الطبعة العاشرة لدورة الرقي بمدبرة منزل مثالية - الصفحة 22

وفاء سعاد · 2012-11-25, 09:10

اقتباس:

المشاركة الأصلية كتبت بواسطة it's me

صباح الخير عليكم كامل وشراهي احوالكم لاباس؟
وش نحكيلكم على تطبيقاتي تع البارح مادرت واااالو روحت عند المغرب هذاك وين وصلت للدار على 5.30 فطرت و من بعد درت دورة على البلاكار تاعي فرزتو طبقتو و خبيت الحوايج اللي جبتهم من عند الخياطة راكم تعرفو العروس و جرياتها مع الخياطات بالسيف لا كملتهملي
و من بعد راجعت لاختي سنة ثاللة متوسط اليوم بداو الامتحانات و رحت نرقد تعبت بزاف والله نحس في روحي كل بلاصة مني في جهة
لازمني ندي كاش سمانة راحة بش نرتاح شوية
يا مينة حنونتي انا نخدم عند شركة خاصة عندنا ويكاند غير جمعة و العطل كامل نخدمو البعرح عاشوراء و خدمنا محرم ثاني خدمنا ...الخ
شكرا لكم البنات و الله نحبكم كيما خواتاتي ربي يدومها علينا

اختي منى ربي يعاونك الشركات الخاصة قاعدة زي ليفومبير يمصو دم العبد والسلاك ماكان ماكان وعندك الحق رتحي شوية باه تقدري تخدمي واحنا رانى لاباس الساعة هادي راي مع الكوشمار تاع الاختبارات 2 ديسمبر كي يعديو نتنفس الصعداء

وفاء سعاد · 2012-11-25, 09:15

اختي بنت الخليل اا صراتلي في الصيف كيفك ودبرت علي جارتلي بواحد لبوماد اسمها ميكوسيد راهي تسوا 7الاف رخيسة وافيكاس جربيها وادعيلي

وفاء سعاد · 2012-11-25, 09:21

نبض الفؤاد ربي يخليلك بناتك راهم كبارو راكى متهنية منهم راني حابة نسقسيك صح البنات في عمر المراهقة يوليو يتمردو ومايخدوش الراى وتزيد العصبية لعندهم راهم مخوفيني لي عندهم البنات وكبارولهم قالولي بكل صراولنا هادو المشاكل

وفاء سعاد · 2012-11-25, 09:24

ام مريم الجزائرية ربي يكون في عونك الماشينة لا فزدت الشقى يزيد 50بالمية راهي تنحي غمة عل العبد ماتسهزايش اخدميها درك خير ماتولفي بلا بيها

نافلة · 2012-11-25, 10:21

السلام عليكم و رحمة الله تعالى و بركاته
كيراكم يا الفحلات
صباح الخير و الربح و الطمانينة و النشاط و الحيوية
أختي اريج المسك وين راكي ان شاء الله المانع خير .
اختي سندس انشاء الله تكوني تعافيتي.
اختي بنت خليل ان شاء الله تكوني لاباس و تحسنتي شوية.
اختي منى ربي يعاونك ياعزيزتي ياريت تحطيلنا الصور نتاع الحوايج لي خيطتيهم حبيت نشوفهم الا ما فيها احراج.
اختي مينة يعطيك الصحة على النشاط و نشاءلله تشوفي داركم و تلقليهم بخير عليهم لكيني مفهمتش واش تشوفي داركم من الشهر لشهر و لا واش و حبيتك تقوليلي على لحريرة العباسية كيفاه طيبوها و ياريت اطباق تقليدية ايضا.
اختي وفاء يعطيك الصحة على الحيوية و حبيت نقولك بلي ما تبينيش لوليداتك بلي فترة الاختبارات راهي دايرالك هاجس باش ما تنقليلهم الاحساس بالضغط لانو لي تحسيه نتي يحسوه هوما نظن راكي فاهمتني و راني عارفاتك بلي فحلة .
اختي ام مريم حبيت نقولك واش بها ماشينتك واش خسرلها بالضبط ياما الماشينة كي تحبس يحبس كلشي .
ام ملاك راكي درتي الصواب بقرارك ربي يوفقك .
حبيبتي جيجلية جيتي و جابك ربي راني نموت عليك و على اعمالك يعجبوني بزاف وخاصة راه عاجبني هاذاك الصدر نتاع الكروشي البرتقالي الي شكلو مربع ياريت ديري صفحة خاصة بالشرح لهذ الصدر وشكرا لكي.
اختي نبض الفؤاد شكرا لكي حبيبتي وحبيت نقولك كم حزب تقرئي في اليوم من القرءان الكريم.
اختي سمراء النيل صاحيتي ربي يخليك لوليداتك و يخلي هملك واش ماكاين حتى مرافق في البيض تدي دراري وتروحي فججي .وحبيت نسالك على القاطو واش نجحلك راني ناوية نديرو ومازال ماكتابش .
أختي سارة شدي في قرايتك راه باقي غير عدة اشهر و تكمل السنة ربي يوفقك وينجحك .

