الى ام اسيد1 وكل وحدة حاصلة واش الطيب

[imane hermosa]

السلام عليكم أخواتي راني عندي مدة نتبع معاكم و نتعلم ربي يجازيكم
أريد فقط وصفة للبيسكوي رولي تكون ناجحة و بالصور اذا عندكم رابط كاش موضوع ربي يخليكم و شكرا

[تغرينية]

عظم الله اجركم وانشاء الله يغير لكم المحبة بالصبروان يرزقكم الصبر والسلوان ان لله وان اليه راجعون

[ام هاديل وياسين]

المشاركة الأصلية كتبت بواسطة imane hermosa

السلام عليكم أخواتي راني عندي مدة نتبع معاكم و نتعلم ربي يجازيكم
أريد فقط وصفة للبيسكوي رولي تكون ناجحة و بالصور اذا عندكم رابط كاش موضوع ربي يخليكم و شكرا

تفضلي اختي هدي الوصفة جربتها وخرجتلي هايللة نتمنى تنجحي فيها

https://www.4algeria.com/vb/4algeria395978/

[أم الحبايب 26]

مسالخير عليكم نشالله تكونو ملاح راكم عاوادتو واليتو لنشاط لكونتو فيه رانا ناستناو فلاطباق ام حمزة كل واحدا تحط واش عندها هاكذا ناقصو اظغط على ام حمزة
ام حمزة حمزا هوا مزوزي نتيعاك انا حابيت نحط اسم بني صغير ماقبلوش كاينا واحدوخرا حطا اسم كيفو هوا ياسين حمدلله كرياح زوج نتيعاك الله يخاليه على روسكم
ام سوهيل يعطيك الصحا على قاطو جا فواقتو عندي قفريط بزيادا انا عشاتيي رايحا ترايحني منها بنتي رايحا دير كرانطيطا
سلامي ليكم كامل

[ام حمزة22]

المشاركة الأصلية كتبت بواسطة imane hermosa

السلام عليكم أخواتي راني عندي مدة نتبع معاكم و نتعلم ربي يجازيكم
أريد فقط وصفة للبيسكوي رولي تكون ناجحة و بالصور اذا عندكم رابط كاش موضوع ربي يخليكم و شكرا

اهلا وسهلا بيك امان سعدت بمرورك

المشاركة الأصلية كتبت بواسطة تغرينية

عظم الله اجركم وانشاء الله يغير لكم المحبة بالصبروان يرزقكم الصبر والسلوان ان لله وان اليه راجعون

شكرا تغرينية بارك الله فيك وجزاك كل خير

المشاركة الأصلية كتبت بواسطة om hadil

تفضلي اختي هدي الوصفة جربتها وخرجتلي هايللة نتمنى تنجحي فيها

https://www.4algeria.com/vb/4algeria395978/

شكرا ليك ام هديل على الرابط يعطيك الصحة راكي متهليا فالضياف

المشاركة الأصلية كتبت بواسطة أم الحبايب 26

مسالخير عليكم نشالله تكونو ملاح راكم عاوادتو واليتو لنشاط لكونتو فيه رانا ناستناو فلاطباق ام حمزة كل واحدا تحط واش عندها هاكذا ناقصو اظغط على ام حمزة
ام حمزة حمزا هوا مزوزي نتيعاك انا حابيت نحط اسم بني صغير ماقبلوش كاينا واحدوخرا حطا اسم كيفو هوا ياسين حمدلله كرياح زوج نتيعاك الله يخاليه على روسكم
ام سوهيل يعطيك الصحا على قاطو جا فواقتو عندي قفريط بزيادا انا عشاتيي رايحا ترايحني منها بنتي رايحا دير كرانطيطا
سلامي ليكم كامل

