الى ام اسيد1 وكل وحدة حاصلة واش الطيب - الصفحة 229

روح مراد · 2015-03-17, 13:47

هاهاها ضحكتيني صدفات
ضرك نبدل ندير روح صدفات
هاذيك نتاع العجايز

غزالة الصّحراء · 2015-03-17, 14:28

أهلين بالحبوبات الغاليات العزيزات . ما أحلاها من دردشة. راهي البسمة ولات ترجع للصفحة. أختي روح مراد الصفحة خرجت من مصلحة الإنعاش . اللّهمّ بارك لنا فيها. وين راهم الأخريات. أم أسيد، سلمى، ، منال ومنير ، كرونو، أم هديل، أم حمزة. أم الخير. والقائمة جدّ طويلة.. صدوفتي واشنو هذا ؟؟ واللّه غير عجبتني الدردشة أنتاعكم اختي وروح مراد. . باين الأخت روح مراد إيموت عليها مراد. ربّي ايخليهم لبعضاهم ويسّر لهم حياتهم. وربّي ايدوّم محبتنا ويكون دوما بجنبنا باش نجعلوا من بيوتنا جنّة فيحاء يستكين لها القلب ويطمئن فيها أفراد الأسرة.
سلامي لكلّ البنات ، وكل واحدة باسمها دون استثناء.

روح مراد · 2015-03-17, 14:39

مساء النور غزالة أنت اللي خرجتي الصفحة من الإنعاش باسلوبك المميز
ضحكتيني على موراد ربي يدومها صح يحبني بالصح و الله غير هبلني هو عاش في عالم و أنا في عالم

غزالة الصّحراء · 2015-03-17, 15:13

اقتباس:

المشاركة الأصلية كتبت بواسطة روح مراد

مساء النور غزالة أنت اللي خرجتي الصفحة من الإنعاش باسلوبك المميز
ضحكتيني على موراد ربي يدومها صح يحبني بالصح و الله غير هبلني هو عاش في عالم و أنا في عالم

أهلين بيك روح الغزالة. عندها الحق صدفات. واللّه كلّنا شاركنا في إرجعها إلى الحياة. ربّما هذا أيضا بفضل محبتنا لبعضنا. أما عن مردا واللّه لأوّل مرّة اقريت الاسم قلت هاذوا راهم سمن على عسل.لالا حنونة غير راضيه ومشوا في طريق وحدة باش تلقاوا ا السعد والهنا. راهي عشرة . لازم تعرفي كيفاش اتخليه يتمسك بيك. كيما قالت الجدّة انتاعي بالأم اللّه يرحمها وهي توصي أمي.: "قالت لها شوفي بنتي أنا مانعرف والو. بصّح إذا حبيتي راجلك ايحبك الحبّ الحقيقي في لسانك. ومراضاته. خلي لسانك حلو دائما . وراضيه في مايرضاه اللّه " وأكيد أختي روح مراد وكلّ الأخوات فمفتاح السعادة لايكون فقط في التزين أو اللّباس . فالحياة الزوجيّة مثل الحديقة الباهيّة. يجب أن نقطف من كلّ روضة زهرة..لنُكَوِّنَ روضتنا السّاحرة. أختي روح مراد إذا كَوِّنِي أنت ومراد عالما واحدا، فلا تتركي الفراغ يدبّ على حياتكما.

روح مراد · 2015-03-17, 15:17

عندك الحق يا غزالة بالصح العالم الفكري نتاعو و تفكيره و تفكيري ماش كيف كيف
ماشي فراغ المشاعر و الحب و التمسك من هذا الجانب الحمد لله رانا في الطريق السليم
و لكن راجلي تفكيره أوروبي و أنا تفكيري جزائري محض و قبايلي متعصب أحيانا
على هاذيك اللي ما نتلاقاوض

غزالة الصّحراء · 2015-03-17, 15:28

اقتباس:

المشاركة الأصلية كتبت بواسطة روح مراد

عندك الحق يا غزالة بالصح العالم الفكري نتاعو و تفكيره و تفكيري ماش كيف كيف
ماشي فراغ المشاعر و الحب و التمسك من هذا الجانب الحمد لله رانا في الطريق السليم
و لكن راجلي تفكيره أوروبي و أنا تفكيري جزائري محض و قبايلي متعصب أحيانا
على هاذيك اللي ما نتلاقاوض

أختي روح مراد راني نغسل في الحوايج. وكلّ مانطلع للسطح باش ننشرهم نضرب طلّة ونسجّل الدخول من جديد.
ماشاء اللّه عليكم. أنا ثاني اقبايليّة. شوفي حنونة. واللّه غير الأمر بسيط. كيما ايقولوا ناس بكري خلطيها وتصفى. خذي منو وأعطيلو واش عندك وكونوا في زوج عالم متّحد. يسوده التّفاهم. وأمّا عن التعصّب لك الحقّ هناك من يمتلك العصبيّة القبليّة. لكن هذا ليس مانعا من جعله هادئا. غير ماتخافيش راني أهنا. . ياله حبيبتي رايح انكمل أشغالاتي. ورايحين نرجعوا لمناقشة للموضوع أكيد.

