عليه النار باه ما يطلقش الماء نتاعو و ما تغطيهش باه يحافظ على اللون الاخضر
بعد ما ينشف طفي و خليه يبرد و زيديلو جبن ابيض مقطع مكعبات و 2 حبات بيض او حسب كمية السلق الي عندك
من جهة اخرى اقلي شوية بطاطا تحبيها طويلة كما الفريت او مربعات
تقدري ديري فيها صدر دجاج طايب و مفتت تخلطيه مع السلق
جيبي طبق فرن او مقلاة تيفال ادهنيها شوية زيت او زبدة
ديري طبقة بطاطا مقلية ثم فرغي كل كمية السلق و الدجاج و غطيها بطبقة ثانية من الفريت و اضغطي عليها شوية باه البطاطا تحكم مع السلق و دخليها في الفرن او طيبيها على مقلاة تيفال و لما تتحمر اقلبيها من الوجه الثاني اما كي ديريها في الفرن لما يطيب البيض و تتحمر من تحت طفي و شعليلها من فوق تتحمر و تاخذ اللون الذهبي و الف صحة و هنا

*عاشقة الجنة* · 2013-11-08, 13:10

mounia hse

موس البطيخ

انا ديرت 3بيضات الباص نطلعو مع رشة ملح و شوية سكر"ميرانغ" و الصفار مع لافاني و شوية سكر "سكر قد ماتحبي لحلاوة"
كمية من لاشانتي انا ديرت شوية بزاف نحب الذوق نتاعها و البطيخ ميكسي و مصفي من الماء منتاعو لازم يتنحالو الماء لايفزد الموس نتاعك
و مبعد نضيفو البطيخ لخليط الصفار و نخلط +لاشاني بالتناوب مع بياض البيض من فوق لتحت و تحطيه في ليكوب نتاعك و الى الثلاجة يبرد و مبعد زينيه كيما تحبي
صدقوني الذوق نتاع البطيخ مايبان يجي هايل

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

و هنا بعد ماخرجتو من الثلاجة
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

*عاشقة الجنة* · 2013-11-08, 13:11

oum ibrahim · 2013-11-08, 21:22

وصفة البتي فور
250غ مرغرين
كاس زيت
كاس سكر قلاصي
كاس نشا
2بيض كاملين +2صفار
2 باكي خميرة
لفاني
الفرينة
تخلطي المرغرين مع السكر حتى يبياض ثم ضيفي الزيت و خلطي و زيدي البيض و الصفار والفاني ثم النشا و الفرينة و الخميرة حتى تحكم العجينة روحها ما تكونش طرية و ما تكونش يابسة
شكليها بلادوي على شكل اصابع او وريدات و طيبيها و لسقيها وزيني بالشوكولا و الله يجي روعة يذوب في الفم كاش نهار نخدمو نوريلكم تشوفوه

oum ibrahim · 2013-11-08, 21:35

ilbeldelmondo
طورطة السيارة الحمراء بدون مفتاح ههههه*
حجم: الطول 25 سم العرض 18 سم ارتفاع من 7 الى 14 سم
اولا الطورطات الامريكية تعتمد على الشكل اكثر من هشاشة الجينواز*
الجينواز لازم يكون ثقيل مثل الكيك و الكريمة حذاري من الشونتي لازم كريمة الزبدة باه كي تغلفي تحطي تجمد و من بعد تصقلي الشكل او الهيكل للتغليف بالعجينة السكر
ليست مثل الكيكات الفرنسية لي تكون رطبة*
نبدا بالجينواز:
4 بيضات*
كاس سكر
150 غ زبدة طرية
كيس خميرة*
فنيلا*
قشور ليمون*
250 غ فرينة
رشة ملح
او*
3 بيضات
9 ملاعق سكر
9ملاعق زيت
15 ملاعق فرينة
قشور ليمون
خميرة كيس واحد
رشة ملح
*تخدمي الجينواز عادي في batteur*
في صينية قطرها 24 سم او 25 لي متوفر عندك
ندهنها بالزبدة و الفرينة
و نقسم الخليط على 2 و نطيب اذا عندك صينيتين احسن
حطيها في وسط الفرن حرارة 150 درجة حتى تحمار من فوق و نحيها
إذن نتحصل على 2 جينواز مدورين نخليوهم يبردو و نحضر كريمة الزبدة
نطلع بياض بيضة*
نحط على النار متوسطة 50 غ ماء و 120 غ سكر حتى نصل الى حرارة 110 او 112 درجة لي ماعندهاش المحرار المطبخي ماشي تاع قياس حرارة حفيظ كي يكون مريض هههههه ام ماجد وحدك رايحة تكسر الرئبق*
تستعمل الطريقة هذه
كي تشوفو السكر بدا يغلي و ذاب تجيبي ملعقة خشبية و ماء بارد
نحد ذيل الملعقة في السكر ثم مباشرة في الماء البارد و نشوف السكر لي لصق في الملعقة هل هو لين مثل الصورة او مزال يعني نزيد نغليه
و نسكب تدريجيا على بياض البيض مع الضرب هذه هي الميرانغ الايطالية نحطوها تبرد

كي تبرد نظيف 150 غ زبدة لينة و فنيلا راح تجيك كريمة الزبدة هاااايلة*
ملاحظة نفس الطريقة لتحضير كريمة الزبدة بزبدة البندق و الكاكاو و غيرها مثل لي في kinder bueno*
نلصق الجينواز بالكريمة*

و بسكين مسنن نقطع مثل الصورة

و نكمل مثل الصور*

نغلف الطورطة بالكريمة و نخليها في الثلاجة تجمد
نجبدها و بالسكين او ظهر الملعقة نصقل الشكل جيدا ننزع الزوائد و نردها في الثلاجة و نحضر عجينة السكر

للسيارة يلزم علبتان صغيرتان مكتوب فيها عجينة اللوز راهي تتباع ب 100 او 150 دج
نظيف القليل من النشاء و الملون الابيض و نعجن
نقسم قسم كبير نلونه بالأحمر او لون السيارة
و جزء باللون البني يعني الكاكاو
و البقي ألوان ابيض ازرق اصفر*
نفرد الحمراء على بلاستيك و نقلبها على الكعكة و خلي الكيس من فوق و ملسي بيدك الشوك و الانحدرات و قطعي الزوائد و نحي البلاستيك
بالبسكوي الصغير مثل برينو غلفي حبة باللون البني و زيني مثل الصورة اربع عجلات و دخليهم في مكان المخصص
و بالأبيض ديري الزجاج و كملي الباقي مثل الصورة

حتى راح نخبيها باه فقت بلي نسيت h هههههه