** وصفات الشاف مصطفلى بسعدي بإذاعة الشلف **متجدد كل يوم أربعاء بإذن الله * - الصفحة 22

Hemal · 2013-06-08, 22:52

شكراااااااااااا

faizarbh · 2013-06-09, 15:56

اقتباس:

المشاركة الأصلية كتبت بواسطة ام تقي الله

اختي فايزة جربت شحال من حاجة من تع الشاف مصطفى ومانجحوليش الصراحة
وهذاك الصابلي نفس المقادير نخدمو بهم حلوة اسمها عين البقرة ومن اسمو تخيليه
ومشكووووووووووووووووورة حبيبتي

اقتباس:

المشاركة الأصلية كتبت بواسطة hemal

شكراااااااااااا

أهلا اختي أم تقي الله والله ما علابالي السبب حقيقة انا بعض الوضفات اللي جربتهالو نجحتلي و حتى لبنات هنا نجحتلهم لكن ماشي كل مرة تسل الجرة ههههه مرات تصرا تصرا غلطات و بالنسبة لقاطو عين البقرة حنا هنا عندنا نبتة اسمها هكدا هههه

*جوداء* · 2013-06-09, 20:01

Momken elrabet ta3 mawdou"ha

اقتباس:

المشاركة الأصلية كتبت بواسطة faizarbh

اهلا اختي للاسف ما عنديش وصفاتو القديمة لكن الاخت ياراسمين هيا اللي راهي تحط في وصفاتو القديمة في موضوعها

joyeusana · 2013-06-09, 20:45

بسم الله الرحمن الرحيم اخواتى من فضلكم الى عندها مقادير الكعك لشيف مصطفى وجزاكم الله كل الخير

faizarbh · 2013-06-10, 09:33

اقتباس:

المشاركة الأصلية كتبت بواسطة *جوداء*

Momken elrabet ta3 mawdou"ha

تفضلي أختي
https://www.djelfa.info/vb/showthread.php?t=1240574

faizarbh · 2013-06-10, 09:34

اقتباس:

المشاركة الأصلية كتبت بواسطة joyeusana

بسم الله الرحمن الرحيم اخواتى من فضلكم الى عندها مقادير الكعك لشيف مصطفى وجزاكم الله كل الخير

وينتا دارو اختي ؟

joyeusana · 2013-06-10, 18:35

لقد سمعت عن الكعك من احدى المتصلات باداعة الشلف وشكرت الشيف مصطفى فى الحصة لكن لم تقل المقادير

faizarbh · 2013-06-10, 20:08

اقتباس:

المشاركة الأصلية كتبت بواسطة joyeusana

لقد سمعت عن الكعك من احدى المتصلات باداعة الشلف وشكرت الشيف مصطفى فى الحصة لكن لم تقل المقادير

مانيش متفكراتو مانيش عارفة ايلا قصدك الكعك المقرص ولا كعك البريوش

joyeusana · 2013-06-10, 20:27

ادا ممكن ومافيهاش ازعاج اععطينى الى عندك

faizarbh · 2013-06-10, 20:37

اقتباس:

المشاركة الأصلية كتبت بواسطة joyeusana

ادا ممكن ومافيهاش ازعاج اععطينى الى عندك

أختي شفتي فالوصفات اللي راني كاتبتها ممكن راهي تما انا اي وصفة ليه نعرفها راني حاطتها هنا و اللي ما سمعتهمش ما كتبتهمش ان شاء الله ايلا ما صبتيهش لبنات يمدولك ايلا سمعوه

faizarbh · 2013-06-12, 16:55

وصفات الاسبوع الماضي:

سلطة شتوية:
نشوي الخضر التالية: حبة فلفل حلو + حبة باذنجال دون تقشير و نقطعهم دوائر + حبة بصل شرائح حتى يولس لونها بني + حبة جزر على الطول مفورة ثم نشويها + حبة بطاطا مفورة دوائر ثم نشويها و نخلط الكل.
نضع الماء يغلي في كاسرونة + فنجال خل حتى يغلي على النار و نفقس فيه 3 حبات بيض الواحدة تلوة الأخرى نخليهم واحد 2د ثم ننزعهم و نشويه شوية.
التتبيلة: معدنوس مقطع فالروبو + قرن حار مشوي + 6م ك خل + 10 م ك زيت زيتون + ملح + فلفل + شوية زعيترة + نص كاس عصير برتقال أو مشروب برتقال و نخلطهم و نتبل بيهم السلطة.

طورطة الفواكه:
العجينة:300غ فرينة + صفار بيضة ، 75غ زبدة ذايبة ، و نبسس العجينة بالأصابع و نبلل بالماء دافئ اجي طريح و نريحها 10د في كيس . ثم نحلها 2 مم و نضعها في صينية دائرية و نثبت الجوانب و نثقبها بفرشيطة و نطيبها 10د حتى يولي لونها ذهبي.
كي تبرد نرص الفواكه مقطعة أوفال.
في الروبو نطحن 300غ مشماش +3 م ك مايزينة + نص كاس حليب بارد شوية اجي عاقدة ثم نفرغ الخليط على طبقة الفراولة و نزين بالشانتيي مخفوقة و نرش من فوق بيمو مرشوش و ندخلها للثلاجة 3 ساعات و نقطعها.

المقيرطات:
3 كؤوس سميد خشن نحمصوه في مقلاة و نخلوه يبرد .
نص كاس سكر حرش + نص باكي خمارة حلوة + م ك زبدة بوماد و نبسس و نشمخوه بالماء زهر و الحليب البارد حتى يتشرب و نتركه 30د
في شنيوة غير مدهونة نفرغه فيها و نرصه بالمسطرة و يرتاح 30د أخرى ثم نطيبوه 25د فالفرن 180 درجة حتى يولي أحمر .
2 كؤوس و نص عسل نسخنه قليلا مع قطرات من ماء الزهر و نسقي المقيرطات مباشرة من الفرن و نتركها ترتاح 4 ساعات حتى تتشرب.

البغرير:
في روبو نخلط 2 كؤوس سميد + كاس فرينة + م ك خميرة خبز + 3 كؤوس ماء دافئ + علبة ياووغت و نخلطهم و نخليهم يرتاحو 10د و نبدا نطيب.

تشاراك العريان:
كيلو فرينة + 50 غ زبدة بومادة نخفقها جيدا مع 2 كيسان سكر قلاص ثم 4 م ك حليب بارد + م ص خمارة حلوة و نضيف الفرينة و الماء زهر حتى تولي طرية.
نحلها دوائر و نضع الحشو و نشكل هلال ثم ندهن ببياض البيض و نرش الكوكاو و نطيبوه.