وفاء سعاد · 2012-11-25, 10:28

عندك الحق اختي فاطمة لازمني نتحكم في روحى ونزيد نقولك راهو الضغط مدايرينهولهم المعلمين انتاوعهم على خاطر اولادى قاريين ويعرفو باباهم ويقولولهم نسحقوكم انتم الاوائل عاى هاديك الضغط يزيد عليهم وعلي

it's me · 2012-11-25, 10:41

ربي يخليك فطومة حبيبتي
حبيت نوريلكم قشي بصح والله ماعندي بش نصورولكم اسمحولي
اذا لقيت كيفاش راني نحطو ماتخمميش

it's me · 2012-11-25, 10:51

حبيباتي حبيت نوريلكم وش خدمت و هي في الابيض

عجبتني الفكرة حبيت ندير ليا و خرجت كيما هاذي ..تع بنات و حاجة باهية اللي تعرف دير الكروشي ديرها لبناتها تفرحهم بيها

نافلة · 2012-11-25, 11:00

اختي وفاء ربي ينجحهم و يباركلك فيهم يارب .

نافلة · 2012-11-25, 11:05

اختي منى وعالاش ما تحاوليش تخدمي بعض الاشياء وحدك .

it's me · 2012-11-25, 11:09

اقتباس:

المشاركة الأصلية كتبت بواسطة فاطمة بشار

اختي منى وعالاش ما تحاوليش تخدمي بعض الاشياء وحدك .

فطوم حبيبتي خدمت تنورة قصيرة بالكروشي و نعاون ماما في حوايج بصح مانيش محترفة ههههه

نافلة · 2012-11-25, 11:28

ماعليش المهم الوحدة منا تكون عنها فكرة على كل شيء ولو بطريقة سطحية المهم تكون تعرف و تفهم باش نهار لي تحصل تسلكها

it's me · 2012-11-25, 11:32

اقتباس:

المشاركة الأصلية كتبت بواسطة فاطمة بشار

ماعليش المهم الوحدة منا تكون عنها فكرة على كل شيء ولو بطريقة سطحية المهم تكون تعرف و تفهم باش نهار لي تحصل تسلكها

عندك الحق على الاقل يكون عندنا فكرة من كل حاجة كيما يقولو من كل روض زهرة

نافلة · 2012-11-25, 12:13

اين انتي باسندس سندس سندس سندس سندس سندس سندس سندس سندس سندس سندس سندس سندس سندس سندس سندس سندس سندس سندس سندس.
و انت ايضا يا ليلى ليلى ليلى ليلى ليلى ليلى ليلى ليلى ليلى ليلى ليلى ليلى ليلى ليلى ليلى ليلى ليلى ليلى ليلى ليلى .

فراشات العمر · 2012-11-25, 12:31

سلام لحبيبات
راكي سخفتينا يا منى نسخف نديرهم بصح رجليا مشقعين نديرلهم التقاشر بصح كيف كيف