ام الحبايب حمزة ابني الاكبر ربي يحفضهولي ويحفضلكم اولادكم
انا نحب نسمي ولادي على الصحابة عندي حمزة وعلى هم شجعان الاسلام وعندي المزوزية نتاعي اسمها كوثر دايما تزوخ باسمهاوتقول للجميع انا نهر فالجنة اما بنتي لي فوق المزوزية اسمها لينا امي الغالية هي لي سمتها لم عرفت ان هاد الاسم مذكور فالقرآن الكريم ربي يحفضهملي ويحفضلكم جميع وليداتكم

[ام حمزة22]

المشاركة الأصلية كتبت بواسطة ام اسيد1

اهلا ام حمزة الحمد لله اللي راك بخير والحمد له اللي قام زوجك بالسلامة
تحية لكل البنات
تفضلوا موضوعي الجديد
https://www.djelfa.info/vb/showthread...post3992975823

وبيك اهلا وسهلا حبيبتي شكرا تعيشي
درك نروح نشوف الموضوع الجديد

[غزالة الصّحراء]

يامساء الأنوار حاملا معه عطر الأزهار لأعز الأخوات . وياربّ الكلّ ايكون بألف خير وعافيّة. والحمد للّه على سلامة الجميع.
وشكرا جزيل الشّكر لكلّ واحدة حملت معها ماينعش الصّفحة ليعود إليها نشاطها. أنا جدّ سعيدة بذلك. وشكرا خالصا لكلّ من عطرت مشاركتي برّدها الّّذي يبعث دوما إلى التّفاؤل. فإلى الأمام جميعا. سلامي إلى كلّ البنات بدون استثناء.

[غزالة الصّحراء]

المشاركة الأصلية كتبت بواسطة ام حمزة22

وبيك اهلا وسهلا حبيبتي شكرا تعيشي
درك نروح نشوف الموضوع الجديد

أهلا بيك حبوبتنا الغاليّة. كيف الأحوال عندك.؟ ياربّ الزوج أنتاعك أرتاح أشويا. ربّي ايعاونك. كوني برك بجنبو دوما. والبنات واش هي نتائجهم ياترى . خاصّة ألي تدرس في الثانويّة. وياربّ اتكوني ارتحتي اشويّة من كثرة العمل من جرّاء زيارات الأقارب . آمالنا فيك كبيرة . فأنت قدوتنا ، أنت من غرستي فينا حبّ المثابرة والاجتهاد. فجميلك فوق رؤوسنا. اللّه ايجازيك بكلّ ماتتمناي.

[غزالة الصّحراء]

المشاركة الأصلية كتبت بواسطة أم الحبايب 26

مسالخير عليكم نشالله تكونو ملاح راكم عاوادتو واليتو لنشاط لكونتو فيه رانا ناستناو فلاطباق ام حمزة كل واحدا تحط واش عندها هاكذا ناقصو اظغط على ام حمزة
ام حمزة حمزا هوا مزوزي نتيعاك انا حابيت نحط اسم بني صغير ماقبلوش كاينا واحدوخرا حطا اسم كيفو هوا ياسين حمدلله كرياح زوج نتيعاك الله يخاليه على روسكم
ام سوهيل يعطيك الصحا على قاطو جا فواقتو عندي قفريط بزيادا انا عشاتيي رايحا ترايحني منها بنتي رايحا دير كرانطيطا
سلامي ليكم كامل

أهلين بأم الحبايب. إن شاء اللّه اتكوني بخير انت كذلك. أختي ام الحبايب يكفيك أنّك حقّا أم للحبايب . وفعلا الأبناء أيضا من أعزّ الحبايب وخاصّة حين تصل المراة لسّن معيّنة . تجد نفسها انّها بجاجة إلى حبايب ولن تجد أعزّ وأحسن وأفضل من أبنائها. فما أجمل الدّرشة مع أعزّ الحبايب . ربّي يحفظ لك أبناءك ويطوّل في عمرك وتشوفيهم رجالة.

