|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
همزة وصل بين المعلم و الولي : انت تسأل والمربي يجيبك
|
|
أدوات الموضوع | انواع عرض الموضوع |
|
|
2012-11-13, 20:34
|
رقم المشاركة : 1 | ||||
|
|
||||
|
2012-11-13, 21:48
|
رقم المشاركة : 2 | ||||
|
اقتباس:
السلام عليكم أولا أريد أن أشكركم جميعا على المجهودات التي تبذلونها وبخصوص الخياطة لا أظن أنه هناك خطورة على الطفل ....فولدي يستعمل الابرة ولا أرى أنه أذى نفسه . على العموم يجب مراقبته ...اذا خافت الام على طفلها أو تستعمل [ scoubidou ]أراه أفضل من الخياطة . هذا [scoubidou ] الذي كنت أقصد هدية للكبار قبل الصغار https://www.safeshare.tv/w/DLeyBQUPyI مسلسل يستحق المشاهدة واللغة فيه جيدة وواضحة للاطفال |
||||
|
2012-11-13, 20:50
|
رقم المشاركة : 3 | |||
|
اختي بن خليل مايتعلق بالخط مشاركة الاستاذ عبد الناصررقم86+مشاركة الاستاذ عمر رضا رقم80
وهذا هو الرابط https://www.djelfa.info/vb/showthread...1080102&page=6 |
|||
|
2012-11-13, 22:06
|
رقم المشاركة : 4 | |||
|
|
|||
|
2012-11-13, 23:03
|
رقم المشاركة : 5 | ||||
|
اقتباس:
و عليكم السلام و رحمة و بركاته
رايح نهدر على كل حاجة وحدها و بالدارجة . أولا : أشرت إلى الكتلة الحجمية لمعلوماتك فقط ، باش نبين برك بلّي سبب زيادة حجم الماء عند التجمد يعود للكتلة الحجمية . الكتلة هو ما نسميه الوزن ، لأن في الفيزياء نستعمل العبارة "كتلة" ، و الوحدة اللي نستعملها هي الغرام و الأجزاء و المضاعفات نتاعها الكيلوغرام المليغرام ... ، أما الحجم فهو المكان الذي يشغله الجسم في الفضاء و نعبر عنه باللتر و أجزائها و مضاعفاتها أو بالمتر المكعب و أجزائه و مضاعفاته . فعلى سبيل المثال نقول حجم الماء 1 متر مكعب ، بمعنى خزان مكعب الشكل طول ضلعه 1 متر معمر بالماء . و يساوي أيضا 1000 لتر . و بتعبير آخر الحجم يدل على الضخامة ، فنقول مثلا : الفيل حجمه كبير ، أي جسمه ضخم ، و قطعة السكر حجمها صغير . كما نستعمل أيضا كلمة الحجم عن الأواني التي يمكن أن نضع فيها أشياء ، بمعنى السعة ، فنقول حجم القارورة يساوي 1 ل أو 1 دسيمتر مكعب و الخزان المائي سعته أو حجمه 3000 لتر أو 3 متر مكعب . إذن الحجم نعبر به عن المحتوي و المحتوى أما الكتلة الحجمية فهي وزن مادة معينة بالنسبة إلى وحدة حجم ، كما قلت من قبل الكتلة الحجمية للماء هي 1 غرام للسنتيمتر المكعب ، أي كل 1 سنتيمتر مكعب من الماء وزنه 1 غرام ، و تبقى الكتلة الحجمية للمادة ثابتة ما لم تتغير طبيعتها الفيزيائية ، و لكن إذا تغيرت مثلما يحدث للماء عندما يتجمد ، فإن الكتلة الحجمية تتغير ، و هذا قانون فيزيائي . لكن ما يجب أن يتعلمه ابنك ليس السب في ازدياد حجم الماء عندما يتجمد ، يجب أن يعلم أن : الماء عندما يتجمد يزداد حجمه أما كتلته فتبقى ثابتة. و سأعطيك تجربة يستدل بها على زيادة حجم الماء عند تجمده و بقاء الكتلة ثابتة . يأخذ وعاء شفافا ( مثل كأس أو قارورة ماء بلاستيكية صغيرة ) و يملؤه إلى النصف بالماء و يعلم عليه بقلم اللباد feutre مستوى الماء ثم يأخذ كتلتها (الوزن ) ، يضع الوعاء في المجمد congelateur حتى يتجمد الماء بالكامل ( الوقت حسب قوة المجمد ) . يأخذ الوعاء لما يتجمد الماء و يلاحظ المستوى الذي وصل إليه الجليد ( أكيد أنه سيكون أعلى من العلامة التي وضعها ) ، ثم يزنه ليجد أن الكتلة لم تتغير . أنا ثاني ضحكت على روحي ، قلت في البداية رايح نهدر بالدارجة و بعدها لقيت روحي داخل في الفصحى إلى الأعماق . اعذريني مانيش موالف الهدرة بالدارجة ، قبايلية قبايلية قبايلية و في القسم فصحى فصحى فصحى ، الله غالب رايح نتدرب معاكم شوية على الدارجة . هه و الآن فهمتي و لاّ مازل ؟ و الله قادر نعاود لك الشرح حتى عشرين مرة . |
