الى ام اسيد1 وكل وحدة حاصلة واش الطيب

[ام هاديل وياسين]

مساء الخير على جميع الاخوات ان شاء الله تكونو بالف خير وام حمزة ان شاء زوجك ارتاح الله يشفيه

اهلا ومرحبا بالاخت غزالة ليك وحشة وين غبتي لا حس ولا خبر الحمد لله كي راكي بخير

نسلم على صدفات روح مراد ام اسيد ام الخير ام الحبايب حياة ام سوهيل والي نسيتها تسمحلي

واغلى سلام ليها

[ام هاديل وياسين]

شوفو هادي التحلية عجبتني https://www.djelfa.info/vb/showthread.php?t=1773454

[غزالة الصّحراء]

المشاركة الأصلية كتبت بواسطة أم الحبايب 26

صباح خير عليكم نشالله تكونو ملاح كامل ام حمزة واش راكي نشالله زوج نتيعاك يكون رايح شويا
انا ام نتاعي طلبولها عملية على عينها وما حابتش ديرها صادفات يعطيك اصحا على موظوع هاكذا ناخظو افكار على بعظنا بعض نصبو عدت طرق ابش ناوعو اطباقنا من عدةمدن منبعد نحاطلك طاريقا نتاعي
ام حمزة راهي لاتيا بظيافها باش تنسا خلعت عجوزاتها رابي يقادرها
سلامي ليكم كامل ام اسيد و ام هديل و ام سهيل روح مراد ام اخير وغازلة وين راكي

أهلا بيك أختي أم الحبايب وستّ الحبايب . وياربّ اتكوني بخير مع العائلة انتاعك. وسلامة عيون أمّك. ربّي ايشافيها. راني أهنايا راني وليت . . وربّي ايقادر الأخت الحبوبة أم حمزة. هاذي هيّ الدّنيا.
سلامي لكلّ واحدة باسمها.

[غزالة الصّحراء]

المشاركة الأصلية كتبت بواسطة om hadil

مساء الخير على جميع الاخوات ان شاء الله تكونو بالف خير وام حمزة ان شاء زوجك ارتاح الله يشفيه

اهلا ومرحبا بالاخت غزالة ليك وحشة وين غبتي لا حس ولا خبر الحمد لله كي راكي بخير

نسلم على صدفات روح مراد ام اسيد ام الخير ام الحبايب حياة ام سوهيل والي نسيتها تسمحلي

واغلى سلام ليها

أهلا ومرحب بيك يتوحشك الخير. واللّه الظروف كانت أقوى منّي. سامحوني حبيباتي. يادرى واش هي اخبارك وأخبار نتائج أولادك. وخصوصا ابنك الي متواجد في فرنسا.ربيّ ايسّر عليه أموره. وياربّ زوج الأخت أم حمزة ايكون بخير. سلامي لكلّ واحدة تنتمي إلى هذه الصّفحة الخاصّة وأيضاإلى كلّ جديدة فيه على أمل أن تفيد وتستفيد من مواضيعنا البسيطة الراقيّة في نفس الوقت.

[غزالة الصّحراء]

المشاركة الأصلية كتبت بواسطة أم الحبايب 26

فراحتينا ياغزالة كواليتي نشالله نعاودو نوليو لنشاط لكونا فيه نشالله ام حمزة تعاود توالي تادخل كيما كانت انا بني حتى ليوم باش بدا امتيحانات سنة ثانية ثاناوي الله يوافقو هوا وجميع ممتاحنين نشالله صادفات راهي ولات تاوام نتيعاك وين راكي غزالة هذا الخمول نتاع اربيع واقلا

