الجزء 181 لكوزينتنا المنورة بالأحباب وأشهى الأطباق - الصفحة 22

nihal159 · 2017-08-30, 08:04

صبأح الخير عليكم، الله يبارك راكم ناشطين و الطيابات نتاعكم روعة، بصحتكم.
جبتلكم عشايا تاع البارح، همبرغر صنع منزلي مئة بالمئة

nihal159 · 2017-08-30, 08:07

قلتلكم نهار الاثنين أني بايتة في دارنا باش كملت الديكور تاع القاطو تاع العيد
هذو لعرايش
الورود لي زيّنت بهم حلوى لعرايش، درت حربوش بعجينة السكر البيضاء و حربوش بعجينة السكر الوردية؛ من بعد حكمت الحربوشين و لوّيتهم على بعض من غير ما نضغط كثير باش يقعدو اللونين باينين مليح؛ من بعد ناخذ قطعة صغيرة من الحربوش و نوضعها في مول السيليكون الخاص بالورود بعد مانكون طليتو مليح باللماع الغذائي؛ كي نخرّج العجينة من المول تكون على شكل وردة بتلات باللون الأبيض و بتلات باللون الوردي ؛ جاو تحفة تسحر هههههههه راني نشكر في روحي ههههههههه

nihal159 · 2017-08-30, 08:10

هذا التشاراك

nihal159 · 2017-08-30, 08:14

حلوى الياسمينة، زينتها بالعقاش الفضي

و هذا لقريوش درتو لبارح، الوصفة لأم أماني ربي يحفضها

nihal159 · 2017-08-30, 08:16

درك راني فالطريق كي نوصل للخدمة نزيد نحطلكم شوية طيابات، ماتنساوش لبنات تقولولي رايكم فالحلوى

لاهنت يادمعي · 2017-08-30, 08:58

صباح الخير على الجميع نهال حلويات تحفة ماشاء الله عليك
فنانة تعيشي كل نوع ديري عليه موضوع بالتفصيل وكيفية التزيين بعجينة السكر ولا عجينة اللوز
تعيشي ما تنساينيش
صح عيدكم كامل

لاهنت يادمعي · 2017-08-30, 09:07

لاهنت يادمعي · 2017-08-30, 09:08

zokhrofa · 2017-08-30, 09:10

صباحكم سعيد و منور

بيان انتي الغالية ربي يفرحك

لكن راح يستمر غيابي من فترة لاخرى خاطش راني بدون انترنت مرات ناكتيفي بنجمة لكن عياتني ثقيلة بزاف

اليوم فطوري طعام بالمرقة ان شاء الله نصورو

zokhrofa · 2017-08-30, 09:12

الحلويات زوينين نهال كيما مولاتهم ربي يلحقك بخير للخدمة ان شاء الله

nihal159 · 2017-08-30, 10:18

الله يسلمك زخرفة؛ راني وصلت للخدمة ههههه
لاهنت يادمعي؛ شكرا حبيبتي على الإطراء، فعلا راني صوّرت المراحل تاع التزيين و نديرهم في مواضيع مستقلة، أنا استعملت عجينة السكر.
الورود لي زيّنت بهم حلوى لعرايش، درت حربوش بعجينة السكر البيضاء و حربوش بعجينة السكر الوردية؛ من بعد حكمت الحربوشين و لوّيتهم على بعض من غير ما نضغط كثير باش يقعدو اللونين باينين مليح؛ من بعد ناخذ قطعة صغيرة من الحربوش و نوضعها في مول السيليكون الخاص بالورود بعد مانكون طليتو مليح باللماع الغذائي؛ كي نخرّج العجينة من المول تكون على شكل وردة بتلات باللون الأبيض و بتلات باللون الوردي ؛ جاو تحفة تسحر هههههههه راني نشكر في روحي ههههههههه

بيان 5 · 2017-08-30, 13:25

يعطيكم الصحة الخلويا رائعة يا نهال ربي يبارك لاهنت طياباتك باين نتاع وحدة فحلة الله يبارك زخرفة ماطوليش لغيبة كي تروحي تنقصنا حاجة حيوتة وليلسا الله يبارك عليكم والله وجودكم هو اللي منور لكوزينة سحوبة بلا مانهدر حرة لحراير الباقيين ربي يخليكم ديما مزهيين هاذ الكوزينة

سحابة باردة · 2017-08-30, 15:33

مساء النور على فحلاتي الكرام طولت باش ندخل والله الجري أنتاع العيد الكبير وحدوا مخلافيا والو
حياة يسلمك وعينيك الحلو ى والله غير تمنيت نذوقك اللمونة حبيبتي و بدعمكم ووجودكم الكوزينة تبقى ديما مفتوحة وعامرة بالخيرات
بيان يسلمك حبيبتي وأكيد نحطلك وصفة اللمونة من عيوني
نهولة ينهولة واش دارت في حلوياتك يختي راني غير نتفرج ومشبعتش حسيت روحي في حديقة من الألوان والجمال والله غير حرام ههههه تتكل يلزم نحطوهم في متحف ونقعدوا نتفرجوا الله يبارك ويسعد أختك بيك ربي يهنيهنا ويجعل حياتها ملونة كيماهذيك الألوان
لاهنتى يادمعي أسمك رومنسي جميل طيباتك روعة يالفحلة يعطيك الصحة والله يدوم عليكم النعمة وصحة
زخرفة راني نقارع لطعام يالفحلة وبصحتكم مسبقا ومزية عجباتك اللمونة عيونك الحلوى

nihal159 · 2017-08-30, 15:39

الله يسلمك سحابتي ربي يهنيك؛ حتى أنا عجبتني اللامونة و حابة تعطيني الوصفة من فضلك بالشرح الممل ههههههههههه لأني جربت من قبل وصفة تاع أم وليد وماصلحتليش

سحابة باردة · 2017-08-30, 16:03

اللمونة ساهلة ياشيرات أنشالله تنجحوا فيها
حبة بيض زوج ملاعق زبدة زوج مغارف سكر ملعقة خميرة الخبز قرصة ملح كاس حليب زاست الليمون وخميرة القاطو نضيفوها في الأخير نخلطو كلش على التوالي حتى نتحصلوعلى عجينة طرية نعجنوها شوي وبعد نقسموها على أثنين نفتحوها في سنية متكونش زجاج نخلوها تخمر وبعد ندهن الوحه بالبيض المضاف له ملعقة قهوة أوالكاكاو ندخلوها في فرن سخون
على نار هادئة حتى تشوفيها حمارت من تحت نحمرها من الفوق وبعد نخلوها تبرد شوي ونفتحها بالموس نحشي بالكرام شانتي ولا كرام باتسيار
وندهن الوجه بعسل ثقيل منكه بالليمون ونرش واش عندنا سكر قلاصي او مكسرات
ملاحضة باش متتفتتش اللمونة ونتي تفتحي فيها لازم مطولش في الفور أكثر من نصف ساعة