||||
|
2012-11-14, 08:10
|
رقم المشاركة : 6 | ||||
|
اقتباس:
علابالك يا الشيخ والله ما حسيت أنك تتكلم بالفصحى ... ما نعرف كي قتلي راح نتكلم بالدارجة أثرت فيا نفسيا و إلا وشيه؟؟؟ عموما أنا تالمون بسطت شرحك حسيتك فعلا تتكلم بالدارجة و فهمتك مليح مليح تقدر تقول بلي فهمت امليح امليح الفرق بين الكتلة و الحجم و طبعا مانيش راح اندوخلو راسو بهاد لكلام لكني انحب نكون مقتنعة بكلامي باش نقنعو بسهولة بالنسبة للتجربة أنا من قبل ركزتلو على الوزن و عندك لحق كون فهم الحجم راح يكون أفضل رانا بدينا التجربة اليوم و كي يجي على 11 راهو يكتشف بنفسه و راهو "يستنى بفارغ الصبر وش راح يصرا ...... تقول راح يخرجلو صاروخ من الكاس مش أقلاص هيهيهيه
بارك الله فيك يالشيخ و ربي يعطيك صحتك و عينيك و ربي يرفع قدرك ويعليك و يهنيك آمين |
||||
|
2012-11-14, 16:47
|
رقم المشاركة : 7 | ||||
|
اقتباس:
السلام عليكم و رحمة الله و بركاته
واش ؟؟؟ هذاك الصاروخ خرج و لاّ مازال ؟؟؟  نعم أختي ، الأطفال يهتمون كثيرا بتجاربهم و إنجازاتهم ، و ما يتوصلون إليه من حقائق سترسخ في أذهانهم مدة طويلة ، و على هذا كنا نقولوا أنا و الشيخ عمر الله يذكروا بالخير ، خليو الأطفال يجربوا ، ما عليش يخسروا لكن سيتعلمون من الأخطاء . أما قولك في المشاركة السابقة هو من كان يصر على إتمام الواجبات و المراجعة فأنا أحييه على هذا الإصرار و التفاني ، كما أحييك أنت اللي عودتيه على العمل ، المهم ما يجيش العمل فوق إرادته . بالنسبة للمعلمة التي تعطيهم واجبات كثيرة خصوصا الكتابية منها ، لازم تشوف شوية لقدرات التلاميذ ، صحيح أن تكليف التلاميذ بالأعمال المنزلية شئ إيجابي ، لأن البعض منهم لا يقومون بأدنى عمل إن لم يطلب منهم المعلم ذلك ، و لكن بهذا الكم الهائل من الأعمال نقول بزاف عليهم ، لأن هناك من الأطفال من لا يتلقى مساعدة و توجيه في البيت . و الطريقة المثلى للعمل في البيت حتى لا تتراكم الواجبات على بعضها ، أن يبدأ الطفل بما كلفه المعلم دون إبطاء أو تسويف ، و بعدها مراجعة الدروس في مواد التربية العلمية و الإسلامية و المدنية و التاريخ و الجغرافيا يوميا حتى لا يضطر للحفظ عند اقتراب الاختبارات ، ثم إنجاز تمارين أخرى اختيارية حسب الوقت المسموح . المهم ، لا تكثري من معاتبة نفسك ، فأنت أم و تريدين مصلحة أبنائك و لك كل الحق في ذلك ، و قد حققت معهم الكثير أين عجز الآخرون . إن شاء الله ستجنين ثمرة تعبك معهم . أصلح الله أولادك و أفرحك بهم و جعلهم قرة عينيك . لك مني جزيل الشكر على الدعوات . |
||||
|
2012-11-13, 23:35
|
رقم المشاركة : 8 | ||||
|
اقتباس:
ما هذا ؟؟؟ تريدين أن يصبح ابنك عالما في يوم واحد ؟ من الساعة الثانية إلى التاسعة و أنتم دراسة ؟ الكبار ما يديروهاش ، عندو الحق كي قالك كرهت حياتي .