أهلين بيك مرّة أخرى أختي ام الحبايب . اللّه ايفرحك في وليداتك. وأكيد الأخت أم حمزة أيضا رايح ترجع لنشاطها . فالقضيّة قضيّة وقت ويتلّم شملنا من جديد ونرجعوا لنشاطنا . ونستفادوا كامل من بعضانا.
نتمنّى من صدوفتي الخفاشة ترجع هي ثاني. وكلّ الأخوات بدون استشناء. صراحة واللّه غير اتوحشتكم بزاف بزاف. وأنا راني نكتب أتقولي راني جالسة معاكم وراني نهدر مع أيّ واحدة منكنّ. أما عن الخمول . هذا كان خمول الشّتاء من شدّة البرودة الي كادت اتجمدني. راه ادخل الرّبيع وزيّن الطّبيعة وأكيد رايح ايزيّن ثاني دار الأخت أم حمزة بأطباق جديدة الأوان والأشكال ، مع تدابير وتشجيعات أخرى من خلال الأعمال التّي نقوم بها. بالمناسبة بعد التّشجيع من الأخت أم حمزة. راني أعملت حاملة المناديل بالكريات السّحريّة. ورايح أنجرّب ثاني عجينة السيراميك. وهذا كلّ بفضل دار الأخت أم حمزة. حبيت أنذكركم. : اتحولت من الغزالة إلى الخفاشة إلى الخبازة إلى مستعملة الكريات السحرية وبعدها إلى عجينة السيراميك. . روعة لما تخدمي عمل بأناملك السّحريّة . من شيئ بسيط إلى شيئ رائع تبقاي غير تتفرجي فيه. ياله حبيباتي استفقن من الكسل.

[غزالة الصّحراء]

المشاركة الأصلية كتبت بواسطة صدفات

صباح النور لأأحلى شلة وين راكم غيبتو بزاف
أم سوهيل أم أسيد و أم هديل وين راه الجديد نتاعكم ما راكمش تبانوا
روح مراد أم الخير أم الحبايب وين راكم ولا رحتو تعاونو في أم حمزة عندها ضياف
المهم حبيباتي هذا رابط موضوعي الجديد يا ريت تحطو ا إقتراحتكم روح مراد فقط لي دخلت يوم سعيد للجميع
https://www.djelfa.info/vb/showthread...post3992941294

مساء الأنوار وعطر الأزهار الفواحّة بكلّ أنواعها وأشكالها يا توأمتي الخفاشة . يادرا كيف هي احوالك. واش راكي . واش راهم أولادك ومُولْ دارك. واش راكي مع الصحّة. خبريني على نتائج أولادك وعن جديد يخصّهم. يادرا فيه تحسّن؟ ياله اكتبي وزيدي راني اتوحشت كلامكم. وتوحشت كلّ أخباركم الجديدة. ياله ماتبخليش علينا. رايحين أنشاركوك أفراحك. ويارب مايكون عندك غير الأفراح.
تحياتي للجميع بدون استثناء.

[غزالة الصّحراء]

المشاركة الأصلية كتبت بواسطة ام الخير 05

صباح الخير حنوناتي اهلين صدفات

مساء الأنوار اختي ام الخير . كيف أحوالك؟ ياربّ اتكوني بألف خير .

[غزالة الصّحراء]

المشاركة الأصلية كتبت بواسطة روح مراد

سلامي الحار و المملوء بالحب لكل وحدة فيكم بدون استثناء
الحاجة المليحة في هاذ المنتدى رانا نعاونو بعضانا و نتعلمو من بعضانا و الله أنا بكري كنت حاسبة روحي شاطرة و نعرف كل شيء و لكن بالمقارن بالشيء اللي راني نشوفو هنا في المنتدى راني رجععت نتعلم من الأول الله يبارك كل وحدة بطريقتها و كل وحدة بفكرتها يعطيكم الصحة

أهلين بيك أـختي روح مراد. راه أوصلني سلامك. لوكان أتشوفي اشحال حارّ . مشكورة ألف شكر عليه. عندك الحّق . واللّه منذ دخلت لهذه الصّفحة اكتشفت انيّ لا أعرف إلاّ القليل . ومنها استفدت الكثير. وبارك اللّه في كلّ واحدة وضعت بصمتها دون أن تبخل علينا بما تعرفه.

[غزالة الصّحراء]

المشاركة الأصلية كتبت بواسطة hayette82

https://www.google.dz/search?q=%D8%A...J&ved=0CBsQsAQ

أهلا ومرحب بيك أختي حياة. وشكرا لك على المشاركة القيّمة. حاولت الدّخول للرابط لكن الأمر غير ممكن. لا أعرف أيّن يوجد المشكل. المهم ألف شكر لك.

[غزالة الصّحراء]

المشاركة الأصلية كتبت بواسطة ام سوهيل

مساء الخير للجميع غزالة مرحبابيك ام الحبايب ربي ينجح وليدك

سلامي للجميع لي عودة في ما بعد

أهلا بيك أختي أم سوهيل . كيفك؟ وكيف هي أحوال عائلتك. هاذي مدّة ماعرفتش أخبارك. ياله احكيلي . ياربّ اتكون اخبار مفرحة. راني نستنا في ردّك.

