دورة خطواتي الواثقة لأصبح ربّة بيت متألّقة

[ام متين]

صباح مبارك للجميع
على سلامتك ام اروى الاء راكي في فترة نقاهة واش منوضك على 3نتاع الصباح
ام تينة اهلين وسهلين ومرحبتين نورتينا من جديد

[ام متين]

ام البنين كيما قلتلك اروى الساتيني مليحة وزيد انا قريت مرة لواحد الدكتورة اسمها سهى ان الباج من احسن الالوان لغرفة الصالون وبالنسبة للفراش اجتنبي اللون الاسود مع الاحمر لان يعطي طاقة سلبية كبيرة في البيت على قول هذه الدكتورة والله اعلم

[omelbanin]

أصبحنا وأصبح الملك لله والحمدلله ولاوإله إلا الله وحده لا شريك له له الملك وله الحمد وهو على كل شيء قدير.
اللهم إني أسألك خير ما في هذا اليوم وخيرمابعده واعوذ بك من شر ما في هذا اليوم وشر ما بعده.

[omelbanin]

شكراً اروى وام متين، انا نحب السبيغة simple، نشوف مع الساتيني، زوجي قالي الرمادي، انا ما نكذبش عليكم الرمادي ما نحبوش يديرلي الاكتئاب.
اروى علاش كنت قاعدة على 3 ياك غير الخير، لاباس عليكم انت والذراري؟

[randa3]

أصبحنا وأصبح الملك لله، والحمد لله، لا إله إلا الله وحده لا شريك له، له الملك وله الحمد وهو على كل شيء قدير

[جهينة اليقين]

اصبحنا واصبح الملك لله وحده لا شريك له له الملك وله الحمد يحيي ويموت وهو على كل شيء قدير

[randa3]

صباح الخير عليكم يا فراشات
ان شاءالله تكونو بخير كاملين

[جهينة اليقين]

صباح الخير ام هارون انا كذلك نحب السامبل مثل البلون كاسي بالاصفر يعني تخرج باج كيم قالت ام متين خير من الرمادي ضرك راجلك يقول لك حرشوك الفراشات هههه

[جهينة اليقين]

حبيبتي اروى ان شاء الله تكوني بخير مداخلات ام تينة كلها دارتها كرونو الله يجازيها في موضوع شوفيها راهي التحت

[sali kanouza]

سلاااااااااااااام فراشااااااااالت احنا عندنا الامطااااار اللهم صيبا نافعا

[فراشات العمر]

السلام عليكم
كيف الحال فراشات الجزائر
نتمنى لكم عطلة سعيدة ولو انها اسبوع فقط
اروى الحمد لله على سلامتك ربي يتقبلها منك وطهور ان شاء الله
شكون عنمدهم المطر وشكون عندهم البرد والزمهرير كيما احنا

[randa3]

وعليكم السلام ورحمة الله تعالى وبركاته
احنا عندنا البرد والزمهرير الامطار ماتصبش غير حسنة في سنة كيما يقولو

[اية آلاء]

بارك الله فيك وللاسف انا ماني ام ماني ربة بيت لسع نقرا مي عجبني الوضوع 😜😜حبيت ندخلو ومعليهش نسقسيكم سؤال خاوتي ورولي كيفاه نهبط تصاور ربي يحفظم وشكرا مسبقا

[arwa alaa]

صباح الخير عليكم
راني كنت ساهرة مع لولو عندها السخانة راهم كامل بالسعلة ولولو سخانة حاشاكم والقي
فراشات حنى الريح والبرد داير حالة

[mariamalak]

السلام عليكم واش راكم حباباتي توحشتكم وحدة وحدة راني متبعة خلف الستار درت تنظيف عميق للبيت و اليوم دينا العطلة درتلهم بطبوط و بيتزا لبنات عندهم ما لعبو بالعجين هذا واش يحبو
ام البنين انا عندي مدة 10 سنين متبعة كل حصص الديكور و نصاءح المختصين يقولو بلي باش تعطي اتساع للمكان عليك بالابيض و الرمادي او التوب و هذا اللون ما يديموداش و ساهل كي تنقيه بلاجافال ويلا راح اللون تعاودي بالابيض ساهل ما تحتاجيش تجيبي بانتر ديريه كامل ابيض ويلا طويل ديري خطوط رمادية بالعرض ويلا العكس ديريهم طولية
و الكانابي يكون رمادي و لا اسود هكا تقدري كل مرة تغيري الديكور بلمسات صغيرة تبدلي غير المخايد و الطابي و ليزور يتبدل قاع الصالو بينما البني ما تقدريش تبدلي معاه بزاف
ان شاء الله نكون فدتك و كون تصوريه هكا نشوف واش نقدر نزيد نقلك