و الله لوكان تدّي ولدك لـ disney land باش يلعب أو لأي أجمل مكان يلعب فيه الأطفال ، ما يقدر يصبر 7 سوايع ، تأكدي أختي أن مدة الدراسة و المراجعة إذا زادت عن الحد المعقول لن يستفيد منها في شئ ، بالعكس يصبح يتضايق منها . لا تظني أن الفائدة تكون بطول مدة المراجعة ، لكن بالمداومة و التكرار ، هناك الذكي من الأطفال يفهم منذ الوهلة الأولى ، و منهم من يحتاج للإعادة مرتين و منهم من يحتاج لأكثر من ذلك ، وهناك من لا يستوعب تماما فذاك متخلف ذهنيا . أذكر لك كلاما قاله لي معلمي منذ بضع سنين ( عمره الآن يقارب 100 سنة ) لما ذهبت لزيارته في بيته ، ما تقلقش روحك بزاف ، لولاد رايحين يفهمو سواء في أول يوم أو في الثاني أو في الثالث طال الزمن أو قصر كل حسب قدرته . و سأعطيك مثالا آخر : الأطفال في السنة الأولى يتعلمون الحروف و القراءة ، لكنهم لا يتعلمون كلهم دفعة واحدة ، فتجدين من يقرأ في الأسبوع الأول ، و هناك من يتمكن بعد شهر و آخر بعد شهرين ... المهم في نهاية السنة تجدين أغلب التلاميذ يقرؤون و القليل منهم يتعثرون في بعض الحروف المتشابهة . واش حبيت نقول لك ، روحي بشوية مع ولادك ، و لما ترين أنهم لم يستوعبوا شيئا في حصة واحدة ، عاوديها في الغد ، و إذا ما فهموش عاوديها مرة أخرى ، خلّي المعلومات تدخل في ريسانهم غييييير بالسياسة . تصبحين على خير . |
||||
|
2012-11-14, 07:58
|
رقم المشاركة : 9 | |||
|
السلام عليكم و رحمة الله تعالى و بركاته
يصبحك بالخير و الراحة و الهناء معلمي المحترم بارك الله فيك على النصيحة و راني كبرتها و درتها في إطار جميل و طبعتها و راني راح انغلفها و نعلقها والله انها نصيحة عزيزة و غالية و فوق العين و الراس خاصة و أنها جات من معلمي و معلمه ربي يحفظكم بما يحفظ به عباده الصالحين المخلصين آمين الشيخ عبد الناصر عندك الحق في كل كلمة قلتها و أنا طبعا موافقاتك و نستاهل تقولي أكثر من هكداك و نستاهل الضرب على راسي .... و لكن يا لوكان جيت أنا المذنبة راهو السنة الرابعة مع معلمته كان عندهم واجبات بزاف و حفاظة أكثر حتى أني ما راجعتلوش للإمتحان بالدراع ما أقنعتو أنه يراجع خميس و جمعة و سبت و رغم هاد قعد مصر انه يعاود يراجع العلمية لأنه غلط فيها الويكاند الي فات .... المهم حتى أني من عادتي نعطيهم وقت للراحة ما بين المراجعة لكنه ما خلانيش و قعد يصر أنه يكمل واجباتو .... كما أنه المعلمة ربي يهديها كثرتلهم الواجبات و ألزمتهم بحفظ سورة الليل كاملة مع شرحها و يستعرضوها اليوم " بحجة أنها انسات ماقلتلهمش نهار الأحد" يعني نستحمد لربي أنه كان حافظها من قبل ما غير راجعها يا الشيخ أنا مش نعطي لنفسي مبررات و راني مستعرفة بخطاي و راني نقول كون ما طاوعتوش و ألزمته بالراحة لكن والله هاداك هو الوقت ما كملنا واجبات الرياضيات في المضاعفات و الضرب في 10 و 100 و 1000 "بشرحهم" و تمرينات اللغة و امتحان منزلي في الفرنسية و زاد عليها كتب تعبير على وصف الجزائر "والله يا الشيخ جا ماشاء الله حبيت غير يقراهولكم" خاصة و أنه استعان بمجلة و انقل منها بعض المفردات ... و زاد لخص نص رحلة عصفورين "يتكلم عن الجزاير" لأنها قاتلهم ممكن نطلبه منكم حضروه و الشي الي عجبني أنه امس الصباح راح لمعلم و هو جارنا يدرس في مدرستو و دَبَر عليه أنه يكتبه على شكل نقاط لأنه كل النص مهم لذكره .... و مع كل هدا راجعنا العلمية تقريبا 6 دروس ....... على هك يا الشيخ راني طبعت الدرر انتاعك و رايحة نلصقهالو فوق المكتب باش يرحم روحو و يرحمنا معاه رغم أنه كاين حاجة في نفسي تقولي أنه هو و معلمته عندهم الحق لازم مداومة المراجعة ليس من أجل الإمتحانات و لكن لأنه معروف أن السنة الرابعة معمرة بزاف و لأنها الأساس للخامسة حتى أن جارتي تقولي الخامسة هي مجرد مراجعة للرابعة و الي ما درسش في الرابعة يتعب في الخامسة علابالي بلي كثرت بالهدرة ....... تقدر تقول راني انفرغ في قلبي مالي هيا تبقاو عى خير |