[غزالة الصّحراء]

المشاركة الأصلية كتبت بواسطة ام اسيد1

السلام عليكم ورحمة الله و بركاته
وينكم اخوات الموضوع راه في مصلحة الانعاش

أهلا بيك اختي ام أسيد . ورجعتك للصفحة فرحتنا كلّنا . والحمد للّه على سلامتك. واللّه غير رانا ارجعنا لموضوعنا رانا بدينا نعطيولو في الطاقة ألي تلزمو . باش يخرج من مصلحة الإنعاش. .وياربّ الكلّ يرجع. وترجع لمّتنا تتلم من جديد . بمواضيع جديدة في شتّى المجالات. وانت كيفك أختي أم أسيد. بالمناسبة البرازق أنتاوعك شابين. رايح أنجربهم لما ايكون عندي الوقت.
سلامي لكلّ الأخوات الحبوبات . بدون استثاء

[غزالة الصّحراء]

ياله حبيباتي تصبحوا كامل على خير. وياربّ الكلّ ايكون بألف ألف خير وصحّة وعافيّة. وياربّ ماتبخلوا عليّ بردودكنّ. لأعرف أخباركنّ. أختي ام حمزة سلامة زوجك. ربّي ايشافيه ويشافي كلّ المرضى. وياربّ ثاني نتائج أولاد كلّ واحدة منكنّ اتكون مفرحة. وإن كانت كذلك خبرونا باش انشاركوكم فرحتكم. وإن كان فيه تراجع. حاولن معاجة الموضوع بطريقة مرنة ، ولا داعي للقلق الكبير، ولكن في نفس الوقت يجب معرفة الأسباب ، لتمدّ كلّ واحدة مساعدة لأبنائها خلال الأشهر القليلة المتبقيّة لنهايّة السّنة. ليلة سعيدة للجميع.

[ام سوهيل]

المشاركة الأصلية كتبت بواسطة غزالة الصّحراء

أهلا بيك أختي أم سوهيل . كيفك؟ وكيف هي أحوال عائلتك. هاذي مدّة ماعرفتش أخبارك. ياله احكيلي . ياربّ اتكون اخبار مفرحة. راني نستنا في ردّك.

مساء الخير اختي وحبيباتي في الله غزولة ولله اخباري الحمد لله والاطفال راهم بخير ومسلمين عليك

اما انا راني امليحة الحمد لله كانت عندي امي ضيفة مدة الاسبوع الي فات وفرحت كثير كي جات ما ما عندي ههههه متضحكيش عليا

طمنيني عليك حنونة

[ام حمزة22]

سلامي الحار للجمبع
ان شاء الله تكونو كااااامل بالف خير
انا اليوم هدا وين صحتلي ندخل للمنتدى قلت قبل ما نرقد ندخل نضرب طلة نشوف الغاليات انتاعي الا راهم يطلو
لقيت غزالة دايرا حالة بالردود والشعر الملحون ربي يخفضك ويخليك غزالتي وبصحتك واش خدمتي وواش تعلمتي انتضر الصور بشوق حبيبتي
اتاسف عن عدم اادخول راني مع ضيافي والطلابين ربي يحفضهم ويخليهم ومثل ما يقولو ناس زمان ما يجيك غير لي يحبك

حبيبتي صدفات يعطيك الصحة على الفكرة عجبتني بصح نزيدو نسوفو راي الحبيبات الغاليات بصح ساعفوني هاد نهارات راح نولي لنشاطي واكثر
تحياتي يا غالياتي

[صدفات]

صباح النور حبيباتي
يا فرحي يا سعدي يا هناي غزالتي رجعت سعادتي لا توصف لما قريت إسمك يا غزالتي ما فارقتينيش خلاص كنت كل ما ندخل المنتدى نتفكرك و نحوس عليك الحمدالله على عودتك و يا رب ما يجيب فراق بعد الآن حبيبتي
أم حمزة ربي يعينك
أم أسيد البرازق بالجلجلان خرجولك روعة
تحياتي لكل وحدة و ما جاوبتونيش واش رايكم في ألإقتراح لوضعته في الصفحة 224