[ام حمزة22]

اهلا بيك غزالتي والله كلامك ذوبني وما خل فيا حيل اخجلتي تواضعي حبيبتي
ربي يخليك وما يحرمناش من طلتك علينا
يسقسي عليك الخير والله زوجي تحسن وانا راني الحمد الله الضياف كانو خاصة في الويكاند يعطيهم الصحة لي جاو زارونا

[غزالة الصّحراء]

المشاركة الأصلية كتبت بواسطة ام حمزة22

اهلا بيك غزالتي والله كلامك ذوبني وما خل فيا حيل اخجلتي تواضعي حبيبتي
ربي يخليك وما يحرمناش من طلتك علينا
يسقسي عليك الخير والله زوجي تحسن وانا راني الحمد الله الضياف كانو خاصة في الويكاند يعطيهم الصحة لي جاو زارونا

أهلا بالقمر الي جاب معه الضّياء . ويرجع للصفحة نشاطها وحيويتها . بِكِ وَمَعَكِ أكيد سيعود النّشاط لصفحتنا. سترفرف عاليّة من جديد بين كلّ الصفحات. واللّه ياحبوبتي انا ماقلت غير الصراحة. وحتى في العمل راني غير نفتخر بك. ربّي مايحرمنا منك. وياليت كنا كامل لبنات أقراب منك. لكنّا ساعدناك وقمنا بالواجب. المهم الحمد للّه عى سلامة زوجك وعلى عودة الراحة لجسدك. وشكرا لكلّ زوارك. ربّي ايرد لهم الزيارة في الخير إن شاء اللّه.

[ام حمزة22]

المشاركة الأصلية كتبت بواسطة غزالة الصّحراء

أهلا بالقمر الي جاب معه الضّياء . ويرجع للصفحة نشاطها وحيويتها . بِكِ وَمَعَكِ أكيد سيعود النّشاط لصفحتنا. سترفرف عاليّة من جديد بين كلّ الصفحات. واللّه ياحبوبتي انا ماقلت غير الصراحة. وحتى في العمل راني غير نفتخر بك. ربّي مايحرمنا منك. وياليت كنا كامل لبنات أقراب منك. لكنّا ساعدناك وقمنا بالواجب. المهم الحمد للّه عى سلامة زوجك وعلى عودة الراحة لجسدك. وشكرا لكلّ زوارك. ربّي ايرد لهم الزيارة في الخير إن شاء اللّه.

والله انت القمر حبيبتي وانت النور لي طل علينابعد الضلام الله لايحرمنا من طلتك علينا والله لايحرمني منك ومن كل غالية لي تنور هاد الصفحات بنورها ومن بينها
روح مراد صدفات ام هديل ام سوهيل ام الحرايب ام الخير حياة سلمى ام اسيد تغرينية وما ننساش لي كانو معانا وغابو وان شاء الله المانع خير
ولي نسيت اسمها تسمحلي والله الكل راكم في بالي ربي يحفضكم ويخليكم
تصبحو بالف خير غالياتي

[غزالة الصّحراء]

[IMG][/IMG]


[IMG][/IMG]


ياله حبيباتي متعن أعينكنّ بأعمالي . وياربّ أنتال إعجابكنّ. مارأيكنّ جاوبوني بصراحة.

ملاحظة فيما يخصّ حامل مناديل. الأبيض اللّون الذّي يحمل كريات برتقاليّة من صنعي. ( تطبيقي ) والآخر من صنع صديقتي. طبقت عملها. اللّه يعطيها ماتتمنى في حياتها.

[أم الحبايب 26]

كفاش راكم نشالله تكونو ملاح صحا عشاتكم غزالة يعطيك اصحا على ادعية ولكي بلمثل الله يفاراحنا بيهم انا بني هذا لفثا اوي يقرا بسيف حصالت واش ندير معاه زاد معا اضراب هذا زاد تهاوان فقرايتو بزاف الله ياهديه انا فاراشت لولادي راقدو قولت ناضراب طلا عليكم
ام حمزة رابي ياحفظلك وليداتك رابي يفارحك بيهم سلامي ليكم كامل

[hayette82]

السلام عليكم واشراكم والله توحشتكم وتوحشت وصفاتكم