ام الخير 05 · 2015-03-17, 15:51

مساء الخير غزالتي الغالية للاسف ما نعرفش نحط الرابط تاع القاطو لكن جابتو الاخت ام سوهيل راحو في الصفحة 216

صدفات · 2015-03-17, 16:24

اقتباس:

المشاركة الأصلية كتبت بواسطة غزالة الصّحراء

أختي روح مراد راني نغسل في الحوايج. وكلّ مانطلع للسطح باش ننشرهم نضرب طلّة ونسجّل الدخول من جديد.
ماشاء اللّه عليكم. أنا ثاني اقبايليّة. شوفي حنونة. واللّه غير الأمر بسيط. كيما ايقولوا ناس بكري خلطيها وتصفى. خذي منو وأعطيلو واش عندك وكونوا في زوج عالم متّحد. يسوده التّفاهم. وأمّا عن التعصّب لك الحقّ هناك من يمتلك العصبيّة القبليّة. لكن هذا ليس مانعا من جعله هادئا. غير ماتخافيش راني أهنا. . ياله حبيبتي رايح انكمل أشغالاتي. ورايحين نرجعوا لمناقشة للموضوع أكيد.

مساء الخير حبيباتي راني عليكم في زوج غزالتي و روح مراد
شوفي يا روحي أنا كذلك زوجي تفكيره أوروبي عاش بين فرنسا و إنكلترا حتى لي تزوجنا هذه 17 سنة لازم تصبري عليه أنا زوجي خلاص كي قعد في البلاد رجع يخمم كيفنا ساعات راني نقول لوكان غير بقى كيما اللول على ألأقل راني مهنية صبري و ما تتقلقيش غير بشوية تتفاهموا
بقاو على خير راه الوقت يجري ههههههه

أم الحبايب 26 · 2015-03-17, 16:43

مسالخير عليكم كامل غازلة رادتينا لناشاط لكونا متعاودين عليه نشالله ام حمزة تعاود توالي كيما من اول توارينا اطباق نتاعها انا لعجابني فلاطباق ام حمزة
منين ذاك تحطنا اطباق في متاناول الجاميع غزالة قاطو لحاواستي عليه راهو فصفحة 226 ام الخير راهي دارت واحد بدل الزوج
ام الخير راكي دري فرجيم نتع الكمون ولقارص ول لا لا انا راني معاه نشالله نانقص شويا هذا نهارات وللهي غير راني عيانا شويا باش نروح لطبيب مزال الله يكون فلعون
سلامي لكم كامل نشالله تكونو بخير غزالة حبا نساقسيك انتي قلتي مهنا نتيعاك طالبا ولا مفهامتش مليح اذا كان مافيهاش ازعاج على خاطش نشوفاك مثاقفا بزاف و متاغالطيش كيما حالتي

بيلسان91 · 2015-03-17, 16:54

يا ام الحبايب اغيتيننننني من فضلك راني درت رفيس تاع الغرس محبش يتلملي بش نقصو كعب قوليلي وش ندير بش يتلملي

حب ربي*ملأ قلبي · 2015-03-17, 17:05

السلام عليكم اختي زيديلو التمر ره يتلم و إذا كان قاسي زيدي لزبدة و شويييييي ما باش يتلم

بيلسان91 · 2015-03-17, 17:07

اقتباس:

المشاركة الأصلية كتبت بواسطة حب ربي*ملأ قلبي

السلام عليكم اختي زيديلو التمر ره يتلم و إذا كان قاسي زيدي لزبدة و شويييييي ما باش يتلم

درك معنديييش الغرس بش نزيد وماكانش اصلا اللي يخرج يشريهولي درك
بلاك دك نجرب نزيدلو الزبدة

ام حمزة22 · 2015-03-17, 17:25

سلام لبناتكي مسيتو واش راكم والله راكم زاهيين الخالة باسم الله ماشاء الله عليكم
غزالتي يعطيك الصخة على النصائح نتاعك والله مفيدة وعندك الحق في كل كلمة قلتيها تسلمي حبيبتي

روح مراد واش راكي اعملي بنصيحة غزالة ورايحة تربحي بادن الله

ام الحبايب يا حبيبة يسقسي عليك الخير راني الحمد الله واموري عال العال وان شاء الله نكمل مشوار هاد الموضوع بوجودكم يا احلة لمة

بليسان ان شلء الله لقيتي الحل حتى ولو ما نطملكش الخليطخاولي تخدمي بكمية صغيرة راح تساعدك باه تشرحي الخليك وتقطعيه بالطابع لي تحبي

ام حمزة22 · 2015-03-17, 17:26

اقتباس:

المشاركة الأصلية كتبت بواسطة حب ربي*ملأ قلبي

السلام عليكم اختي زيديلو التمر ره يتلم و إذا كان قاسي زيدي لزبدة و شويييييي ما باش يتلم

وعليكم السلام
اهلا وسهلا
شكرا على المساعدة بارك الله فيك
سعدت بمرورك

ام سوهيل · 2015-03-17, 17:41

مساء الخير عليكم بسم الله مشاء الله راكم مجمعين بلابيى خصكم قهيوا ربي يخلي لمتنا انا اسمحولي راني رايحة لدرنا في نهاية الاسبوع وراه عندي قضيان بزاف لزم نكمل كلش قبل منروح ام حمزة حمد لله على سلامت زوجك

سلامي الحار الى كل الاخوات بدون استسناء