|||
|
2012-11-14, 09:02
|
رقم المشاركة : 10 | |||
|
السلام عليكم
شكرا وشكرا ....................................وشكرا ملقيت ما نقول ربي يرحم والديكم والله راني نزيد خفة يوم بعد يوم وراني نحس بلي عدت ما نغضبش ثم ثم المهم ابني قلتلو اكتب درسك واحدك راه بكى وبكى ........في الليل بعثتو لبابه زاد فهمو وقالو املي على روحك ..........كي بدى يكتب قعدت معاه وخبيت الورقة لي مزقتهالو كي خلص وريتلو الفرق ضحك اما بالنسبة اانتائج دى 8في اللغة خطا في (هم انتم) يكملو بيهم الجمل اما الرياضيات دى 8.5 غاط اكبر واصعر درتلو وحد الطريقة زتلو التمارين مازادش غلط مممرا كان ما يفرقش بيناتهم |
|||
|
2012-11-14, 11:07
|
رقم المشاركة : 11 | ||||
|
اقتباس:
يعطيك الصحة يا بنت اخليل والله غير فرحت بكلامك بزاف
ربي يحفظلك وليداتك و كملي بالصبر و الإستغفار كلشي يهون و ربي يكون في عوننا |
||||
|
2012-11-14, 16:55
|
رقم المشاركة : 12 | ||||
|
اقتباس:
و عليكم السلام و رحمة الله و بركاته
الحمد لله أختي على نعمه ، و الله إني لفرح لكل تقدم يحرزه أبنك ، و ضحكت لضحكته و كأني أراه أمامي ينظر إلى النجاح الذي حققه . وفقه الله و جعله قرة عينك . |
||||
|
2012-11-14, 21:29
|
رقم المشاركة : 13 | |||
|
السلام عليكم و رحمة الله تعالى و بركاته
شكرا يا الشيخ عبد الناصر على ردك ..... و إيه انْعَمْ الصاروخ طلع العجيبة أنهم كامل الأطفال حايرين .... و قاعدين غير مستعجبين ... تقولشي اكتشفو نضرية فيطاغورث .... و السنة الرابعة حب غير يعاود تمرينات العلمية لكني منعتو من المراجعة تماما اليوم حتان غدوة إذا كنا من الحيين بارك الله فيك يا الشيخ و ربي يسترك دنيا و آخرة و انحب انهني كل اخوتي بحلول العام الهجري الجديد و نتمنى من الله تعالى أنه يكون عام خير علينا و على أمة محمد و أنه ربي يرفع الضر على كل أمة محمد و ربي يلطف بخاوتنا في غزة و يرفع البلاء عليهم اللهم آمين    |
|||
|
2012-11-15, 20:50
|
رقم المشاركة : 14 | |||
|
السلام عليكم و رحمة الله تعالى و بركاته
أختي بنت اخليل هاد هوما التمرينات الي وجدتهم للتحضير للإمتحان الأول إن شاء الله تستفادي منهم العلمية  المدنية الإسلامية و بالنسبة لإبنك زوري هاد الصفحة تلقاي فيها مجموعة برامج لتعليم الحروف راح تسليه و يستفاد منها إن شاء الله و إذا ماعرفتيش تحملي قولينا https://www.djelfa.info/vb/showthread.php?t=1141628 و شوفي في الردود السابقة راني وضعت رابط لبرنامج راااائع يعلم الحروف و الأرقام و فيه ألعاب مسلية جدا أضن وضعتو للأخت مقدسية وهادو تمرينات التاريخ و الجغرافيا سنة رابعة إن شاء الله تستفادو يا سعاد لقيتي الفرنسية و إلا مازلتي |
|||
|
2012-11-19, 11:02
|
رقم المشاركة : 15 | ||||
|
علميني
اقتباس:
راني حملت قطار الحروف ابطال شطار بصح ماباوش يتفتحولي ارجوكي قوليلي كيفاش ندير  |
||||
| الكلمات الدلالية (Tags) |
| المعلم ؛ الأولياء |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
