اقتباس:
المشاركة الأصلية كتبت بواسطة عازفة الناي
صحى فطوركم حباباتي الله يدوم النعم ويبارك في كل لقمة و يحفظكم
راني نحمل في الصور و النت هبلتني ثقيلة تقتل ههههههههههههههههههههههههههههه
والله نبقى وراها وراها يا انا نغلبها يا هي تغلبني ادعيولي نغلبها ونحط الصور ههههههههههههههههههههههههههه
|
اييييي يتسمى هي لي غلباتك ،،،،، وين راهم الصور
اقتباس:
المشاركة الأصلية كتبت بواسطة *سالي*
sakhaftouni nchark m3akom wlh skhaft hhhhhhhh
|
يالله حبيبتي عولي درك تولي ما تصبريش قااااع
اقتباس:
المشاركة الأصلية كتبت بواسطة أم محمد ريان
كي راكم الشيرات صحا فطوركم قريب تخلاصلي النت وراجلي بعيد
قولولي العقدة نتاع التشارك مسكر كيفاه نديرها باش تجي طرية من الداخل وماتيبسش؟
وكي راني باغية الصابلي نتاع بكري هههه هاديك البنة نتاع كونفتير فيه كل شئ راح والله
وانا كل مانديره يجيني يابس لله
اعطوني وصفة شابة كيما نتوما يا الشابات
منكم نتعلم ونهبلكم
أيا بايباي نروح نرقد ولدي غير يبكي
|
العقدة تاع التشاراك نعطيك الوصفة تاع الصوامعية نظن انا ما جربتهاش بصح دارتها الهام و راهي حاطتها في دفتر وصفاتها و قالت تقعد طرية مهما طولت
4 كسلات مكسرات لوز ولا كاوكاو، كيلة سكر عادي، ملعقة كبيرة زبدة طرية، زاست الليمون، ما الزهر و نلم بالبيض حتى نتحصل على عجينة طرية و نغطيها و نخليها تبات باش تشرب مليح السكر تاعها
و الصابلي باش ما يجيكش يابس ديريه غير بصفار البيض ،، انا ندير في رطل مارغرين ثلاثة صفار و زوج حبات بيض كاملين و يجيني طريييييي
اقتباس:
المشاركة الأصلية كتبت بواسطة fadoula fcb
لبنات قولولي علي شيكولا نتاع قلاصاج تكون مليحه لقيت وحدا وسمها موكا واش رايكم
|
الصراحة ما نعرفهاش انا لي ندير بيها اسمها كنزي و تجي روووعة
اقتباس:
المشاركة الأصلية كتبت بواسطة دائمة الحمد
ام كميليا هاو ليك الزرير بصحتك
والفاح هو التوابل
كاووكا تعيشي حنونة هذا الشاريو شريتوعندو 5سنين بمليون و900 الان ما نعرف زادو والا نقصو
والاخت لي سالت على الزرير هو الطمينة نعملوها في النفاس بالقمح مقلي ومرحي ونزيدولو حمص كمية قليلة مقلي ومرحي ونخلطوه مع الزبدة والعسل مذوبين
فطوري اليوم كان حلة وكسرة كوشة وروطي لحم وبطاطة في الكوكوط وطباهج بعثوهالي دارنا وسوفلي وعصائر وبطيخ وسلاد فرويي وتيراميسووالف حمد لله |
بصحتكم يا الغالية ،، بصح قوليلي واش هوما الطباهج
بانتلي كيما الطوايش هههههه
اقتباس:
المشاركة الأصلية كتبت بواسطة mumuh
BONJOUR
svp que dois je faire des reste de pate de baklawa de oum anas 69?
ES CE QUE PEUT JE POURAIS FAIRE UN AUTRE PLATEAU DE BAKLAWA AVEC CES CHUTE ,OU BIEN
UN AUTRE GATEAU AVEC LA MEMEE PATE
MERCI D'AVANCE
|
البقايا ديري بيهم صامصة ولا سيقار
اقتباس:
المشاركة الأصلية كتبت بواسطة idron0
دعاء اليوم السابع عشر
اَللّهُمَّ اهدِني فيهِ لِصالِحِ الأعْمالِ ، وَ اقضِ لي فيهِ الحوائِجَ وَ الآمالِ, يا مَنْ لا يَحتاجُ إلى التَّفسيرِ وَ السُّؤالِ ، يا عالِماً بِما في صُدُورِ العالمينَ صَلِّ عَلى مُحَمَّدٍ وَ آله الطّاهرينَ .
|
اللهم امين ،، بارك الله فيك حبيبتي
اقتباس:
المشاركة الأصلية كتبت بواسطة badr75
كوزينة عامرة بالخير والبركة على الجميع حبيت نسال الاخوات على مقروط الكوشة يجي بالسميد العادي يعني لي نطيب منه المطلوع او لازم دقيق يكون ارقق شوي من نتاع قلب اللوز
|
شكرا حبيبتي ،، المقروظ مهما كان تاع كوشة ولا مقلي يندار بالسميد المتوسط الخاص بالمقروظ
اقتباس:
المشاركة الأصلية كتبت بواسطة طالبة الجامعة
حنا كان فطورنا البارح سوفلي شربة فريك الكباب سلطة وخبز وفلان للتحلية
|
بصحتكم حبيبتي و ربي يتقبل
( تقرير عن مشاركة سيئة )، و الموجودة أسفل كل مشاركة .
2014-07-15, 11:58
الجزء81من مطبخ واش طيبتي اليوم ** مرحبا بالكل **
العرض العادي
