~ ~ ~طلباتكم مجابة بإذن الله ~ ~ ~

[قمر 77]

المشاركة الأصلية كتبت بواسطة هنو ام ياسر

السلام عليكم بنات
اولا اريد ان اشكركن جزيل الشكر على كل ما تقدمنه لنا من معلومات قيمة....جزاكم الله خيرا ....
عندي سؤالين الاول لحبيبتي زينب 83 :
_في وصفتك البطاطا المقلية في الفرن باش نقدر نعوض ورق الزبدة.
_بالنسبة للسؤال الثاني : راني شريت كيكوطة جديدة واش ندير لها قبل ما نبدئ نطيب فيها كاين الي قالولي غلي فيها الحليب.
الف شكر لكل المشاركات.

تعرفي حبيبتي انا نغللي فيها الحليب نتخلع كوش سوداء تخرج فيه و نعاود نغللي حتى يخرج صافي الحق نخاف مالمواد الكيميائية و الله اعلم

[chahrazed g]

زوجي شرا كمية من البرتقال لقاه ناقص في السومة حبيت نستفاد منو على قد ما نقدر خدمت منو عصير البرتقال و درت عصير البرتقال مع الجزر و الياوورت و درت منو في الكونجيلاتور حبيت تزيدو تعطوني كاش ما كاين اقتراحات اخرى بالنسبة للبرتقال و لا القشور و لا مبشور البرتقال كيفاه نقدر نحتفظ بيه

[lyzzabel]

المشاركة الأصلية كتبت بواسطة chahrazed g

زوجي شرا كمية من البرتقال لقاه ناقص في السومة حبيت نستفاد منو على قد ما نقدر خدمت منو عصير البرتقال و درت عصير البرتقال مع الجزر و الياوورت و درت منو في الكونجيلاتور حبيت تزيدو تعطوني كاش ما كاين اقتراحات اخرى بالنسبة للبرتقال و لا القشور و لا مبشور البرتقال كيفاه نقدر نحتفظ بيه

انا نعطيك فكرة على القشور ،، تنحي الطبقة الفوقانية برك يعني الزاست بدون الطبقة البيضاء و تيبسيهم من الاحسن فوق الشوفاج و من بعد ترحيهم مليييح و تصيريهم و تستعمليهم كمنكه في حلوياتك و بريوشاتك
هادي فكرة اعطاتهالنا حبيبتنا ام سهام ربي يدكرها على خير
و بالنسبة للعصير خلاص راهي عندك الفكرة ههه

[lyzzabel]

المشاركة الأصلية كتبت بواسطة مرام اروى

lyzzabel ختي عيشك اعطيني لاروسات نتاع هذي التحلية لقيتك حاطتها في واحد الكوزينة عجبتني وحابة نديرها كي عاد عندي البنان

[img][/img]

اهلااا حبيبتي مراااام
التحلية ما كااانش اسهل منهااا
طلعت بودرة الشانتيي بالحليب باااارد و من بعد ضفتلها الفرماج كيري ( كمية الكريمة و الفرماج حسب الرغبة انا درت كاس حليب و ثلاث حبات فرماااج ) و زدت ضربت مليح بالباتور حتى تجانست الكريمة و كنت غطست حبات بودواغ فالحليييب و قطعت البنااان و ستفنهم طبقة بطبقة فالاكواااب و من فووق درت سيرو تااع الخوووخ يتباع جاااهز و خلاااااص ههه

[lyzzabel]

المشاركة الأصلية كتبت بواسطة نسيبة 2009

شكرااااااااااااااااااااااااااااااا حبيبتى

بلا جميييل عزيزتي ،، اهلا و سهلا ههه

[ام نور الهدى 2014]

السﻻم عليكم
بنات اعطوني وصفة لعصير الجزر تكون شاااابة ههههه ماعليش مع الراقال المهم تكون حطة و الطعم يكون رائع
و تان نسقسيكم على عصير الهامووو كي دير القشور يطلقو فس الما و الب تان ما فهمتش مليح ؟؟
و شكرا لكن مسبقا
^_^

[زينب 83]

الأخت لي سألتني على ورق الزبدة للبطاطا نعوم ضروري ، و الكوكوت نغلي في لحليب شحال من مرة ، لانو الألمنيوم راه مترسب فيها

ام نور الهدى مرة جربت واحد تاع الجزر هايل تاع اخت اسمها ام علاء مباعد نحوس لك عليه
و شفت توتة تاني حطت موضوع عليه مرة و قالت روعة روحي بروفيلها دوك تلقايه

[مسلمة بالفطرة]

من فضلكم كيفاش نستعمل الديكوجال تاع الشوكولاتة وهل نقدر نخدم بيه الحلويات و لا لي تارت برك

[ارزاق]

والله يا اختي انا مالفة نشري دكوجال كرمال نديرو فوق التارت جينواز بعد ماندير طبقة خفيفة تاع كريم شونتي وساعات حتي المسكوتة ودرتو حتي فوق الملفاي ونظن نفس الشيئ لديكوجال شكولا لكن انا جامي خدمت بيه انت جربي

[جزائرية 16]

المشاركة الأصلية كتبت بواسطة ام نور الهدى 2014

السﻻم عليكم
بنات اعطوني وصفة لعصير الجزر تكون شاااابة ههههه ماعليش مع الراقال المهم تكون حطة و الطعم يكون رائع
و تان نسقسيكم على عصير الهامووو كي دير القشور يطلقو فس الما و الب تان ما فهمتش مليح ؟؟
و شكرا لكن مسبقا
^_^

اختي نور الهدي انا جربت عصير الصوامعية جاني هايل في الذوق و اعجبني كثيرا هاهو الرابط اذا حبيتي تجربيه

https://www.djelfa.info/vb/showthread.php?t=772180

بالنسبة لعصير الهام نبرش البرتقال و الليمون كاملين بالقشرة و اللب نخليهم مدة نصف ساعة في الماء المغلي و راح نشوفو ان البرتقال و الليمون طلق كل العصير في الماء و نصفيه
بالتوفيق و بصحتك

[ام نور الهدى 2014]

شكرا اختي جزائرية
ربي يجازيك كل خير
^_^

[ناريمان2004]

صباح النور يا حباباتي ارجو انكن بخير طلبي يتمثل في وصفة الزلابية وتكون مجربة وشكرا

[مسلمة بالفطرة]

شكرا أختي أرزاق بصح حابة نسقسيك كي تستعملي الديكوجال تسخينه شوية و لا تحطيه مباشرة فوق التارت لأنو جاي عاقد ماشي كيماالشوكولا اللي نذوبها فالدار

[ام نور الهدى 2014]

مارسي زينووبة ادا صبتيه حطيهولي تاع ام عﻻء ما صبتوش

[أم ياسين الزهراء]

الاخت للتسقسي على الديكوجال ماتسخنيهش خلطي بالمغرف برك