(¯`·.(¯`انطلاق ورشة الصالون.·`¯).·`¯) تم وضع الاعمال

[ام ورود]

المشاركة الأصلية كتبت بواسطة باسم وبيسان

احنا عندنا ب 70 نلف الميتر وفيه 3 ميترات عرض

سلام اختى فيه ٢٨٠سم في العرض ميلحقش ٣...راكي تشوفي ٨٥٠ دراع باش خلاهملي .......وديت عليه٤ متر....وكاين نفسوا في هذالنوع لكن الوان اخرى ب٧٠٠.....او عندنا حوانت معوجين يديرو الثمن على حسب اللون،يعني اللون ليتباع بزاف يزيدولوا....ولميتمشاش بزاف ب٧٠٠....على كل شريتوا على حساب لون جدران البيت..فيه لونين كلار وفونصي مثل القماش....المهم نطبق الدروس وخلاص

[ام ورود]

اختى polyma الله يبارك راكي بديتى...انا مزال لانوا الاخ عمر قالانا حطوا القماشات هنا ومقالش بداو...والاخت السطايفية راهي معطاتناش اشارة الانطلاق................واما انا لمفهمتش و راني روطار

[fatma1977]

القماشات كامل باهيين بالصح قماش أم ورود هايل وأحلى واحد فيهم رانا نستناو فى الصالونات نتاعكم بالتوفيق لبنات

[ام ورود]

شكرا اختي fatma
هدا واش لقيت

[ام ورود]

ما هي الخطوة الموالية ااختى السطايفة

[ام ورود]

سلام لبنات......الاخت السطايفية مطلتيش،انشاء الله راكي مليحة

[جلفااوية]

السلام عليكم راني جيت وا ش راكم انشاء الله بخير
اختي سطايفية ما لحقني حتى درس

[stayfiya]

مساء الانوار لبنات والله مماراني قاعده عندي خدمه بزااف. ضك نولي نرد عليكم
جلفاويه روحي حوسيلي على جلفاويه لي بالف وحده هههههه راهي راحولها كامل الدروس ههههه اوكي ضك نبعثولك حبيبتي

[ام ورود]

المشاركة الأصلية كتبت بواسطة stayfiya

مساء الانوار لبنات والله مماراني قاعده عندي خدمه بزااف. ضك نولي نرد عليكم
جلفاويه روحي حوسيلي على جلفاويه لي بالف وحده هههههه راهي راحولها كامل الدروس ههههه اوكي ضك نبعثولك حبيبتي

ربي يعينك اختى سطايفية،باينة عليك لاشارج بزاف،ربي يوفق

[جلفااوية]

شكراااااااااااااااا سطايفية بارك الله فيكي راه لحقني الدرس يعطيك الصحة اختي الله يفرحك ان شاء الله

[stayfiya]

صباح الامواار عليكم جميعا وين عدتو حنا الاخ المشرف قاللنا حطو لقماش برك و انا خيطت باش نوريلكم الطريقه برك ورود قماشك مليح بصح من الاحسن ديريه في بلاصه ما يكونش فيها العفس بزاف خاطر يحبب و يلصق فيه. الشعر الرقيق راني شريت كيفو في النوار و البلو البلاصه لي نقعد فيها يوميا حبحبت ههههه انا شريتو. منين خرج في العيد الصغير و خيطتو و هذا هو لقماش لي قلتلكم يبان باهي و كي يتغسل يطهرو ديفواتو هههه مارانيش نسمطلك فيه. بصح باش تحاذري عليه و من الاحسن اغسليه و حديه اذا كنتي راح تستعملي فيه الكوردون من داخل.

[ام ورود]

المشاركة الأصلية كتبت بواسطة stayfiya

صباح الامواار عليكم جميعا وين عدتو حنا الاخ المشرف قاللنا حطو لقماش برك و انا خيطت باش نوريلكم الطريقه برك ورود قماشك مليح بصح من الاحسن ديريه في بلاصه ما يكونش فيها العفس بزاف خاطر يحبب و يلصق فيه. الشعر الرقيق راني شريت كيفو في النوار و البلو البلاصه لي نقعد فيها يوميا حبحبت ههههه انا شريتو. منين خرج في العيد الصغير و خيطتو و هذا هو لقماش لي قلتلكم يبان باهي و كي يتغسل يطهرو ديفواتو هههه مارانيش نسمطلك فيه. بصح باش تحاذري عليه و من الاحسن اغسليه و حديه اذا كنتي راح تستعملي فيه الكوردون من داخل.

صباح الخير اختى السطايفية،.......فيه هاد لعيوب وبيعوا فيه ب٩٥٠ الف،هو الحاجة المليحة فيه رطب وبارد والصيف راهوا جاي.،وزيد ملقيتش حاجة باهه ييعوا فهم من ١٢٠ للمتر وطلع ومعمرش العين،على الاقل هدا لشريت راهوا ٩٥٠ لكن راهوا دوبل مطراج ورانى شريت قيس ٢ مطارح وليقوسا دالهم ٤ مترات،راني نتعلم فيه وحتى ادا فسد ميغضنيش
......رانى نخليه للصالون هى تقريبا مهجورة ههههه غير كييكونوا عندنا الضياف من عيد للعيد
اختىالسطايفية انا حبيت نخطوا دوبل فاس يعنى نقدر ندير الكردون فى جهة والثانية لاوالا من الجهتين .والا كيفاه.....وشكرا علىالنصيحة

[ام ورود]

صباح الخيرً...............الورشة راهي مهجورة،؟

[صاحب الامل]

المشاركة الأصلية كتبت بواسطة ام ورود

صباح الخيرً...............الورشة راهي مهجورة،؟

صباح النور

الورشة ليست مهجورة

وانما انا طلبنا من المشاركات وضع القماش

باه يبداو عملية التنفيذ


ورانا نستناو

************

وعلى الاكثر نزيدولكم منا الى يوم الجمعة

[ام ورود]

المشاركة الأصلية كتبت بواسطة ام ورود

صباح الخير اختى السطايفية،.......فيه هاد لعيوب وبيعوا فيه ب٩٥٠ الف،هو الحاجة المليحة فيه رطب وبارد والصيف راهوا جاي.،وزيد ملقيتش حاجة باهه ييعوا فهم من ١٢٠ للمتر وطلع ومعمرش العين،على الاقل هدا لشريت راهوا ٩٥٠ لكن راهوا دوبل مطراج ورانى شريت قيس ٢ مطارح وليقوسا دالهم ٤ مترات،راني نتعلم فيه وحتى ادا فسد ميغضنيش
......رانى نخليه للصالون هى تقريبا مهجورة ههههه غير كييكونوا عندنا الضياف من عيد للعيد
اختىالسطايفية انا حبيت نخطوا دوبل فاس يعنى نقدر ندير الكردون فى جهة والثانية لاوالا من الجهتين .والا كيفاه.....وشكرا علىالنصيحة

اختى السطايفية ت عيشي ممكن تجاوبيني،وحبيت نسقسيك 4 متر يكفوني ل2 كوفر و4 مخاد و4 كودوا عرض القماش 280سم