الى ام اسيد1 وكل وحدة حاصلة واش الطيب

[ام حمزة22]

المشاركة الأصلية كتبت بواسطة روعة ليالينا

السلام عليكم
اخت ام حمزة من فضلك ممكن تمديلي طريقتك في طبخ السلق...و ياريت يكون صوص حمرا و ناشف

وعليكم السلام
اولا ارحب بيك اختي واشكرك على المرور لقد اسعدني دلك
اما عن السلق انا كنت قدمت وصفة من قبل لاكن السلق بالبطاطا لاكن تقدري تستغني عن البطاطا
بعد ما تغلي السلك قيس ما يدبال برك صفيه وحكيه بجيه ثم وجديلو الدرسة بفلفل دريس وثوم وملح حطيهم في طنجرة وضفيلهم الزيت خليهم يتقلاو من بعد ضيفي السلق خلي الكل ينسجم مع بعض ثم اعقديهم ب2او 3 حبات بيض وشهية طيبة

المشاركة الأصلية كتبت بواسطة hayette82

ربي يجيب الشفاء لراجلك يا ام حمزة ويعطيك ويعطيه الصحة نشاله
انا والله زوجي راه متعبني كرهني في حياتي تعبني دايما الحس والمشاكل قد ما نديلو يقلي حاس روحي مش متزوج

يعطيك الصحة على الدعاء حبيبتي ولك بالمثل
حبيبتي حيات يكدب عليك لي يقلك ما ندوسش ولا ما كانش مشاكل لاكن ننصحك تصيبي حل باه تراضي زوجك باه تتفداي المشاكل وينقس عليك الحس
حبيبتي ربي يهنيكم ويبعد الهم عليكم
حبيبتي حاولي تقراي من ما تيسر من القران الكريم راح يهدي النفوس ببادن الله
ربي يوفقظك

المشاركة الأصلية كتبت بواسطة omselma

ارجوكم ساعدوني يا الحراير افيدوني بخبراتكم في وضع جدول للكوزينة

اهلا بيك اختي ام سلمى اسعدني مرورك
حبيبتي انا كي نشري الخضرة خطرة فالاسبوع ونشري كدالك بعض الحبوب او المعجنات بدون جدول نصيب واش نطيب الجدول ماراحش يفيدك رايحة طبقيه اسبوع او شهر من بعد تملي منو
ربي يوفقك حبيبتي

المشاركة الأصلية كتبت بواسطة ام اسيد1

السلام عليكم ورحمة الله وبركاته
كيف احوالكم انشاء الله كامل بخير ام حمزة روح مراد ام الحبايب حياة ام سوهيل ام هديل صدفات كرونو ام الخير سلمى

وعليكم السلام والرحمة والاكرام
واش راكي ام اسيد

المشاركة الأصلية كتبت بواسطة روح مراد

سلام على الجميع شكرا على السؤال أم اسيد و كل الأخوات
ربي معانا هذه الكوزينة قد ما نحبوها قد ما تدي كامل وقتنا

وعليكم السلام حبيبتي
ربي يقدر الجميع

المشاركة الأصلية كتبت بواسطة ام الخير 05

مساء الخير على الغاليات ام حزة نشاءالله تكوني لباس انت والعائة الكريمةتاعك ربي يحميهم اما عن لولاد نحبهم نموت عليهم ياريت كنت في بكري باه نولد 24 بصح في وقتنا هذا 3 يعني عايلة كبيرة ونشاء الله اذا شاف لي ربي الخيريزيد يرزقني بطفلة

مساء الخيرات ام الخير
ام الخير ربي يعطيك ما تتمناي

[ام سوهيل]

صباح الخير للجميع وبي مناسبت عيد المرءة اهنيى كل الاخوات

[*أم جابر*]

السلام عليكم ورحمة الله وبركاته

[روح مراد]

صباح الخير أم سوهيل كل عام و أنت بخير و كامل الأخوات بخير
ضرك تسمع أم اسيد تزعف علينا راهي تقول بدعة هاهاهاهها (هي صح بدعة) بالصح أحنا مشتاقات راحة هذاك نصف اليوم و ما نسمحوش فيه خير من والو
ما تزعفيش يا أم اسيد عيد في الاسم أما حنا رحنا نخدمو شغلنا في الدار لا الشاب يزيزد و لا الشاب قدور
غير الشابة الكوزينة

[روح مراد]

أم اسيد عمرك طويلة راني نهدر عليك حتى طليتي علينا كالقمر صباح الخير واش راكي

[ام الخير 05]

مساء الخير علكم ياغاليات ام حمزة واشراكي وواش راهئ عايلتك

[أم الحبايب 26]

سلامي ليكم كامل نشالله تكونو بخير لباس على زوج نتيعاك ام حمزة رابي يخاليهولك وانتي تاني انتهالاي في روحاك
رقي ماء وا شاربيه لباس عليك واش راكم يا لبنات رابي يقادجركم على شغالكم
انا بني جابلي واردا وا قارعا ريحا انا وا ختو موناسبة عيد مارئا عيدكم سعيد كامل
ا

[روح مراد]

بصحتك أم الحبايب
واش بيها أم حمزة

[أم الحبايب 26]

سلام روح مراد نشالله تكوني مليحا واش راكي دايرا فيها ام حمزة قالت راهي من الخلعا نتاع عجوزاتها راهي مازالت
عيانا رابي يخاليهنا

[روح مراد]

ربي يقويها إنشاء الله و يرجعهالنا سالمة غانمة
الخلعة صعيبة بزاف و العيا يطلع من بعد
شكرا على السؤال راني مليحة أنا ثاني عجوزتي راهي مريضة راهي لاطونسو تحبطلها كل مرة الدوخ و الطيح

[صدفات]

مساء الخير أخواتي يا رب تكونو بخير و المرضى شفاوا عيد سعيد لكل وحدة بإسمها
أم حمزة ربي يكون في عونك العشرة و الولف ما يهونوش بصح بشوية على روحك ألإنسان ماهو والو ربي يشافي زوجك و يعينك

[ام سوهيل]

مساء الخير عليكم وش راكم لباس

لبنات عندي طلب مستعجل بليز

خسني طبق تع سمك السردين في الفور راني باغية نديره غدوة للفطور

[ام حمزة22]

سلام لبنات واش راكم
شكرا جميعا على السؤال بارك الله فيكن
ام سوهيل راني دايرة وصفة في هاد الموضوع والصفحة ررقم 10
لبنات انا اليوم من 8 نتاع صبح وانا مع زوحي باه يدير العملية على عينيه والله ما دخلنا للبيت حتى 4نتاع لعشية العملية نجحت والحمد لله بصح الصح بعد العملية لازم ما يتعبش روحو وما يكترش من الحركة
تحياتي للجميع

[ام سوهيل]

مساء الخير اختي ام حمزة بي الشفاء على زوجك وربي يخليكم البعضاكم

[أم الحبايب 26]

الحمد لله على نجاح العاملية ام حمزة اللله يشافيه وانتيا رابي يقادرك همالي ما تدخليش بزاف طمنينا غير عليك منين ذاك
لتاعراف اخبار غزالة تقولنا راهي طاو لت الغيبا نشالله خير سلامي ليكم بالواحدا