الجزء 137 من كوزينة واش طيبتي اليوم ((كوزينة النجاح في الدارين ))

[أم ملك]

صح.فطوركم و تقبل الله منا ومنكم

[روضة 88]

صحة فطوركم جميعا بالصحة والهنا

الله يعينكم ويكون معاكم.

[almazalina22]

المشاركة الأصلية كتبت بواسطة ام احمد وصال

صباح الخير عليكم واش راكم مع هدي السخانة انا البارح تشويت بايتة هازة المخدة وندور من شمبرة لشمبرة نحوس على البرود ربي يقدرنا
ام ياسو مازالني راهي عطاتني الديلي حتى 3 اوت ان شاء الله كون غير نكمل حتى للعيد ومن بعد نزيد دعواتكم حبيباتي
ام برهوم تعيشي لكان راكي وراء الكواليس اعطيني لروسات تاع القاطو الي درتيه على شكل قلب من حصة زين وهمة الي بالشكولا وقلتي هايل واااااع ملقيتوش
المازة حابة نجرب صابلي تاعك بذوق الباتيسري بصح معرفتش ويناهي كريم باتيسيار ذوق الشيكولا هديك الي وسمها فينواز جاوبيني تعيشي باه نشريها واذا عندك صورة ليها تعيشي حطيها

حبيبتي شكرا على الثقة وراني درت الصورة في النت وراهي تاني في الصفحات المهم نزيدك هنا تاني





نزيد نراجع ونرجع

[omomnia15]

سلام يا حبيبات قلبي توحشتكم كانت النت مكاش بصح مراه موراه حتى خلصها وصح فطور الجميع ومبروك الكوزينة والنجاح لنسرين والعقوبة لصحاب الباك والحفلة تهبل كلش بالطبع والشان
المازة وينك عيطيلي في التلفون نستحقك
نراجع ونرجع

[almazalina22]

حبيباتي صح فطوركم
نروح نرحي الكوكاو ونرجع اذا بقات النت راهي ضعيفة وغدا وقت خلاصها

سلااااام

[أم ياسين الزهراء]

صحى فطوركم

الرجاء تقصدي البرقوق عين بقرة ولا المشماش راهي دائمة الحمد خلطتهالي هههههههههههههه الله يفرج عليها ويهنيها


المازتي اهلا بيك واش بديتي توجدي للعيد انا الصباح رحيت الكوكاو وبقالي الغرس نرحيه نعجزلو ندمت اللي مارحيتوش في الفطار ويشريلي السميد وندير المقروط

امونية نستعرف بيك انا كيميخلصهاش نكرهلو حياتو بالتشناف اتعلمو الالاعيب هههههههههههههه

شهرة شا خصك ادا قدرت مانبخلكش

[أم ياسين الزهراء]

روضة وين صورك سخفتيني وبطلتي ماشاء الله عليك عندي تحريفة ادا مليحة قوليلي قاطو الكابريس تاع ام اماني جاتني فكرة نديرو النسيلي الكراميليزي وشوي زبدة في بلاصة كريمة الزبدة ياخي تحريفة توب قوليلي راني نخمم فيها

[soussou_saida]

]صح فطوركم الله بخلبكم اعطوني الرابط ليوضح كيفية وضع الصور من الهاتف ال منتدانا
عرفت برك مركز التحميل هو مركز الثعلب
شكرا مسبقا
مع انو احتمال كبير ما تجاوبوني لانو كل مرة نطلب حاجة و قليل وين نحظى بالاجابة وماشي بسبب انو ما يلاحظ سؤالي لانو نشوف اجابات على طلبات قبلي وبعدي مي مافهمتش علاش.الله يهدينا و عفواىعلى الازعاج

[الرجاء الاماني المجد]

ام ياسين اقصد البرقوق الفاكهة للونها قرونا

[أم ياسين الزهراء]

يعني عين بقرة الرجاء والله ماعلابالي واش تقدري ديري بيها بصح جربي حبات واحيهم وزيديلهم السكر وشوفي ماتنسايش تنحي النواة هههههههههه

[ام احمد وصال]

المشاركة الأصلية كتبت بواسطة ikram08

ديعطيك الصحة خرجلك هايل حبيت نسقسيك طيبتي كل حبة وحدها ومن بعد لصقتي بالمعجون ولا درتي وحدة مدورة وفوقها المثقوبة وطيبتيهم مع بعض ان شاء الله تكوني فهمتيني

[أم ماجد]

المشاركة الأصلية كتبت بواسطة chahra tiaret

لبناااات ام هديل ام ماااجد محتاجتكم امنيات وييينكم توحشتكم

سليمة واش الاحوال ؟
شا خصك؟؟؟؟
سوسو والله مانعرف حبيبتي نتمنى لبنات يفيدوك

[ام ساجد]

صح فطوركم اخواتي نتشرف بزيارتكم لموضوعي

https://www.djelfa.info/vb/showthread...post3993821991

[soussou_saida]

شكرا حبيبتي ام ماجد ربي يخليك و سلامي ل روزا و صلاة

[ام ساجد]

المشاركة الأصلية كتبت بواسطة soussou_saida

]صح فطوركم الله بخلبكم اعطوني الرابط ليوضح كيفية وضع الصور من الهاتف ال منتدانا
عرفت برك مركز التحميل هو مركز الثعلب
شكرا مسبقا
مع انو احتمال كبير ما تجاوبوني لانو كل مرة نطلب حاجة و قليل وين نحظى بالاجابة وماشي بسبب انو ما يلاحظ سؤالي لانو نشوف اجابات على طلبات قبلي وبعدي مي مافهمتش علاش.الله يهدينا و عفواىعلى الازعاج

اختي سوسو تروحي لمركز الثعلب وخيري الصور لي راح تهزيهم من الهاتف ومن بعد تضغطي رفع الصور تخرجلك الصورة ومعاها روابط تروحي للرابط الصورة المباشر وتضغطي بصبعك عليه تخرجلك سيلكسيوني تو ومن بعد ديري نسخ ترجعي للمنتدى تروحي لهذاك المربع الاصفر تضغطي عليه تخرجلك وين تحطي الرابط تضغطي وديري لصق وموافق وسايي تخرجلك الصورة